ބޯހިޔާވަހިކަމުގެ މައްސަލަ ހައްލުވާނީ ސެކަންޑްރީ ހައުސިން މާކެޓެއް އުފަންވެގެން: އަސްލަމް

ހައުސިން މިނިސްޓަރު މުހައްމަދު އަސްލަމް ކުރިން "އަދަދު"އަށް ދެއްވި އިންޓިވިޔުއެއްގެ ތެރެއިން. -- ފޮޓޯ: ހުސެއިން ވަހީދު/އަދަދު

ހައުސިން މިނިސްޓަރު މުހައްމަދު އަސްލަމް ކުރިން "އަދަދު"އަށް ދެއްވި އިންޓިވިޔުއެއްގެ ތެރެއިން. -- ފޮޓޯ: ހުސެއިން ވަހީދު/އަދަދު

މާލެ ސަރަހައްދުގައި ދިރިއުޅޭ ބޯހިޔާވަހިކަމަށް ބޭނުން ޖެހިފައިވާ އާއިލާތަކަށް ބޭނުންވާ ވަރަށް ގެދޮރު ލިބޭނީ ސެކަންޑްރީ ހައުސިން މާކެޓެއް އުފަން ވެގެން ކަމަށް ހައުސިން މިނިސްޓަރު މުހައްމަދު އަސްލަމް ވިދާޅުވެއްޖެ އެވެ.

އާރްސީސީގެ "ދި ބްލޫ ހޭވަން ރެޒިޑެންސީސް" އިފްތިތާހުކުރުމަށް ބޭއްވި ހަފުލާގައި ބޯހިޔާވަހިކަމުގެ މައްސަލައިގައި އަސްލަމް ވިދާޅުވީ މިހާރު ވެސް މާލެ ސަރަހައްދުގައި ބޯހިޔާވަހިކަން ބޭނުންވާ އެކި ފަންތީގެ 17،000 ދިރިއުޅެމުންދާ ކަމަށެވެ. އޭގެ ތެރޭގައި ނިކަމެތިންނާއި، މެދު ފަންތީގެ އާމްދަނީ ލިބޭ މީހުންނާއި މުއްސަނދިން ހިމެނޭއިރު، ކުރިން ހައުސިން ޕްރޮޖެކްޓުތައް ހިންގީ އެކަމަށް ވިސްނައިގެން ނޫން ކަމަށް އޭނާ ވިދާޅުވި އެވެ.

މީގެ ކުރިން ސަރުކާރާއި ސަރުކާރުން އަމިއްލަ ޑިވެލޮޕަރުންނާ ހަވާލުކޮށްގެން ހިންގި ގިނަ މަޝްރޫއުތައް ހިންގީ އެއް އަގެއްގައި ވިއްކާ ގޮތަށް، އެއް ފަރުމާއަކަށް ހުންނަ، އެއް ބާވަތެއްގެ އެޕާޓުމަންޓުތަކެއް އިމާރާތްކުރާ ކުރާ ގޮތަށް އެއްބަސްވެވިގެންނެވެ. މީގެ ތެރެއިން ސަރުކާރުން ހިންގި ސޯޝަލް ހައުސިން ޕްރޮޖެކްޓުތައް ފިޔަވާ ބާކީ ހުރި ޕްރޮޖެކްޓުތަކަކީ ތަނަވަސް އާއިލާތަކަށް އެކަނި އަމާޒުކޮށްގެން ހިންގި ޕްރޮޖެކްޓުތަކެކެވެ.

Advertisement

އަސްލަމް ވިދާޅުވީ މިއީ މުޖުތަމައުގެ ހާލަތާ ބައްދަލު ސިޔާސަތަކަށް ނުވާތީ އެ ސިޔާސަތު މި ސަރުކާރުން ބަދަލުކުރީ ކަމަށެވެ. އަދި މިހާރު ޕްރޮޖެކްޓުތައް ހަވާލުކުރަނީ ހުރިހާ ފަންތިއެއްގެ މީހުންނަށް ބޭނުންވާ ބޯހިޔާވަހިކަން ހިމެނޭނެހެން މިކްސްޑް ޑިވެލޮޕްމަންޓުތަކުގެ ގޮތުގައި ކަމަށް އޭނާ ވިދާޅުވި އެވެ.

ސަރުކާރުގެ މިކްސްޑް ޑިވެލޮޕްމަންޓުތައް ބެހިފައިވާ ކެޓެގަރީތައް

  • ސޯޝަލް ހައުސިން: ލީސް-ޓު-އޯން (ކުލި ދީގެން މިލްކުކުރެވޭ) މޮޑެލްގެ ދަށުން ދޫކުރާ ގޮތަށް.
  • މިޑް ރޭންޖް ހައުސިން: ސަރުކާރުން ކަނޑައެޅި 2.2 މިލިއަން ރުފިޔާގެ ކޮންޓްރޯލް އަގުގައި ވިއްކާ ގޮތަށް.
  • ލަގްޒަރީ ހައުސިން: ޑިވެލޮޕަރު އިހުތިޔާރުކުރާ ގޮތަކަށް ފަރުމާކޮށް އަމިއްލައަށް އަގު ކަނޑައަޅައިގެން ވިއްކާ ގޮތަށް.

titledesc

އަސްލަމް ވިދާޅުވީ މިކްސްޑް ޑިވެލޮޕްމަންޓް ސިޔާސަތުގެ އަނެއް ބޭނުމަކީ ސެކަންޑްރީ ހައުސިން މާކެޓެއް އައުން ކަމަށެވެ. ނަމަވެސް މިކަމަށްޓަކައި އެބަޔެއްގެ ތަނަވަސްކަމާ އެއްވަރުގެ ބޯހިޔާވަހިކަމެއްގައި ޖެހޭ ކަމަށް އޭނާ ވިދާޅުވި އެވެ. އަދި ދުނިޔޭގެ އެހެން ގައުމުތަކަށް ބަލާލި ނަމަވެސް ގެދޮރަކީ އެ މީހެއްގެ ތަނަވަސްކަން ކުރިޔަރާދާ މިންވަރަކުން ބަދަލުވާ އެއްޗެއް ކަމަށް ވިދާޅުވި އެވެ.

އެކަމަކު ރާއްޖޭގައި އެހެން އެކަން ނުހިނގާ ކަމަށް އަސްލަމް ވިދާޅުވި އެވެ. އޭގެ ބަދަލުގައި ގިނަ ދިވެހިންނަށް ވިސްނިފައި އޮންނަނީ އެންމެ ފުރަތަމަ ލިބޭ ތަނަކީ މުޅި އުމުރަށް ދިރިއުޅެން ޖެހޭ ތަނެއްގެ ގޮތުގައި ކަމަށް ވެސް ވިދާޅުވި އެވެ.

މި ވިސްނުން ބަދަލުކޮށް ތަނަވަސްކަމާ އެއްވަރު ތަންތަނަށް ބަދަލުވެ، ކުރިން އުޅުނު ތަން އެ ބޭނުންވާ މީހާއަށް ދޫކޮށްލަން މިނިސްޓަރު ގޮވާލެއްވި އެވެ. އަދި ގެދޮރަކީ އެއް އަތުން އަނެއް އަތަށް ދައުރުވާ އެއްޗަކަށް ވާން ޖެހޭ ކަމަށް ވިދާޅުވި އެވެ.

"ތަނަވަސްކަމުގެ ހަރުފަތުގައި ކުރިއަރާ ދާން ފެށީމާ އެއަށް ވުރެ ރަނގަޅު ތަނަކަށް އަޅުގަނޑުމެން ޖެހޭ ހިޖުރަކޮށް ހޯދަން ދޫކޮށްލާފައި ދެން އެތަން އަނެއްކާ ސެކަންޑްރީ މާކެޓުގައި އެކަމަށް ނީޑުވެފައި ހުރި މީހަކު އެތަނަކަށް ދާނެ،" އަސްލަމް ވިދާޅުވި އެވެ.

އަސްލަމް ވިދާޅުވީ މިހާރު މިކުރާ މަސައްކަތުގެ ނަތީޖާގެ އުއްމީދަކީ މިފަދަ މާކެޓެއް އުފެދިގެން ދިޔުން ކަމަށެވެ. އަދި މިއާއެކީ ދިވެހިންގެ ތެރޭގައި ގެދޮރު ދޫކޮށް، ތަނަވަސްކަމާ ބައްދަލު ތަނަކަށް ހިޖުރަކުރުމުގެ އާދަ އުފެދިގެން ދާނެ ކަމަށް ގަބޫލުކުރައްވާ ކަމަށް ވިދާޅުވި އެވެ.

ކޮމެންޓް

ފަހުގެ ޚަބަރު

ދިރާގު ރޯޑް ރޭސް 5،500އަށްވުރެ ގިނަ ދުވުންތެރިންނާއެކު ބާއްވައިފި

ދިރާގު މޯލްޑިވްސް ރޯޑް ރޭހުގެ 17 ވަނަ އެޑިޝަން 5،500 އަށްވުރެ ގިނަ ދުވުންތެރިންނާއެކު ހުޅުމާލެ ސެންޓްރަލް ޕާކުގައި ވަނީ ބާއްވާފައެވެ. މި ދުވުމުގެ ލައިވް އަޕްޑޭޓްތަކާއި، ނަތީޖާ އަދި ދުވުންތެރިންގެ ރޭންކިންގ ބަލައިލުމުގެ ފުރުސަތު ދިރާގުން ވަނީ ޚާއްޞަ މޮބައިލް އެޕްލިކޭޝަނެއް މެދުވެރިކޮށް ފަހިކޮށްދީފައެވެ.

ޕީއެންސީގެ މެންބަރުންގެ އަދަދު ލައްކައަކަށްވުރެ ދަށަށް

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އެރިތާ 24 ގަޑިއިރު ނުވަނީސް، އަލުން އެ އަދަދު ލައްކައަކަށް ވުރެ ދަށަށް ގޮސްފިއެވެ. އިދިކޮޅު ފަރާތްތަކުން ތުހުމަތުކުރާ ގޮތުގައި މި އަދަދު ހަމަކުރުމަށްޓަކައި ވަޒީފާގެ ބިރުދެއްކުމާއި ރިޝްވަތުގެ ގޮތުގައި ފައިސާ ބޭނުންކޮށްފައިވެއެވެ. އީސީގެ ތަފާސްހިސާބުތަކުން ދައްކާގޮތުގައި އެ ޕާޓީގެ މެންބަރުންގެ އަދަދު މިހާރު ވަނީ 99,930 އަށް ތިރިވެފައެވެ.

ރަސްމާލޭގެ ޑީލުގައި ސޮއިނުކުރަން އެދި އަލައްބާރަށް ސިޓީއެއް

ރަސްމާލެ މަޝްރޫއުގެ މިހާރުގެ ޝަރުތުތަކާއި ގާނޫނުއަސާސީއާ ފުށުއެރުންތަކެއް ހުރި ކަމަށާއި، އެކަމުގައި އެކަށީގެންވާ ގޮތެއްގައި ރައްޔިތުންގެ ހިޔާލު ހޯދާފައި ނުވާތީ، ދެން އަންނަ ސަރުކާރަކުން ވެސް މި މަޝްރޫއުގެ އެއްބަސްވުން އަލުން މުރާޖައާކުރުމަށް ނުވަތަ އެއްކޮށް ބާތިލުކުރުމުގެ ފުރުސަތު އޮތް ކަމަށް އެ ސިޓީގައި ބުނެފައިވޭ.

"ރަސްމާލެ މައްސަލައިގައި މުއިއްޒު ވަނީ އަނގަވަތަށް ވެއްޓިފައި"

ރަސްމާލެ މަޝްރޫއަކީ ރާއްޖޭގެ ސިޔާދަތަށް އުނިކަންލިބޭ، ބޭރުގެ ފަރާތްތަކަށް ބިން ދިނުމަށް ހިންގާ ހީލަތްތެރި ރޭވުމެއް ކަމަށް ވިދާޅުވެ ކުރީގެ ރައީސް ޔާމީން ސަރުކާރަށް ވަރަށް ބޮޑަށް ފާޑުވިދާޅުވެއްޖެއެވެ. މި މަޝްރޫއުގެ ސަބަބުން ރައީސް މުއިއްޒު ރައްޔިތުންގެ ކުރިމަތީގައި ބޭޒާރުވެފައިވާ ކަމަށާއި، މި ސަރުކާރަށް ދެވަނަ ދައުރެއް ރައްޔިތުން ނުދޭނެ ކަމަށް ޔާމީން ވިދާޅުވިއެވެ.

ރަސްމާލެ ދޫކޮށްލުމާ ދެކޮޅުވެރިކަމެއް ނެތްކަމުގެ އިޝާރާތެއް

ރަސްމާލެއިން ބައެއް ބޭރުގެ ކުންފުންޏަކަށް ދޫކޮށްލުމާ ދެކޮޅު ހަދަނީ މަދު ބަޔަކު ކަމަށާއި، ދިވެހިން އަބަދުވެސް އިސްކުރަނީ ގައުމީ ތަރައްގީކަން މުއިއްޒު ފާހަގަކުރެއްވި. މީގެކުރިންވެސް ރާއްޖެއަށް އައި ބޮޑެތި ބަދަލުތަކާ ބައެއް މީހުން ދެކޮޅު ހެދި ނަމަވެސް، ގިނަ ރައްޔިތުން ތާއީދުކުރީ ގައުމީ ކުރިއެރުމަށްކަން އެމަނިކުފާނު ބަޔާންކޮށްދެއްވި.

ހުލާސާކޮށް އިއްޔެ: ސިޔާސީ ޕާޓީތަކުގެ ދަފްތަރަށް އައި ބޮޑު ބަދަލު

ޕީއެންސީގެ މެންބަރުންގެ އަދަދު އެއްލައްކައަށް އެރުމާއެކު، ޖުމްހޫރީ ޕާޓީ އާއި އަދާލަތު ޕާޓީ ފަދަ ދުވަސްވީ ޕާޓީތަކުން ގިނަ އަދަދެއްގެ މެންބަރުންނާއި އިސް ބޭފުޅުން ވަނީ ވަކިވެފައެވެ. މީގެ އިތުރުން، ރަސްމީ ޖަލްސާތަކުގެ ޕްރޮޓޮކޯލަށް ބަދަލުތަކެއް ގެނެސްފައިވާއިރު، ރަސްމާލެ މަޝްރޫއާ ގުޅޭގޮތުން އިލްމުވެރިންނާއި ސިޔާސީ ފަރާތްތަކުގެ މެދުގައި ވަނީ ޚިޔާލުތަފާތުވުންތަކެއް އުފެދިފައެވެ.

ވަޒީފާގެ ބިރުދައްކައިގެން އެއްލައްކަ މެންބަރުން ހަމަކޮށްފި

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އަރާފައިވާއިރު، މިއީ ވަޒީފާގެ ބިރުދައްކައިގެންނާއި ރިޝްވަތު ދީގެން ހޯދި އަދަދެއް ކަމަށް ވަނީ ތުހުމަތުކުރެވިފައި. އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި މިދިޔަ އަހަރާ އަޅާބަލާއިރު އެ ޕާޓީގެ މެންބަރުންގެ އަދަދު ވަނީ 26،000 އަށްވުރެ އިތުރުވެފައި.

Newsletter

Get the latest news delivered straight to your inbox