ތަރައްގީއަކީ އެމްޑީޕީގެ ތޮބީއަތް، މަޖިލީހުގެ ތެރެއިން އެހެން ޕާޓީއަކަށް ކުރެވޭނެ ކަމެއް ނެތް: އަމްރު

އެސްޓީއޯގެ މެނޭޖިން ޑިރެކްޓަރު ހުސައިން އަމްރު: އެމްޑީޕީގެ ސިޔާސަތުތަކުން ގައުމަށާއި ރައްޔިތުންނަށް ތަނަވަސްކަން ލިބެމުން އަންނަ ކަމަށް އޭނާ ވިދާޅުވި. -- ފޮޓޯ: ހުސައިން ޝަޔާހު/ އަދަދު

އެސްޓީއޯގެ މެނޭޖިން ޑިރެކްޓަރު ހުސައިން އަމްރު: އެމްޑީޕީގެ ސިޔާސަތުތަކުން ގައުމަށާއި ރައްޔިތުންނަށް ތަނަވަސްކަން ލިބެމުން އަންނަ ކަމަށް އޭނާ ވިދާޅުވި. -- ފޮޓޯ: ހުސައިން ޝަޔާހު/ އަދަދު

ރައްޔިތުން މަޖިލީހުގައި އޮތް އެމްޑީޕީގެ ބޮޑު އަގުލަބިއްޔަތުގެ ސަބަބުން ށ. ކޮމަންޑޫ ދާއިރާއަށް ވާދަކުރާ އެހެން ޕާޓީތަކަށް މަޖިލީހުގެ ތެރެއިން ކުރެވޭނެ މާ ބޮޑު މަސައްކަތެއް ނެތް ކަމަށާއި ދިވެހި ރައްޔިތުންނަށާއި ރަށްތަކަށް ތަނަވަސްކަން ލިބެމުން ދަނީ އެމްޑީޕީގެ ސިޔާސަތުތަކުގެ ސަބަބުން ކަމަށް އެސްޓީއޯގެ މެނޭޖިން ޑިރެކްޓަރު، ހުސައިން އަމްރު ވިދާޅުވެއްޖެ އެވެ.

ރައްޔިތުންގެ މަޖިލީހުގެ ކޮމަންޑޫ ދާއިރާގެ ބައި އިލެކްޝަންގައި ވާދަކުރައްވާ އެމްޑީޕީގެ ކެންޑިޑޭޓު މުހައްމަދު ރާޝިދަށް ތާއިދު ހޯދަން ރޭ ބޭއްވި ޖަލްސާގައި އަމްރު ވިދާޅުވީ ކޮމަންޑޫ ރައްޔިތުންނަކީ ތަރައްގީގެ ވިސްނުން ތޮބީއަތުގައި ހުރި ބައެއް ކަމަށާއި، އެ ފިކުރާއި ސިޔާސަތު ދޫކޮށްފައި ދާނެ ކަމަށް ގަބޫލު ނުކުރައްވާ ކަމަށެވެ.

"ބަޔަކު ތަރައްގީވެ ކުރިއަރައިގެން ދަނީ އެ ބައެއްގެ އަންނަ ފިކުރެއްގެ ސަބަބުން. ރަށެއް ކުރިއަރައިގެން ދަނީ އެ ރަށެއްގެ ބަޔަކަށް އަންނަ ވިސްނުމެއްގެ ސަބަބުން. އަދި ގައުމެއް ކުރިއަރައި ދަނީ އެ ފިކުރާ ވިސްނުމާ އެކީގައި ގެނެވޭ ސިޔާސަތުތަކެއްގެ ސަބަބުން. މި ފިކުރަކީ މި ހިޔާލަކީ ގަދަކަމުން ސިކުނޑިން ނެރޭ އެއްޗެއް ނޫން. މިއީ އެ ބައެއްގެ ތޮބީއަތުގައި ހުންނަ ކަމެއް ވީމަ އަންނަ އެއްޗެއް. އެ ބައެއްގެ ތޮބީއަތުގައި ހުންނަ އެއްޗެއް އަންނާނީ،" އެމްޑީޕީއަކީ ތަރައްގީ ގެނައުމަށް މަސައްކަތް ކުރާ ޕާޓީއެއްކަން ފާހަގަ ކުރައްވައި އަމްރު ވިދާޅުވި އެވެ.

Advertisement

ކުރީގެ ރައީސް އަދި ރައްޔިތުންގެ މަޖިލީހުގެ ރައީސް މުހައްމަދު ނަޝީދު ބައިވެރިވެވަޑައިގެންނެވި ކޮމަންޑޫ ޖަލްސާގައި އަމްރު ހަނދާންކޮށް ދެއްވީ އެމްޑީޕީގެ ސިޔާސަތުތަކުން ގައުމަށް އައިސްފައިވާ ބަދަލާއި ކުރިއެރުމެވެ. ބޭސްފަރުވާ ހިލޭ ލިބޭ އާސަންދަ އާއި ދަރިވަރުންނަށް ފޮތް ފަންސުރު ހިލޭ ލިބިމާއި ހިލޭ ޑިގްރީއަށް ކިޔެވުމާއި ޓެކްސް ނަގަން ފެށުމުގެ ސިޔާސަތު އޭނާ ފާހާގަ ކުރެއްވެވި އެވެ.

އެމްޑީޕީ ވެރިކަމަށް އައުމުގެ ކުރިން މާލެ ފިޔަވައި މީހުން ދިރިއުޅޭ ރަށްރަށުގައި ޓޫރިސްޓުން ނިންދެވުމަކީ މަނާ ކަމެއް ކަމަށާއި ނަމަވެސް ގެސްޓް ހައުސް ސިޔާސަތުގެ ސަބަބުން ލިބެމުންދާ ކުރިއެރުން މިހާރު ރަށްތަކުން ފެންނާނެ ކަމަށާއި ޓެކްސް ނިޒާމުން ގައުމަށް ލިބިފައިވާ މުއްސަނދިކަން ވެސް ފެންނާނެ ކަމަށް އަމްރު ވިދާޅުވި އެވެ.

ކޮވިޑްގެ ދަތި ހާލުގައި ވެސް ތަރައްގީގެ މަޝްރޫއުތައް ހުއްޓުމެއް ނެތި ކުރިއަށް ގެންދާ ކަމަށާއި މި ވެރިކަމުގެ ފަސް އަހަރު ނިމޭއިރު ހުރިހާ ރަށަކަށް ސާފު ބޯފެން ލިބި، ނަޖިސް ފެނުން ފެންވެރުން ހުއްޓުވުމަށް ނަރުދަމާ އަޅާނެ ކަމަށް އޭނާ ވިދާޅުވި އެވެ.

ތަރައްގީގެ މަސައްކަތްތައް ކުރިއަށް ގެންދާއިރު، އަދި މަޖިލީހުގައި އެމްޑީޕީ އަށް އޮތް ބޮޑު އަގުލަބިއްޔަތުގެ ސަބަބުން، އެހެން ޕާޓީއެއްގެ މީހަކަށް މަޖިލީހުގެ ތެރެއިން ކުރެވޭނެ ކަމެއް ފެނިވަޑައިނުގަންނަވާ ކަމަށާއި ޕީޕީއެމްއިން ކުރަން ބޭނުންވާ ކަމަކީ، ކުރީގެ ރައީސް އަބްދު ޔާމީން ސަލާމަތްކުރުމުގެ މަސައްކަތް ކަމަށާއި، އިންޑިއާ އައުޓް ޖަހައިގެން ކެމްޕެއިން ކުރަނީ ވެސް އެހެން ކަމަށް އަމްރު ވިދާޅުވި އެވެ.

ކޮމެންޓް

ފަހުގެ ޚަބަރު

ދިރާގު ރޯޑް ރޭސް 5،500އަށްވުރެ ގިނަ ދުވުންތެރިންނާއެކު ބާއްވައިފި

ދިރާގު މޯލްޑިވްސް ރޯޑް ރޭހުގެ 17 ވަނަ އެޑިޝަން 5،500 އަށްވުރެ ގިނަ ދުވުންތެރިންނާއެކު ހުޅުމާލެ ސެންޓްރަލް ޕާކުގައި ވަނީ ބާއްވާފައެވެ. މި ދުވުމުގެ ލައިވް އަޕްޑޭޓްތަކާއި، ނަތީޖާ އަދި ދުވުންތެރިންގެ ރޭންކިންގ ބަލައިލުމުގެ ފުރުސަތު ދިރާގުން ވަނީ ޚާއްޞަ މޮބައިލް އެޕްލިކޭޝަނެއް މެދުވެރިކޮށް ފަހިކޮށްދީފައެވެ.

ޕީއެންސީގެ މެންބަރުންގެ އަދަދު ލައްކައަކަށްވުރެ ދަށަށް

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އެރިތާ 24 ގަޑިއިރު ނުވަނީސް، އަލުން އެ އަދަދު ލައްކައަކަށް ވުރެ ދަށަށް ގޮސްފިއެވެ. އިދިކޮޅު ފަރާތްތަކުން ތުހުމަތުކުރާ ގޮތުގައި މި އަދަދު ހަމަކުރުމަށްޓަކައި ވަޒީފާގެ ބިރުދެއްކުމާއި ރިޝްވަތުގެ ގޮތުގައި ފައިސާ ބޭނުންކޮށްފައިވެއެވެ. އީސީގެ ތަފާސްހިސާބުތަކުން ދައްކާގޮތުގައި އެ ޕާޓީގެ މެންބަރުންގެ އަދަދު މިހާރު ވަނީ 99,930 އަށް ތިރިވެފައެވެ.

ރަސްމާލޭގެ ޑީލުގައި ސޮއިނުކުރަން އެދި އަލައްބާރަށް ސިޓީއެއް

ރަސްމާލެ މަޝްރޫއުގެ މިހާރުގެ ޝަރުތުތަކާއި ގާނޫނުއަސާސީއާ ފުށުއެރުންތަކެއް ހުރި ކަމަށާއި، އެކަމުގައި އެކަށީގެންވާ ގޮތެއްގައި ރައްޔިތުންގެ ހިޔާލު ހޯދާފައި ނުވާތީ، ދެން އަންނަ ސަރުކާރަކުން ވެސް މި މަޝްރޫއުގެ އެއްބަސްވުން އަލުން މުރާޖައާކުރުމަށް ނުވަތަ އެއްކޮށް ބާތިލުކުރުމުގެ ފުރުސަތު އޮތް ކަމަށް އެ ސިޓީގައި ބުނެފައިވޭ.

"ރަސްމާލެ މައްސަލައިގައި މުއިއްޒު ވަނީ އަނގަވަތަށް ވެއްޓިފައި"

ރަސްމާލެ މަޝްރޫއަކީ ރާއްޖޭގެ ސިޔާދަތަށް އުނިކަންލިބޭ، ބޭރުގެ ފަރާތްތަކަށް ބިން ދިނުމަށް ހިންގާ ހީލަތްތެރި ރޭވުމެއް ކަމަށް ވިދާޅުވެ ކުރީގެ ރައީސް ޔާމީން ސަރުކާރަށް ވަރަށް ބޮޑަށް ފާޑުވިދާޅުވެއްޖެއެވެ. މި މަޝްރޫއުގެ ސަބަބުން ރައީސް މުއިއްޒު ރައްޔިތުންގެ ކުރިމަތީގައި ބޭޒާރުވެފައިވާ ކަމަށާއި، މި ސަރުކާރަށް ދެވަނަ ދައުރެއް ރައްޔިތުން ނުދޭނެ ކަމަށް ޔާމީން ވިދާޅުވިއެވެ.

ރަސްމާލެ ދޫކޮށްލުމާ ދެކޮޅުވެރިކަމެއް ނެތްކަމުގެ އިޝާރާތެއް

ރަސްމާލެއިން ބައެއް ބޭރުގެ ކުންފުންޏަކަށް ދޫކޮށްލުމާ ދެކޮޅު ހަދަނީ މަދު ބަޔަކު ކަމަށާއި، ދިވެހިން އަބަދުވެސް އިސްކުރަނީ ގައުމީ ތަރައްގީކަން މުއިއްޒު ފާހަގަކުރެއްވި. މީގެކުރިންވެސް ރާއްޖެއަށް އައި ބޮޑެތި ބަދަލުތަކާ ބައެއް މީހުން ދެކޮޅު ހެދި ނަމަވެސް، ގިނަ ރައްޔިތުން ތާއީދުކުރީ ގައުމީ ކުރިއެރުމަށްކަން އެމަނިކުފާނު ބަޔާންކޮށްދެއްވި.

ހުލާސާކޮށް އިއްޔެ: ސިޔާސީ ޕާޓީތަކުގެ ދަފްތަރަށް އައި ބޮޑު ބަދަލު

ޕީއެންސީގެ މެންބަރުންގެ އަދަދު އެއްލައްކައަށް އެރުމާއެކު، ޖުމްހޫރީ ޕާޓީ އާއި އަދާލަތު ޕާޓީ ފަދަ ދުވަސްވީ ޕާޓީތަކުން ގިނަ އަދަދެއްގެ މެންބަރުންނާއި އިސް ބޭފުޅުން ވަނީ ވަކިވެފައެވެ. މީގެ އިތުރުން، ރަސްމީ ޖަލްސާތަކުގެ ޕްރޮޓޮކޯލަށް ބަދަލުތަކެއް ގެނެސްފައިވާއިރު، ރަސްމާލެ މަޝްރޫއާ ގުޅޭގޮތުން އިލްމުވެރިންނާއި ސިޔާސީ ފަރާތްތަކުގެ މެދުގައި ވަނީ ޚިޔާލުތަފާތުވުންތަކެއް އުފެދިފައެވެ.

ވަޒީފާގެ ބިރުދައްކައިގެން އެއްލައްކަ މެންބަރުން ހަމަކޮށްފި

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އަރާފައިވާއިރު، މިއީ ވަޒީފާގެ ބިރުދައްކައިގެންނާއި ރިޝްވަތު ދީގެން ހޯދި އަދަދެއް ކަމަށް ވަނީ ތުހުމަތުކުރެވިފައި. އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި މިދިޔަ އަހަރާ އަޅާބަލާއިރު އެ ޕާޓީގެ މެންބަރުންގެ އަދަދު ވަނީ 26،000 އަށްވުރެ އިތުރުވެފައި.

Newsletter

Get the latest news delivered straight to your inbox