އެފްރިކަން ކަޕް: ޕެނަލްޓީ ޖަހައިގެން އައިވަރީ ކޯސްޓު ބަލިކޮށް މިސްރު ކުއާޓާ އަށް

Jan 26, 2022, 7:06 PM
މިސްރު މޮޅުވި ޕެނަލްޓީ ޖެހުމަށް ފަހު ސަލާހު އުފާފާޅުކުރަނީ.-- ފޮޓޯ: އޭއެފްޕީ

މިސްރު މޮޅުވި ޕެނަލްޓީ ޖެހުމަށް ފަހު ސަލާހު އުފާފާޅުކުރަނީ.-- ފޮޓޯ: އޭއެފްޕީ

ޑުއާލާ، ކެމަރޫން (ޖެނުއަރީ 26) - އެފްރިކަން ކަޕް އޮފް ނޭޝަންސްގައި މިރޭ ޕެނަލްޓީ ޖަހައިގެން 5-4 އިން އައިވަރީ ކޯސްޓް ބަލިކޮށް މިސްރު މުބާރާތުގެ ކުއާޓާ ފައިނަލުން ފުރުސަތު ހޯދައިފި އެވެ.

މިރޭގެ މެޗުގެ ފުރިހަމަ ވަގުތާއި އިތުރު ވަގުތުގެ ދެ ހާފްގެ ކުޅުން ނިމުނުއިރު، މިސްރާއި އައިވަރީ ކޯސްޓް އޮތީ ލަނޑެއް ނުޖެހި އެއްވަރުވެފަ އެވެ. ޕެނަލްޓީގައި މިސްރު މޮޅުވީ އައިވަރީ ކޯސްޓަށް އެއް ޕެނަލްޓީ ނާކާމިޔާބުވުމުންނެވެ. ކުއާޓާ ފައިނަލުގައި މިސްރުން ކުޅެން ޖެހޭނީ މޮރޮކޯއާ ދެކޮޅަށެވެ.

މިރޭ މެޗު ފަށައިގެން ދެ ޓީމުގެ ފަރާތުން ވެސް ހަމަހަމަ ކުޅުމެއް ފެނިގެންދިޔައިރު، ފުރަތަމަ ނުރައްކާތެރި ހަމަަލާ ފޮނުވާލީ މިސްރުގެ ފޯވާޑް އޮމާރް މާމޫޝް އެވެ. އޭނާ ޖެހި ޝޮޓް ބޭރުވީ ހުރަސްދަނޑީގައި ޖެހިފަ އެވެ. އޭގެ ފަހުން މިސްރުގެ ކެޕްޓަން މުހައްމަދު ސަލާހު ޖެހި ބޯޅަ އާއި އެ ޓީމުގެ މުސްތަފާ މުހައްމަދު ފޮނުވާލި ހަމަލާ ހުއްޓުވީ އައިވަރީ ކޯސްޓުގެ ކީޕަރު ބަދުރާ އަލީ ސަންގާރޭ އެވެ.

Advertisement

ފުރަތަމަ ހާފުގައި އައިވަރީ ކޯސްޓުގެ މިޑްފީލްޑަރު ފްރޭންކް ކެސިއޭ އަށް އަނިޔާވެގެން ބަދަލުކުރަން ޖެހުނުއިރު، އެ ޓީމުން ވެސް ވަނީ ގޯލަށް އަމާޒުކޮށް ރަނގަޅު ދެ ޝޮޓެއް ފޮނުވާލައިފަ އެވެ. އެ ގޮތުން އިބްރާހިމް ސަންގާރޭ، އޭރިއާތެރެއިން އެކްރަބެޓިކް ކިކަކުން ފޮނުވާލި ބޯޅަ އާއި ސަބެސްޓިއަން އަލެއާ ފޮނުވާލި ހަމަލާ މިސްރުގެ ކީޕަރު މުހައްމަދު އަލްޝަނާވީ ވަނީ މަތަކޮށްފަ އެވެ.

މިސްރުން ދެ ވަނަ ހާފުގައި އެ ޓީމުގެ ތަރި ސަލާހަށް ދޭ ބޯޅަތައް ގިނަކޮށްގެން، އެޓޭކްކުރެވޭތޯ ބެލި ނަމަވެސް ގޯލެއް ޖެހޭ ގޮތެއްނުވި އެވެ. ބަދަލު ކުޅުންތެރިއެއްގެ ގޮތުގައި ކުޅެން އަރައި އައިވަރީ ކޯސްޓްގެ ވިލްފްރިއެޑް ޒަހާ ވެސް ގޯލެއް ޖެހޭތޯ ބެލި އެވެ. އެކަމަކު، އޭނާ އަށް ވެސް އެކަން ކާމިޔާބެއްނުވި އެވެ.

މެޗުގެ 88 ވަނަ މިނިޓްގައި މިސްރުގެ ކީޕަރު އެލްޝަނާވީ އަށް އަނިޔާވެގެން އޭނާގެ ބަދަލުގައި ދެ ވަނަ ކީޕަރު މުހައްމަދު އަބޫގަބާލް (ގަބާސްކީ) ކުޅެން އެރި އެވެ. އައިވަރީ ކޯސްޓަށް ގޯލެއް ޖަހައިދޭން ސަންގާރޭ އޭރިއާބޭރުން ޖެހި ބޯޅަ ކީޕަރު ގަބާސްކީ ވަނީ މަތަކޮށްފަ އެވެ.

އިތުރު ވަގުތުގެ ދެ ހާފްގެ ކުޅުން ނިމުނުއިރު ވެސް އެއްވަރުވެފައި އޮތުމުން ނަތީޖާ ނެރެން ޖެހީ ޕެނަލްޓީ އެވެ.

ދެ ޓީމުން ފޮނުވާލި ޕެނަލްޓީތަކުގެ ތެރެއިން ނާކާމިޔާބުވީ އައިވަރީ ކޯސްޓްގެ ޑިފެންޑަރު އެރިކް ބާއީ ޖެހި ޕެނަލްޓީ އެވެ. ބާއީ ޖެހި ޕެނަލްޓީ ކީޕަރު ގަބާސްކީ ވަނީ މަތަކޮށްފަ އެވެ. އައިވަރީ ކޯސްޓުން ޕެނަލްޓީތައް ކާމިޔާބުކުރީ ސަންގާރޭ، ޒަހާ، މެކްސްވެލް ކޯނޭޓް އަދި ނިކޮލަސް ޕެޕޭ އެވެ. މިސްރުގެ ފުރަތަމަ ހަތަރު ޕެނަލްޓީ ޖެހީ ހަމްދީ ފާތީ، މުހައްމަދު އަލްމޮނެއިމް، އަބޫ އަލް ފަތޫހު، ޒިޒޯ އެވެ. މިސްރު މޮޅުވި ޕެނަަލްޓީ ވައްދާލީ ސަލާހު އެވެ.

ކުއާޓާގެ މެޗުތަކަށް ބަލާއިރު، ފުރަތަމަ މެޗުގައި ބުރްކީނާ ފާސޯ ކުޅޭނީ ޓިއުނީޝިއާއާ އެވެ. ދެ ވަނަ ކުއާޓާ ފައިނަލުގައި ސެނެގޯލް ކުޅޭނީ އިކުއޭޓްރަލް ގިނީއާ އެވެ. ތިން ވަނަ ކުއާޓާ ފައިނަލުގައި ގެމްބިއާ އާއި ކެމަރޫން ކުޅޭއިރު، ކުއާޓާ ފައިނަލްގެ ފަހު މެޗުގައި މިސްރު ބައްދަލުކުރާނީ މޮރޮކޯއާ އެވެ.

ކޮމެންޓް

ފަހުގެ ޚަބަރު

ވޭގާގެ ނަމެއް ނެތް، ފީފާ އިންތިހާބުގައި ތިން ކެންޑިޑޭޓުން!

އަންނަ އަހަރު ބާއްވާ ފީފާގެ އިންތިހާބުގައި ވާދަކުރާ ތިން ކެންޑިޑޭޓުންގެ ނަން އިއުލާނުކުރިއިރު، ކުރީގެ ކުޅުންތެރިޔާ ރަމޮން ވޭގާގެ ނަން ޝަރުތު ހަމަނުވުމުގެ ސަބަބުން ވަނީ ބާކީވެފައި. މި އިންތިހާބުގައި ވާދަކުރައްވަނީ މިހާރުގެ ރައީސް އިންފަންޓީނޯގެ އިތުރުން ފްރާންސްގެ ފިލިޕޭ ޑިއާލޯ އަދި ޖަޕާނުގެ ކޯޒޯ ޓަޝީމާ

އަނިޔާއިން ރަނގަޅުވެ އިލާން އެނބުރި އަންނަން ތައްޔާރު

ކަކުލަށް ލިބުނު އަނިޔާއަކާ ގުޅިގެން ދެ މަހެއްހާ ދުވަހު ކުޅުމާ ދުރުގައި ހުރުމަށްފަހު، މާޒިޔާގެ ފޯވާޑް މުހައްމަދު އިލާން އިމްރާން އަލުން ކުޅުމަށް އެނބުރި އަންނަން ތައްޔާރުވެއްޖެ. މި އަނިޔާގެ ސަބަބުން އިލާނަށް ސާފް ޗެމްޕިއަންޝިޕާއި ލީގުގެ މުހިންމު މެޗުތަކެއް ގެއްލުނު ނަމަވެސް، އޭނާ މިހާރު ވަނީ ފަރިތަކުރުންތަކުގައި ބައިވެރިވާން ފަށާފައި

ފީފާ އިން ނޭޕާލްގެ ސަސްޕެންޝަން އުވާލަނީ؟

ފީފާގެ އެންގުންތަކަށް ބޯނުލެނބުމުގެ ސަބަބުން ނޭޕާލް ފުޓްބޯޅަ ފެޑެރޭޝަނަށް ދީފައިވާ ސަސްޕެންޝަން، ކުރިއަށް އޮތް މަހެއްހާ ދުވަސް ތެރޭގައި އުވާލާނެ ކަމަށް ނޭޕާލުން ވަނީ ބުނެފައި. މި ސަސްޕެންޝަން އުވާލުމަށް ނޭޕާލް ސަރުކާރުގެ މަންދޫބުން ފީފާ އާއި އޭއެފްސީއާ އެކު މަޝްވަރާކޮށްފައި

އެފްއޭއެމްގެ އޮފިޝަލެއް ނެތް، ޓްރޮފީއާ ހަވާލުވީ ނޫސްވެރިއެއް!

ބަންގްލަދޭޝްގައި ބޭއްވި ސާފް ޗެމްޕިއަންޝިޕްގެ ފެއާ ޕްލޭ ޓްރޮފީ ރާއްޖެއަށް ލިބުނުއިރު، އެފްއޭއެމްގެ އޮފިޝަލަކު ނެތުމުން އެއާ ހަވާލުވީ ދިވެހި ނޫސްވެރިއެއް. އެފްއޭއެމް އިން ބުނި ގޮތުގައި ޓްރޮފީ ލިބޭކަން ސާފް އިން އެންގީ ވަރަށް ކުޑަ ވަގުތުކޮޅެއް އޮއްވާ ކަމަށާއި، ނޫސްވެރިއަކު ސްޓޭޖަށް އެރީ ސާފްގެ އޮފިޝަލުން އެދިގެން

އިންފަންޓީނޯގެ ޝަރުތު ހަމަވޭތޯ ގާނޫނީ ގޮތުން ބެލި

ފީފާގެ ރައީސްކަމަށް ހަތަރުވަނަ ދައުރަކަށް ކުރިމަތިލައްވާފައިވާ ޖިއާނީ އިންފަންޓީނޯގެ ޝަރުތު ހަމަވޭތޯ އިނގިރޭސި އެފްއޭއިން ގާނޫނީ ގޮތުން ބަލައިފި. ފީފާ ކައުންސިލުން ނިންމާފައިވަނީ އިންފަންޓީނޯގެ ފުރަތަމަ ދައުރަކީ ބާކީ އޮތް މުއްދަތެއް ފުރިހަމަކުރުން ކަމަށްވާތީ، އޭނާއަށް އިތުރު ދައުރަކަށް ކުރިމަތިލެވޭނެ ކަމަށް

އުމުރުން 38 އަހަރުގައި މަޓާ ފުޓްބޯޅަ ކުޅުން ހުއްޓާލައިފި

ސްޕެއިނާއެކު ވޯލްޑް ކަޕާއި ޔޫރޯ ކާމިޔާބުކޮށް، ޗެލްސީ އާއި މެންޗެސްޓާ ޔުނައިޓެޑް ފަދަ ބޮޑެތި ކްލަބްތަކަށް ކުޅުނު ހުއާން މަޓާ އުމުރުން 38 އަހަރުގައި ފުޓްބޯޅަ ކުޅުން ހުއްޓާލައިފިއެވެ. ކުޅުމުން ރިޓަޔާކުރި ނަމަވެސް، ކުރިއަށް އޮތް ތަނުގައިވެސް ފުޓްބޯޅައިގެ ދާއިރާއިން ފެންނާނެ ކަމަށް އޭނާ ވަނީ ބުނެފައެވެ.

ޕާކިސްތާން ފުޓްބޯޅަ ކުރިއަރާނީ ޕްރޮފެޝަނަލް ލީގެއް އޮވެގެން

ޕާކިސްތާން ފުޓްބޯޅަ ކުރިއެރުވުމަށްޓަކައި އެ ގައުމުގައި ވަރުގަދަ ޕްރޮފެޝަނަލް ލީގެއް އޮތުން މުހިންމު ކަމަށް ގައުމީ ކޯޗު ނޮލްބާޓޯ ސޮލާނޯ ބުނެފި. އޭނާ ފާހަގަކުރި ގޮތުގައި ހަމައެކަނި ބޭރުގައި ކުޅޭ ކުޅުންތެރިންނަށް ބަރޯސާވުމުގެ ބަދަލުގައި، ލޯކަލް ކުޅުންތެރިން ކުރިއެރުވޭނީ ގަވާއިދުން ކުޅޭނެ ލީގެއް އޮވެގެން

Newsletter

Get the latest news delivered straight to your inbox