މަރުވެފައި އޮތް މީހެއް ހދ. ހިރިމަރަދޫ ގޮނޑުދޮށުން ފެނިއްޖެ އެވެ.
މި މީހާ ފެނިގެން ފުލުހުންނަށް ރިޕޯޓުކޮށްފައި ވަނީ އިއްޔެ މެންދުރު 13:30 ގައި ކަމަށް ފުލުހުން މައުލޫމާތު ދެ އެވެ.
މަރުވެފައި އޮއްވާ ފެނިފައި ވަނީ އުމުރުން 71 އަހަރުގެ އަންހެނެއް ކަމަށާއި އޭނާ މަރުވެފައި އޮއްވާ ފެނިފައިވަނީ ގޮނޑުދޮށުގެ ރާޅު ޖަހާ ސަރަހައްދުން ކަމަށް ފުލުހުން ހާމަކުރި އެވެ.
Advertisement
މިކަމާ ގުޅިގެން އިތުރަށް ކުރަންޖެހޭ ތަހުގީގުތައް ފުލުހުން މިހާރު ދަނީ ކުރަމުންނެވެ.
މިހާތަނަށް ބެލި ބެލުމުން މަރުވެފައި އޮއްވާ ފެނުނު މީހާގެ ހަށިގަނޑުގެ އެއްވެސް ހިސާބަކުން ޒަހަމެއް ފެންނާކަށް ނެތެވެ.
