އެމްއާރްއެމްގެ ރައީސް ކަމަށް ސިޔާސީ މައިދާނާ ދުރުގައި ހުންނެވި ފާރިސް ކުރިމަތިލައްވައިފި

ފާރިސް މައުމޫން: އެމްއާރްއެމްގެ ރައީސް ކަމަށް ވަނީ ކުރިމަތިލައްވާފައި.

ފާރިސް މައުމޫން: އެމްއާރްއެމްގެ ރައީސް ކަމަށް ވަނީ ކުރިމަތިލައްވާފައި.

ކުރީގެ ރައީސް މައުމޫން އަބްދުލްގައްޔޫމް އުފައްދަވާފައިވާ އެމްއާރްްއެމްގެ ރައީސް ކަމަށް އެމަނިކުފާނުގެ ދޮށީ ދަރިކަލުން އަހުމަދު ފާރިސް މައުމޫން ކުރިމަތިލައްވައިފި އެވެ.

"އަދަދު" އަށް އެނގިފައިވާ ގޮތުގައި އެމްއާރްއެމްގެ ރައީސް ކަމަށް ކުރިމަތިލައްވައި ފާރިސް ފޯމް ހުށަހެޅުއްވީ ރޭގެ ވަގުތެއްގަ އެވެ. މި މަގާމަށް އިތުރު ބޭފުޅަކު ކުރިމަތިލައްވާފައެއް ނުވެ އެވެ.

އެމްއާރްއެމްގެ ރައީސް ކަމަށް ފާރިސް ކުރިމަތިލައްވާފައިވަނީ, ސިޔާސީ މައިދާނާ ވަރަށް ދުރުގައި ހުންނެވުމަށްފަހު އެވެ. އެމްއާރްއެމް އުފައްދައި, އެ ޕާޓީގެ އިންތިގާލީ ކޮމިޓީގައި ފާރިސް އިންނެވި ނަމަވެސް, އޭނާ ފެނުނީ ސިޔާސީ މަސައްކަތްތަކާ ވަރަށް ދުރުންނެވެ.

Advertisement

ސިޔާސީ މައިދާނާ ފާރިސްއަށް ދުރަށްވަޑައިގެންނެވީ ރައްޔިތުންގެ މަޖިލީހުގެ އިންތިހާބަށްފަހު އެވެ. ކުރީގެ ދިއްގަރު ދާއިރާގެ މެންބަރަށް އެ އިންތިހާބުގައި މައްޗަންގޮޅި އުތުރު ދާއިރާއަށް ކުރިމަތިލައްވައިގެން ކާމިޔާބެއް ނުވި އެވެ.

ފާރިސްގެ ނަން ސިޔާސީ މައިދާނުގައި މަޝްހޫރުވެގެން ދިޔައީ, ކުރީގެ ރައީސް އަބްދުالله ޔާމީންގެ ކޮރަޕްޝަންތަކާ ދެކޮޅު ކަމަށް ވިދާޅުވެ, ޕީޕީއެމްގައި ހުންނަވައި އެކަމާ ދެކޮޅަށް އަޑުއުފުލައްވަން ފެއްޓެވުމުންނެވެ.

އޭނާ އިސްކޮށް ހުންނަވައި މަޖިލީހުގެ އޭރުގެ ރައީސް އަބްދުالله މަސީހު މަގާމުން ވަކިކުރުމަށް ގިނަ މަސައްކަތްތަކެއް ކުރެއްވި އެވެ. އެކަމުގައި ރިޝްވަތު ބެހި ކަމުގެ ތުހުމަތުކޮށް, އެންމެފަހުން ފާރިސް ހައްޔަރުކުރީ އެވެ. އެފަހުން ޔާމީންގެ ވެރިކަން ނިމެންދެން ފާރިސް ހުންނެވީ ޖަލުގަ އެވެ. އޭނާގެ މައްޗަށް ދައުވާތައް ވެސް އުފުލާފައި އޮތެވެ. ނަމަވެސް, ވެރިކަން ނިމުމާއެކު ކޯޓުތަކުން ވަނީ ފާރިސްއާ ދެކޮޅަށް ހުރި މައްސަލަތައް ބޭރުކޮށްލާފަ އެވެ.

މިހާރު ވެރިކަން ކުރަމުންދާ ކޯލިޝަން އުފައްދައި, އެ ކޯލިޝަންގެ މަސައްކަތްތައް ހިންގެވުމުގައި ވެސް ރައީސް އިބްރާހިމް މުހައްމަދު ސޯލިހާއެކު އެންމެ އިސްކޮށް އުޅުއްވީ ފާރިސް އެވެ.

އެމްއާރްއެމްގެ ރައީސް ކަމަށް ފާރިސް އެކަނި ކުރިމަތިލައްވާފައިވާއިރު, އެ ޕާޓީގެ ޒައީމްގެ މަގާމަށް މައުމޫން ވަނީ ކުރިމަތިލައްވާފަ އެވެ. އެ މަގާމަށް އިތުރު ބޭފުޅަކު ކުރިމަތިނުލައްވަ އެވެ.

މައުމޫންގެ އާއިލާއިން އެމްއާރްއެމްގައި ދެން އުޅުއްވާ, ހެރިޓޭޖް މިނިސްޓަރު ޔުމްނާ މައުމޫން, ޕާޓީގެ އިސް މަގާމަކަށް ކުރިމަތިލައްވާފައެއް ނުވެ އެވެ.

އެމްއާރްއެމްގެ އިސް މަގާމުތަކަށް ކުރިމަތިލުމުގެ ފުރުސަތު މިއަދާ ހަމަައަށް ވަނީ ހުޅުވާލާފަ އެވެ.

އެ ޕާޓީގެ ނައިބު ރައީސް ކަމުގެ މަގާމަށް ދެ ބޭފުޅަކު ވަނީ ކުރިމަތިލައްވާފަ އެވެ. އެއީ, މޯލްޑިވް ގޭހުގެ މެނޭޖިން ޑިރެކްޓަރު ޝަޒައިލް ޝިޔާމާއި ޓްރާންސްޕޯޓް މިނިސްޓްރީގެ ޑެޕިއުޓީ މިނިސްޓަރު ޝިމާޒް އަލީ (ޝިމައްޓޭ) އެވެ.

ނައިބު ރައީސްގެ އިތުރުން އަންހެން ނައިބު ރައީސްއެއްގެ މަގާމަށް ވެސް އެމްއާރްއެމް ހުޅުވާލި އެވެ. އެ މަގާމަށް ކުރިމަތިލައްވާފައިވަނީ އެމްއާރްއެމްގެ ހަރަކާތްތަކުގައި ވަރަށް އިސްކޮށް އުޅުއްވާ އައިމިނަތު ނާދިރާ އެވެ.

ނާދިރާއަކީ ޕީޕީއެމް ދެބައިވެގެން ދިޔައިރު މައުމޫން ފެކްޝަނުގެ ނައިބު ރައީސްކަން ވެސް ކުރެއްވި ބޭފުޅެކެވެ. އޭގެއިތުރުން އެމްއާރްއެމްގެ ޓިކެޓްގައި އެންމެފަހުން ބޭއްވި ރައްޔިތުންގެ މަޖިލީހުގެ އިންތިހާބުގައި ގަލޮޅު ދެކުނު ދާއިރާއަށް ވާދަ ކުރެއްވި އެވެ.

މަގާމުތަކަށް މީހުން އިންތިހާބު ކުރުން އޮންނާނީ އަންނަ މަހުގެ ދެވަނަ ދުވަހު ބާއްވާ އެ ޕާޓީގެ ފުރަތަމަ ކޮންގްރެސްގަ އެވެ.

ޑިސެމްބަރު 20، 2019ގައި ސިޔާސީ ޕާޓީއެއްގެ ގޮތުގައި އިލެކްޝަންސް ކޮމިޝަންގައި ރެޖިސްޓާކުރި އެމްއާރުއެމްގެ ކޮންގްރެސް އަންނަ މަހު ބާއްވަން ހަމަޖެހިފައިވަނީ ކޮވިޑާ ހެދި ކޮންގްރެސް ނުބޭއްވި ލަސްވުމާއެކު، އީސީން ކޮންގްރެސް ބާއްވަން ދޭ މުއްދަތު އިތުރުކޮށްދިނުމުންނެވެ.

އާއްމުކޮށް ޕާޓީއެއްގެ ކޮންގްރެސްއަކީ އެ ޕާޓީއެއް ރެޖިސްޓްރީ ކުރާތާ ކުރު މުއްދަތެއް ތެރޭ ބާއްވަން ޖެހޭ ޖަލްސާއެކެވެ.

ކޮމެންޓް

ފަހުގެ ޚަބަރު

ދިރާގު ރޯޑް ރޭސް 5،500އަށްވުރެ ގިނަ ދުވުންތެރިންނާއެކު ބާއްވައިފި

ދިރާގު މޯލްޑިވްސް ރޯޑް ރޭހުގެ 17 ވަނަ އެޑިޝަން 5،500 އަށްވުރެ ގިނަ ދުވުންތެރިންނާއެކު ހުޅުމާލެ ސެންޓްރަލް ޕާކުގައި ވަނީ ބާއްވާފައެވެ. މި ދުވުމުގެ ލައިވް އަޕްޑޭޓްތަކާއި، ނަތީޖާ އަދި ދުވުންތެރިންގެ ރޭންކިންގ ބަލައިލުމުގެ ފުރުސަތު ދިރާގުން ވަނީ ޚާއްޞަ މޮބައިލް އެޕްލިކޭޝަނެއް މެދުވެރިކޮށް ފަހިކޮށްދީފައެވެ.

ޕީއެންސީގެ މެންބަރުންގެ އަދަދު ލައްކައަކަށްވުރެ ދަށަށް

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އެރިތާ 24 ގަޑިއިރު ނުވަނީސް، އަލުން އެ އަދަދު ލައްކައަކަށް ވުރެ ދަށަށް ގޮސްފިއެވެ. އިދިކޮޅު ފަރާތްތަކުން ތުހުމަތުކުރާ ގޮތުގައި މި އަދަދު ހަމަކުރުމަށްޓަކައި ވަޒީފާގެ ބިރުދެއްކުމާއި ރިޝްވަތުގެ ގޮތުގައި ފައިސާ ބޭނުންކޮށްފައިވެއެވެ. އީސީގެ ތަފާސްހިސާބުތަކުން ދައްކާގޮތުގައި އެ ޕާޓީގެ މެންބަރުންގެ އަދަދު މިހާރު ވަނީ 99,930 އަށް ތިރިވެފައެވެ.

ރަސްމާލޭގެ ޑީލުގައި ސޮއިނުކުރަން އެދި އަލައްބާރަށް ސިޓީއެއް

ރަސްމާލެ މަޝްރޫއުގެ މިހާރުގެ ޝަރުތުތަކާއި ގާނޫނުއަސާސީއާ ފުށުއެރުންތަކެއް ހުރި ކަމަށާއި، އެކަމުގައި އެކަށީގެންވާ ގޮތެއްގައި ރައްޔިތުންގެ ހިޔާލު ހޯދާފައި ނުވާތީ، ދެން އަންނަ ސަރުކާރަކުން ވެސް މި މަޝްރޫއުގެ އެއްބަސްވުން އަލުން މުރާޖައާކުރުމަށް ނުވަތަ އެއްކޮށް ބާތިލުކުރުމުގެ ފުރުސަތު އޮތް ކަމަށް އެ ސިޓީގައި ބުނެފައިވޭ.

"ރަސްމާލެ މައްސަލައިގައި މުއިއްޒު ވަނީ އަނގަވަތަށް ވެއްޓިފައި"

ރަސްމާލެ މަޝްރޫއަކީ ރާއްޖޭގެ ސިޔާދަތަށް އުނިކަންލިބޭ، ބޭރުގެ ފަރާތްތަކަށް ބިން ދިނުމަށް ހިންގާ ހީލަތްތެރި ރޭވުމެއް ކަމަށް ވިދާޅުވެ ކުރީގެ ރައީސް ޔާމީން ސަރުކާރަށް ވަރަށް ބޮޑަށް ފާޑުވިދާޅުވެއްޖެއެވެ. މި މަޝްރޫއުގެ ސަބަބުން ރައީސް މުއިއްޒު ރައްޔިތުންގެ ކުރިމަތީގައި ބޭޒާރުވެފައިވާ ކަމަށާއި، މި ސަރުކާރަށް ދެވަނަ ދައުރެއް ރައްޔިތުން ނުދޭނެ ކަމަށް ޔާމީން ވިދާޅުވިއެވެ.

ރަސްމާލެ ދޫކޮށްލުމާ ދެކޮޅުވެރިކަމެއް ނެތްކަމުގެ އިޝާރާތެއް

ރަސްމާލެއިން ބައެއް ބޭރުގެ ކުންފުންޏަކަށް ދޫކޮށްލުމާ ދެކޮޅު ހަދަނީ މަދު ބަޔަކު ކަމަށާއި، ދިވެހިން އަބަދުވެސް އިސްކުރަނީ ގައުމީ ތަރައްގީކަން މުއިއްޒު ފާހަގަކުރެއްވި. މީގެކުރިންވެސް ރާއްޖެއަށް އައި ބޮޑެތި ބަދަލުތަކާ ބައެއް މީހުން ދެކޮޅު ހެދި ނަމަވެސް، ގިނަ ރައްޔިތުން ތާއީދުކުރީ ގައުމީ ކުރިއެރުމަށްކަން އެމަނިކުފާނު ބަޔާންކޮށްދެއްވި.

ހުލާސާކޮށް އިއްޔެ: ސިޔާސީ ޕާޓީތަކުގެ ދަފްތަރަށް އައި ބޮޑު ބަދަލު

ޕީއެންސީގެ މެންބަރުންގެ އަދަދު އެއްލައްކައަށް އެރުމާއެކު، ޖުމްހޫރީ ޕާޓީ އާއި އަދާލަތު ޕާޓީ ފަދަ ދުވަސްވީ ޕާޓީތަކުން ގިނަ އަދަދެއްގެ މެންބަރުންނާއި އިސް ބޭފުޅުން ވަނީ ވަކިވެފައެވެ. މީގެ އިތުރުން، ރަސްމީ ޖަލްސާތަކުގެ ޕްރޮޓޮކޯލަށް ބަދަލުތަކެއް ގެނެސްފައިވާއިރު، ރަސްމާލެ މަޝްރޫއާ ގުޅޭގޮތުން އިލްމުވެރިންނާއި ސިޔާސީ ފަރާތްތަކުގެ މެދުގައި ވަނީ ޚިޔާލުތަފާތުވުންތަކެއް އުފެދިފައެވެ.

ވަޒީފާގެ ބިރުދައްކައިގެން އެއްލައްކަ މެންބަރުން ހަމަކޮށްފި

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އަރާފައިވާއިރު، މިއީ ވަޒީފާގެ ބިރުދައްކައިގެންނާއި ރިޝްވަތު ދީގެން ހޯދި އަދަދެއް ކަމަށް ވަނީ ތުހުމަތުކުރެވިފައި. އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި މިދިޔަ އަހަރާ އަޅާބަލާއިރު އެ ޕާޓީގެ މެންބަރުންގެ އަދަދު ވަނީ 26،000 އަށްވުރެ އިތުރުވެފައި.

Newsletter

Get the latest news delivered straight to your inbox