ބަނގުރަލާ އެކު ރޭ ހައްޔަރުކުރި ދެ މީހުންގެ ބަންދުގެ މުއްދަތު ކްރިމިނަލް ކޯޓުން މިއަދު ޖަހައިފި އެވެ.
އޭގެ ތެެރެއިން އެކަކު ބަންދުކުރީ 10 ދުވަހަށެވެ. އަނެއް މީހާ ބަންދުކުރީ ފަސް ދުވަހަށެވެ. އިތުރު ތަފްސީލެއް މިވަގުތު ދޭން ފުލުހުން އުޒުރުވެރިވެ އެވެ.
ރޭ ހައްޔަރުކުރި ދެ މީހުންގެ ތެރެއިން އެކަކަކީ ސިފައިންގެ މީހެކެވެ.
މި ދެމީހުން ހައްޔަރު ކުރީ ފުލުހުންގެ ޑްރަގް އެންފޯސް ޑިޕާޓްމަންޓުން ހިންގި އޮޕަރޭޝަނެއްގެ ތެރެއިން ރޭ 8:30 ކަށްހާއިރު އެވެ. އެ ދެ މީހުން ދިރިއުޅޭ ގެ ބަލާ ފާސްކޮށް، ގިނަ އަދަދެއްގެ ބަނގުރާ ފުލުހުން ހޯދާފައިވެ އެވެ. އެގޮތުން ފުލުހުން ވަނީ 11 ފޮށިގަނޑާއި ދަބަހެއް އަތުލައިގެންފަ އެވެ.
ސިފައިންގެ މީހާ ހައްޔަރުކުރި ކުރުމާ މެދު ސިފައިންގެ އިން ވަކި އެއްޗެއް އަދި ނުބުނެ އެވެ.
