އެމްއެމްޕީއާރުސީ ރިޕޯޓު އެބައޮތް، ހާމަކުރާނަން: ނަޝީދު

Apr 18, 2022, 4:07 PM
ރައްޔިތުންގެ މަޖިލީހުގެ ރައީސް މުހައްމަދު ނަޝީދު ބޭއްވި ނޫސްވެރިންގެ ބައްދަލުވުމެއްގެ ތެރެއިން. ވިދާޅުވީ އޮޅުން އަރާނަމަ އެމްއެމްޕީއާރުސީގެ ރިޕޯޓު ހިއްސާކުރައްވާނެ ކަމަށް --- ފޮޓޯ: ހުސައިން ޝަޔާހު/އަދަދު

ރައްޔިތުންގެ މަޖިލީހުގެ ރައީސް މުހައްމަދު ނަޝީދު ބޭއްވި ނޫސްވެރިންގެ ބައްދަލުވުމެއްގެ ތެރެއިން. ވިދާޅުވީ އޮޅުން އަރާނަމަ އެމްއެމްޕީއާރުސީގެ ރިޕޯޓު ހިއްސާކުރައްވާނެ ކަމަށް --- ފޮޓޯ: ހުސައިން ޝަޔާހު/އަދަދު

އެމްއެމްޕީއާރުސީ މެދުވެރިކޮށް ހިންގި ބޮޑު ހިޔާނާތާ ގުޅޭ ރިޕޯޓު އެބައޮތް ކަމަށާއި "އޮޅުން އަރާ ކަމަށް ވާނަމަ" އެ ރިޕޯޓު ހިއްސާ ކުރައްވާނެ ކަމަށް ރައްޔިތުންގެ މަޖިލީހުގެ ރައީސް އަދި އެމްޑީޕީގެ ރައީސް މުހައްމަދު ނަޝީދު ވިދާޅުވެއްޖެ އެވެ.

އެމްޑީޕީގެ ސަރުކާރެއްގައި އެމްއެމްޕީއާރުސީގެ ފައިސާ ލިބުނު މީހުން ތިބި ކަމަށް ބުނެ ނަޝީދު ގެންދަވަނީ ސަރުކާރަށް ފާޑު ވިދާޅުވަމުންނެވެ. އަދި، އެ މައްސަލައާ ގުޅިގެން ކުރިއަށް ގެންދިޔަ ތަހުގީގުތަކުން މިހާތަނަށް އެކަށީގެންވާ ނަތީޖާ ނެރެވިފައި ނުވާތީ ވެސް ނަޝީދުގެ ފާޑުކިޔުން ސަރުކާރަށް އަމާޒުވެފައިވެ އެވެ.

މިއަދު އެމްޑީޕީގެ ގައުމީ މަޖިލީހަށް ފޮނުއްވި މެސެޖުތަކެއްގައި ނަޝީދު ވަނީ އެމްއެމްޕީއާރުސީގެ ކޮރަޕްޝަން ހިމެނޭހެން ދައުލަތުން ހިންގާފައިވާ ކޮރަޕްޝަންތައް ތަހުގީގު ކުރަން ރައީސް އިބްރާހިމް މުހައްމަދު ސޯލިހު އެކުލަވާލި އެސެޓު ރިކަވަރީ ކޮމިޝަނުން "ވަރަށް ރަނގަޅު މަސައްކަތްތަކެއް" ކޮށްފައިވާ ކަމަށް ވިދާޅުވެފަ އެވެ.

Advertisement

"އޭގައި ހުރީ ދެން އިތުރަށް ތަހުގީގުކުރަން ވި މީހުންނާއި އަދި ޝަރީއަތަށް ފޮނުވަންވީ މައްސަލަތައް،" އެ ރިޕޯޓާ ގުޅޭގޮތުން ނަޝީދު ވިދާޅުވި އެވެ.

އަދި، އެމްޑީޕީގެ މެމްބަރުންނަށް އެ މައްސަލައާ ގުޅޭގޮތުން އޮޅުންތައް އަރާނަމަ އެކަން ސާފުކޮށްދިނުމަށް ރިޕޯޓު ހިއްސާކުރައްވާނެ ކަމަށް ވެސް ނަޝީދު ވިދާޅުވި އެވެ. އެއީ، ރައީސް ސޯލިހުއަށް އެސެޓު ރިކަވަރީ ކޮމިޝަނުން ހުށަހެޅި ރިޕޯޓު ކަމަށް ވެސް ނަޝީދު ވިދާޅުވި އެވެ.

"އެމްޑީޕީގެ ގައުމީ މަޖިލިސް މެމްބަރުންނަށް، މަޖިލިސް މެޖޯރިޓީ ޕާޓީއަށް މިހާ ބޮޑު އޮޅުމެއް އަރާނަމަ ގައުމީ މަޖިލިސް އިން މިކަމުގައި އިސްނަގަން ފެނޭ،" މިއަދު ގައުމީ މަޖިލީހަށް ފޮނުއްވި މެސެޖެއްގައި ނަޝީދު ވިދާޅުވެފައިވެ އެވެ.

ނަޝީދު މި ވިދާޅުވެފައިވާ ރިޕޯޓުގެ އިތުރުން ފުލުހުންނާއި، އޭސީސީ އަދި އެސެޓު ރިކަވަރީ ކޮމިޝަން ގުޅިގެން އެކުލަވާލި ރިޕޯޓެއް މަޖިލީހުން އާންމުކުރި އެވެ. އަދި، އެ ލިސްޓު މެއި 12، 2021 ގައި ރައްޔިތުންގެ މަޖިލީހުން އާންމުކުރި އެވެ.

އެސެޓު ރިކަވަރީ ކޮމިޝަނުން އެކުވާލި ރިޕޯޓު މިހާތަނަށް ހާމަކޮށްފައެއް ނުވެ އެވެ. އެމްއެމްޕީއާރުސީ މައްސަލާގައި އެކަށީގެންވާ ކުރިއެރުންތަކެއް ހޯދިފައި ނުވަނިކޮށް މިދިޔަ މާޗް 17، ގައި ވަނީ އެސެޓު ރިކަވަރީ ކޮމިޝަން އުވާލާފަ އެވެ.

ކޮމެންޓް

ފަހުގެ ޚަބަރު

ރަސްމާލޭގެ ބަދަލު ދޭނީ މެންބަރުންނާއި ވެރިންގެ މުދަލުން: ފައްޔާޒު

ފައްޔާޒު ވަނީ މި މަޝްރޫއަށް މަގުފަހިކުރަން ހުށަހަޅާފައިވާ ބިލަކީ ގާނޫނުއަސާސީއާ ހިލާފަށް، ބޭރުގެ ފަރާތްތަކަށް ރާއްޖޭގެ ބިންތައް ދާއިމީކޮށް މިލްކުވާ ގޮތަށް އޮތް ބިލެއް ކަމަށް ވިދާޅުވެފަ. އަދި މިނިވަން ކޯޓެއް އޮތް ނަމަ ވުޖޫދުކުރަން އުޅޭ ގާނޫނާއީ ބިލު ވެސް ބާތިލުކުރާނެ ކަމަށް އޭނާ ވިދާޅުވި.

ކްރެކް ނުކުރެވިގެން ޖުމާންގެ ފޯނު ރާއްޖެއިން ބޭރަށް ފޮނުވަނީ

ޓެރަރިޒަމްގެ ތުހުމަތުގައި ހައްޔަރުކުރި އަލީ ޖުމާންގެ ފޯނު ހުޅުވަން އޭނާ އިންކާރުކުރުމުން، އެ ފޯނު ތަހުލީލުކުރުމަށް ރާއްޖެއިން ބޭރަށް ފޮނުވުމުގެ މަސައްކަތް ފުލުހުން ދަނީ ކުރަމުން. ސޯޝަލް މީޑިއާގައި ހުޅުޖެހުމަށާއި މުދަލަށް ގެއްލުންދޭން ހިތްވަރުދިން ކަމުގެ ތުހުމަތު އޮތް ޖުމާން، ބަންދުގައި ބެހެއްޓުމަށް ކޯޓުން ވަނީ އިތުރު 15 ދުވަސް ދީފަ.

މިއީ މިހާރު ހަމަ ކާޓޫނަކަށް ވެއްޖެ: ނަޝީދު

ނަޝީދު ވަނީ މި މައްސަލައިގައި ސަރުކާރަށް ފާޑުވިދާޅުވަމުން ވެރިކަމަށް ވަޑައިގަތީ ރައީސް ޔާމީންގެ ނަންފުޅު ބޭނުންކުރައްވައިގެން ކަމަށާއި، ނަމަވެސް މިހާރު ޔާމީނާއި ތަޖުރިބާކާރު ބޭފުޅުން އެއްކައިރިކޮށްފައިވާ ކަމަށް ވެސް ތުހުމަތުކުރައްވާފަ.

ނުރައްކާވާ މިންވަރަށް އުތުރާއި މެދުރާއްޖެއަށް ދުންފުހުގެ އަސަރު

ސިއްހަތަށް ނުރައްކާވާ މިންވަރަށް މާލެއާއި ކުޅުދުއްފުއްޓަށް ދުންފުނީގެ އަސަރުކޮށް، ވައި ނުސާފުވެފައިވާތީ ރައްކާތެރިކަމުގެ ފިޔަވަޅުތައް އެޅުމަށް އެޗްޕީއޭއިން ވަނީ އިލްތިމާސްކޮށްފައި. މެޓް އޮފީހުން ލަފާކުރާ ގޮތުގައި ކުރިއަށް އޮތް ދުވަސްތަކުގައިވެސް ރާއްޖޭގެ އެކި ސަރަހައްދުތަކަށް ދުންފުނީގެ އަސަރު ފޯރާނެ.

އީގަލް ހިލްސްއާއެކު ސޮއިކުރި ކޮމާޝަލް ޓާމްސް އެގްރީމެންޓެއް ނެތް

މި މައުލޫމާތު ހޯދަން "އަދަދު" ނޫހުން އެދުމުން މިނިސްޓްރީން ޖަވާބު ދިނީ އެއީ އެ މިނިސްޓްރީން ބަލަހައްޓާ މައުލޫމާތު ނޫން ކަމަށާއި، މަޝްރޫއުގެ މައިގަނޑު އެއްބަސްވުމުގައި އަދި ސޮއިނުކުރާ ކަމަށް ބުނެ އެވެ.

ނޮވެމްބަރު 26، ގައި އެމްޑީޕީން މަގުމައްޗަށް ނުކުންނަނީ

ރަސްމާލެ މަޝްރޫޢުގެ ބޮޑު ބައެއް ބޭރު ކުންފުންޏަކަށް ދޫކޮށްލުމާ ގުޅޭގޮތުން ރައްޔިތުންގެ ފެންނަ ނުފެންނަ ވޯޓެއް ނެގުމަށް ގޮވާލައި، މި މަހުގެ 26 ގައި މަގުމައްޗަށް ނުކުމެ އިހުތިޖާޖުކުރަން އެމްޑީޕީން ވަނީ ނިންމާފައި. އެ ޕާޓީން ބުނާގޮތުގައި މި މަޝްރޫޢަކީ ރައްޔިތުންނަށް ސާފުނުވާ ގިނަ ކަންތައްތަކެއް ހުރި މަޝްރޫއެއް.

މުއިއްޒު އަންނަ މަހު ބަންގްލަދޭޝްއަށް ވަޑައިގަންނަވަނީ

ރައީސް މުޙައްމަދު މުޢިއްޒު އަންނަ ޑިސެމްބަރު މަހުގެ 13 ވަނަ ދުވަހު ބަންގްލަދޭޝްއަށް ފުރަމާނަ ދަތުރުފުޅެއް ކުރެއްވުމަށް ވަނީ ހަމަޖެހިފައެވެ. ތިން ދުވަހުގެ މި ދަތުރުފުޅުގައި ދެ ގައުމުގެ ގުޅުން ބަދަހިކުރުމަށާއި، ރާއްޖޭގައި އުޅޭ ބަންގްލަދޭޝް މަސައްކަތްތެރިންގެ ހައްގުތަކާ ގުޅޭގޮތުން މަޝްވަރާކުރުމަށް ވަނީ ރޭވިފައެވެ.

Newsletter

Get the latest news delivered straight to your inbox