ޓޫރިޒަމް ދުވަސް ވަކި ރަށެއްގައި ފާހަގަނުކޮށް، ހަރަކާތްތައް އެކި ސަރަހައްދުތަކަށް

ފަތުރުވެރިންތަކެއް ވެލާނާ އިންޓަނޭޝަނަލް އެއާޕޯޓުގައި. ފޮޓޯ: އަދަދު

ފަތުރުވެރިންތަކެއް ވެލާނާ އިންޓަނޭޝަނަލް އެއާޕޯޓުގައި. ފޮޓޯ: އަދަދު

މި މަހުގެ 27 ވަނަ ދުވަހު ފާހަގަކުރާ ދުނިޔޭގެ ޓޫރިޒަމް ދުވަސް މި އަހަރު ރާއްޖޭގައި ވަކި ރަށެއްގައި ފާހަގަނުކޮށް، އެކި ސަރަހައްދުތަކުގައި އެކި އެކި ހަރަކާތްތައް ބާއްވަން ނިންމާފައިވާ ކަމަށް ޓޫރިޒަމް މިނިސްޓާރު ޑރ. އަބްދުﷲ މައުސޫމް ވިދާޅުވެއްޖެ އެވެ.

މި އަހަރުގެ ޓޫރިޒަމް ދުވަސް އެންމެ ފުރަތަމަ ފާހަގަކުރަން ނިންމާފައި އޮތީ އައްޑޫ ސިޓީގަ އެވެ.

އެހެން ނަމަވެސް އެ ސިޓީގައި ހުރި ދެ ރިސޯޓް އަދިވެސް ނުހުޅުވި އޮތުމާއެކު، ޓޫރިޒަމް ދުވަސް އެ އަތޮޅުގައި ފާހަގަކުރުމަކީ އެންމެ އެދެވޭ ގޮތް ނޫން ކަމަށް މިނިސްޓަރު މައުސޫމް "އަދަދު" އަށް ވިދާޅުވި އެވެ.

Advertisement

އައްޑޫގައި ކޮވިޑުގެ ހާލަތު ގޯސްވެފައިވުމާއެކު ޓޫރިޒަމް ދުވަހަށް އެ ސިޓީގއި ރާވާފައި ހުރި ގިނަ ހަރަކާތްތަކެއްވެސް މިނިސްޓްރީން ކުރިން ވަނީ ކެންސަލް ކޮށްފަ އެވެ.

"އެއީ އައްޑޫ އަތޮޅުގައި ދެން އެހާ އުފާވެރި ހަބަރަކަށް ނުވާނެތާ، ދެ ރިސޯޓުވެސް ބަންދުކޮށްފައި އޮއްވާ ޓޫރިޒަމް ދުވަސް ފާހަގަކުރުން. އެކަމަކު އަޅުގަނޑުމެން އިރާދަކުރެއްވިއްޔާ އައްޑުއަށް އުފާވެރި ހަބަރަކާއެކު ދަތުރުކުރާނަން އަދި. އެ ދެ ރިސޯޓު ހުޅުވުމުގެ އުންމީދު ވެސް އެބަ އޮތް،" މިނިސްޓަރު މައުސޫމް ވިދާޅުވި އެވެ.

ޓޫރިޒަމް ދުވަސް ރާއްޖޭގެ ވަކި ރަށެއްގައި މި އަހަރު ފާހަގަނުކުރި ނަމަވެސް، އެ ދުވަސް ރާއްޖޭގެ ގެސްޓްހައުސް ހުރި ކޮންމެ ރަށެއްގައި ފާހަގަކުރާނޭކަމަށް މިނިސްޓަރު ވިދާޅުވި އެވެ.

"އެކަމަށްޓަކައި އަޅުގަނޑުމެން މިހާރު މިދަނީ ކުދި ބަޖެޓްތައްވެސް ދޫކުރަމުން އެކި ރަށްރަށަށް،" މިނިސްޓަރު މައުސޫމް ވިދާޅުވި އެވެ.

ޓޫރިޒަމް ދުވަސް ކޮންމެ އަަހަރަކުވެސް ސެޕްޓެމްބަރު 27 ވަނަ ދުވަހު ކުލަގަދަކޮށް ރާއްޖޭގައި ފާހަގަކުރާއިރު، މިދިޔަ އަހަރު ވެސް ކޮވިޑާ ހެދި މާ ކުލަގަދަކޮށް އެ ދުވަސް ރާއްޖޭގެ އިތުރުން ދުނިޔޭގައިވެސް ފާހަގަކޮށްފަ އެއް ނުވެ އެވެ.

އައްޑޫގައި ފަތުރުވެރިކަން ކުރިއަރުވަން ސަރުކާރުން މަސައްކަތްކުރަމުންދާއިރު، އެ މަސައްކަތަށް ގިނަ ގުނަ ގޮންޖެހުންތަކެއް ވަނީ ކުރިމަތިވެފަ އެވެ. އެގޮތުން އައްޑޫގައި ބައިނަލްއަގްވާމީ އެއާޕޯޓަށް ފްލައިޓް ދަތުރު ފެށުމުގައި ހުރި ދަތިތަކާއި، އެ ސަރަހައްދުގައި އޮތް ދެ ރިސޯޓު ބަންދުކޮށްފައި އޮތް އޮތުން، އަދި ފަތުރުވެރިންގެ ޑިމާންޑް ދަށްވުމުގެ ސަބަބުން އެ މަސައްކަތަށް ވަނީ ހުރަސްތަކެއް އެޅިފަ އެވެ.

ކޮމެންޓް

ފަހުގެ ޚަބަރު

ދިރާގު ރޯޑް ރޭސް 5،500އަށްވުރެ ގިނަ ދުވުންތެރިންނާއެކު ބާއްވައިފި

ދިރާގު މޯލްޑިވްސް ރޯޑް ރޭހުގެ 17 ވަނަ އެޑިޝަން 5،500 އަށްވުރެ ގިނަ ދުވުންތެރިންނާއެކު ހުޅުމާލެ ސެންޓްރަލް ޕާކުގައި ވަނީ ބާއްވާފައެވެ. މި ދުވުމުގެ ލައިވް އަޕްޑޭޓްތަކާއި، ނަތީޖާ އަދި ދުވުންތެރިންގެ ރޭންކިންގ ބަލައިލުމުގެ ފުރުސަތު ދިރާގުން ވަނީ ޚާއްޞަ މޮބައިލް އެޕްލިކޭޝަނެއް މެދުވެރިކޮށް ފަހިކޮށްދީފައެވެ.

ޕީއެންސީގެ މެންބަރުންގެ އަދަދު ލައްކައަކަށްވުރެ ދަށަށް

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އެރިތާ 24 ގަޑިއިރު ނުވަނީސް، އަލުން އެ އަދަދު ލައްކައަކަށް ވުރެ ދަށަށް ގޮސްފިއެވެ. އިދިކޮޅު ފަރާތްތަކުން ތުހުމަތުކުރާ ގޮތުގައި މި އަދަދު ހަމަކުރުމަށްޓަކައި ވަޒީފާގެ ބިރުދެއްކުމާއި ރިޝްވަތުގެ ގޮތުގައި ފައިސާ ބޭނުންކޮށްފައިވެއެވެ. އީސީގެ ތަފާސްހިސާބުތަކުން ދައްކާގޮތުގައި އެ ޕާޓީގެ މެންބަރުންގެ އަދަދު މިހާރު ވަނީ 99,930 އަށް ތިރިވެފައެވެ.

ރަސްމާލޭގެ ޑީލުގައި ސޮއިނުކުރަން އެދި އަލައްބާރަށް ސިޓީއެއް

ރަސްމާލެ މަޝްރޫއުގެ މިހާރުގެ ޝަރުތުތަކާއި ގާނޫނުއަސާސީއާ ފުށުއެރުންތަކެއް ހުރި ކަމަށާއި، އެކަމުގައި އެކަށީގެންވާ ގޮތެއްގައި ރައްޔިތުންގެ ހިޔާލު ހޯދާފައި ނުވާތީ، ދެން އަންނަ ސަރުކާރަކުން ވެސް މި މަޝްރޫއުގެ އެއްބަސްވުން އަލުން މުރާޖައާކުރުމަށް ނުވަތަ އެއްކޮށް ބާތިލުކުރުމުގެ ފުރުސަތު އޮތް ކަމަށް އެ ސިޓީގައި ބުނެފައިވޭ.

"ރަސްމާލެ މައްސަލައިގައި މުއިއްޒު ވަނީ އަނގަވަތަށް ވެއްޓިފައި"

ރަސްމާލެ މަޝްރޫއަކީ ރާއްޖޭގެ ސިޔާދަތަށް އުނިކަންލިބޭ، ބޭރުގެ ފަރާތްތަކަށް ބިން ދިނުމަށް ހިންގާ ހީލަތްތެރި ރޭވުމެއް ކަމަށް ވިދާޅުވެ ކުރީގެ ރައީސް ޔާމީން ސަރުކާރަށް ވަރަށް ބޮޑަށް ފާޑުވިދާޅުވެއްޖެއެވެ. މި މަޝްރޫއުގެ ސަބަބުން ރައީސް މުއިއްޒު ރައްޔިތުންގެ ކުރިމަތީގައި ބޭޒާރުވެފައިވާ ކަމަށާއި، މި ސަރުކާރަށް ދެވަނަ ދައުރެއް ރައްޔިތުން ނުދޭނެ ކަމަށް ޔާމީން ވިދާޅުވިއެވެ.

ރަސްމާލެ ދޫކޮށްލުމާ ދެކޮޅުވެރިކަމެއް ނެތްކަމުގެ އިޝާރާތެއް

ރަސްމާލެއިން ބައެއް ބޭރުގެ ކުންފުންޏަކަށް ދޫކޮށްލުމާ ދެކޮޅު ހަދަނީ މަދު ބަޔަކު ކަމަށާއި، ދިވެހިން އަބަދުވެސް އިސްކުރަނީ ގައުމީ ތަރައްގީކަން މުއިއްޒު ފާހަގަކުރެއްވި. މީގެކުރިންވެސް ރާއްޖެއަށް އައި ބޮޑެތި ބަދަލުތަކާ ބައެއް މީހުން ދެކޮޅު ހެދި ނަމަވެސް، ގިނަ ރައްޔިތުން ތާއީދުކުރީ ގައުމީ ކުރިއެރުމަށްކަން އެމަނިކުފާނު ބަޔާންކޮށްދެއްވި.

ހުލާސާކޮށް އިއްޔެ: ސިޔާސީ ޕާޓީތަކުގެ ދަފްތަރަށް އައި ބޮޑު ބަދަލު

ޕީއެންސީގެ މެންބަރުންގެ އަދަދު އެއްލައްކައަށް އެރުމާއެކު، ޖުމްހޫރީ ޕާޓީ އާއި އަދާލަތު ޕާޓީ ފަދަ ދުވަސްވީ ޕާޓީތަކުން ގިނަ އަދަދެއްގެ މެންބަރުންނާއި އިސް ބޭފުޅުން ވަނީ ވަކިވެފައެވެ. މީގެ އިތުރުން، ރަސްމީ ޖަލްސާތަކުގެ ޕްރޮޓޮކޯލަށް ބަދަލުތަކެއް ގެނެސްފައިވާއިރު، ރަސްމާލެ މަޝްރޫއާ ގުޅޭގޮތުން އިލްމުވެރިންނާއި ސިޔާސީ ފަރާތްތަކުގެ މެދުގައި ވަނީ ޚިޔާލުތަފާތުވުންތަކެއް އުފެދިފައެވެ.

ވަޒީފާގެ ބިރުދައްކައިގެން އެއްލައްކަ މެންބަރުން ހަމަކޮށްފި

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އަރާފައިވާއިރު، މިއީ ވަޒީފާގެ ބިރުދައްކައިގެންނާއި ރިޝްވަތު ދީގެން ހޯދި އަދަދެއް ކަމަށް ވަނީ ތުހުމަތުކުރެވިފައި. އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި މިދިޔަ އަހަރާ އަޅާބަލާއިރު އެ ޕާޓީގެ މެންބަރުންގެ އަދަދު ވަނީ 26،000 އަށްވުރެ އިތުރުވެފައި.

Newsletter

Get the latest news delivered straight to your inbox