ރިސޯޓުތަކުން ޕޮޒިޓިވްވާ އަދަދު މައްޗަށް، މޮނިޓަރިންގައި 42 ރިސޯޓެއް

ރެސިޑެންސް މޯލްޑިވްސް، ދިގުރަށް: އިއްޔެ އެކަނި ރިސޯޓްތަކުން 84 މީހަކު ޕޮޒިޓިވްވެފައިވޭ-- ފޮޓޯ: ކެނިޒަރޯ ހޮޓެލްސް އެންޑް ރިސޯޓްސް

ރެސިޑެންސް މޯލްޑިވްސް، ދިގުރަށް: އިއްޔެ އެކަނި ރިސޯޓްތަކުން 84 މީހަކު ޕޮޒިޓިވްވެފައިވޭ-- ފޮޓޯ: ކެނިޒަރޯ ހޮޓެލްސް އެންޑް ރިސޯޓްސް

ކޮވިޑް ހާލަތު މާލޭގައި ގޯސްވެފައިވާ މި ދުވަސްވަރު ރިސޯޓުތަކުން ވެސް ޕޮޒިޓިވްވާ މީހުންގެ އަދަދު އިތުރުވެ، މޮނިޓަރިންގައި 42 ރިސޯޓެއް އޮތް ކަމަށް ހެލްތް ޕްރޮޓެކްޝަން އެޖެންސީ (އެޗްޕީއޭ) އިން ބުނެފި އެވެ.

ރާއްޖޭގެ ފަތުރުވެރިކަމުގެ ޕީކް ސީޒަން މިހާރު ވަނީ ފެށިފަ އެވެ. މި ދުވަސްވަރު ކޮވިޑްގެ ހާލަތު ގޯސްވަމުން އަންނާތީ މިހާރު ވަނީ އާ ފިޔަވަޅުތަކެއް އަޅާ އިތުރަށް ސަމާލުކަން ދިނުމަށް އެޗްޕީއޭއިން ވަނީ އަންގައިފަ އެވެ.

އެޗްޕީއޭން އެންމެ ފަހުން އާންމު ކޮށްފައިވާ މައުލޫމާތަށް ބަލާއިރު މިވަގުތު ކޮންޓެކްޓް ޓްރޭސިންގެ މަސައްކަތް ކުރުމަށް 42 ރިސޯޓެއް ވަނީ މޮނިޓަރިންއަށް ލާފަ އެވެ. އެއީ:

Advertisement

މޮނިޓަރިންގައިވާ ރިސޯޓުތައް

  1. އަދާރަން ސެލެކްޓް ހުދުރަންފުށި
  2. އަދާރަން ސެލެކްޓް މީދުއްޕަރު
  3. އަޔާޑާ މޯލްޑިވްސް
  4. އަމިން ގިރި
  5. ބެގްލިއޯނީ ރިސޯޓް މޯލްޑިވްސް
  6. ކެމްޕަސް އައިލެންޑް ފަރި އިރު ހުރާ
  7. ސެންޓާރާ ރަސްފުށި
  8. ސިނަމަން ހަކުރާ ހުރާ
  9. ރަންގަލި މޯލްޑިވްސް
  10. ދިގަލި މޯލްޑިވްސް
  11. އެއްލައިދޫ މޯލްޑިވަސް ބައި ސިނަމަން
  12. ފިނޮޅު މޯލްޑިވްސް
  13. ފުރަވެރި
  14. ގަންގެހި އައިލެންށް ރިސޯޓް
  15. ގިލި ލަންކަންފުށި
  16. ޖުމެއިރާ މޯލްޑިވްސް
  17. ކަނޑިންމާ މޯލްޑިވްސް
  18. ކިހާ މޯލްޑިވްސް
  19. ކުރަމަތި ޓޫރިސްޓް ރިސޯޓް
  20. ލަކްސް ސައުތު އަރި އެޓޯލް
  21. މާފުށިވަރު މޯލްޑިސް
  22. މެދުފުށި އައިލެންށް ރިސޯޓު
  23. މިރިހި އައިލެންޑް
  24. ނިޔާމަ މޯލްޑިވްސް
  25. ޕެރެޑައިޒް މޯލްޑިވްސް
  26. ޕަޓީނާ މޯލްޑިވްސް މޯލްޑިވްސް
  27. ޕުލްމަން މޯލްޑިވްސް
  28. ރެޑިސަން ބްލޫ މޯލްޑިވްސް
  29. ރެފުލްސް މޯލްޑިވްސް
  30. ރިއު އެޓޯލް އެންޑް ރިއު ޕްލޭސް
  31. ރޮބިންސަން ކްލަބް މޯލްޑިވްސް
  32. ސޭންޑީސް ބަތަލާ
  33. ޝެރަޓަން މޯލްޑިވްސް
  34. ސިއްރުފެންފުށި
  35. ސަން އައިލެންޑް
  36. ތާޖް ކޮރަލް ރީފް
  37. ރެސިޑެންސް މޯލްޑިވްސް
  38. ދަ ރިޓްޒް ކާލްޓަން
  39. ދަ ވެސްޓިން މޯލްޑިވްސް
  40. ވެލައްސަރު
  41. ޑަބްލިޔު މޯލްޑިވްސް
  42. ވޯލްޑޮފް އެސްޓޯރިއާ

ރިސޯޓުތަކުން ޕޮޒިޓިވްވާ މީހުންގެ އަދަދު އިތުރު ވެފައިވާއިރު، ރިސޯޓްތަކަށް ޗުއްޓީއަށް ދާއިރު ރައްކާތެރިކަމުގެ ފިޔަވަޅުތައް އެޅުމަށާއި ރިސޯޓްތަކަށް ޒިޔާރާތް ކުރާ ފަތުރުވެރިންގެ ރައްކަލަށް އެޗްޕީއޭގެ ގަވައިދުތަކާއި އުސޫލުތަކާ އެއްގޮތަށް އަމަލު ކުރުމަށް ވެސް އެ އިދާރައިން ވަނީ އިލްތިމާސް ކޮށްފަ އެވެ.

ކޮވިޑް ބަލި ފެތުރެމުންދާތީ 13 ރަށެއް މިވަގުތު ވެސް މޮނިޓަރިންގައި އެބަ އޮތެވެ. އަދި މި މަހުގެ މިހާތަނަށް އެޗްޕީއޭއިން ވަނީ 10 ރަށެއް ބަންދުކޮށްފައިވެ އެވެ.

މޮނިޓަރިންގެ ހާލަތަށް ގެނެސްފައި ވަނީ ގދ. ގައްދޫ، ރ. އުނގޫފާރު އަދި ހދ. ހަނިމާދޫ އެވެ. އޭގެ އިތުރުން، މި މަހުގެ ތެރޭގައި މޮނިޓަރިންގެ ހާލަތަށް ގެނެއި ހދ. ނެއްލައިދޫ، ލ. ފޮނަދޫ، ހދ. ނޮޅިވަރަންފަރު، ށ. ފުނަދޫ، ބ. ދަރަވަންދޫ، ދ. ބަނޑިދޫ އަދި ލ. ގަން، އަދިވެސް އޮތީ މޮނިޓަރިންގެ ހާލަތުގައި އަދި ވެސް އޮތީ މޮނީޓަރިންގެ ހާލަތުގަ އެވެ.

އެ 13 ރަށުގެ ތެރެއިން ތިން ރަށެއް މޮނިޓަރިންގެ ހާލަތަށް ގެނެސްފައި ވަނީ މިދިޔަ ޑިސެންބަރު މަހުގެ ތެރޭގައެވެ. އެއީ ތުލުސްދޫ އާއި މާފުށި އަދި އިހަވަންދޫއެވެ. އެ ލިސްޓުގައި މޮނިޓަރިންގެ ހާލަތުގައި އެންމެ ގިނަ ދުވަސް ވެފައި ވަނީ ތުލުސްދޫ އެވެ. އެ ރަށް މޮނިޓަރިންގެ ހާލަތަށް ގެނެސްފައި ވަނީ މިދިޔަ ޑިސެންބަރު 20، ގަ އެވެ.

ރާއްޖޭގެ ކޮވިޑް ހާލަތަށް ބަލާއިރު ކޮންމެ ދުވަހެއްގެ އަދަދުތައް މިހާރު އުޅެނީ 1000 އިން މަތީގަ އެވެ. އެގޮތުން އިއްޔެ އެކަނި 1420 މީހަކު ވަނީ ޕޮޒިޓިވް ވެފަ އެވެ. އޭގެ ތެރޭގައި ރިސޯޓްތަކުން 84 މީހަކު ޕޮޒިޓިވްވެފައި ވެއެެވެ. މި މަހުގެ މިހާތަނަށް 1500 މީހަކު ވަނީ ރިސޯޓުތަކުން ޕޮޒިޓިވް ވެފަ އެވެ.

އެއާއެކު ޕޮޒިޓިވްވި މީހުންގެ އަދަދު ވަނީ 105,001 އަށް އަރާފަ އެވެ. އެކްޓިވް ކޭސްގެ ގޮތުގައި 6,993 މީހުން ތިބިއިރު މިހާތަނަށް 97,730 މީހުން ވަނީ ބަލިން ރަނގަޅުވެފަ އެވެ.

ޕޮޒިޓިވްވާ މީހުންނާއެކު ހޮސްޕިޓަލްގައި އެޑްމިޓްކޮށް ފަރުވާދޭ މީހުންގެ އަދަދުވެސް ވަނީ އިތުރުވެފަ އެވެ. އެގޮތުން މިހާރު 32 މީހަކަށް ދަނީ ފަރުވާ ދެމުންނެވެ.

ކޮމެންޓް

ފަހުގެ ޚަބަރު

ދިރާގު ރޯޑް ރޭސް 5،500އަށްވުރެ ގިނަ ދުވުންތެރިންނާއެކު ބާއްވައިފި

ދިރާގު މޯލްޑިވްސް ރޯޑް ރޭހުގެ 17 ވަނަ އެޑިޝަން 5،500 އަށްވުރެ ގިނަ ދުވުންތެރިންނާއެކު ހުޅުމާލެ ސެންޓްރަލް ޕާކުގައި ވަނީ ބާއްވާފައެވެ. މި ދުވުމުގެ ލައިވް އަޕްޑޭޓްތަކާއި، ނަތީޖާ އަދި ދުވުންތެރިންގެ ރޭންކިންގ ބަލައިލުމުގެ ފުރުސަތު ދިރާގުން ވަނީ ޚާއްޞަ މޮބައިލް އެޕްލިކޭޝަނެއް މެދުވެރިކޮށް ފަހިކޮށްދީފައެވެ.

ޕީއެންސީގެ މެންބަރުންގެ އަދަދު ލައްކައަކަށްވުރެ ދަށަށް

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އެރިތާ 24 ގަޑިއިރު ނުވަނީސް، އަލުން އެ އަދަދު ލައްކައަކަށް ވުރެ ދަށަށް ގޮސްފިއެވެ. އިދިކޮޅު ފަރާތްތަކުން ތުހުމަތުކުރާ ގޮތުގައި މި އަދަދު ހަމަކުރުމަށްޓަކައި ވަޒީފާގެ ބިރުދެއްކުމާއި ރިޝްވަތުގެ ގޮތުގައި ފައިސާ ބޭނުންކޮށްފައިވެއެވެ. އީސީގެ ތަފާސްހިސާބުތަކުން ދައްކާގޮތުގައި އެ ޕާޓީގެ މެންބަރުންގެ އަދަދު މިހާރު ވަނީ 99,930 އަށް ތިރިވެފައެވެ.

ރަސްމާލޭގެ ޑީލުގައި ސޮއިނުކުރަން އެދި އަލައްބާރަށް ސިޓީއެއް

ރަސްމާލެ މަޝްރޫއުގެ މިހާރުގެ ޝަރުތުތަކާއި ގާނޫނުއަސާސީއާ ފުށުއެރުންތަކެއް ހުރި ކަމަށާއި، އެކަމުގައި އެކަށީގެންވާ ގޮތެއްގައި ރައްޔިތުންގެ ހިޔާލު ހޯދާފައި ނުވާތީ، ދެން އަންނަ ސަރުކާރަކުން ވެސް މި މަޝްރޫއުގެ އެއްބަސްވުން އަލުން މުރާޖައާކުރުމަށް ނުވަތަ އެއްކޮށް ބާތިލުކުރުމުގެ ފުރުސަތު އޮތް ކަމަށް އެ ސިޓީގައި ބުނެފައިވޭ.

"ރަސްމާލެ މައްސަލައިގައި މުއިއްޒު ވަނީ އަނގަވަތަށް ވެއްޓިފައި"

ރަސްމާލެ މަޝްރޫއަކީ ރާއްޖޭގެ ސިޔާދަތަށް އުނިކަންލިބޭ، ބޭރުގެ ފަރާތްތަކަށް ބިން ދިނުމަށް ހިންގާ ހީލަތްތެރި ރޭވުމެއް ކަމަށް ވިދާޅުވެ ކުރީގެ ރައީސް ޔާމީން ސަރުކާރަށް ވަރަށް ބޮޑަށް ފާޑުވިދާޅުވެއްޖެއެވެ. މި މަޝްރޫއުގެ ސަބަބުން ރައީސް މުއިއްޒު ރައްޔިތުންގެ ކުރިމަތީގައި ބޭޒާރުވެފައިވާ ކަމަށާއި، މި ސަރުކާރަށް ދެވަނަ ދައުރެއް ރައްޔިތުން ނުދޭނެ ކަމަށް ޔާމީން ވިދާޅުވިއެވެ.

ރަސްމާލެ ދޫކޮށްލުމާ ދެކޮޅުވެރިކަމެއް ނެތްކަމުގެ އިޝާރާތެއް

ރަސްމާލެއިން ބައެއް ބޭރުގެ ކުންފުންޏަކަށް ދޫކޮށްލުމާ ދެކޮޅު ހަދަނީ މަދު ބަޔަކު ކަމަށާއި، ދިވެހިން އަބަދުވެސް އިސްކުރަނީ ގައުމީ ތަރައްގީކަން މުއިއްޒު ފާހަގަކުރެއްވި. މީގެކުރިންވެސް ރާއްޖެއަށް އައި ބޮޑެތި ބަދަލުތަކާ ބައެއް މީހުން ދެކޮޅު ހެދި ނަމަވެސް، ގިނަ ރައްޔިތުން ތާއީދުކުރީ ގައުމީ ކުރިއެރުމަށްކަން އެމަނިކުފާނު ބަޔާންކޮށްދެއްވި.

ހުލާސާކޮށް އިއްޔެ: ސިޔާސީ ޕާޓީތަކުގެ ދަފްތަރަށް އައި ބޮޑު ބަދަލު

ޕީއެންސީގެ މެންބަރުންގެ އަދަދު އެއްލައްކައަށް އެރުމާއެކު، ޖުމްހޫރީ ޕާޓީ އާއި އަދާލަތު ޕާޓީ ފަދަ ދުވަސްވީ ޕާޓީތަކުން ގިނަ އަދަދެއްގެ މެންބަރުންނާއި އިސް ބޭފުޅުން ވަނީ ވަކިވެފައެވެ. މީގެ އިތުރުން، ރަސްމީ ޖަލްސާތަކުގެ ޕްރޮޓޮކޯލަށް ބަދަލުތަކެއް ގެނެސްފައިވާއިރު، ރަސްމާލެ މަޝްރޫއާ ގުޅޭގޮތުން އިލްމުވެރިންނާއި ސިޔާސީ ފަރާތްތަކުގެ މެދުގައި ވަނީ ޚިޔާލުތަފާތުވުންތަކެއް އުފެދިފައެވެ.

ވަޒީފާގެ ބިރުދައްކައިގެން އެއްލައްކަ މެންބަރުން ހަމަކޮށްފި

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އަރާފައިވާއިރު، މިއީ ވަޒީފާގެ ބިރުދައްކައިގެންނާއި ރިޝްވަތު ދީގެން ހޯދި އަދަދެއް ކަމަށް ވަނީ ތުހުމަތުކުރެވިފައި. އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި މިދިޔަ އަހަރާ އަޅާބަލާއިރު އެ ޕާޓީގެ މެންބަރުންގެ އަދަދު ވަނީ 26،000 އަށްވުރެ އިތުރުވެފައި.

Newsletter

Get the latest news delivered straight to your inbox