ކާޑު އެޖެންޓުންގެ ކާމިޔާބީން އުފަންވި ކޮންސްޓްރަކްޝަން އެޖެންޓުން

ކާޑު އެޖެންޓުންގެ ކާމިޔާބީން އުފަންވި ކޮންސްޓްރަކްޝަން އެޖެންޓުން

ރަށުން ބޭނުންވާ ކޮންސްޓްރަކްޝަން ސާމާނު ނުލިބުމަކީ އަތޮޅުތެރޭގައި އިމާރާތްކުރާ މީހުންގެ އާންމު ޝަކުވާއެކެވެ.

އިމާރާތްކުރަން ބޭނުންކުރާ ސާމާނު އަމިއްލަ ރަށުން ނުލިބޭއިރު، ގިނަ ފަހަރު ކައިރި އެހެން ރަށަކުން ވެސް އެ ސާމާނު ލިބޭކަށް ނުހުރެ އެވެ. އެ އިމާރާތެއް އަޅަން އުޅޭ މީހާ ނޫނީ މީހުންނަށް އޮންނަ ގޮތަކީ މާލެއިން އަންނަ ނާލު ބޯޓުގެ އިންތިޒާރުގައި، މަސައްކަތް ހުއްޓާލާ އަތް އުރާލައިގެން ތިބުމެވެ.

"ބޭނުންވާ ތަކެތި ރަށުން ލިބެން ނުހުންނާތީ އަޅުގަނޑުމެންނަށް ވަރަށް ހާލުގައި އުޅެންޖެހޭ އޮޑިފަހަރަށް އެއްޗެހި އަރުވައިގެން،" އެ ކަންބޮޑުވުން ހިއްސާކުރާ އއ. ރަސްދޫ މީހަކު ބުންޏެވެ.

ރަށްރަށުން ކޮންސްޓްރަކްޝަން ސާމާނު ލިބެން ނުހުންނަނީ ސަބަބުތަކެއް ނެތިއެއް ނޫނެވެ. ކޮންސްޓްރަކްޝަން ސާމާނު ވިއްކާ ވިޔަފާރިއެއް ފެށުމާއި ހިންގުމުގެ ހަރަދު މާ ބޮޑީ އެވެ. ގިނަ ރަށްރަށުން ދެކޮޅު ޖެހޭ ވަރަށް އިމާރާތްކުރާ ސާމާނަށް ޑިމާންޑު ވެސް ނޯންނަނީ އެވެ. ސަރުކާރު ކުންފުންޏަކުން މިކަން ކުރަން ބެލި ނަމަވެސް އުނދަގޫވަނީ ހަމަ އެ ސަބަބުތަކާ ހުރެ އެވެ.

އެކަމަކު މައްސަލައަކީ ހައްލުކުރަން ޖެހޭ މައްސަލައެއް ކަމުން އެސްޓީއޯއިން އެހެން ގޮތެއް ހޯދައިފި އެވެ. ކުދި ވިޔަފާރިތަކާ ގުޅިގެން ކޮންސްޓްރަކްޝަން ސާމާނު ލިބޭނެ މަގުފަހި ކުރަން، ކޮންމެ ރަށެއްގައި ކޮންސްޓްރަކްޝަން އެޖެންޓެއް ހަމަޖެއްސުމެވެ.

ކޮންސްޓްރަކްޝަން އެޖެންޓުންނަކީ ކޮބާ؟

އެސްޓީއޯއަކީ އެންމެ ފުޅާ ދާއިރާއެއްގައި ކޮންސްޓްރަކްޝަން ސާމާނުގެ ވިޔަފާރިކުރާ އެއް ކުންފުންޏެވެ. އެ ކުންފުނިން ވިއްކާ ސާމާނުގެ ތެރޭގައި ސިމެންތި އާއި ވެއްޔާއި ދަގަނޑާއި ޕްލައިވުޑާއި ދަގަނޑުގެ އިތުރުން ދަގަނޑު ހޮޅި އާއި ޓިނާއި ޓިނުގެ އުފެއްދުންތައް ހިމެނެ އެވެ.

ކޮންސްޓްރަކްޝަން އެޖެންޓުންނަކީ އެ ސާމާނު ވިއްކަން އެސްޓީއޯއާ ބައިވެރިވާ ރަށްރަށުގެ ކުދި އަދި މެދު ފަންތީގެ ވިޔަފާރިތަކެވެ.

ކޮންސްޓްރަކްޝަން އެޖެންޓުންގެ ހިޔާލު އެސްޓީއޯއަށް އައީ، އެއް އަގެއްގައި ހުރިހާ ރަށަކުން ކާޑު ލިބޭ ސިޔާސަތު ތަންފީޒުކުރަން 2019 ވަނަ އަހަރު ތައާރަފުކުރި ކާޑު އެޖެންޓުންގެ ކާމިޔާބީންނެވެ.

ކާޑު އެޖެންޓުންގެ މޮޑެލްއަކީ ކުދި ވިޔަފާރިތަކާ ގުޅިގެން ކާޑު ލިބޭނެ މަގުފަހި ކުރަން އެސްޓީއޯއިން ތައާރަފުކުރި މޮޑެލްއެކެވެ. މިހާތަނަށް ކުރެވުނު ތަޖުރިބާއިން، މިއީ އެ ކުންފުނީގެ ތާރީހުގައި އެންމެ ކާމިޔާބު އެއް ވިޔަފާރި މޮޑެލް އެވެ.

"އެއީ ބޮޑު ކާމީޔާބީއެއް. މިހާރު ދެ ކާޑު އެޖެންޓުން ނުހުންނަ ރަށެއް މަދުވާނެ،" އެސްޓީއޯގެ މެނޭޖިން ޑިރެކްޓަރު ހުސެން އަމްރު މި ނޫހަށް ކުރިން ދެއްވި އިންޓަވިއުއެއްގައި ވިދާޅުވި އެވެ.

ކާޑު އެޖެންޓުންގެ ކާމިޔާބިން ހިތްވަރު ލިބިގެން ކޮންސްޓްރަކްޝަން ސާމާނު ވިއްކަން ކޮންސްޓްރަކްޝަން އެޖެންޓުކަން ހުޅުވާލީ މިދިޔަ އަހަރުގެ މާޗުގަ އެވެ. ފުރަތަމަ އިއުލާނުކުރީ 11 އަތޮޅަކުން ކޮންމެ އަތޮޅަކުން 2 އެޖެންޓުން ނަގާށެވެ. އެ 22 އެޖެންޓުންނާ އެކީ އެއްބަސްވުންތަކުގައި ސޮއިކޮށް މަސައްކަތް ފެށީ ޖޫން 24، 2021 ގައި އެވެ.

އެ މޮޑެލް ތައާރަފުކޮށްދެއްވަމުން އެސްޓީއޯގެ އެނާޖީ އެންޑް ކޮންސްޓްރަކްޝަން ސޮލިއުޝަންސްގެ ޖެނެރަލް މެނޭޖަރު މުހައްމަދު އީމާން އެ ދުވަހު ވިދާޅުވީ ކޮންސްޓްރަކްޝަން އެޖެންޓުންނަކީ ކޮންސްޓްރަކްޝަން ސާމާނު ނުލިބޭ މައްސަލައިގެ ހައްލު ކަމަށެވެ.

"މި މޮޑެލްއިން ރާއްޖޭގެ ހުރިހާ ރަށެއްގައި އިމާރާތްކުރުމަށް ބޭނުންވާ ސާމާނު އަތްފޯރާ އަގުތަކެއްގައި ހުސްނުވެ ލިބޭނެކަން ޔަގީންކުރެވޭނެ،" އީމާން ވިދާޅުވި އެވެ.

މިހެން ވިދާޅުވުމަށް ފަހު، އެސްޓީއޯގެ ކޮންސްޓްރަކްޝަން އެޖެންޓުކަމުގެ ފުރުސަތު މުޅި ރާއްޖެއަށް ހުޅުވާލި އެވެ. ރަށުގެ އުމްރާނީ ތަރައްގީގެ އިސް ބައިވެރިއަކަށް ވާން ވިޔަފާރިތަކަށް ފުރުސަތު ދިނެވެ.

ބޮޑު ތަރުހީބެއް، ބޮޑު ކާމިޔާބެއް

ކޮންސްޓްރަކްޝަން އެޖެންޓުންނާއެކީ އެސްޓީއޯއިން ކުރަމުންދާ ދަތުރު ވަރަށް ކާމިޔާބެވެ. އެ ޕްރޮޖެކްޓު ތައާރަފުކުރިތާ މިވީ ހަ މަސް ދުވަހުގެ ތެރޭގައި، ހީނުކުރާ ވަރުގެ ބޮޑެތި ކުރިއެރުންތަކެއް ހޯދައިފި އެވެ. މިހާރު ރާއްޖޭގެ އެކި ރަށްރަށުގައި އެސްޓީއޯގެ 56 ކޮންސްޓްރަކްޝަން އެޖެންޓުން އެބަ ތިއްބެވެ.

އެ ކުންފުނިން ބުނަނީ ހުރިހާ ރަށަކުން ކޮންސްޓްރަކްޝަން ސާމަނު ލިބޭނެކަން ކަށަވަރުކުރަން، އެންމެ މޮޅު އަދި އެންމެ މަންފާ ބޮޑު ގޮތަކީ އެއީ ކަމަށެވެ. އެ ކުންފުންޏާއެކީ މަސައްކަތް ކުރާ ކޮންސްޓްރަކްޝަން އެޖެންޓުން ވެސް މިކަމާ އެއްބަހެވެ.

"މިހާރު ރަށަށް ބޭނުންވާ ކޮންސްޓްރަކްޝަން ސާމާނު ފޯރުކޮށްދެވޭ ގެޔެއްގެ ފައުންޑޭޝަނުން ފެށިގެން ފަށައިގެން ހިޔާ ކުރުމާ ހަމައަށް," އެސްޓީއޯގެ ރަސްދޫ ކޮންސްޓްރަކްޝަން އެޖެންޓު، ވުޑް ވިލެޖް ކުންފުނީގެ ބޭފުޅަކު މި ނޫހަށް ވިދާޅުވި އެވެ.

އެ ގުޅުމުގެ ސަބަބުން ހަމައެކަނި ރަށްރަށުން މުދާ ލިބުމުގެ އިތުރުން ވިޔަފާރިތަކަށް ރަނގަޅު ފައިދާއެއް ވެސް ލިބެ އެވެ. އެސްޓީއޯއިން ހިއްސާކުރި ތަފާސްހިސާބުތައް ދައްކާ ގޮތުގައި، މިދިޔަ އަހަރު އެއް ވިޔަފާރިއަކަށް ހަމައެކަނި އެސްޓީއޯ ކޮންސްޓްރަކްޝަން ސާމާނު ވިއްކައިގެން ހަ މަސް ދުވަހުގެ ތެރޭގައި 2.4 މިލިއަން ރުފިޔާގެ ވިޔަފާރި ލިބުނެވެ.

ރަށުގެ ތަރައްގީއަށް ރަނުގެ ފުރުސަތެއް

މިހާތަނަށް އެ ޕްރޮޖެކްޓުގެ ދަށުން 56 އެޖެންޓުން ތިބި ނަމަވެސް، އެސްޓީއޯއިން ތިބީ މިވަރުން ފަރުޖައްސާލާކަށް ނޫނެވެ. އެ ކުންފުނީގެ އަމާޒަކީ މީހުން ދިރިއުޅޭ ހުރިހާ ރަށެއްގައި ކޮންސްޓްރަކްޝަން އެޖެންޓަކު ބެހެއްޓުމެވެ. ބޭނުންވަނީ ޝައުގުވެރިކަން ހުރި ހުރިހާ ވިޔަފާރިވެރިންނާ ބައިވެރިވެގެން ރަށްރަށުގެ އުމްރާނީ ތަރައްގީގެ މިސްރާބު ބަދަލުކުރާށެވެ.

މިހާރު ކޮންސްޓްރަކްޝަން އެޖެންޓުން ތިބި ރަށްރަށުން އެ މަންޒަރު ދަނީ ފެންނަމުންނެވެ. ސާމާނު ނުލިބުގެން މަސައްކަތް ހުއްޓާލަން ޖެހުން ހައްލުވެ، އިމާރާތްކުރުމުގެ ދުވެލި ބާރުވެއްޖެ އެވެ. އަތޮޅު ތެރޭގައި ވަޅުޖެހިފައި އޮތް އިމާރާތްކުރުމުގެ ސިނާއަތަށް އާ ދިރުމެއް ލިބިއްޖެ އެވެ. ކުރިން ޖެހުނު ތުރާތައް ނުޖެހޭތީ އިމާރާތްކުރާ ހިތް ވެސް ޖެހިއްޖެ އެވެ.

"އެސްޓީއޯއިން މިކޮޅުގެ އެޖެންޓުން ބައިތިއްބައިގެން މިކަން ކުރުމަކީ އަޅުގަނޑުމެންނަށް ވަރަށް ބޮޑު ކުރިއެރުމެއް. މިހާރު މަސައްކަތް ހުއްޓި ދާނެތީ ކަންބޮޑުވާން ޖެހޭ އެއްވެސް ސަބަބެއް ނެތް،" ކުރިން ރަސްދޫން ވާހަކަ ދެއްކި މީހާ ބުންޏެވެ.

ކޮންސްޓްރަކްޝަން އެޖެންޓުންނަކީ ރަށެއްގައި އާދައިގެ ވިޔަފާރިއެއް ހިންގާ ވިޔަފާރިވެރިޔާއަށް ވެސް ޖީބުން ބޮޑު ހަރަދެއްނުކޮށް ވިޔަފާރި ފުޅާކުރަން ރަނގަޅު ގޮތެކެވެ. ހަމައެކަނި ބޭނުންވަނީ ސާމާނު ބަހައްޓާނެ ތަންކޮޅެކެވެ. އެވަރުން ކޮންމެ މީހަކަށް ވެސް ކޮންސްޓްރަކްޝަން އެޖެންޓަކަށް ވެވޭނެ އެވެ.

އެއީ އެސްޓީއޯއާ ބައިވެރިވެގެން އަމިއްލަ ރަށުގެ އުމްރާނީ ތަރައްގީގެ އިސް ބައިވެރިއަކަށް ވާން ވިޔަފާރިތަަކަން ރަނުގެ ފުރުސަތެކެވެ.

ކޮމެންޓް

ފަހުގެ ޚަބަރު

ލަކްސް ގްލޯގެ ދެވަނަ ފިހާރަ މަޖީދީމަގުގައި ހުޅުވައިފި

މަޝްހޫރު ކޮސްމެޓިކްސް ބްރޭންޑް "ލަކްސް ގްލޯ" ގެ ދެވަނަ ފިހާރަ މާލޭގެ މަޖީދީމަގުގައި ހުޅުވައިފިއެވެ. މި ފިހާރައިން ބައިނަލްއަގުވާމީ ބްރޭންޑްތަކުގެ ސްކިންކެއާ އަދި މޭކަޕް ސާމާނު ޓެސްޓުކޮށްލުމާއި، ފަންނީ ލަފާ ހޯދައިގެން ވަގުތުން ގަނެވޭނެ އިންތިޒާމު ވަނީ ހަމަޖެހިފައެވެ. ފިހާރަތަކުގެ އިތުރުން އެ ބްރޭންޑުގެ ވެބްސައިޓް މެދުވެރިކޮށް އޮންލައިންކޮށް އޯޑަރުކުރުމުގެ ފުރުސަތުވެސް ކަސްޓަމަރުންނަށް ވަނީ ހުޅުވާލެވިފައެވެ.

ކްލީވިއާ ރެސިޑެންސް: ޒަމާނީ ބޯހިޔާވަހިކަން އާ މަޝްރޫއެއް

ޕޭން ރިއަލް އެސްޓޭޓުން އަލަށް ތައާރަފްކުރި "ކްލީވިއާ ރެސިޑެންސް" މަޝްރޫއަކީ މެދުފަންތީގެ އާމްދަނީ ލިބޭ ފަރާތްތަކަށް އަމާޒުކޮށްގެން ހިންގާ އަތްފޯރާ އަގުތަކެއްގެ ބޯހިޔާވަހިކަމުގެ މަޝްރޫއެކެވެ. މި މަޝްރޫއުގެ ދަށުން ޒަމާނީ ފެންވަރުގެ އެއް ކޮޓަރި އަދި ދެ ކޮޓަރީގެ އެޕާޓްމަންޓްތައް ލިބޭއިރު، ފައިސާ ދެއްކުމުގައި ލުއި ގޮތްތަކެއް ވަނީ ހަމަޖައްސާފައެވެ.

ދިރާގު ރޯޑް ރޭސްގެ ބިބް އެކްސްޕޯ ބުދަ ދުވަހާ ހަމައަށް

ދިރާގު މޯލްޑިވްސް ރޯޑް ރޭސް 2026 ގެ ބިބް އެކްސްޕޯ ބީޖީ ޓާފް ދަނޑުގައި ކުރިއަށްދާއިރު، ބިބް އާއި ރޭސް ކިޓް ދޫކުރުމުގެ މުއްދަތު މި މަހުގެ 18 ވާ ބުދަ ދުވަހުގެ ނިޔަލަށް ވަނީ އިތުރުކޮށްފައެވެ. ފަސް ހާހަށްވުރެ ގިނަ ދުވުންތެރިން ބައިވެރިވާ މި ދުވުން އޮންނާނީ ކުރިއަށް އޮތް ހުކުރު ދުވަހު ހުޅުމާލޭ ސެންޓްރަލް ޕާކުގައެވެ.

ގޫގަލް ޕިކްސެލް އަށް އުރީދޫ 5ޖީ

ގޫގުލް ޕިކްސެލް ފޯނުތަކަށް ރާއްޖޭގައި 5ޖީގެ ޚިދުމަތް ފޯރުކޮށްދޭ ފުރަތަމަ ނެޓްވޯކަކަށް އުރީދޫ މޯލްޑިވްސް ވެއްޖެއެވެ. ނޮވެންބަރު މަހުގެ ސޮފްޓްވެއާ އަޕްޑޭޓާއެކު ޕިކްސެލްގެ އެކި މޮޑެލްތަކަށް 5ޖީ އާއި ވީއޯއެލްޓީއީގެ ޚިދުމަތް މިހާރު ލިބޭނެއެވެ.

ޓޫރިޒަމް ފަހަތަށް، މާލީ ދާއިރާ އާއި އިމާރާތް ކުރުން ކުރިއަށް

މާލީ ދާއިރާ އާއި އިމާރާތްކުރުމުގެ ދާއިރާއަށް އައި ބޮޑު ކުރިއެރުމާއެކު، ރާއްޖޭގެ އިގުތިސޯދު ވަނީ ހަތަރެއް ޕަސެންޓަށް ކުރިއަރާފަ. ޓޫރިޒަމްގެ އިތުރުން މަސްވެރިކަމުގެ ދާއިރާވެސް ވަނީ މި މުއްދަތުގައި ވަރަށް ބޮޑަށް ދަށަށް ގޮސްފަ.

ޑީއެމްއާރްއާރްގައި ޕްލާސްޓިކް ބޭނުން ނުކުރުމަށް ދިރާގު އިލްތިމާސް

މި މަހުގެ 20 ގައި ބާއްވާ "ދިރާގު މޯލްޑިވްސް ރޯޑް ރޭސް" ގައި އެއްފަހަރު ބޭނުންކޮށްފައި އުކާލާ ޕްލާސްޓިކް ބޭނުން ނުކުރުމަށް ދިރާގުން އިލްތިމާސްކޮށްފިއެވެ. ތިމާވެށި ހިމާޔަތްކުރުމުގެ މަގުސަދުގައި ކުރިއަށްގެންދާ މި ހަރަކާތުގައި ފެން ފޯރުކޮށްދޭނީ ކަރުދާސް ތަށީގައި ކަމަށާއި، ދުވުންތެރިން އަމިއްލަ ފުޅި ގެންގުޅުމަށް އެ ކުންފުނިން ބާރުއަޅައެވެ. މި އިސްނެގުމުގެ ސަބަބުން ކޮންމެ އަހަރަކު ގާތްގަނޑަކަށް 18،000 ޕްލާސްޓިކް ފުޅި މަދުކުރެވޭނެ ކަމަށް ދިރާގުން ލަފާކުރެއެވެ.

ކުޑަ ސަރަހައްދަކުން އުދުއްސާލެވޭ އާދަޔާ ހިލާފު ބޯޓެއް

އެމެރިކާގެ އިލެކްޓްރާ ކުންފުނިން ދަނީ ރަންވޭއެއް ނެތް ކުޑަ ސަރަހައްދުތަކުން އުދުއްސާލެވޭ ފަދަ ހައިބްރިޑް-އިލެކްޓްރިކް މަތިންދާބޯޓެއް އުފައްދަމުންނެވެ. މި ބޯޓުގެ ސަބަބުން ކައިރި މަންޒިލްތަކަށް ކުރާ ދަތުރުތަކުގެ ޚަރަދު ކުޑަވެ، އެއާޕޯޓުތަކަށް ބަރޯސާނުވެ ސީދާ އެއް ތަނުން އަނެއް ތަނަށް އަވަހަށް ދަތުރުކުރުމުގެ ފުރުސަތު ލިބިގެންދާނެއެވެ.

Newsletter

Get the latest news delivered straight to your inbox