ސޯޝަލް ސެންޓަރު ބަންދުކޮށް ތާޖުއްދީން ސްކޫލުގައި ސާމްޕަލް ސެންޓަރެއް

ސޯޝަލް ސެންޓަރު ސަރަހައްދުގައި ސާމްޕަލް ނެގުމަށް ކިޔު ހަދާފައި-- ފޮޓޯ: މުހައްމަދު ޝާބިން / އަދަދު

ސޯޝަލް ސެންޓަރު ސަރަހައްދުގައި ސާމްޕަލް ނެގުމަށް ކިޔު ހަދާފައި-- ފޮޓޯ: މުހައްމަދު ޝާބިން / އަދަދު

ސޯޝަލް ސެންޓަރުގައި ގާއިމް ކޮށްފައިވާ ސާމްޕަލް ނަގާ ސެންޓަރު ބަންދުކޮށް މާލޭގެ ތާޖުއްދީން ސްކޫލުގައި ކޮވިޑަށް ޓެސްޓް ކުރުމަށް ސެންޓަރެއް ގާއިމްކޮށް މިއަދު ހިދުމަތް ދޭން ފަށާފައިވާ ކަމަށް އެޗްޕީއޭއިން ބުނެފި އެވެ.

އެޗްޕީއޭން ބުނީ ތާޖުއްދީން ސްކޫލްގައި ގާއިމްކޮށްފައި ވަނީ ސޯޝަލް ސެންޓަރުގައި ހުރި ސާމްޕަލް ސެންޓަރު ކަމަށެވެ. ސަބަބަކީ ސޯޝަލް ސެންޓަރުގައި އެކަށީގެންވާ ޖާގަ ނެތުމާއި އެ ތަނުގައި ގިނަ އިރު ކޮޅަށް ތިބެން ޖެހޭތީ ކަމަށް އެޗްޕީއޭން ބުނެ އެވެ.

އެގޮތުން ތާޖުއްދީންގައި މިއަދު 2:00 އިން ފެށިގެން އެ ސްކޫލް އިން ޓެސްޓް ހެދޭނެ ކަމަށާއި އެކަމަކު ދެން ސޯޝަލް ސެންޓަރުން އެ ހިދުމަތް ނުލިބޭނެ ކަމަށްވެސް އެޗްޕީއޭން ބުންޏެވެ. ތާޖުއްދީން ސްކޫލުން ހިދުމަތް ދޭނީ ކުރިން ސޯޝަލް ސެންޓަރުން ވެސް ހިދުމަތް ދިން ގަޑިތަކާއި ދުވަސްތަކުގަ އެވެ.

އެގޮތުން އެތަން ހުޅުވާފައި ހުންނަނީ ކޮންމެ ހޮނިހިރު ދުވަހަަކުން ފެށިގެން ބުރާސްފަތި ދުވަހުގެ ހެނދުނު 9:00 އިން 12:00 އަށް އަދި 3:00 އިން 6:00 އަށެވެ. އަދި ބުރާސްފަތި ދުވަހު ހެނދުނު 9:00 އިން 12:00 އަށެވެ. މީގެ އިތުރުން ހުކުރު ދުވަހު ހަވީރު 3:00 އިން އިރުއޮއްސި 6:00 އަށެވެ.

ސޯޝަލް ސެންޓަރު ބަންދުކޮށްފައި ވާއިރު މާލެ ސަރަހައްދުގައި މިހާރު ވަނީ އިތުރު ސެންޓަރެއް ވެސް ގާއިމް ކޮށްފަ އެވެ.

އެއީ މާލެ ސަރަހައްދުގައި ހަލުވިކަމާއެކު ކޮވިޑް ފެތުރެމުން ދާތީ މާލެއިން ބޭރަށް ފުރާ ކޮންމެ މީހަކު ވެސް ޕީސީއާރް ޓެސްޓު ހަދަން އެޗްޕީއޭއިން މަޖުބޫރު ކޮށްފައިވާ ދަނޑިވަޅެއްގައި ސޯޝަލް ސެންޓަރުން ޕީސީއާރް ޓެސްޓް ކުރެވޭ ވަގުތު ދެ ގަޑިއިރަށް ކުޑަކޮށްފާ ވާތީ ގިނަ ބަޔަކަށް ދަތިވެ ސޯޝަލް މީޑިއާގައި ނުރުހުން ފާޅުކުރަމުން އަންނަ ދަނޑިވަޅެއްގަ އެވެ.

ކޭސްތައް އިތުރުވަމުން އަންނާތީ އެޗްޕީއޭޭއިން އިއްޔެ ވަނީ ފިޔަވަޅުތައް އިތުރަށް ވަރުގަދަކޮށްފަ އެވެ. ޕީސީއާރް ޓެސްޓް ހެދުމަށް މަޖުބޫރު ކޮށްފަިއވާ އިރު، މިހާރު މާލެ ސަރަހއްދުގައި އިވެންޓްތަކާއި ހަފްލާ ފަދަ ކަންކަން 50 މީހުންނަށް ވުރެ މީހުން ހިމަނައިގެން ކުރިއަށް ނުގެންދިއުމަށް އެޗްޕީއޭއިން ވަނީ އަންގާފަ އެވެ.

މީގެ އިތުރުން ކޮވިޑު ވެކްސިންގެ ޑޯޒްތައް ފުރިހަމަވެ 14 ދުވަސް ހަމަވެފައިވާ ފަރާތެއް ނަމަ ދަތުރުކުރުމުގެ 72 ގަޑިއިރު ނުވާ ޕީސީއާރު ނެގެޓިވް ނަތީޖާއެއް އޮންނަންޖެހޭނެ ކަމަށް އެޗްޕީއޭއިން ބުންޏެވެ.

އަދި ވެކްސިންގެ ޑޯޒްތައް ފުރިހަމަނުވާ ފަރާތެއްނަމަ، 14 ދުވަހުގެ ކަރަންޓީނު ފުރިހަމަކުރަންޖެހޭއިރު، ކަރަންޓީނުން ދޫކުރެވޭނީ 14 ދުވަހުގެ ކަރަންޓީނު ފުރިހަމަކުރުމަށްފަހު ޕީސީއާރު ޓެސްޓް ހަދައި ނަތީޖާ ނެގެޓިވް ވުމުންނެވެ.

ކޮމެންޓް

ފަހުގެ ޚަބަރު

ރަސްމާލޭގެ ބަދަލު ދޭނީ މެންބަރުންނާއި ވެރިންގެ މުދަލުން: ފައްޔާޒު

ފައްޔާޒު ވަނީ މި މަޝްރޫއަށް މަގުފަހިކުރަން ހުށަހަޅާފައިވާ ބިލަކީ ގާނޫނުއަސާސީއާ ހިލާފަށް، ބޭރުގެ ފަރާތްތަކަށް ރާއްޖޭގެ ބިންތައް ދާއިމީކޮށް މިލްކުވާ ގޮތަށް އޮތް ބިލެއް ކަމަށް ވިދާޅުވެފަ. އަދި މިނިވަން ކޯޓެއް އޮތް ނަމަ ވުޖޫދުކުރަން އުޅޭ ގާނޫނާއީ ބިލު ވެސް ބާތިލުކުރާނެ ކަމަށް އޭނާ ވިދާޅުވި.

ކްރެކް ނުކުރެވިގެން ޖުމާންގެ ފޯނު ރާއްޖެއިން ބޭރަށް ފޮނުވަނީ

ޓެރަރިޒަމްގެ ތުހުމަތުގައި ހައްޔަރުކުރި އަލީ ޖުމާންގެ ފޯނު ހުޅުވަން އޭނާ އިންކާރުކުރުމުން، އެ ފޯނު ތަހުލީލުކުރުމަށް ރާއްޖެއިން ބޭރަށް ފޮނުވުމުގެ މަސައްކަތް ފުލުހުން ދަނީ ކުރަމުން. ސޯޝަލް މީޑިއާގައި ހުޅުޖެހުމަށާއި މުދަލަށް ގެއްލުންދޭން ހިތްވަރުދިން ކަމުގެ ތުހުމަތު އޮތް ޖުމާން، ބަންދުގައި ބެހެއްޓުމަށް ކޯޓުން ވަނީ އިތުރު 15 ދުވަސް ދީފަ.

މިއީ މިހާރު ހަމަ ކާޓޫނަކަށް ވެއްޖެ: ނަޝީދު

ނަޝީދު ވަނީ މި މައްސަލައިގައި ސަރުކާރަށް ފާޑުވިދާޅުވަމުން ވެރިކަމަށް ވަޑައިގަތީ ރައީސް ޔާމީންގެ ނަންފުޅު ބޭނުންކުރައްވައިގެން ކަމަށާއި، ނަމަވެސް މިހާރު ޔާމީނާއި ތަޖުރިބާކާރު ބޭފުޅުން އެއްކައިރިކޮށްފައިވާ ކަމަށް ވެސް ތުހުމަތުކުރައްވާފަ.

ނުރައްކާވާ މިންވަރަށް އުތުރާއި މެދުރާއްޖެއަށް ދުންފުހުގެ އަސަރު

ސިއްހަތަށް ނުރައްކާވާ މިންވަރަށް މާލެއާއި ކުޅުދުއްފުއްޓަށް ދުންފުނީގެ އަސަރުކޮށް، ވައި ނުސާފުވެފައިވާތީ ރައްކާތެރިކަމުގެ ފިޔަވަޅުތައް އެޅުމަށް އެޗްޕީއޭއިން ވަނީ އިލްތިމާސްކޮށްފައި. މެޓް އޮފީހުން ލަފާކުރާ ގޮތުގައި ކުރިއަށް އޮތް ދުވަސްތަކުގައިވެސް ރާއްޖޭގެ އެކި ސަރަހައްދުތަކަށް ދުންފުނީގެ އަސަރު ފޯރާނެ.

އީގަލް ހިލްސްއާއެކު ސޮއިކުރި ކޮމާޝަލް ޓާމްސް އެގްރީމެންޓެއް ނެތް

މި މައުލޫމާތު ހޯދަން "އަދަދު" ނޫހުން އެދުމުން މިނިސްޓްރީން ޖަވާބު ދިނީ އެއީ އެ މިނިސްޓްރީން ބަލަހައްޓާ މައުލޫމާތު ނޫން ކަމަށާއި، މަޝްރޫއުގެ މައިގަނޑު އެއްބަސްވުމުގައި އަދި ސޮއިނުކުރާ ކަމަށް ބުނެ އެވެ.

ނޮވެމްބަރު 26، ގައި އެމްޑީޕީން މަގުމައްޗަށް ނުކުންނަނީ

ރަސްމާލެ މަޝްރޫޢުގެ ބޮޑު ބައެއް ބޭރު ކުންފުންޏަކަށް ދޫކޮށްލުމާ ގުޅޭގޮތުން ރައްޔިތުންގެ ފެންނަ ނުފެންނަ ވޯޓެއް ނެގުމަށް ގޮވާލައި، މި މަހުގެ 26 ގައި މަގުމައްޗަށް ނުކުމެ އިހުތިޖާޖުކުރަން އެމްޑީޕީން ވަނީ ނިންމާފައި. އެ ޕާޓީން ބުނާގޮތުގައި މި މަޝްރޫޢަކީ ރައްޔިތުންނަށް ސާފުނުވާ ގިނަ ކަންތައްތަކެއް ހުރި މަޝްރޫއެއް.

މުއިއްޒު އަންނަ މަހު ބަންގްލަދޭޝްއަށް ވަޑައިގަންނަވަނީ

ރައީސް މުޙައްމަދު މުޢިއްޒު އަންނަ ޑިސެމްބަރު މަހުގެ 13 ވަނަ ދުވަހު ބަންގްލަދޭޝްއަށް ފުރަމާނަ ދަތުރުފުޅެއް ކުރެއްވުމަށް ވަނީ ހަމަޖެހިފައެވެ. ތިން ދުވަހުގެ މި ދަތުރުފުޅުގައި ދެ ގައުމުގެ ގުޅުން ބަދަހިކުރުމަށާއި، ރާއްޖޭގައި އުޅޭ ބަންގްލަދޭޝް މަސައްކަތްތެރިންގެ ހައްގުތަކާ ގުޅޭގޮތުން މަޝްވަރާކުރުމަށް ވަނީ ރޭވިފައެވެ.

Newsletter

Get the latest news delivered straight to your inbox