އިސްލާމިކް މިނިސްޓަރު ޒާހިރު އެމްޑީޕީގެ ކެމްޕެއިނުގައި ބައިވެރިވަޑައިގަނެފި

އިސްލާމިކް މިނިސްޓަރު ޑރ. އަހްމަދު ޒާހިރު: އެމްޑީޕީގެ ކެންޑިޑޭޓުގެ ކެމްޕެއިންގައި މިއަދު މިނިސްޓަރު ބައިވެރިވަޑައިގަނެފި، މިރޭ ޖަލްސާގައިވެސް ބައިވެރި ވަޑައިގަންނަވާނެ -- ފޮޓޯ: ޓްވީޓާ، އެމްޑީޕީ

އިސްލާމިކް މިނިސްޓަރު ޑރ. އަހްމަދު ޒާހިރު: އެމްޑީޕީގެ ކެންޑިޑޭޓުގެ ކެމްޕެއިންގައި މިއަދު މިނިސްޓަރު ބައިވެރިވަޑައިގަނެފި، މިރޭ ޖަލްސާގައިވެސް ބައިވެރި ވަޑައިގަންނަވާނެ -- ފޮޓޯ: ޓްވީޓާ، އެމްޑީޕީ

އިސްލާމިކް މިނިސްޓަރު ޑރ. އަހްމަދު ޒާހިރު އަލީ ށ. ކޮމަންޑޫ ދާއިރާއަށް ވާދަކުރާ އެމްޑީޕީ ކެންޑިޑޭޓް މުހައްމަދު ރާޝިދުގެ ކެމްޕެއިން ހަރަކާތްތަކުގައި ބައިވެރިވެވަޑައިގަންނަވަން ފަށައިފި އެވެ.

ސަރުކާރުގެ ކެންޑިޑޭޓަށް ތާއީދު ކުރާކަން ރަސްމީކޮށް އަދާލަތުން ނިންމާފައިނުވި ނަމަވެސް، އެ ދާއިރާގައި ހިމެނޭ ށ. މަރޮއްޓަށް ނިސްބަތްވެ ވަޑައިގަންނަވާ މިނިސްޓަރު ޒާހިރު ތާއީދުކުރައްވަނީ މުހައްމަދު ރާޝިދަށްކަން މިއަދު އޭނާ ހާމަކުރެއްވި އެވެ.

އެމްޑީޕީގެ ކެމްޕެއިންއަށް ނައިބު ރައީސް ފައިސަލް ނަސީމް މިއަދު މަރޮށްޓަށް ވަޑައިގެންނެވުމުން އެރަށުން އެމަނިކުފާނަށް މަރުހަބާ ދަންނަވަން މިނިސްޓަރު ޒާހިރު ވަޑައިގެން ހުންނެވި އެވެ. އަދި ރާޝިދުގެ ކެމްޕެއިނުގެ ބައެއް ހަރަކާތްތައް އިފްތިތާހު ކުރުމުގައި ވެސސް ޒާހިރު ބަައިވެރިވެވަޑައިގަތެވެ.

އެކަމާ ގުޅިގެން އަދާލަތުގެ ބަހެއް އަދި ނުލިބެ އެވެ. ފެބްރުއަރީގައި ބޭއްވުމަށް ހަމަޖެހިފައިވާ ބައި-އިލެކްޝަނުގައި އަދާލަތުން ކެންޑިޑޭޓަރު ނުނެރެ އެވެ. އަދި އެ އިންތިހާބުގައި އަދާލަތުން އަމަލު ކުރާނެ ވަކި ގޮތެއް ވެސް ކަނޑައަޅާފައެއްނުވެ އެވެ.

"ށ. ކޮމަންޑޫ ދާއިރާގެ ބައި އިލެކްޝަންގައި އަދާލަރުން ކެންޑިޑޭޓަކު ނެރިފައި ނުވި ނަމަވެސް، އެ ދާއިރާއަކީ އޭޕީގެ މެމްބަރުން އެކަށީގެންވާ އަދަދަކަށް ތިބި ދާއިރާ އަކަށްވާތީ، އެ ދާއިރާގެ ބައި އިލެކްޝަންގައި އޭޕީއިން ތާއީދުކުރާ ކެންޑިޑޭޓަކު ކުރިއަށް އޮތް ހަފްތާތެރޭގައި ނިންމާ އިއުލާނު ކުރާނަން،" އަދާލަތުގެ ތަރުޖަމާން، އަދި ހޯމް މިނިސްޓްރީގެ ސްޓޭޓް އަލީ ނަސީރު މީގެ ކުރިން ވިދާޅުވެފައިވެ އެވެ.

ނައިބު ރައީސް ކޮމަންޑޫ ދާއިރާއަށް ކުރައްވާ ދަތުރުގައި މިއަދު ހެނދުނު އެންމެ ފުރަތަމަ ވަޑައިގަތީ ފޯކައިދު އަށެވެ. އެއަށް ފަހު މަރޮއްޓަށް ވަޑައިގެން، އެރަށުގެ ބަނދަރު ހެދުމުގެ މަސައްކަތް ފެށުމުގެ ރަސްމިއްޔާތުގައި ބައިވެރިވެވަޑައިގެންނެވި އެވެ. އަދި ކޮމަންޑޫގައި މިރޭ ބާއްވާ ކެމްޕޭނު ޖަލްސާގައި ނައިބު ރައީސް އާއި ޖޭޕީގެ ބައެއް މިނިސްޓަރުންގެ އިތުރުން އަދާލަތުގެ މިނިސްޓަރު ވެސް ބައިވެރިވެވަޑައިގަންނަވާނެ އެވެ.

ރާޝިދުގެ ކެމްޕެއިނަށް މިދިޔަ ހަފުތާގެ ހުކުރު ދުވަހު ރައީސް އިބްރާހިމް މުހައްމަދު ސޯލިހު ވެސް ކޮމަންޑޫ ދާއިރާގެ ތިން ރަށަށް ވަޑައިގެންނެވި އެވެ. ރައީސްއާއެކު އެ ދަތުރުގައި އިކޮނޮމިކް މިނިސްޓަރު ފައްޔާޒު އިސްމާއީލް އާއި ތިމާވެއްޓާ ބެހޭ ވަޒީރު އައިމިނަތު ޝައުނާ އާއި އެޑިއުކޭޝަން މިނިސްޓަރު އައިޝަތު އަލީ ވަޑައިގެންނެވި އެވެ.

ރާޝިދުގެ ކެމްޕޭނު ހަރަކާތުގައި ބައިވެރިވެވަޑައިގަތުމަށް ބުދަ ދުވަހު ޑިފެންސް މިނިސްޓަރު މާރިޔާ އަހުމަދު ދީދީ އާއި ފޮރިން މިނިސްޓަރު އަދި އދ. އާންމު މަޖިލީހުގެ ރައީސް އަބްދުﷲ ޝާހިދު ވެސް އެ ރަށަށް ވަޑައިގެންނެވި އެވެ. އަދި އެ ދާއިރާގައި ހިމެނޭ ތިން ރަށުގައި ކެމްޕެއިން ޖަގަހަތައް ހުޅުވި އެވެ.

ކޮމެންޓް

ފަހުގެ ޚަބަރު

ދިރާގު ރޯޑް ރޭސް 5،500އަށްވުރެ ގިނަ ދުވުންތެރިންނާއެކު ބާއްވައިފި

ދިރާގު މޯލްޑިވްސް ރޯޑް ރޭހުގެ 17 ވަނަ އެޑިޝަން 5،500 އަށްވުރެ ގިނަ ދުވުންތެރިންނާއެކު ހުޅުމާލެ ސެންޓްރަލް ޕާކުގައި ވަނީ ބާއްވާފައެވެ. މި ދުވުމުގެ ލައިވް އަޕްޑޭޓްތަކާއި، ނަތީޖާ އަދި ދުވުންތެރިންގެ ރޭންކިންގ ބަލައިލުމުގެ ފުރުސަތު ދިރާގުން ވަނީ ޚާއްޞަ މޮބައިލް އެޕްލިކޭޝަނެއް މެދުވެރިކޮށް ފަހިކޮށްދީފައެވެ.

ޕީއެންސީގެ މެންބަރުންގެ އަދަދު ލައްކައަކަށްވުރެ ދަށަށް

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އެރިތާ 24 ގަޑިއިރު ނުވަނީސް، އަލުން އެ އަދަދު ލައްކައަކަށް ވުރެ ދަށަށް ގޮސްފިއެވެ. އިދިކޮޅު ފަރާތްތަކުން ތުހުމަތުކުރާ ގޮތުގައި މި އަދަދު ހަމަކުރުމަށްޓަކައި ވަޒީފާގެ ބިރުދެއްކުމާއި ރިޝްވަތުގެ ގޮތުގައި ފައިސާ ބޭނުންކޮށްފައިވެއެވެ. އީސީގެ ތަފާސްހިސާބުތަކުން ދައްކާގޮތުގައި އެ ޕާޓީގެ މެންބަރުންގެ އަދަދު މިހާރު ވަނީ 99,930 އަށް ތިރިވެފައެވެ.

ރަސްމާލޭގެ ޑީލުގައި ސޮއިނުކުރަން އެދި އަލައްބާރަށް ސިޓީއެއް

ރަސްމާލެ މަޝްރޫއުގެ މިހާރުގެ ޝަރުތުތަކާއި ގާނޫނުއަސާސީއާ ފުށުއެރުންތަކެއް ހުރި ކަމަށާއި، އެކަމުގައި އެކަށީގެންވާ ގޮތެއްގައި ރައްޔިތުންގެ ހިޔާލު ހޯދާފައި ނުވާތީ، ދެން އަންނަ ސަރުކާރަކުން ވެސް މި މަޝްރޫއުގެ އެއްބަސްވުން އަލުން މުރާޖައާކުރުމަށް ނުވަތަ އެއްކޮށް ބާތިލުކުރުމުގެ ފުރުސަތު އޮތް ކަމަށް އެ ސިޓީގައި ބުނެފައިވޭ.

"ރަސްމާލެ މައްސަލައިގައި މުއިއްޒު ވަނީ އަނގަވަތަށް ވެއްޓިފައި"

ރަސްމާލެ މަޝްރޫއަކީ ރާއްޖޭގެ ސިޔާދަތަށް އުނިކަންލިބޭ، ބޭރުގެ ފަރާތްތަކަށް ބިން ދިނުމަށް ހިންގާ ހީލަތްތެރި ރޭވުމެއް ކަމަށް ވިދާޅުވެ ކުރީގެ ރައީސް ޔާމީން ސަރުކާރަށް ވަރަށް ބޮޑަށް ފާޑުވިދާޅުވެއްޖެއެވެ. މި މަޝްރޫއުގެ ސަބަބުން ރައީސް މުއިއްޒު ރައްޔިތުންގެ ކުރިމަތީގައި ބޭޒާރުވެފައިވާ ކަމަށާއި، މި ސަރުކާރަށް ދެވަނަ ދައުރެއް ރައްޔިތުން ނުދޭނެ ކަމަށް ޔާމީން ވިދާޅުވިއެވެ.

ރަސްމާލެ ދޫކޮށްލުމާ ދެކޮޅުވެރިކަމެއް ނެތްކަމުގެ އިޝާރާތެއް

ރަސްމާލެއިން ބައެއް ބޭރުގެ ކުންފުންޏަކަށް ދޫކޮށްލުމާ ދެކޮޅު ހަދަނީ މަދު ބަޔަކު ކަމަށާއި، ދިވެހިން އަބަދުވެސް އިސްކުރަނީ ގައުމީ ތަރައްގީކަން މުއިއްޒު ފާހަގަކުރެއްވި. މީގެކުރިންވެސް ރާއްޖެއަށް އައި ބޮޑެތި ބަދަލުތަކާ ބައެއް މީހުން ދެކޮޅު ހެދި ނަމަވެސް، ގިނަ ރައްޔިތުން ތާއީދުކުރީ ގައުމީ ކުރިއެރުމަށްކަން އެމަނިކުފާނު ބަޔާންކޮށްދެއްވި.

ހުލާސާކޮށް އިއްޔެ: ސިޔާސީ ޕާޓީތަކުގެ ދަފްތަރަށް އައި ބޮޑު ބަދަލު

ޕީއެންސީގެ މެންބަރުންގެ އަދަދު އެއްލައްކައަށް އެރުމާއެކު، ޖުމްހޫރީ ޕާޓީ އާއި އަދާލަތު ޕާޓީ ފަދަ ދުވަސްވީ ޕާޓީތަކުން ގިނަ އަދަދެއްގެ މެންބަރުންނާއި އިސް ބޭފުޅުން ވަނީ ވަކިވެފައެވެ. މީގެ އިތުރުން، ރަސްމީ ޖަލްސާތަކުގެ ޕްރޮޓޮކޯލަށް ބަދަލުތަކެއް ގެނެސްފައިވާއިރު، ރަސްމާލެ މަޝްރޫއާ ގުޅޭގޮތުން އިލްމުވެރިންނާއި ސިޔާސީ ފަރާތްތަކުގެ މެދުގައި ވަނީ ޚިޔާލުތަފާތުވުންތަކެއް އުފެދިފައެވެ.

ވަޒީފާގެ ބިރުދައްކައިގެން އެއްލައްކަ މެންބަރުން ހަމަކޮށްފި

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އަރާފައިވާއިރު، މިއީ ވަޒީފާގެ ބިރުދައްކައިގެންނާއި ރިޝްވަތު ދީގެން ހޯދި އަދަދެއް ކަމަށް ވަނީ ތުހުމަތުކުރެވިފައި. އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި މިދިޔަ އަހަރާ އަޅާބަލާއިރު އެ ޕާޓީގެ މެންބަރުންގެ އަދަދު ވަނީ 26،000 އަށްވުރެ އިތުރުވެފައި.

Newsletter

Get the latest news delivered straight to your inbox