މިންތީގެ ހަމަހަމަކަން ގާއިމުކުރަން އެކްޝަން ޕްލޭނެއް ނެރެފި

ކޮންސްޓްރަކްޝަން މަސައްކަތެއްގައި އަންހެނަކާއި ފިރިހެނެއް؛ 2026 ވާންވާއިރަށް ރާއްޖޭގައި ވަޒީފާއެއް ނެތި އުޅޭ އަންހެނުންގެ އަދަދު ހަތަރު ޕަސަންޓަށް ތިރިކުރުމަށް ޖެންޑާ މިނިސްޓްރީން ވަނީ އަމާޒުހިފައިފަ. ފޮޓޯ: މުހައްމަދު ޝާބިން/އަދަދު

ކޮންސްޓްރަކްޝަން މަސައްކަތެއްގައި އަންހެނަކާއި ފިރިހެނެއް؛ 2026 ވާންވާއިރަށް ރާއްޖޭގައި ވަޒީފާއެއް ނެތި އުޅޭ އަންހެނުންގެ އަދަދު ހަތަރު ޕަސަންޓަށް ތިރިކުރުމަށް ޖެންޑާ މިނިސްޓްރީން ވަނީ އަމާޒުހިފައިފަ. ފޮޓޯ: މުހައްމަދު ޝާބިން/އަދަދު

ކުރިޔަށް އޮތް ފަސް އަހަރުތެރޭ މިންތީގެ ހަމަހަމަކަން ހާސިލުކުރުމަށް އަމާޒުތަކެއް ކަނޑައަޅާ ނެޝަނަލް ޖެންޑާ އިކުއަލިޓީ އެކްޝަން ސަރުކާރުން އިއްޔެ އިފްތިތާހުކޮށްފި އެވެ.

އެ އެކްޝަން ޕްލޭން ނެރުނީ އަންހެނުންގެ ދުވަހުގެ މުނާސަބަތު ފާހަގަކުރުމަށްޓަކައި ރޭ ޖެންޑާ މިނިސްޓްރީން ބޭއްވި ހާއްސަ ހަފްލާއެއްގަ އެވެ. ޖެންޑާ މިނިސްޓްރީއާ ޔޫއެންޑީޕީ މޯލްޑިވްސް ގުޅިގެން ތައްޔާރުކުރި އެ ޕްލޭންގައި ވަނީ ޖުމްލަ ފަސް ޕޮލިސީ ގޯލްތަކެއް ނުވަތަ ލަނޑުދަނޑިތަކެއް ހާސިލުކުރުމަށް ކަނޑައަޅައި ނިންމައިފަ އެވެ.

ލީޑަޝިޕާއި ގަވަނަންސްގެ ދާއިރާ އާއި އިގްތިސާދީ ގޮތުން ބާރުވެރިކުރުވުމާއި މިންތީގެ ގޮތުން ދެވޭ އަނިޔާ ހުއްޓުވުމާއި އަދުލު އިންސާފަށް ވާސިލުވުމަށް ހާއްސަ ޕޮލިސީ ލަނޑުދަނޑިތަކެއް އެ އެކްޝަން ޕްލޭނުގައި ވަނީ ކަނޑައަޅައިފަ އެވެ.

އޭގެން ކޮންމެ ލަނޑުދަނޑިއެއްގައި ވެސް ރާއްޖޭގައި މިހާރު އެ ދާއިރާތަކުން ކަންކަން ހުރި ހާލަތާއި 2026 ވަނަ އަހަރާއި ހަމަޔަށް އެ ދާއިރާތަކުން ހާސިލުކުރުމަށް މަސައްކަތްކުރާ އަމާޒުތައް ކަނޑައަޅާފައިވެ އެވެ.

އެގޮތުން އަދުލުއިންސާފަށް ވާސިލުވެވޭ މިންވަރު އިތުރުކުރުމާއި ގުޅޭ ލަނޑުދަނޑީގައި ވަނީ ގެވެށި އަނިޔާގެ މައްސަލަތަކުގައި ދައުވާކޮށް މައްސަލަ ބެލޭ މިންވަރު 30 ޕަސަންޓަށް އިތުރުކުރުމަށް ކަނޑައަޅައިފަ އެވެ. އަދި އަދުލުއިންސާފުގެ ނިޒާމުގައި މަސައްކަތްކުރާ އަންހެން ގާޒީންނާއި މެޖިސްޓްރޭޓުންގެ އަދަދު 11 ޕަސަންޓުން 15 ޕަސަންޓަށް އިތުރު ކުރުމަށް ވެސް ވަނީ ހިމަނައިފަ އެވެ.

ވަކި ޖިންސަކަށްވީތީ ކުރާ އެކި ކަހަލަ އަނިޔާތައް ހުއްޓުވުމަށްޓަކައި ކަނޑައެޅި ލަނޑުދަނޑީގައި ވަނީ ރާއްޖޭގައި އަންހެނުން ހިތާނުކުރުމުގެ އަމަލުތައް 2026 ވަނަ އަހަރަށް މުޅިން ނައްތާލުމަށް އަޒުމް ކަނޑައަޅައިފަ އެވެ.

އޭގެ އިތުރުން، ރާއްޖޭގެ ވޯކްފޯހުގައި އަންހެނުން ހިމެނޭ އަދަދު 45 ޕަސަންޓުން 60 ޕަސަންޓަށް އިތުރުކުރުމަށް އިގްތިސާދީ ގޮތުން ބާރުވެރިކުރުމާއި ގުޅޭ ލަނޑުދަނޑީގައި ވަނީ އެކްޝަން ޕްލޭނުގައި ހިމަނައިފަ އެވެ. އަދި އޭގެ އިތުރުން ވެސް ވަޒީފާގައި ނޫޅޭ އަންހެނުންގެ އަދަދު 4.8 ޕަސަންޓުން ހަތަރު ޕަސަންޓަށް ތިރިކުރުމަށް ވެސް ހިމަނާފައިވެ އެވެ.

އެކްޝަން ޕްލޭންގެ ލީޑަޝިޕާއި ގަވަނަންސްގެ ދާއިރާއިން ކަނޑައެޅި ލަނޑުދަނޑިތަކުގެ ތެރޭގައި ރައްޔިތުންގެ މަޖިލީހުގައި އަންހެނުންގެ ބައިވެރިވުން 4.6 ޕަސަންޓުން 33 ޕަސަންޓަށް އިތުރުކުރުމަށް ވެސް ވަނީ ހިމަނައިފަ އެވެ. އަދި ވަޒިފާގެ މާހައުލުގައި މެނޭޖަރު ފެންވަރުގެ މަގާމުތަކުގައި މަސައްކަތްކުރާ އަންހެނުންގެ އަދަދު 22 ޕަސަންޓުން 33 ޕަސަންޓަށް އިތުރުކުރުމަށް ވެސް ވަނީ ހިމަނައިފަ އެވެ.

އެ އެކްޝަން ޕްލޭނަކީ، ރާއްޖެއިން ބައިވެރިވާ ބައިނަލްއަގްވާމީ ކޮންވެންޝަންތަކާއި ދެމެހެއްޓެނިވި ތަރައްގީގެ ލަނޑުދަނޑިތަކުގައި ހިމަނާފައިވާ އެކި އަމާޒުތަކަށް ވާސިލުވުމަށް އެހީތެރިވެދޭނެ ޕްލޭނެއް ކަމަށް ޖެންޑާ މިނިސްޓްރީން ބުނެ އެވެ.

ކޮމެންޓް

ފަހުގެ ޚަބަރު

ދިރާގު ރޯޑް ރޭސް 5،500އަށްވުރެ ގިނަ ދުވުންތެރިންނާއެކު ބާއްވައިފި

ދިރާގު މޯލްޑިވްސް ރޯޑް ރޭހުގެ 17 ވަނަ އެޑިޝަން 5،500 އަށްވުރެ ގިނަ ދުވުންތެރިންނާއެކު ހުޅުމާލެ ސެންޓްރަލް ޕާކުގައި ވަނީ ބާއްވާފައެވެ. މި ދުވުމުގެ ލައިވް އަޕްޑޭޓްތަކާއި، ނަތީޖާ އަދި ދުވުންތެރިންގެ ރޭންކިންގ ބަލައިލުމުގެ ފުރުސަތު ދިރާގުން ވަނީ ޚާއްޞަ މޮބައިލް އެޕްލިކޭޝަނެއް މެދުވެރިކޮށް ފަހިކޮށްދީފައެވެ.

ޕީއެންސީގެ މެންބަރުންގެ އަދަދު ލައްކައަކަށްވުރެ ދަށަށް

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އެރިތާ 24 ގަޑިއިރު ނުވަނީސް، އަލުން އެ އަދަދު ލައްކައަކަށް ވުރެ ދަށަށް ގޮސްފިއެވެ. އިދިކޮޅު ފަރާތްތަކުން ތުހުމަތުކުރާ ގޮތުގައި މި އަދަދު ހަމަކުރުމަށްޓަކައި ވަޒީފާގެ ބިރުދެއްކުމާއި ރިޝްވަތުގެ ގޮތުގައި ފައިސާ ބޭނުންކޮށްފައިވެއެވެ. އީސީގެ ތަފާސްހިސާބުތަކުން ދައްކާގޮތުގައި އެ ޕާޓީގެ މެންބަރުންގެ އަދަދު މިހާރު ވަނީ 99,930 އަށް ތިރިވެފައެވެ.

ރަސްމާލޭގެ ޑީލުގައި ސޮއިނުކުރަން އެދި އަލައްބާރަށް ސިޓީއެއް

ރަސްމާލެ މަޝްރޫއުގެ މިހާރުގެ ޝަރުތުތަކާއި ގާނޫނުއަސާސީއާ ފުށުއެރުންތަކެއް ހުރި ކަމަށާއި، އެކަމުގައި އެކަށީގެންވާ ގޮތެއްގައި ރައްޔިތުންގެ ހިޔާލު ހޯދާފައި ނުވާތީ، ދެން އަންނަ ސަރުކާރަކުން ވެސް މި މަޝްރޫއުގެ އެއްބަސްވުން އަލުން މުރާޖައާކުރުމަށް ނުވަތަ އެއްކޮށް ބާތިލުކުރުމުގެ ފުރުސަތު އޮތް ކަމަށް އެ ސިޓީގައި ބުނެފައިވޭ.

"ރަސްމާލެ މައްސަލައިގައި މުއިއްޒު ވަނީ އަނގަވަތަށް ވެއްޓިފައި"

ރަސްމާލެ މަޝްރޫއަކީ ރާއްޖޭގެ ސިޔާދަތަށް އުނިކަންލިބޭ، ބޭރުގެ ފަރާތްތަކަށް ބިން ދިނުމަށް ހިންގާ ހީލަތްތެރި ރޭވުމެއް ކަމަށް ވިދާޅުވެ ކުރީގެ ރައީސް ޔާމީން ސަރުކާރަށް ވަރަށް ބޮޑަށް ފާޑުވިދާޅުވެއްޖެއެވެ. މި މަޝްރޫއުގެ ސަބަބުން ރައީސް މުއިއްޒު ރައްޔިތުންގެ ކުރިމަތީގައި ބޭޒާރުވެފައިވާ ކަމަށާއި، މި ސަރުކާރަށް ދެވަނަ ދައުރެއް ރައްޔިތުން ނުދޭނެ ކަމަށް ޔާމީން ވިދާޅުވިއެވެ.

ރަސްމާލެ ދޫކޮށްލުމާ ދެކޮޅުވެރިކަމެއް ނެތްކަމުގެ އިޝާރާތެއް

ރަސްމާލެއިން ބައެއް ބޭރުގެ ކުންފުންޏަކަށް ދޫކޮށްލުމާ ދެކޮޅު ހަދަނީ މަދު ބަޔަކު ކަމަށާއި، ދިވެހިން އަބަދުވެސް އިސްކުރަނީ ގައުމީ ތަރައްގީކަން މުއިއްޒު ފާހަގަކުރެއްވި. މީގެކުރިންވެސް ރާއްޖެއަށް އައި ބޮޑެތި ބަދަލުތަކާ ބައެއް މީހުން ދެކޮޅު ހެދި ނަމަވެސް، ގިނަ ރައްޔިތުން ތާއީދުކުރީ ގައުމީ ކުރިއެރުމަށްކަން އެމަނިކުފާނު ބަޔާންކޮށްދެއްވި.

ހުލާސާކޮށް އިއްޔެ: ސިޔާސީ ޕާޓީތަކުގެ ދަފްތަރަށް އައި ބޮޑު ބަދަލު

ޕީއެންސީގެ މެންބަރުންގެ އަދަދު އެއްލައްކައަށް އެރުމާއެކު، ޖުމްހޫރީ ޕާޓީ އާއި އަދާލަތު ޕާޓީ ފަދަ ދުވަސްވީ ޕާޓީތަކުން ގިނަ އަދަދެއްގެ މެންބަރުންނާއި އިސް ބޭފުޅުން ވަނީ ވަކިވެފައެވެ. މީގެ އިތުރުން، ރަސްމީ ޖަލްސާތަކުގެ ޕްރޮޓޮކޯލަށް ބަދަލުތަކެއް ގެނެސްފައިވާއިރު، ރަސްމާލެ މަޝްރޫއާ ގުޅޭގޮތުން އިލްމުވެރިންނާއި ސިޔާސީ ފަރާތްތަކުގެ މެދުގައި ވަނީ ޚިޔާލުތަފާތުވުންތަކެއް އުފެދިފައެވެ.

ވަޒީފާގެ ބިރުދައްކައިގެން އެއްލައްކަ މެންބަރުން ހަމަކޮށްފި

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އަރާފައިވާއިރު، މިއީ ވަޒީފާގެ ބިރުދައްކައިގެންނާއި ރިޝްވަތު ދީގެން ހޯދި އަދަދެއް ކަމަށް ވަނީ ތުހުމަތުކުރެވިފައި. އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި މިދިޔަ އަހަރާ އަޅާބަލާއިރު އެ ޕާޓީގެ މެންބަރުންގެ އަދަދު ވަނީ 26،000 އަށްވުރެ އިތުރުވެފައި.

Newsletter

Get the latest news delivered straight to your inbox