ޕެނަލްޓީ ނާކާމިޔާބުވި މައްސަލައިގައި ޑިއާޒަށް މޮރޮކޯގެ މާފެއް ނެތް

Jan 20, 2026, 5:11 AM
ޕެނަލްޓީ ނާކާމިޔާބުވި މައްސަލައިގައި ޑިއާޒަށް މޮރޮކޯގެ މާފެއް ނެތް

ރަބަތު، މޮރޮކޯ (ޖެނުއަރީ 20) - އެފްރިކަން ކަޕް އޮފް ނޭޝަންސް ފައިނަލުގެ ފަހު ވަގުތު މޮރޮކޯ އަށް މުބާރާތް ކާމިޔާބުކޮށްދޭން ލިބިފައި އޮތް ޕެނަލްޓީ އެ ޓީމުގެ ބްރަހިމް ޑިއާޒް އަތުން ބޭކާރުވި މައްސަލައިގައި އޭނާ އަށް އޮތް ފާޑުކިޔުންތައް އިންތިހާ އަށް ގިނަވެއްޖެ އެވެ.

ފައިނަލުގައި، މޮރޮކޯ އަށް 50 އަހަރު ތެރޭ ފުރަތަމަ ތަށި ހޯދަން ރަނުގެ ފުރުސަތެއް ލިބުނެވެ. އިތުރު ވަގުތުގެ ތެރޭގައި މޮރޮކޯ އަށް ލިބުނު ޕެނަލްޓީއެއް ޖަހަން 24 ވަރަކަށް މިނިޓް މަޑުކުރަން ޖެހުނެވެ. އެއީ، ސެނެގާލް ސަޕޯޓަރުންގެ ހަމަނުޖެހުންތަކާ ހެދި އާއި ދަނޑުގެ ސެކިއުރިޓީ ހާލަތު ކޮންޓްރޯލްގެ ދަށަށް ގެނައުމުގެ އިތުރުން، ހިތްހަމަނުޖެހިގެން ދަނޑުން ފޭބި ސެނެގާލްގެ ކުޅުންތެރިންނާއި ކޯޗު ތިއޯ އަލުން މެޗު ކުޅެން އެއްބަސްވުމަށް ނެގި ވަގުތެވެ.

ހާލަތު ހަމަޖައްސައި، މެޗުފެ ފުރިހަަމަ ވަގުތުގައި ކުޅެން ލިބުނު އެންމެ ފަހު ބޯޅައިގައި މޮރޮކޯގެ ޑިއާޒް ޖެހި ޕެނަންކާ ޕެނަލްޓީ ދިޔައީ، ސެނެގާލް ކީޕަރު އެޑޮއާޑް މެންޑީ އަތަށެވެ.

Advertisement

މި ފަހަރުގެ އެފްރިކަން ކަޕްގެ އެންމެ ގިނަ ގޯލު (5 ލަނޑު) ޖެހި ބްރަހިމް އަށް އެންމެ މުހިންމު ފުރުސަތުގެ ބޭނުން ނުހިފުނެވެ. އަދި، އިތުރު ވަގުތުގެ ފުރަތަމަ ހާފުގައި ޕާޕޭ ގޭއި ޖެހި ގޯލުން ފަސް އަހަރު ތެރޭ ދެ ވަނަ ފަހަރަށް ސެނެގާލަށް އެފްރިކާގެ ޗެމްޕިއަންކަން ލިބުނީ އެވެ.

ޕެނަލްޓީ ބޭކާރުވިތާ އިރުކޮޅެއް ފަހުން، މޮރޮކޯގެ ކޯޗު ވަލީދު ރެގްރާގީ ވަނީ ޑިއާޒް ބަދަލުކޮށްފަ އެވެ. އަދި، ބަދަލުކުރި ވަގުތުގައި ޑިއާޒަށް މާ ބޮޑު ސަމާލުކަމެއް ނުދީ ދޫކޮށްލި ރެގްރާގީ ވަނީ މެޗަށް ފަހު އޮތް ނޫސްވެރިންގެ ބައްދަލުވުމުގައި ވެސް ޑިއާޒްގެ ޕެނަލްޓީއާ ގުޅޭގޮތުން އަމާޒުވި ސުވާލުތަކަށް ސީދާ ޖަވާބުތަކެއް ދޭން ދެކޮޅު ހަދައިފަ އެވެ.

އާރްއެމްސީ ސްޕޯޓްސްގެ ފުޓްބޯޅަ އެނަލިސްޓް އަދި ކޯޗު، ރެގިސް ބްރޯއާޑް ބުނެފައިވަނީ، އުމުރުގެ ބާކީ ބައިގައި އެއްކޮށް ޑިއާޒްގެ މި ކަންތައް ހަނދާނުގައި ބަހައްޓާނެ ކަމަށެވެ. ޑިއާޒްގެ ފަރާތުން ފެނުނީ އިހުތިރާމް ކުޑަ އަމަލެއް ކަމަށާއި އެއީ، އަމިއްލަ ޓީމާއި ކުޅުންތެރިންނާއި ކޯޗަށް ކުރި މަލާމާތެއް ކަމަށް ވެސް ބްރޯއާޑް ވަނީ ބުނެފަ އެވެ.

ކުރީގެ ކުޅުންތެރިޔާ، ހާލިދު ބޫލަރޫޒް ބުނެފައިވަނީ، ޑިއާޒް އަކީ ޒިނެދިން ޒިދާން ނޫނީ ކްރިސްޓިއާނޯ ރޮނާލްޑޯއެއް އަދި އަޝްރަފް ހަކީމީ އެއް ނޫން ކަމަށާއި މުބާރާތުގައި ފަސް ގޯލު ޖެހިޔަސް އެ ކަހަލަ ވަގުތެއްގައި ލިބޭ ޕެނަލްޓީއެއް ފޮނުވާލަން ޖެހޭނީ ފަރުވާތެރިކަމާ އެކު ކަމަށެވެ.

"މިއީ ވަރަށް ހިތާމަހުރި ދެރަވަރު ކަމެއް،" ހޮލެންޑް ގައުމީ ޓީމަށް ކުޅުނު މޮރޮކޯ އަށް އުފަން ބުލަރޫޒް ބުންޏެވެ.

އެފްރިކަން ކަޕްގެ ފައިނަލް މެޗަށް ފަހު އޮތް އިނާމް ދިނުމުގެ ރަސްމިއްޔާތުގައި ފީފާގެ ރައީސް، ޖިއާނީ އިންފަންޓީނޯ އަތުން މުބާރާތުގެ އެންމެ ގިނަ ލަނޑު ޖެހި ކުޅުންތެރިޔާގެ ރަން ބޫޓު ހަވާލުވާން ދިއުމަށް ފަހު ވެސް ޑިއާޒް ހުރީ ރޮވިފަ އެވެ.

ޑިއާޒްގެ ޕެނަލްޓީ މަތަކުރި ސެނެގާލް ކީޕަރު މެންޑީ ބުނީ، ޑިއާޒް އެ ގޮތަށް ޕެނަލްޓީ ޖަހަން ނިންމުމުން ހައިރާންކަން ލިބުނު ކަމަށެވެ. އަދި، އަމިއްލަ ގައުމު 50 އަހަރު ތެރޭ، ފުރަތަމަ ތަށި ހޯދުމާ ގާތުގައި އޮއްވައި، އެ ގޮތަށް ޕެނަލްޓީއެއް ފޮނުވާލާނެ ކަމަށް ނުބެލެވުނު ނަމަވެސް ތައްޔާރުވީ އެ ޕެނަލްޓީ ހުއްޓުވުމަށް ކަމަށް މެންޑީ ވަނީ ބުނެފަ އެވެ.

ކޮމެންޓް

ފަހުގެ ޚަބަރު

ސިޓީ އާއި އާސެނަލަށް މޮޅެއް ނުލިބުނު، ޗެލްސީ ބަލިވެއްޖެ

އިނގިރޭސި ޕްރިމިއާ ލީގުގައި ރޭ ކުޅުނު މެޗުތަކުން މެންޗެސްޓާ ސިޓީ އާއި އާސެނަލް އެއްވަރުވިއިރު، ޗެލްސީ ވަނީ ލީޑްސް ޔުނައިޓެޑް އަތުން 4-1 އިން ބަލިވެފައި. ސިޓީ އާއި ފުލަމް ބައްދަލުކުރި މެޗު 1-1 އިން އެއްވަރުވިއިރު، އާސެނަލް އާއި ނިއުކާސަލް ބައްދަލުކުރި މެޗު ނިމުނީ 2-2 އިން އެއްވަރުވެގެން.

އޮޑިން ކޮންމެ މެޗެއްގައި ވެސް ޓީމު ވަރުގަދަކޮށްގެން ނަތީޖާ ނެރެން

ދިވެހި ޕްރިމިއާ ލީގުގައި އޮޑި ސްޕޯޓްސް ކްލަބުން ކޮންމެ މެޗަކަށް ވެސް ނުކުންނަނީ ޓީމު ވަރުގަދަކޮށް ރަނގަޅު ނަތީޖާއެއް ނެރުމުގެ އަމާޒުގައި ކަމަށް އެ ޓީމުގެ ކޯޗު ލޫޗޯ ބުނެފި. ލީގުގެ ބްރޭކުގެ ތެރޭގައި ޓީމުގެ ފިޓްނަސް އާއި ކުޅުން ރަނގަޅުކުރަން ގިނަ މަސައްކަތްތަކެއް ކޮށްފައިވާއިރު، މާދަމާ ޓީސީއާ ދެކޮޅަށް ނުކުންނާނީ މެޗުގެ ކޮންޓްރޯލް ހޯދައިގެން މޮޅުވާން

ނިއު ރޭޑިއަންޓް ބަލިކުރުން މުޅި ވިކްޓަރީ އަށް އިތުބާރަކަށްވާނެ

ދިވެހި ޕްރިމިއާ ލީގުގައި ނިއު ރޭޑިއަންޓާ ދެކޮޅަށް ކުޅޭ މެޗުން މޮޅުވުމަކީ ވިކްޓަރީގެ އިތުބާރު ބޮޑުވެ، ސަޕޯޓަރުންގެ ޝައުގުވެރިކަން އިތުރުވާނެ ކަމެއް ކަމަށް އެ ޓީމުގެ ކޯޗު މޯހަން ބުނެފި ލީގުގައި މިހާތަނަށް ބަލިނުވެ އޮތް މި ދެ ޓީމުގެ ކުރިމަތިލުމަށް ވިކްޓަރީ އޮތީ ވަރަށް ރަނގަޅަށް ތައްޔާރުވެފައި ކަމަށްވެސް އޭނާ ފާހަގަކުރި

މުޑްރިކް އާއި ޔޫކްރެއިން އެފްއޭގެ ކޯޅުމެއް

މަނާބޭހުގެ މައްސަލައެއްގައި 21 މަސް ދުވަހުގެ ސަސްޕެންޝަނެއް ފުރިހަމަކުރުމަށްފަހު، ޔޫކްރެއިންގެ މިހައިލޯ މުޑްރިކް އެ ގައުމުގެ ފުޓްބޯޅަ އެސޯސިއޭޝަނުން އިހުމާލުވި ކަމަށް ބުނެ ކުރި ތުހުމަތުތަކާ ގުޅިގެން މައްސަލަ ހޫނުވެއްޖެއެވެ. މުޑްރިކްގެ މި ވާހަކަތަކަށް ރައްދު ދެއްވަމުން ޔޫކްރެއިން އެފްއޭގެ ރައީސް އަންޑްރީ ޝެވްޗެންކޯ ވިދާޅުވީ މުޑްރިކް ހަދަނީ ދޮގު ކަމަށާއި، މިއީ އެސޯސިއޭޝަނުގެ އަގުވައްޓާލަން ކުރާ ކަމެއް ކަމަށެވެ.

ޓޮމް ބްރެޑީ ޗެލްސީގެ ހިއްސާއެއް ގަންނަނީ

އެމެރިކަން ފުޓްބޯޅަ ލެޖެންޑް ޓޮމް ބްރެޑީ، ކްލިއަލޭކް ކެޕިޓަލް މެދުވެރިކޮށް އިނގިރޭސި ކްލަބް ޗެލްސީގެ މައިނޯރިޓީ ހިއްސާއެއް ގަތުމަށް ދަނީ މަސައްކަތް ކުރަމުންނެވެ. މި އިންވެސްޓްމަންޓާއެކު އޭނާއަށް ވޯޓުލުމުގެ ހައްގު ނުލިބުނު ނަމަވެސް، ކުރިއަށް އޮތް ތަނުގައި ކްލަބުގެ ބޯޑުން ފުރުސަތު ލިބުމުގެ ފުރުސަތު އެބައޮތެވެ. ބްރެޑީ މި ފިޔަވަޅު އަޅަނީ ބާމިންހަމް ސިޓީގައި އޮތް އޭނާގެ ހިއްސާ ދޫކޮށްލުމަށްފަހުއެވެ.

ބަޔާން އެއްވަރުވި މެޗުގައި ކޭން އަށް ސީރިއަސް އަނިޔާއެއް

ޖަރުމަނު ލީގުގައި ކޮލޯންއާ ދެކޮޅަށް ކުޅުނު މެޗުގައި ބަޔާން މިއުނިކްގެ ފޯވާޑް ހެރީ ކޭންގެ ކުޑަހުޅަށް ލިބުނު ސީރިއަސް އަނިޔާއަކާ ގުޅިގެން، ތިން މަސް ދުވަހަށް އޭނާ ކުޅުމާ ދުރުގައި ހުންނަން ޖެހިއްޖެ. ބަޔާން މި މެޗުން 1-1 އިން އެއްވަރުވިއިރު، މި ނަތީޖާއާއެކު ލީގުގެ އެއްވަނަ މަގާމު ގެއްލުމުގެ ބިރު އެ ޓީމަށް ވަނީ ކުރިމަތިވެފައި

ސްޕެއިން ކައިރިން ބަދަލުހިފަން ޒިދާން ބޭނުމެއް ނޫން

ނޭޝަންސް ލީގުގެ ކުއާޓާ ފައިނަލުގައި ސްޕެއިނާ ދެކޮޅަށް ނުކުންނައިރު، ފްރާންސްގެ އަމާޒަކީ ވޯލްޑް ކަޕްގެ ބަލިވުމުގެ ބަދަލުހިފުމުގެ ބަދަލުގައި މުބާރާތުގެ ތަށި ހޯދުން ކަމަށް ކޯޗު ޒިދާން ބުނެފި. ޒިދާން ފާހަގަކުރި ގޮތުގައި މިއީ އާ މުބާރާތެއް ކަމަށާއި، އަންނަ މާޗް މަހު އޮންނަ މި މެޗުތަކަށް ޓީމު އޮތީ ވަރުގަދަ އަމާޒެއްގައި

Newsletter

Get the latest news delivered straight to your inbox