ރާއްޖޭގެ ޓޫރިޒަމް ޕްރޮމޯޓްކުރުމަށް ދުނިޔޭގެ އެންމެ ބޮޑު އެއް އެއާލައިން ކަމަށްވާ އެމިރޭޓްސް އެއާލައިނާއެކު އެއްބަސްވުމެއްގައި ސޮއިކޮށްފި އެވެ.
އެމިރޭޓްސް އެއާލައިނާއެކު ރާއްޖޭގެ ޓޫރިޒަމް ދުނިޔޭގައި ޕްރޮމޯޓްކުރުމަށް ސޮއިކޮށްފައި ވަނީ އިއްޔެ ދުބާއީ އެކްސްޕޯގެ ހަވާސާގައި އެވެ.
މި އެއްބަސްވުމުގައި ސޮއިކޮށްފައިވަނީ ގޮސްފައި ވަނީ ރާއްޖޭގެ ޓޫރިޒަމް މިނިސްޓްރީ އާއި މޯލްޑިވްސް މާކެޓިން އެންޑް ޕަބްލިކް ރިލޭޝަންސް ކޯޕަރޭޝަން އަދި އެމިރޭޓްސް އެއާލައިނާ ދެމެދު އެވެ.
އެ އެކްސްޕޯގައި ބައިވެރިވެވަޑައިގެންނެވުމަށް މިވަގުތު ދުބާއީގައި ހުންނެވި ރައީސް އިބްރާހިމް މުހައްމަދު ސޯލިހް ވެސް ވަނީ އެ އެއްބަސްވުމުގައި ސޮއި ކުރުމުގެ ރަސްމިއްޔާތުގައި ބައިވެރިވެވަޑައިގެންފަ އެވެ.
އެމަނިކުފާނު ދުބާއީއަށް ވަޑައިގަނެފައި ވަނީ އެކްސްޕޯ 2020 ގައި ރާއްޖޭގެ އޮނާ ޑޭގެ ހަރަކާތްތަކުގައި ބައިވެރިވެވަޑައިތުމަށެވެ.
އެމިރޭޓްސް އެއާލައިނަކީ ޔުނައިޓެޑް އަރަބް އެމިރޭޓްސްގެ ގައުމީ އެއާލައިނެވެ. އަދި އެ އެއާލައިނަކީ ދުނިޔޭގެ އެންމެ ބޮޑު އެއް އެއާލައިނަށްވާއިރު، ކޮވިޑް-19ގެ ފަހުން ރާއްޖޭގެ ބޯޑަރު އަލުން ހުޅުވާލިފަހުން ރާއްޖެއަށް އެންމެ ފުރަތަމަ ދަތުރުކުރަން ފެށި އެއާލަނަކީވެސް އެމިރޭޓްސް އެވެ.
ރާއްޖެ އަކީ މިހާރު އެމިރޭޓްސް އިން އެންމެ ގިނަ ދަތުރުތައް ކުރަމުން އަންނަ އެއް މަންޒިލެވެ.
