އަތޮޅުގެ ޗެމްޕިއަނުންނަށް ގައުމީ ވޮލީ މުބާރާތުގައި ވާދަކުރުމުގެ ފުރުސަތު ދެނީ

Jan 8, 2022, 7:15 AM
އިންޑިއާގެ ހައިދަރުއާބާދު ސްޕައިކާސްގެ ކުޅުންތެރިއަކު ޖަހާ ޝޮޓެއް ބްލޮކްކުރަން ރާއްޖޭގެ ގައުމީ ޓީމުގެ ފައިރޫޒާއި އެޑަމް މަސައްކަތް ކުރަނީ.-- ފޮޓޯ: އާއިމް ޒަމީރު/ އަދަދު

އިންޑިއާގެ ހައިދަރުއާބާދު ސްޕައިކާސްގެ ކުޅުންތެރިއަކު ޖަހާ ޝޮޓެއް ބްލޮކްކުރަން ރާއްޖޭގެ ގައުމީ ޓީމުގެ ފައިރޫޒާއި އެޑަމް މަސައްކަތް ކުރަނީ.-- ފޮޓޯ: އާއިމް ޒަމީރު/ އަދަދު

ވޮލީބޯޅައިގެ ފުރުސަތުތައް މުޅި ރާއްޖެ އަށް ހުޅުވާލެވިފައި ބޭއްވުމަށާއި ވޮލީ ފޯރިގަދަ ކުރުމުގެ ގޮތުން ވޮލީބޯލް އެސޯސިއޭޝަން އޮފް މޯލްޑިވްސް (ވީއޭއެމް) އިން އަތޮޅު މުބާރާތުގެ ޒޯން ޗެމްޕިއަނުންނަށް އެސޯސިއޭޝަން ކަޕްގެ ތެެރެއިން ގައުމީ މުބާރާތުގައި ވާދަކުރުމުގެ ފުރުސަތު ދޭން ނިންމައިފި އެވެ.

ދާދި ފަހުން ވީއޭއެމްގެ ލީޑަޝިޕުން ވަނީ ޔޫތު މިނިސްޓްރީގެ އޮފިޝަލުންނާ އެކު އަތޮޅު ކައުންސިލްތަކާ ބައްދަލުކޮށް، އަތޮޅު ވޮލީބޯޅަ މުބާރާތް ފަށައި، އެ މުބާރާތުގެ ތެރެއިން ފަހިވެފައި ހުރި ފުރުސަތުތަކާ ބެހޭ މައުލޫމާތު އަތޮޅު ކައުންސިލްތަކަށް ފޯރުކޮށްދީފަ އެވެ.

ވީއޭއެމުން ނިންމާފައި އޮތީ އަތޮޅު މުބާރާުތުގެ އަތޮޅު ބުރު، އަތޮޅު ކައުންސިލުން އިންތިޒާމް ކުރާ ގޮތަށެވެ. ވީއޭއެމާއި ޔޫތު މިނިސްޓްރީގެ އެހީތެރިކަމާ އެކު 20 އަތޮޅުގައި 20 މުބާރާތް ބޭއްވުމުގެ މަސައްކަތްކުރާއިރު، އަތޮޅު މުބާރާތްތަކުގައި ބައިވެރިވާ ޓީމުތަކުގެ ނިސްބަތަށް ބަލައި، މާލީ އެހީތެރިކަން ފޯރުކޮށްދޭން ވަނީ ނިންމައިފަ އެވެ.

Advertisement

ފޯރުކޮށްދޭ މާލީ އެހީތެރިކަން ބިނާވާނީ އަތޮޅަކުން ބައިވެރިވާ ރަށްތަކުގެ އަދަދަށް ބެލުމަށް ފަހު އެވެ. ދެ ރަށަށް ވުރެން ގިނައިން ޓީމު ބައިވެރިނުވާ އަތޮޅުތަކުގައި މުބާރާތް ނުބާއްވާނެ އެވެ.

ޔޫތު މިނިސްޓްރީގެ އޮފިޝަލުންނާއި ވީއޭއެމްގެ އިސް ވެރިން އަތޮޅު ކައުންސިލްތަކާ ވާޗުއަލްކޮށް ބައްދަލުކުރަނީ.

މުބާރާތުގައި ވާދަކުރެވޭނީ ކޮމިޝަނާ އޮފް ސްޕޯޓްސްގައި ރަޖިސްޓްރީވުމުގެ އިތުރުން ރަށް ތަމްސީލްކުރަން ރަށު ކައުންސިލް އެންޑޯޒްކޮށްފައިވާ ޓީމަކަށެވެ. އެއް ރަށަކުން ގިނަ ޓީމު ބައިވެރިވާން ބޭނުންވެއްޖެ ހާލަތެއްގައި އެ ރަށުގެ މެދުގައި އަމިއްލަ އަށް މުބާރާތެއް ބާއްވައި، އެ ރަށް ތަމްސީލްކުރާނެ ޓީމެއް ހޮވުން އޮތީ އެ ރަށެއްގެ ކައުންސިލް އަތްމަތީގަ އެވެ.

އަތޮޅު މުބާރާތް ނިމުމަށް ފަހު ދެން އޮންނާނީ ހަތް ޒޯން މުބާރާތެވެ.

ޒޯން އެކެއްގައި އޮތީ ހއ. ހދ އަދި ށ އެވެ. ޒޯން ދޭއްގައި އޮތީ ނ. ޅ. ބ އަދި ރ އެވެ. ޒޯން ތިނެއްގައި އޮތީ ކ. ވ. އއ އަދި އދ އެވެ. ޒޯން ތިނެއްގައި އޮތީ މ. ފ އަދި ދ އެވެ. ޒޯން ފަހެއްގައި އޮތީ ތ، ލ އެވެ. ޒޯން ހައެއްގައި އޮތީ ގއ އާއި ގދ އެވެ. އަދި ޒޯން ހަތެއްގައި އޮތީ އައްޑޫ އާއި ފުވައްމުލަކެވެ.

"ހަތް ޒޯނުގެ ޗެމްޕިއަނުންނަށް ކުޅެވޭނެ ވޮލީބޯލް އެސޯސިއޭޝަން ކަޕްގެ ފައިނަލް ރައުންޑްގައި. މިހާރު މި އޮތްގޮތުން ޖޫން މަހާ ހަމައަށް ނިމިފައި އޮތް ޒޯންތަކަށް މި ފަހަރުގެ އެސޯސިއޭޝަން ކަޕްގައި ކުޅެވޭނީ،" ވީއޭއެމްގެ ރައީސް މުހައްމަދު ރަނޭޝް (ރަނޭ) ވިދާޅުވި އެވެ. " ޖޫންގެ ކުރިން އަތޮޅުތަކުން ނިންމަންޖެހޭނެ. އަތޮޅަށް ދޭން ޖެހޭ ހުރިހާ ސަޕޯޓެއް، ވީއޭއެމާއި ޔޫތު މިނިސްޓްރީން ދޭނެ،"

ކުޅުންތެރިންނަށް ފުރުސަތު އޮތީ ކިހިނެއް؟

ވީއޭއެމުން އެކުލަވާލާފައިވާ އަތޮޅު މުބާރާތުގައި ކުޅުންތެރިންނަށް ކުޅެވުމުގެ އުސޫލަށް ބަލާއިރު، އަތޮޅު މުބާރާތުގައި ކުޅުންތެރިއަކަށް ކުޅެވޭނީ އެ ކުޅުންތެރިއަކު ރަޖިސްޓްރީވެފައިވާ އަތޮޅެއްގެ ރަށަކަށެވެ. އަންހެނުން ނިސްބަތްވާ ރަށް ކަމުގައި ވިޔަސް އެ ކުޅުންތެރިއަކު ރަޖިސްޓްރީވެފައި ނެތް އަތޮޅަކަށް ނުކުޅެވޭނެ އެވެ.

އެހެން ނަމަވެސް ޒޯން މުބާރާތުގައި ކުޅުންތެރިންނަށް ފުރުސަތު އިތުރު ކުރުމާއި މުބާރާތުގެ ތެރެއިން ޓްރާންސްފާ އާއި އެހެނިހެން ފޯރި ވެސް ވަރުގަދަ ކުރުމުގެ ބޭނުމުގައި ކޮންމެ ޓީމަކަށް ވެސް އެ އަތޮޅަކަށް ނިސްބަތްނުވާ ޒޯނަކުން އެއް ކުޅުންތެރިއަކު ޓީމުގައި ހިމެނޭނެ އެވެ. މާނަ އަކީ ފުރުސަތު ލިބޭ ކުޅުންތެރިންނަށް ޒޯން ބުރުގައި ގިނަ ވެގެން ދެ ޓީމަށް ކުޅުމުގެ ޖާގަ އޮތުމެވެ. އެއް ކުޅުންތެރިއަކަށް ގިނަވެގެން ކުޅެވޭނީ ދެ ޒޯނުގަ އެވެ.

މީގެ އިތުރުން ޒޯން މުބާރާތުގައި އެ ޒޯނަކަށް ނިސްބަތްވާ ކޮންމެ ކުޅުންތެރިއަކު ވެސް ޓީމުގައި ހިމެނުމުގެ ފުރުސަތު އޮންނާނެ އެވެ. މިސާލަކަށް ޒޯން އެކެއްގެ ޗެމްޕިއަން ޓީމަށް އެ ޒޯނުގެ ކޮންމެ ރަށަކުން ވެސް ކުޅުންތެރިއަކު ނެގިދާނެ އެވެ. އެކަމަކު، އެ ޒޯނުން ބޭރުން ޖެހޭނީ އެންމެ ކުޅުންތެރިއެކެވެ.

"އޭރަށް މުބާރާތުގެ ފޯރި ވެސް ގަދަވެ، ގައުމީ ޓީމުގެ ކުޅުންތެރިންނަށް ކުޅެލަން ލިބޭ ފުރުސަތު އިތުރުވާނެ ކަމަށް މި ބަލަނީ،" ރަނޭ ވިދާޅުވި އެވެ.

އަތޮޅު މުބާރާތަކީ ރާއްޖޭގައި ވަރަށް ފޯރިގަދަކޮށް ކުރިއަށްދާ މުބާރާތަކަށް ވީހިނދު އަލުން އެ ފޯރި ގެނެސް ރާއްޖޭގެ ވޮލީ އަށް ރަނގަޅު ކުރިމަގެއް ހޯދައިދިނުމަކީ ވީއޭއެމް އިން މި މުބާރާތް އަލުން ފައްޓަން ބޭނުންވި އެންމެ ބޮޑު ސަބަބެވެ.

ރާއްޖޭގެ އެކި ރަށްރަށުގައި ރަށު ފެންވަރުގައި އަދި އަތޮޅު ލެވަލްގައި ފޯރިގަދަ ވޮލީބޯޅަ މުބާރާތްތައް ކުރިއަށް ގެންދެ އެވެ. އަދި ބޮޑު އަގު ދީފައި ރާއްޖޭގެ މަޝްހޫރު ކުޅުންތެރިން ވެސް އެ މުބާރާްތްތަކުގައި ކުޅެން ގެންދެ އެވެ.

މިހާރު ރޭވިފައި އޮތް ގޮތުން އެސޯސިއޭޝަން ކަޕްގެ ޕްރިލިމިނަރީ ބުރުގައި ރަޖިސްޓްރީވެފައިވާ ކޮންމެ ޖަމިއްޔާ އަކަށް ވެސް ބައިވެރިވެވޭނެ އެވެ. ރަށްރަށުގެ ޓީމުތަކަށް ވެސް އެސޯސިއޭޝަން ކަޕްގެ ޕްރިލިމިނަރީ ބުރުގައި ވާދަކޮށްގެން ފައިނަލް ބުރަށް ހޮވެންވީ އެވެ.

ކޮމެންޓް

ފަހުގެ ޚަބަރު

ސިޓީ އާއި އާސެނަލަށް މޮޅެއް ނުލިބުނު، ޗެލްސީ ބަލިވެއްޖެ

އިނގިރޭސި ޕްރިމިއާ ލީގުގައި ރޭ ކުޅުނު މެޗުތަކުން މެންޗެސްޓާ ސިޓީ އާއި އާސެނަލް އެއްވަރުވިއިރު، ޗެލްސީ ވަނީ ލީޑްސް ޔުނައިޓެޑް އަތުން 4-1 އިން ބަލިވެފައި. ސިޓީ އާއި ފުލަމް ބައްދަލުކުރި މެޗު 1-1 އިން އެއްވަރުވިއިރު، އާސެނަލް އާއި ނިއުކާސަލް ބައްދަލުކުރި މެޗު ނިމުނީ 2-2 އިން އެއްވަރުވެގެން.

އޮޑިން ކޮންމެ މެޗެއްގައި ވެސް ޓީމު ވަރުގަދަކޮށްގެން ނަތީޖާ ނެރެން

ދިވެހި ޕްރިމިއާ ލީގުގައި އޮޑި ސްޕޯޓްސް ކްލަބުން ކޮންމެ މެޗަކަށް ވެސް ނުކުންނަނީ ޓީމު ވަރުގަދަކޮށް ރަނގަޅު ނަތީޖާއެއް ނެރުމުގެ އަމާޒުގައި ކަމަށް އެ ޓީމުގެ ކޯޗު ލޫޗޯ ބުނެފި. ލީގުގެ ބްރޭކުގެ ތެރޭގައި ޓީމުގެ ފިޓްނަސް އާއި ކުޅުން ރަނގަޅުކުރަން ގިނަ މަސައްކަތްތަކެއް ކޮށްފައިވާއިރު، މާދަމާ ޓީސީއާ ދެކޮޅަށް ނުކުންނާނީ މެޗުގެ ކޮންޓްރޯލް ހޯދައިގެން މޮޅުވާން

ނިއު ރޭޑިއަންޓް ބަލިކުރުން މުޅި ވިކްޓަރީ އަށް އިތުބާރަކަށްވާނެ

ދިވެހި ޕްރިމިއާ ލީގުގައި ނިއު ރޭޑިއަންޓާ ދެކޮޅަށް ކުޅޭ މެޗުން މޮޅުވުމަކީ ވިކްޓަރީގެ އިތުބާރު ބޮޑުވެ، ސަޕޯޓަރުންގެ ޝައުގުވެރިކަން އިތުރުވާނެ ކަމެއް ކަމަށް އެ ޓީމުގެ ކޯޗު މޯހަން ބުނެފި ލީގުގައި މިހާތަނަށް ބަލިނުވެ އޮތް މި ދެ ޓީމުގެ ކުރިމަތިލުމަށް ވިކްޓަރީ އޮތީ ވަރަށް ރަނގަޅަށް ތައްޔާރުވެފައި ކަމަށްވެސް އޭނާ ފާހަގަކުރި

މުޑްރިކް އާއި ޔޫކްރެއިން އެފްއޭގެ ކޯޅުމެއް

މަނާބޭހުގެ މައްސަލައެއްގައި 21 މަސް ދުވަހުގެ ސަސްޕެންޝަނެއް ފުރިހަމަކުރުމަށްފަހު، ޔޫކްރެއިންގެ މިހައިލޯ މުޑްރިކް އެ ގައުމުގެ ފުޓްބޯޅަ އެސޯސިއޭޝަނުން އިހުމާލުވި ކަމަށް ބުނެ ކުރި ތުހުމަތުތަކާ ގުޅިގެން މައްސަލަ ހޫނުވެއްޖެއެވެ. މުޑްރިކްގެ މި ވާހަކަތަކަށް ރައްދު ދެއްވަމުން ޔޫކްރެއިން އެފްއޭގެ ރައީސް އަންޑްރީ ޝެވްޗެންކޯ ވިދާޅުވީ މުޑްރިކް ހަދަނީ ދޮގު ކަމަށާއި، މިއީ އެސޯސިއޭޝަނުގެ އަގުވައްޓާލަން ކުރާ ކަމެއް ކަމަށެވެ.

ޓޮމް ބްރެޑީ ޗެލްސީގެ ހިއްސާއެއް ގަންނަނީ

އެމެރިކަން ފުޓްބޯޅަ ލެޖެންޑް ޓޮމް ބްރެޑީ، ކްލިއަލޭކް ކެޕިޓަލް މެދުވެރިކޮށް އިނގިރޭސި ކްލަބް ޗެލްސީގެ މައިނޯރިޓީ ހިއްސާއެއް ގަތުމަށް ދަނީ މަސައްކަތް ކުރަމުންނެވެ. މި އިންވެސްޓްމަންޓާއެކު އޭނާއަށް ވޯޓުލުމުގެ ހައްގު ނުލިބުނު ނަމަވެސް، ކުރިއަށް އޮތް ތަނުގައި ކްލަބުގެ ބޯޑުން ފުރުސަތު ލިބުމުގެ ފުރުސަތު އެބައޮތެވެ. ބްރެޑީ މި ފިޔަވަޅު އަޅަނީ ބާމިންހަމް ސިޓީގައި އޮތް އޭނާގެ ހިއްސާ ދޫކޮށްލުމަށްފަހުއެވެ.

ބަޔާން އެއްވަރުވި މެޗުގައި ކޭން އަށް ސީރިއަސް އަނިޔާއެއް

ޖަރުމަނު ލީގުގައި ކޮލޯންއާ ދެކޮޅަށް ކުޅުނު މެޗުގައި ބަޔާން މިއުނިކްގެ ފޯވާޑް ހެރީ ކޭންގެ ކުޑަހުޅަށް ލިބުނު ސީރިއަސް އަނިޔާއަކާ ގުޅިގެން، ތިން މަސް ދުވަހަށް އޭނާ ކުޅުމާ ދުރުގައި ހުންނަން ޖެހިއްޖެ. ބަޔާން މި މެޗުން 1-1 އިން އެއްވަރުވިއިރު، މި ނަތީޖާއާއެކު ލީގުގެ އެއްވަނަ މަގާމު ގެއްލުމުގެ ބިރު އެ ޓީމަށް ވަނީ ކުރިމަތިވެފައި

ސްޕެއިން ކައިރިން ބަދަލުހިފަން ޒިދާން ބޭނުމެއް ނޫން

ނޭޝަންސް ލީގުގެ ކުއާޓާ ފައިނަލުގައި ސްޕެއިނާ ދެކޮޅަށް ނުކުންނައިރު، ފްރާންސްގެ އަމާޒަކީ ވޯލްޑް ކަޕްގެ ބަލިވުމުގެ ބަދަލުހިފުމުގެ ބަދަލުގައި މުބާރާތުގެ ތަށި ހޯދުން ކަމަށް ކޯޗު ޒިދާން ބުނެފި. ޒިދާން ފާހަގަކުރި ގޮތުގައި މިއީ އާ މުބާރާތެއް ކަމަށާއި، އަންނަ މާޗް މަހު އޮންނަ މި މެޗުތަކަށް ޓީމު އޮތީ ވަރުގަދަ އަމާޒެއްގައި

Newsletter

Get the latest news delivered straight to your inbox