ރޫނީ ދެއްކި ވާހަކަ ރޮނާލްޑޯ އަށް ކަމަކުނުދިޔަ

Apr 7, 2022, 4:57 PM
ޑާބީގެ ކޯޗަކަށް ހުރި ޔުނައިޓެޑްގެ ކުރީގެ ފޯވާޑް ވޭން ރޫނީ (ވ) އާއި ޔުނައިޓެޑްގެ މިހާރުގެ ތަރި ރޮނާލްޑޯ.

ޑާބީގެ ކޯޗަކަށް ހުރި ޔުނައިޓެޑްގެ ކުރީގެ ފޯވާޑް ވޭން ރޫނީ (ވ) އާއި ޔުނައިޓެޑްގެ މިހާރުގެ ތަރި ރޮނާލްޑޯ.

ލަންޑަން (އޭޕްރީލް 7) - ސްކައިސްޕޯޓްސްގެ "މަންޑޭ ނައިޓް ފުޓްބޯލް" (އެމްއެންއެފް) ޝޯގައި މެންޗެސްޓާ ޔުނައިޓެޑްގެ ކުރީގެ ފޯވާޑް އަދި ޑާބީ ކައުންޓީގެ މިހާރުގެ ކޯޗު ވޭން ރޫނީ ދެއްކި ބައެއް ވާހަކަތަކާ މެދު ޔުނައިޓެޑްގެ ތަރި ކްރިސްޓިއާނޯ ރޮނާލްޑޯ ނުރުހުންވެއްޖެ އެވެ.

އެމްއެންްއެފްގެ ހޯސްޓް، ޑޭވިޑް ޖޯންސް ވަނީ ޝޯގެ ތެރެއިން ޔުނައިޓެޑްގެ މި ވަގުތުގެ ހާލަތާއި ރޮނާލްޑޯގެ އެނބުރި އައުމާ ބެހޭގޮތުން ރޫނީ ދެކޭގޮތެއް ހިއްސާކުރަން ބުނެފަ އެވެ.

ޖަވާބުގައި ރޫނީ ވަނީ ޔުނައިޓެޑްގެ މި ވަގުތު ހާލަތާއި މުސްތަގުބަލުގައި ޓީމު ރަނގަޅު މިސްރާބަށް ގެންދާނަމަ ކުރަން ޖެހޭ ކަންތައްތަކެއް ކިޔައިދީފަ އެވެ.

"ރަނގަޅަށް ވިސްނާފައި ބުނާނަމަ ކްލަބަށް އެންމެ ރަނގަޅު ގޮތަކަށް ނޫން އެކަން (ރޮނާލްޑޯ އެނބުރިއައުން) މި އޮތީ. އޭނަ (ރޮނާލްޑޯ) ވަރަށް މުހިންމު ގޯލުތަކެއް ޖަހައިފި ޗެމްޕިއަންސް ލީގުގައި ދެން، ޕްރިމިއާ ލީގުގައި ޓޮޓެންހަމް ކޮޅަށް ހެޓްރިކެއް ހަދައިފި،" ރޫނީ ބުންޏެވެ.

ޔުނައިޓެޑްގެ މެޗެއްގެ ތެރެއިން ރޮނާލްޑޯ.--- ފޮޓޯ: އޭއެފްޕީ

"އެކަމަކު، އަހަރެންގެ ނަޒަރުގައި ކްލަބްގެ މުސްތަގުބަލަށް ވިސްނާ ކަމަށްވާ ނަމަ ޖެހޭނީ، ޒުވާން، ކާމިޔާބު ހޯދަން ފެންބޮވައިގަނެފައި ހުރި ކަހަލަ މަސައްކަތްކުރާ ކުޅުންތެރިންނާ އެކު ކުރިއަށްދާން އެއީ ކުރިއަށް އޮތް ދެ ތިން އަހަރު ތެރޭ ޔުނައިޓެޑް ކުރިއަރާނެ ގޮތަކީ. ގަބޫލުކުރަން ޖެހޭނެ ކަަމަކީ ރޮނާލްޑޯ އެ ހުރީ އޭނާގެ އުމުރުން 20 އަހަރުގެ ތެރޭގައި ކުޅުނު ލެވަލްގައެއް ނޫންކަން،"

ރޫނީ ބުނީ ރޮނާލްޑޯ އަކީ ލަނޑު ޖެހުމަށް ބަލާއިރު ކޮންމެ ޓީމަކަށް ވެސް ވަރަށް ބޭނުންތެރި، އިދިކޮޅު ޓީމަށް ނުރައްކާ ބޮޑު ކުޅުންތެރިއެއް ކަމަށެވެ. އެކަމަކު، ޔުނައިޓެޑް މި ވަގުތު އޮތް ހިސާބުން ކުރިއަށްގެންދާނަމަ ބޭނުންވަނީ ޒުވާން ކުޅުންތެރިން ލައިގެން މަސައްކަތް ކުރުން ކަމަށް ރޫނީ ވަނީ ބުނެފަ އެވެ.

ޝޯގައި އެހެން ސުވާލަކަށް ޖަވާބު ދެމުން ރޫނީ ވަނީ ޔުނައިޓެޑުން ޕައުލް ޕޮގްބާގެ ކޮންޓްރެކްޓް އާ ނުކުރުމަކީ ވެސް ރަނގަޅު ނިންމުމެއް ކަމަށް ބުނެފަ އެވެ.

ރޫނީ ކޮށްފައިވާ ޕޯސްޓަށް ރޮނާލްޑޯ ކޮށްފައިވާ ކޮމެންޓް.

އެމްއެންއެފްގެ ޝޯގެ ތެރެއިން ރޫނީ އާއި ހޯސްޓް ޑޭވިޑް އަދި އެނަލިސްޓް، ޖޭމީ ކެރެގާ އެކުގައި ނަގާފައިވާ ފޮޓޯއެއް ރޫނީ ވަނީ އޭނާގެ ރަސްމީ އިންސްޓަގްރާމް އެކައުންޓްގައި ހިއްސާކޮށްފަ އެވެ. އެ ފޮޓޯ އަށް ރޮނާލްޑޯ ވަނީ ކޮމެންޓްކޮށްފަ އެވެ. ރޮނާލްޑޯ ލިޔެފައިވަނީ "ޓޫ ޖެލަސް" މިހެނެވެ.

އިނގިރޭސި މީޑިއާތަކުން ރިޕޯޓްކޮށްފައިވާ ގޮތުގައި ރޮނާލްޑޯ ހުރީ ރޫނީ ޝޯގައި ދެއްކި ވާހަކަތަކާ މެދު ހިތްހަމަނުޖެހިފަ އެވެ. އަދި ރޮނާލްޑޯގެ އެ ކޮމެންޓަކީ ރޫނީ އެ ޝޯގައި ދެއްކި ވާހަކަތަކާ މެދު ނުރުހުންވެގެން ކޮށްފައިވާ ކަމެއް ކަމަށް ބައެއް މީޑިއާތަކުން ރިޕޯޓްކޮށްފައިވެ އެވެ.

ރޮނާލްޑޯ، އިންސްޓަގްރާމްގައި ކުރި ކޮމެންޓާ ބެހޭގޮތުން މިއަދު ކުރިއަށް ދިޔަ ނޫސްވެރިންގެ ބައްދަލުވުމެއްގެ ތެރެއިން ރޫނީއާ ސުވާލުުކުރުމުން ދިނީ މަޖާޒީ ޖަވާބުތަކެކެވެ.

ރޫނީ ބުނީ ލިއޮނަލް މެސީ ފިޔަވައި ރޮނާލްޑޯ ދެކެ "ޖެލަސް" ނުވާނެ ކުޅުންތެރިއަކު ހުންނާނެހެން ހީނުވާ ކަމަށެވެ. އެއީ ރޮނާލްޑޯ އަތުގައި އޮތް ރެކޯޑްތަކާއި ހޯދާފައިވާ ތަށިތަކާއި އެވޯޑްތަކުގެ އިތުރުން ރޮނާލްޑޯގެ ހަށިގަނޑު ހުރީ މާ ފުރިހަމަކޮށް ކަމަށްވާތީ އެވެ.

2006 ވަނަ އަހަރުގެ ވޯލްޑް ކަޕްގެ ކުއާޓާ ފައިނަލްގައި އިންގްލެންޑާއި ޕޯޗުގަލް ކުޅުނު މެޗުގެ ތެރެއިން.

ރޫނީ އާއި ރޮނާލްޑޯ އެއްކޮށް ޔުނައިޓެޑަށް ކުޅުނުއިރުގައި ވެސް މައްސަލަ ޖެހުނެވެ. އެއީ ޖަރުމަނުގައި 2006 ވަނަ އަހަރު ބޭއްވި ވޯލްޑް ކަޕްގެ ކުއާޓާ ފައިނަލްގައި ޕޯޗުގަލް އާއި އިންގްލެންޑް ކުޅުނު މެޗުގައި ރޫނީ އަށް ރަތް ކާޑު ދެއްކުމުގައި ރޮނާލްޑޯގެ ދައުރު އޮތުމުންނެވެ.

އެ މެޗުގައި ރޫނީ އާއި ޕޯޗުގަލްގެ ރިކާޑޯ ކަވާލިއޯ ބޯޅަ ހޯދަން އުޅުމުގެ ތެރޭގައި ރޫނީ ފައިން ކަވާލިއޯ ފައިވަޅު ކައިރިއަށް އެރުނެވެ. ފައުލު ހިނގިތަނަށް އައިސް ތަނަށް އައިސް ރޮނާލްޑޯ ވަނީ ރޫނީ އަށް ކާޑު ދައްކަން ޖެހޭ ކަމަށް ރެެފްރީ ކައިރީގައި އެޕީލްކޮށްފަ އެވެ. ދެ ޓީމުގެ ކުޅުންތެރިން ބޮނޑިވެފައި އޮތް ވަގުތުގައި ރޫނީ އައިސް ރޮނާލްޑޯ މެއިގައި އަތްއަޅުވާލުމަށް ފަހު ކޮށްޕައިލަ އެވެ. ފަހުން ރެފްރީ ވަނީ ރޫނީ އަށް ރަތް ކާޑެއް ދައްކައިފަ އެވެ. އެ ފަހަރު ރޫނީ އާއި ރޮނާލްޑޯގެ ދެމެދުގައި މައްސަލަ ހައްލުކުރީ އޭރު ޔުނައިޓެޑްގެ ކޯޗު އެލެކްސް ފާގަަސަން އެވެ. އެއީ އިނގިރޭސި މީޑިއާގައި ރޫނީ އާއި ރޮނާލްޑޯ ދެން އެއް ޓީމަކުން ނުފެންނާނެ ކަމަށް މީޑިއާގައި ވާހަކަ ދެކެވިފައިވަނިކޮށެވެ.

ކޮމެންޓް

ފަހުގެ ޚަބަރު

ބްރޭކްތައް އަންނަ ގޮތުން "ލީގުގެ ފީލްއެއް ނީނދޭ": އާތީ

ދިވެހި ޕްރިމިއާ ލީގު މެދުކަނޑާލަން ޖެހުމުން ކުޅުންތެރިންގެ ފިޓްނަސް އާއި ޕާފޯމަންސަށް އަސަރުކޮށް، ލީގުގެ އަސްލު ފޯރި ނުލިބޭ ކަމަށް ޓީސީގެ ކޯޗު އާތީ ބުނެފި. އާތީ ފާހަގަކުރި ގޮތުގައި ގިނަ ދުވަސްތަކެއްގެ ބްރޭކްތަކުގެ ސަބަބުން ޓީމުތަކުގެ ކޮންޓިނިއުޓީ ގެއްލި، މެޗުތަކަށް ތައްޔާރުވުމުގައި ބޮޑެތި ގޮންޖެހުންތަކެއް ކުރިމަތިވޭ

ފީފާގެ އިންތިހާބުގައި އަރަބިންގެ ތާއީދު އިންފަންޓީނޯ އަށް

އަންނަ އަހަރު ބާއްވާ ފީފާގެ އިންތިހާބުގައި މިހާރުގެ ރައީސް ޖިއާނީ އިންފަންޓީނޯއަށް ތާއީދުކުރުމަށް 22 ގައުމު ހިމެނޭ އަރަބް ފުޓްބޯޅަ ޔޫނިއަން (ޔޫއޭއެފްއޭ) އިން ނިންމައިފިއެވެ. އިންފަންޓީނޯއާ އެކު ޖުމްލަ ތިން ކެންޑިޑޭޓުން ވާދަކުރާ މި އިންތިހާބުގައި، އޭޝިއާ އާއި އެފްރިކާގެ ގައުމުތަކުގެ ބޮޑު ތާއީދަކާއެކު އޭނާއަށް މަގާމު ދިފާއުކުރުމުގެ ފުރުސަތު ބޮޑުކަމަށް ބެލެވެއެވެ. ފީފާގެ އާ ރައީސަކު ހޮވުމަށް ވޯޓުލުން އޮންނާނީ އަންނަ އަހަރުގެ މާޗް މަހު މޮރޮކޯގައި ބާއްވާ ފީފާ ކޮންގްރެސްގައެވެ.

އިންޑިއާގެ ލެޖެންޑުން ފުޓްބޯޅަ ރައީސްގެ ޝަކުވާ ސަރުކާރަށް

އިންޑިއާގެ ފުޓްބޯޅަ ފެޑެރޭޝަންގެ ރައީސް ކަލްޔާން ޗޯބޭގެ އިތުބާރު ނެތްކަމުގެ މައްސަލަ، ބައިޗުން ބުޓިއާ ހިމެނޭހެން އެ ގައުމުގެ 14 ލެޖެންޑުން ސްޕޯޓްސް މިނިސްޓަރަށް ހުށަހަޅައިފި. މި ސިޓީގައި ފާހަގަކޮށްފައިވަނީ ފެޑެރޭޝަންގެ މާލީ ހާލަތު ގޯސްވެ ބަނގުރޫޓުވަމުންދާ ކަމަށް

ސުޒޭނާއި މޯހަންގެ ދުލުން: ބަދުނަސީބާއި ހައްލެއްގެ ވާހަކަ!

ސަރަހައްދުގެ އެހެން ގައުމުތަކުން ބޭރުގައި އުޅޭ އެ ގައުމުތަކުގެ ދަރިފަސްކޮޅުގެ ކުޅުންތެރިންނަށް ރަށްވެހިކަން ދީގެން ގައުމީ ޓީމުތައް ވަރުގަދަކުރަމުންދާއިރު، ރާއްޖެއަށް އެ ފުރުސަތު ކުޑަކަމަށް ކުރީގެ ކޯޗުން ފާހަގަކުރެއެވެ. މިކަމުގެ ސަބަބުން ރާއްޖޭގެ ފުޓްބޯޅައަށް ކުރިމަތިވެފައިވާ ގޮންޖެހުންތަކަށް ހައްލެއް ހޯދުމަށް އެކަށީގެންވާ ނިޒާމެއް ނެތްކަމުގެ ކަންބޮޑުވުން ވަނީ ފާޅުކޮށްފައެވެ.

ވޭގާގެ ނަމެއް ނެތް، ފީފާ އިންތިހާބުގައި ތިން ކެންޑިޑޭޓުން!

އަންނަ އަހަރު ބާއްވާ ފީފާގެ އިންތިހާބުގައި ވާދަކުރާ ތިން ކެންޑިޑޭޓުންގެ ނަން އިއުލާނުކުރިއިރު، ކުރީގެ ކުޅުންތެރިޔާ ރަމޮން ވޭގާގެ ނަން ޝަރުތު ހަމަނުވުމުގެ ސަބަބުން ވަނީ ބާކީވެފައި. މި އިންތިހާބުގައި ވާދަކުރައްވަނީ މިހާރުގެ ރައީސް އިންފަންޓީނޯގެ އިތުރުން ފްރާންސްގެ ފިލިޕޭ ޑިއާލޯ އަދި ޖަޕާނުގެ ކޯޒޯ ޓަޝީމާ

އަނިޔާއިން ރަނގަޅުވެ އިލާން އެނބުރި އަންނަން ތައްޔާރު

ކަކުލަށް ލިބުނު އަނިޔާއަކާ ގުޅިގެން ދެ މަހެއްހާ ދުވަހު ކުޅުމާ ދުރުގައި ހުރުމަށްފަހު، މާޒިޔާގެ ފޯވާޑް މުހައްމަދު އިލާން އިމްރާން އަލުން ކުޅުމަށް އެނބުރި އަންނަން ތައްޔާރުވެއްޖެ. މި އަނިޔާގެ ސަބަބުން އިލާނަށް ސާފް ޗެމްޕިއަންޝިޕާއި ލީގުގެ މުހިންމު މެޗުތަކެއް ގެއްލުނު ނަމަވެސް، އޭނާ މިހާރު ވަނީ ފަރިތަކުރުންތަކުގައި ބައިވެރިވާން ފަށާފައި

ފީފާ އިން ނޭޕާލްގެ ސަސްޕެންޝަން އުވާލަނީ؟

ފީފާގެ އެންގުންތަކަށް ބޯނުލެނބުމުގެ ސަބަބުން ނޭޕާލް ފުޓްބޯޅަ ފެޑެރޭޝަނަށް ދީފައިވާ ސަސްޕެންޝަން، ކުރިއަށް އޮތް މަހެއްހާ ދުވަސް ތެރޭގައި އުވާލާނެ ކަމަށް ނޭޕާލުން ވަނީ ބުނެފައި. މި ސަސްޕެންޝަން އުވާލުމަށް ނޭޕާލް ސަރުކާރުގެ މަންދޫބުން ފީފާ އާއި އޭއެފްސީއާ އެކު މަޝްވަރާކޮށްފައި

Newsletter

Get the latest news delivered straight to your inbox