ޓީމުތަކުން މާޒިޔާއާ ކުޅެން ވަރުގަދަ އަށް ތައްޔާރުވާނެ: މޯހަން

ރޭގެ މެޗަށް ފަހު މޯހަން އިންޓަވިއު ދެނީ.-- ފޮޓޯ: މުހައްމަދު ޝާބިން/ އަދަދު

ރޭގެ މެޗަށް ފަހު މޯހަން އިންޓަވިއު ދެނީ.-- ފޮޓޯ: މުހައްމަދު ޝާބިން/ އަދަދު

ފުޓްބޯޅަ ސީޒަން ފެއްޓުމުގެ ގޮތުން ކުޅޭ އެފްއޭ ޗެރިޓީ ޝީލްޑް މެޗުގައި ވެލެންސިއާގެ މައްޗަށް މާޒިޔާ އިން 5-0 އިން ކުރިހޯދުމުން ކުރިއަށް އޮތް ސީޒަނުގައި މާޒިޔާއާ ދެކޮޅަށް ކުޅެން ޓީމުތަކުން ވަރުގަދަ އަށް ތައްޔާރުވާނެ ކަމަށް ބެލެވޭ ކަމަށް މާޒިޔާގެ ކޯޗު މުހައްމަދު ޝިޔާޒް (މޯހަން) ބުނެފި އެވެ.

ރޭގެ މެޗުގައި މާޒިޔާ އިން ވަނީ ފުރަތަމަ ހާފުގައި އިބްރާހިމް އައިސަމް، އިބްރާހިމް ވަހީދު ހަސަން (އިއްބެ) އަދި ކޯނޭލިއަސް ސްޓެވާޓް (ކޯނޭ)ގެ ގޯލުތަކުން ތިން ގޯލުގެ ލީޑެއް ނަގައިފަ އެވެ. ދެ ވަނަ ހާފުގައި މާޒިޔާގެ އަނެއް ދެ ގޯލު ޖެހީ ހަމްޒާ މުހައްމަދު (ހަމްޕު) އާއި ހުސެއިން ނިހާން (ނިހާޓް) އެވެ.

Advertisement

ރޭގެ މެޗަށް ފަހު އޮތް ނޫސްވެރިންގެ ބައްދަލުވުމުގައި މޯހަން ބުނީ މާޒިޔާ އިން ކުރި ޕްރެކްޓިސްތަކުގެ ނަތީޖާ މި މެޗުގައި ފެނިގެންދިޔަ ކަމަށެވެ. އަދި ކުޅުމަށް ބޭނުންވާ ބަދަލުތައް ގެންނަން ބަލާއިރު، މިއީ ފެށުމެއްގެ ގޮތުގައި ގަބޫލުކުރާ ކަމަށް މޯހަން ބުންޏެވެ.

"މުޅި ޖުމްލަކޮށް މިއީ އަދި ފެށުމެއް. ކުރިއަށް އޮތީ، އުނދަގޫ ދުވަސްތައް އަންނާނެ ކޮންމެ ގޮތެއް ވިޔަސް ޓީމުތައް ތައްޔާރުވާން ފަށާނެ. އަޅުގަނޑުމެން ކުޅޭ ކުޅުމަށާއި މި ހުރިހާ އެއްޗެއް ކައުންޓާ ކުރަން މަސައްކަތްކުރާނެ (ވަރުގަދަ އަށް) ތައްޔާރުވާނެ. އެ އަށް ވެސް ވިސްނައިގެން އަދި އިތުރަށް އަޅުގަނޑުމެން ތައްޔާރުވާން ޖެހޭނީ،" މޯހަން ބުންޏެވެ.

"ދިގު ސީޒަނެއްގެ ފެށުން މިއީ. ވަރަށް ބޮޑު ހިތްހަމަޖެހުމެއް އެއީ (ފުރަތަމަ މެޗުން) މިހާ ރަނގަޅު ކާމިޔާބެއް ލިބުނީތީވެ،"

މާޒިޔާ އިން މި ވަނީ މި ފަހަރުގެ ޝީލްޑް އުފުލާލައި ޗެރިޓީ ޝީލްޑް މެޗުގެ އެންމެ ކާމިޔާބު ޓީމުގެ ރެކޯޑް ހަދައިފަ އެވެ. މާޒިޔާ އިން ހަތަރު ފަހަރު ޝީލްޑް އުފުލާލިއިރު، އެ ޓީމާ އެއްވަރަށް އެކަން ހާސިލްކުރި ޓީމެއް ނެތެވެ.

މާޒިޔާ އިން ކޯޗު މޯހަން އުރާލައިގެން: މޯހަން އަކީ ތަފާތު ދެ ޓީމެއްގައި ހުރެ ޖެހިޖެހިގެން ދެ ސީޒަނުގައި ޗެރިޓީ ޝީލްޑް އުފުލާލި ފުރަތަމަ ކޯޗު.-- ފޮޓޯ: މުހައްމަދު ޝާބިން/ އަދަދު

މިދިޔަ ސީޒަނުގައި މާޒިޔާ ޝީލްޑް މެޗުގައި އީގަލްސް އަތުން ބަލިވިއިރު، އެ ޓީމުގެ ކޯޗަކަށް ހުރި މޯހަން މި ފަހަރު މި ވަނީ މާޒިޔާ އަށް ޝީލްޑް ހޯދައިދީފަ އެވެ. މޯހަން އަކީ ތަފާތު ދެ ޓީމެއްގައި ހުރެ ދެ ސީޒަނެއްގައި ޝީލްޑް ކާމިޔާބުކުރި ފުރަތަމަ ކޯޗެވެ.

މޯހަން ބުނީ ދެ ކާމިޔާބީން ފެންނަ އެއް ކަމަކީ އޭނާ އަށް ކުރެވުނު މަސައްކަތް ރަނގަޅުކަން ކަމަށެވެ.

"ދެން، މާޒިޔާ މެނޭޖްމަންޓުން ކުރަމުންދާ މަސައްކަތަށް ވަރަށް ބޮޑަށް ޝުކުރިއްޔާއޭ ދަންނަވަން ޖެހެނީ. ޗެއާމަނުން ހިސާބުން ފެށިގެން ބޯޑާއި ހުރިހާ އެންމެނަށް ވަރަށް ބޮޑަށް ޝުކުރިއްޔާއޭ ދަންނަވަންޖެހޭނީ. އެ ކޮށްދޭ މަސައްކަތަށް. އަޅުގަނޑަށް ލިބޭ އެއްބާލުމާއި އެހީތެރިކަން ވަރަށް ބޮޑަށް ފާހަގަކުރަން. ވަރަށް ހިތްހަމަޖެހޭ އެއްވެސް ކަމެއް މެނޭޖްމަންޓުން ކޮށްދޭންޖެހޭ އުނިވެފައެއް ނުވާތީ،" މޯހަން ބުންޏެވެ.

މާޒިޔާ ލައްވައި މޯހަން ކުޅުވަން ބޭނުންވާ ފުޓްބޯޅައިގެ ސިފަތައް ރޭގެ މެޗުގައި ކޮންމެ ވެސް ވަރަކަށް ފެނުނު ކަމަށް އޭނާ ވަނީ ބުނެފަ އެވެ. މޯހަން ބުނީ ރޭގެ މެޗުގައި އެ ދެއްކުނު ކުޅުމުގެ އެންމެ މުހިއްމު ކަމަކީ ލިބުނު މުއްދަތާ ބަލާއިރު ކުޅުންތެރިން ކުރި ރަނގަޅު މަސައްކަތް ކަަމަށެވެ.

"ބޯޅަ ގެއްލުނީމަ އަދި ޕްރެސްކޮށްލުން އެންމެ ރަނގަޅު ނޫން ކަމުގައި ވިޔަސް ފަހު ހާފުގައި އެކަން ވަރަށް ބޮޑަށް އިމްޕްރޫވްވެގެން ދިޔަތަން ފެނުނު. ބޯޅަ އަތުގައި އޮންނައިރު ގެއްލުވާނުލައި ނުޖަހައި ކޮންޓްރޯލް ކޮށްގެން މެޗެއް ކުޅެން މަސައްކަތް ކުރިތަން ފެނިގެންދިޔަ. ޕާސްތަކާއި މޫވްމަންޓް ރަނގަޅުކަން ވެސް ފާހަގަކުރެވުނު. މި ކާމިޔާބު ލިބިގެން ދިޔައީ ކުރެވުނު މަސައްކަތަށް ކުޅުންތެރިން ކުރި މަސައްކަތުގެ ނަތީޖާއޭ ދަންނަވަން ޖެހޭނީ،" ކުޅުމަށް އިޝާރާތްކޮށް މޯހަން ބުންޏެވެ.

މާޒިޔާ ދެން އެންމެ އަވަހަށް ކުޅޭ މެޗަކީ ޕްރެޒިޑެންޓްސް ކަޕްގައި އަންނަ އާދިއްތަ ހޯމަ ހަވީރު ސުޕަ ޔުނައިޓެޑް ސްޕޯޓްސް (ސަސް)އާ ކުޅޭ މެޗެވެ. މޯހަން މި ފަހަރު މާޒިޔާއާ ހަވާލުވީ ސަސްއާ އެކު ހަދާފައިވާ އެއްބަސްވުން އެ ކްލަބުން އުވާލުމުންނެވެ.

ކޮމެންޓް

ފަހުގެ ޚަބަރު

ސިޓީ އާއި އާސެނަލަށް މޮޅެއް ނުލިބުނު، ޗެލްސީ ބަލިވެއްޖެ

އިނގިރޭސި ޕްރިމިއާ ލީގުގައި ރޭ ކުޅުނު މެޗުތަކުން މެންޗެސްޓާ ސިޓީ އާއި އާސެނަލް އެއްވަރުވިއިރު، ޗެލްސީ ވަނީ ލީޑްސް ޔުނައިޓެޑް އަތުން 4-1 އިން ބަލިވެފައި. ސިޓީ އާއި ފުލަމް ބައްދަލުކުރި މެޗު 1-1 އިން އެއްވަރުވިއިރު، އާސެނަލް އާއި ނިއުކާސަލް ބައްދަލުކުރި މެޗު ނިމުނީ 2-2 އިން އެއްވަރުވެގެން.

އޮޑިން ކޮންމެ މެޗެއްގައި ވެސް ޓީމު ވަރުގަދަކޮށްގެން ނަތީޖާ ނެރެން

ދިވެހި ޕްރިމިއާ ލީގުގައި އޮޑި ސްޕޯޓްސް ކްލަބުން ކޮންމެ މެޗަކަށް ވެސް ނުކުންނަނީ ޓީމު ވަރުގަދަކޮށް ރަނގަޅު ނަތީޖާއެއް ނެރުމުގެ އަމާޒުގައި ކަމަށް އެ ޓީމުގެ ކޯޗު ލޫޗޯ ބުނެފި. ލީގުގެ ބްރޭކުގެ ތެރޭގައި ޓީމުގެ ފިޓްނަސް އާއި ކުޅުން ރަނގަޅުކުރަން ގިނަ މަސައްކަތްތަކެއް ކޮށްފައިވާއިރު، މާދަމާ ޓީސީއާ ދެކޮޅަށް ނުކުންނާނީ މެޗުގެ ކޮންޓްރޯލް ހޯދައިގެން މޮޅުވާން

ނިއު ރޭޑިއަންޓް ބަލިކުރުން މުޅި ވިކްޓަރީ އަށް އިތުބާރަކަށްވާނެ

ދިވެހި ޕްރިމިއާ ލީގުގައި ނިއު ރޭޑިއަންޓާ ދެކޮޅަށް ކުޅޭ މެޗުން މޮޅުވުމަކީ ވިކްޓަރީގެ އިތުބާރު ބޮޑުވެ، ސަޕޯޓަރުންގެ ޝައުގުވެރިކަން އިތުރުވާނެ ކަމެއް ކަމަށް އެ ޓީމުގެ ކޯޗު މޯހަން ބުނެފި ލީގުގައި މިހާތަނަށް ބަލިނުވެ އޮތް މި ދެ ޓީމުގެ ކުރިމަތިލުމަށް ވިކްޓަރީ އޮތީ ވަރަށް ރަނގަޅަށް ތައްޔާރުވެފައި ކަމަށްވެސް އޭނާ ފާހަގަކުރި

މުޑްރިކް އާއި ޔޫކްރެއިން އެފްއޭގެ ކޯޅުމެއް

މަނާބޭހުގެ މައްސަލައެއްގައި 21 މަސް ދުވަހުގެ ސަސްޕެންޝަނެއް ފުރިހަމަކުރުމަށްފަހު، ޔޫކްރެއިންގެ މިހައިލޯ މުޑްރިކް އެ ގައުމުގެ ފުޓްބޯޅަ އެސޯސިއޭޝަނުން އިހުމާލުވި ކަމަށް ބުނެ ކުރި ތުހުމަތުތަކާ ގުޅިގެން މައްސަލަ ހޫނުވެއްޖެއެވެ. މުޑްރިކްގެ މި ވާހަކަތަކަށް ރައްދު ދެއްވަމުން ޔޫކްރެއިން އެފްއޭގެ ރައީސް އަންޑްރީ ޝެވްޗެންކޯ ވިދާޅުވީ މުޑްރިކް ހަދަނީ ދޮގު ކަމަށާއި، މިއީ އެސޯސިއޭޝަނުގެ އަގުވައްޓާލަން ކުރާ ކަމެއް ކަމަށެވެ.

ޓޮމް ބްރެޑީ ޗެލްސީގެ ހިއްސާއެއް ގަންނަނީ

އެމެރިކަން ފުޓްބޯޅަ ލެޖެންޑް ޓޮމް ބްރެޑީ، ކްލިއަލޭކް ކެޕިޓަލް މެދުވެރިކޮށް އިނގިރޭސި ކްލަބް ޗެލްސީގެ މައިނޯރިޓީ ހިއްސާއެއް ގަތުމަށް ދަނީ މަސައްކަތް ކުރަމުންނެވެ. މި އިންވެސްޓްމަންޓާއެކު އޭނާއަށް ވޯޓުލުމުގެ ހައްގު ނުލިބުނު ނަމަވެސް، ކުރިއަށް އޮތް ތަނުގައި ކްލަބުގެ ބޯޑުން ފުރުސަތު ލިބުމުގެ ފުރުސަތު އެބައޮތެވެ. ބްރެޑީ މި ފިޔަވަޅު އަޅަނީ ބާމިންހަމް ސިޓީގައި އޮތް އޭނާގެ ހިއްސާ ދޫކޮށްލުމަށްފަހުއެވެ.

ބަޔާން އެއްވަރުވި މެޗުގައި ކޭން އަށް ސީރިއަސް އަނިޔާއެއް

ޖަރުމަނު ލީގުގައި ކޮލޯންއާ ދެކޮޅަށް ކުޅުނު މެޗުގައި ބަޔާން މިއުނިކްގެ ފޯވާޑް ހެރީ ކޭންގެ ކުޑަހުޅަށް ލިބުނު ސީރިއަސް އަނިޔާއަކާ ގުޅިގެން، ތިން މަސް ދުވަހަށް އޭނާ ކުޅުމާ ދުރުގައި ހުންނަން ޖެހިއްޖެ. ބަޔާން މި މެޗުން 1-1 އިން އެއްވަރުވިއިރު، މި ނަތީޖާއާއެކު ލީގުގެ އެއްވަނަ މަގާމު ގެއްލުމުގެ ބިރު އެ ޓީމަށް ވަނީ ކުރިމަތިވެފައި

ސްޕެއިން ކައިރިން ބަދަލުހިފަން ޒިދާން ބޭނުމެއް ނޫން

ނޭޝަންސް ލީގުގެ ކުއާޓާ ފައިނަލުގައި ސްޕެއިނާ ދެކޮޅަށް ނުކުންނައިރު، ފްރާންސްގެ އަމާޒަކީ ވޯލްޑް ކަޕްގެ ބަލިވުމުގެ ބަދަލުހިފުމުގެ ބަދަލުގައި މުބާރާތުގެ ތަށި ހޯދުން ކަމަށް ކޯޗު ޒިދާން ބުނެފި. ޒިދާން ފާހަގަކުރި ގޮތުގައި މިއީ އާ މުބާރާތެއް ކަމަށާއި، އަންނަ މާޗް މަހު އޮންނަ މި މެޗުތަކަށް ޓީމު އޮތީ ވަރުގަދަ އަމާޒެއްގައި

Newsletter

Get the latest news delivered straight to your inbox