މި އަހަރުގެ ރޯދަ މަހަށް މޯލްޑިވްސް އިސްލާމިކް ބޭންކު (އެމްއައިބީ)ން ފެށި "އުޖާލާ ޕްރޮމޯޝަން" އަށް ކަސްޓަމަރުންގެ ފަރާތުން ބޮޑު ތަރުހީބެއް ލިބެމުން އަންނަ ކަމަށް އެ ބޭންކުން ބުނެފި އެވެ.
އުޖާލާ ޕްރޮމޯޝަނަށް ލިބެމުންދާ ތަރުހީބާ ގުޅިގެން އެމްއައިބީގެ ޕީއާރު އޮފިސަރު އަހުސަން ޖަމީލު "އަދަދު" މި ނޫހަށް ވިދާޅުވީ ގިނަ ބަޔަކު އުޖާލާ ސްކީމުގައި ބައިވެރިވަމުން އަންނަ ކަމަށެވެ. އަދި، މިހާރު ވެސް ގިނަ ފޯމުތަކެއް ޕްރޮސެސް ކުރަމުން އަންނަ ކަމަށް ވިދާޅުވި އެވެ.
"އަދިވެސް ފުރުސަތު އެބައޮތް. ވީހާވެސް ގިނަ ބަޔަކު ބައިވެރިވާން އެދެނީ" އޭނާ ވިދާޅުވި އެވެ.
އަގުބޮޑު އިނާމުތަކާ އެކު ފެށި މި ޕްރޮމޯޝަނުގައި، އެމްއައިބީގެ "އުޖާލާ ދިރިއުޅުން" ސްކީމުގެ ދަށުން އެއް ފަހަރާ 25،000ރ. އަށް ވުރެ ގިނަ މުދާ ގަންނަ ކަސްޓަމަރުންނަށް ބައިވެރިވެވޭނެ އެވެ. މި ޕްރޮމޯޝަނުގައި ކޮންމެ ބްރާންޗަކަށް ކޯޓޭޝަން ހުށަހެޅި ނަމަވެސް ބައިވެރިވެވެ އެވެ.
ޕްރޮމޯޝަންގެ އިނާމުތައް
- ހޮންޑާ ސްކޫޕީ ސައިކަލެއް
- އެޕަލް އައިފޯނު 13 ޕްރޯ މެކްސްއެއް
- އިންޗި ޓީވީއެއް
މި ޕްރޮމޯޝަން ކުރިޔަށް ދާނީ މެއި 1 ވަނަ ދުވަހާ ހަމައަށެވެ.
އުޖާލާ ދިރިއުޅުމަކީ ކޮބާ؟
"އުޖާލާ ދިރިއުޅުން" ފައިނޭންސް ފެސިލިޓީއަކީ ވަޒީފާއެއްގައި އުޅޭ 18 އަހަރުން މަތީގެ ކޮންމެ ދިވެއްސަކަށް ބޭނުންކުރެވޭ ޕްރޮޑަކްޓެކެވެ.
މި ސްކީމުގެ ދަށުން 400،000ރ. އާ ހަމައަށް މުދާ ގަނެވޭ އިރު، އެ މީހަކަށް މުދާ ނެގޭނެ ލިމިޓް ކަނޑައަޅަނީ މުސާރައިގެ އިތުރުން ކުއްޔާއި، އެހެނިހެން ގޮތްގޮތުން ލިބޭ އާމްދަނީ ވެސް ހިމަނައިގެންނެވެ.
އުޖާލާ ދިރިއުޅުން ސްކީމުގެ ދަށުން ރާއްޖޭގެ ގިނަ ފިހާރަތަކަކުން މުދާ ނެގޭނެ އެވެ. ފައިނޭންސިން އެހެން ސްކީމްތަކާ ހިލާފަށް މި ސްކީމުގައި ފައިސާ ދައްކަން ބޭނުންވާ މުއްދަތު 18 މަހާއި 48 މަހާ ދެމެދުގެ މުއްދަތެއްގެ ތެރެއިން ކަސްޓަމަރު ބޭނުންވާ މުއްދަތެއް ވެސް ހިޔާރުކުރެވެ އެވެ.
މި ފެސިލިޓީގެ ދަށުން ލިބޭ ފައިސާގެ ލިމިޓް ހަ މަސް ވަންދެން ބޭނުންކުރެވެ އެވެ. އެ މުއްދަތުގައި ބޭންކަށް ހަމައެކަނި ކޯޓޭޝަން ހުށަހެޅުމުން ދުވަހުން ދުވަހަށް މުދާ ލިބޭނެ އެވެ.
މި ސަބަބުތަކާ ހުރެ، އުޖާލާ ދިރިއުޅުން ސްކީމަކީ މިވަގުތު ބާޒާރުގައި ހުރި ކޮންސިއުމާ ފައިނޭންސް ޕްރޮޑަކްޓަކްޓުތަކުގެ ތެރެއިން އެންމެ މަގުބޫލު ޕްރޮޑަކްޓެވެ.
