މާލޭގައި ހިނގި ނުރައްކާތެރި އަލިފާނުގެ ހާދިސާއެއްގައި ގ. ނޫވިނަ ގޭ އެއްވަނަ ފަންގިފިލާގައި ރޯވެ ބޮޑެތި ގެއްލުންތަކެއް މިއަދު ލިބިއްޖެ އެވެ.
މި ހާދިސާގައި އެއްވެސް މީހަކަށް ގެއްލުމެއް ނުވާ ކަމަށް އެމްއެންޑީއެފް އިން މައުލޫމާތު ދެ އެވެ. އަދި ރިޕޯޓު ލިބުނު ކުޑައިރުކޮޅެއްގެ ތެރޭގައި އަލިފާންގަނޑު އެއްކޮށް ނިއްވާލެވުނު ނަމަވެސް އެ ހާދިސާއާ ގުޅިގެން އެ ގޭގައި ދިރިނޫޅެވޭ ވަރަށް ގެއްލުން ލިބިފައިވާ ކަމަށް ބުންޏެވެ.
މި ގެއްލުންތަކާ ގުޅިގެން ނޭޝަނަލް ޑިޒާސްޓާ މެނޭޖްމަންޓު އޮތޯރިޓީ (އެންޑީއެމްއޭ)ން އަންނަނީ އެ އާއިލާއަށް ބޭނުންވާ އެހީތެރިކަން ފޯރުކޮށްދެމުންނެވެ.
މީހަކަށް ގެއްލުމެއް ނުލިބުނު ނަމަވެސް އެ ހާދިސާގައި ގޭގެ ހުރިހާ ހިސާބަކަށް އަލިފާނުގެ އަސަރުކޮށްގެން ކޮޓަރި އާއި ސިޓިން ރޫމާއީ ބަދިގޭގައި ހުރި ގިނަ ސާމާނު ވަނީ އަނދާ ހުލިވެފަ އެވެ.
އަލިފާނުގެ ހާދިސާ ހިނގަން މެދުވެރިވި ސަބަބާ ގުޅިގެން އެމްއެންޑީއެފް އިން ބުނީ ބެލެވެނީ މިއީ އެ ގޭ ކޮޓަރިއެއްގެ ތެރޭގައި ހުރި ފަންކާގެ ޑިމަރު ސްވިޗުގައި ރޯވެގެން ހިނގި ހާދިސާއެއް ކަމަށެވެ.
