ޕީޕީއެމް ޕީއެންސީ ހިމެނޭ އިދިކޮޅު ޕްރޮގްރެސިވް ކޯލިޝަންގެ ސިޔާސީ ކާމިޔާބުތަކަށް ހިޔަނި އެޅިގެން ދިޔައީ އެ ކޯލިޝަން ލީޑަރު ކުރީގެ ރައީސް އަބްދުﷲ ޔާމީން ހައްޔަރުކުރި ހިސާބުން ކަމަށް ބުނެފި އެވެ.
ޑީއާރްޕީގެ ކޮންޓްރޯލް ކުރީގެ ރައީސް މައުމޫން އަބްދުލްގައްޔޫމަށް ގެއްލިވަޑައިގަތުމާއެކު 2011 ވަނަ އަހަރު އުފެއްފި ޕީޕީއެމަށް 10 އަހަރު ފުރުމުގެ މުނާސަބަތުގައި މިއަދު އެ ޕާޓީން ނެރުނު ބަޔާނެއްގައި ބުނެފައި ވަނީ ވެއެތުވެދިޔަ ތަނުގައި އެޕާޓީއަށް ކާމިޔާބު ހޯދާދިނުމުގައި އެންމެ އިސް ދައުރެއް އަދާކުރައްވާފައިވާ އެއްބޭފުޅަކީ ރައީސް ޔާމީން އެވެ.
"ޕާޓީގެ ކާމިޔާބުގެ ސަފްހާތައް ލިޔަމުން ގެންދަނިކޮށް މި ކާމިޔާބީތަކަށް ހިޔަނި އެޅިގެން ގޮސްފައިވަނީ، ޕާޓީއަށް ފާއިތުވެ ދިޔަ ތަނުގައި ކާމިޔާބީ ހޯއްދަވައިދެއްވުމުގެ އެންމެ މުހިންމު އަދި އެންމެ އިސް ދައުރެއް އަދާ ކުރެއްވި އަދިވެސް ކުރައްވަމުން ގެންދަވާ މޭސްތިރި، ރައީސް އަބްދުﷲ ޔާމީން އަބްދުލްގައްޔޫމް ހައްގުނޫން ގޮތެއްގައި ސިޔާސީ ނުފޫޒާއި ބާރުން ޖަލުގައި ބަހައްޓައިގެން އަނިޔާދެމުން ގެންދާ ގެންދިއުމެވެ." އިދިކޮޅުހެ ބަޔާނުގައިވެއެވެ.
އެމްއެމްޕީއާރުސީ މެދުވެރިކޮށް ހިންގި ބޮޑު ހިޔާނާތުގައި، މަނީ ކަޅު ފައިސާ ދޮވުމުގެ ކުށް ސާބިތުވެ ދަށު ކޯޓުގައި ޔާމީނުގެ މައްޗަށް ސާބިތުވެ ފަސް އަހަރުގެ ޖަލު ހުކުމެއް ގެންފަވަނީ ތަންފީޒު ކުރައްވަމުންނެވެ. އެއް އަހަރަށްވުރެ ގިނަ ދުވަހު ޖަލުގައި ހުންނެވުމަށްފަހު މިދިޔަ ރޯދަމަހު އެމަނިކުފާނު ވަނީ ގެކޮޅަށް ބަންދަށް ބަދަލުކޮށްފަ އެވެ.
އިދިކޮޅުގެ ބަޔާނުގައި ފާހަގަކޮށްފައިވާ ގޮތުގައި އެޕާޓީގެ އެންމެ ބޮޑު އުންމީދަކީ ސުޕްރީމް ކޯޓު މަރުހަލާއިން ޔާމީން މިނިވަންވެ، 2023 ގައި އޮންނަ ރިޔާސީ އިންތިހާބުގައި ބައިވެރިވެވޭ ގޮތް ވުމެވެ. މީގެ އިތުރުން ޕާޓީއަށް ގިނަ މެމްބަރުން ސޮއިކުރަމުންދަނީ ރައީސް ޔާމީންގެ ދިފާއުގައި ކަމަށް ވެސް ޕީޕީއެމް އިން ބުންޏެވެ.
"ޕީޕީއެމް ގެ 10 ވަނަ އަހަރީ ދުވަސް މިއަދު ފާހަގަ ކުރާއިރު، ޕާޓީގެ ކޮންމެ މެންބަރެއްގެވެސް އަދި ދިވެހި ރައްޔިތުންގެ ގިނަ ބައެއްގެވެސް ދުއާއަކީ ޕްރޮގްރެސިވް ޕާޓީ އޮފް މޯލްޑިވްސް (ޕީޕީއެމް) ގެ ރައީސް، ރައީސް އަބްދުﷲ ޔާމީން އަބްދުލްގައްޔޫމްގެ މައުސޫމްކަން ސާބިތުވެ، ޖަލުން މިނިވަންވެ 2023 ވަނަ އަހަރު މިގައުމުގެ ވަލީޔުލްއަމްރުގެ މަގާމަށް އަލުން އަނބުރާ އެމަނިކުފާނު ވަޑައިންނެވުމުގެ ހެޔޮ ތައުފީގް މާތްﷲ ސުބުހާނަހޫ ވަތައާލާ މިންވަރު ކުރެއްވުމެވެ," އިދިކޮޅު ބަޔާނުގައި ބުނެފައިވެއެވެ.
ޕީޕީއެމް އުފެދުނީ 2008 ވަނަ އަހަރު ރައީސް މައުމޫންއާއި ތަސްލީމް އެކުގައި ރިޔާސީ ރޭހަށް ނިކުންނަވާ، ލިބުނު ނާކާމިޔާބީއަށްފަހު، ޑީއާރުޕީގެ ކޮންޓްރޯލް ހޯއްދަވަން ދެބޭފުޅުން މަސައްކަތް ކުރުމުގެ ތެރެއިން ޕާޓީގެ ބާރު ރައީސް މައުމޫންގެ އަތްޕުޅުން ގެއްލުމުންނެވެ. އެއާއި އެކު ޕާޓީ ދޫކުރައްވާ ވަޑައިގަތެވެ. އަދި
2011 ވަނަ ދުވަހު ޕީޕީއެމް އުފެއްދެވިއެވެ. ޕީޕީއެމްގެ ކޮންޓްރޯލް ރައީސް މައުމޫން އަތުން ގެއްލުނީ އެޕާޓީގެ ރިޔާސީ ޓިކެޓުގައި އެމަނިކުފާނުގެ ކޮއްކޮ ރައީސް ޔާމީން ވެރިކަމަށް އައުމާއި އެކުއެވެ. ރައީސް ޔާމީންގެ ވެރިކަމުގައި އެމަނިކުފާނާއި ހިޔާލް ތަފާތުވެ، ޕީޕީއެމްގެ ތެރޭގައި ދެ ފެކްޝަނެއް އުފެދުނެވެ. އެ މައްސަލާގައި ރައީސް މައުމޫންގެ ޕާޓީ ދޫކުރައްވާ ވަޑައިގަތެވެ.
