ދާރުލްއާސާރަކާއެކު ކޯރާ ކޯރާ މޯލްޑިވްސް ރިސޯޓު ހުޅުވުން އަންނަ މަހު

ކޯރާ ކޯރާ މޯލްޑިވްސް. ފޮޓޯ: އަގޯޑާ

ކޯރާ ކޯރާ މޯލްޑިވްސް. ފޮޓޯ: އަގޯޑާ

ދިވެހިރާއްޖޭގެ ގައުމީ ދާރުލްއާސާރަށްފަހު އެންމެ ފުޅާ ދާއިރާއެއްގައި ރާއްޖެއާ ގުޅޭ އާސާރީ ތަރިކަ ފެންނަން ހުންނާނެ ދާރުލްއާސާރަކާއެކު ކޯރާ ކޯރާ މޯލްޑިވްސް ރިސޯޓު އަންނަ މަހުގެ އެއް ވަނަ ދުވަހު ހުޅުވަން ތައްޔާރު ވެއްޖެ އެވެ.

އެ ރިސޯޓަކީ ރ. އަތޮޅުގެ މާމިގިލީގައި ތަރައްގީ ކުރަމުން އަންނަ ރިސޯޓެކެވެ. އަންނަ މަހު އެ ރިސޯޓު ހުޅުވަން ތައްޔާރުވަމުން އަންނަ އިރު، އެ ރިސޯޓާ ގުޅޭ އެންމެ ފާހަގަކޮށްލެވޭ އެއް ކަމަކީ އެ ރިސޯޓުގައި ހުންނަ ކޯރާ ކޯރާ މޯލްޑިވްސް މިއުޒިއަމް އެވެ.

އެ ދާރުލްއާސާރަކީ، ރިސޯޓުން ބުނާ ގޮތުގައި ނަމަ ރާއްޖޭގައި ދެވަނަ އަށް އެންމެ ބޮޑު ދާރުލްއާސާރެވެ. މިއީ ރާއްޖޭގެ ރިސޯޓެއްގައި މިފަދަ ދާރުލްއާސާރެއް ހުޅުވާ ފުރަތަމަ ފަހަރު ވެސް މެ އެވެ.

އެ ދާރުލްއާސާރުގައި ރާއްޖެއަށް އިސްލާމް ދީން އަައުމުގެ ކުރިން، އަދި އޭގެ ފަހުން އިސްތިއުމާރީ ބާރުތަކުގެ ދަށުގައި އޮތް ޒަމާންތަކުގައި ވެސް ބޭނުންކުރި ބައެއް ތަކެތި ފެންނަން ހުންނާނެ އެވެ. އަދި ރާއްޖޭގެ މުއްސަނދި ތާރީހާއި ސަގާފަތް ވަރަށް ފުރިހަމައަށް އެތަނުން ދައްކުވައިދޭނެކަމަށް ރިސޯޓުން ބުނެ އެވެ. އެ ދާރުލްއާސާރުގައި ރާއްޖޭގެ އެކި ސަރަހައްދުތަކުން ހޯދާފައިވާ ތަކެތި ފެންނަން ހުންނާނޭކަމަށް ވެސް އެ ރިސޯޓުން ބުނެ އެވެ.

ރިސޯޓުން ބުނި ގޮތުގައި ދާރުލްއާސާރުގައި ހުންނަ އެގްޒިބިޝަނުން މިދިޔަ 2،000 އަހަރު ތެރޭ ރާއްޖޭގައި އުޅުނު މީހުންގެ ވާހަކަތައް އެތަނަށް ޒިޔާރަތްކުރާ ފަތުރުވެރިންނާއި އެކި ފަރާތްތަކަށް ކިޔައިދޭނެ އެވެ. އަދި އެއާ އެކު ރާއްޖޭގެ ތާރީހު މިހާރަށްވުރެ ފުޅާކޮށް ރާއްޖެއަށް ޒިޔާރަތްކުރާ ފަރާތްތަކަށް ދައްކުވައިދޭނެ އެވެ.

ދާރުލްއާސާރުން ފެންނަން ހުންނާނެ ބައެއް ތަކެތީގެ ތެރޭގައި ބުދު ދީނުގެ ޒަމާނުގައި ބޭނުން ކުރި ތެޔޮ ބައްތިއެއް، ސީނު ކަރައިން ގެނެސްފައިވާ ޕޯސެލެއިން ތަށި ވެސް ހިމެނެ އެވެ. އަދި ރާއްޖެއަށް އިސްލާމް ދީން އައުމުގެ ކުރިން ރާއްޖޭގައި ގެންގުޅުނު އަށް މީޓަރުގެ ޓެމްޕަލް ޓޭންކެއް ވެސް ހިމެނެ އެވެ. އަދި ދާރުލްއާސާރަށް ބަދަލުކޮށް، ހަދާފައި ހުރި 120 އަހަރުގެ އާސާރީ ގެޔެއް ފެންނަން ހުންނާނެ އެވެ. އެ އާސާރީ ތަކެތި ބެހެއްޓިފައި ހުންނާނީ ރިސޯޓުގެ ދެ ސަރަހައްދެއްގަ އެވެ.

ރާއްޖޭގެ ގިނަ އެހެން ރިސޯޓުތަކެކޭވެސް އެއް ގޮތަށް ކޯރާ ކޯރާ މޯލްޑިވްސްއިންވެސް ގިނަ އަދަދެއްގެ އިތުރު އެހެން ހިދުމަތްތައް ލިބެން ހުންނާނެކަމަށް އެ ރިސޯޓުން ބުނެ އެވެ.

އެ ގޮތުން ބީޗް ވޮލީ، ބެޑްމިންޓަން އަދި ބާޗީ ބޯލް ފަދަ ކުޅިވަރުތައް އެ ރިސޯޓުގައި ވެސް ހުރެ އެވެ. އޭގެ އިތުރުން ޑައިވް އާއި ވޯޓާސްޕޯޓްސް ސެންޓަރެއްވެސް އެ ރިސޯޓުގައި ހުރެ އެވެ.

ކޯރާ ކޯރާ މޯލްޑިވްސްގައި އެކި ކެޓަގަރީގެ ޖުމްލަ 100 ވިލާ އަދި ސުއީޓް ހުރެ އެވެ. އަދި ހަތަރު ރެސްޓޯރެންޓާއި ކެފޭއިން ހިދުމަތް ލިބޭނެ އެވެ.

އެގޮތުން އެންމެ ފާހަގަކޮށްލެވޭ އެއް ތަނަކީ ކުރީ ޒަމާނުގެ ސްޕައިސް ރޫޓުގެ ކެއުންތަަކަށް އިންސާފުކުރުމުގެ ފުރުސަތު ފޯރުކޮށްދޭ "ތަޒާ" ރެސްޓޯރެންޓް އެވެ. އެ ތަނުން ކުރީ ޒަމާނުގައި އަރަބި ޕެނިންސިއުލާއާއި ލުބުނާނުން ފަށައިގެން އިންޑިއާ، ސްރީ ލަންކާ އަދި ރާއްޖެއާ ހިސާބަށް ފޯރި އިގްތިސޯދުގެ ތެރެއިން ބަދަލުކުރެވުނު އެކި ކަހަލަ ސްޕައިސްތަކުގެ ފުރިހަމަ ރަހަތަށް ގެނެސްދޭ ޑިޝްތަކެއް ފޯރުކޮށްދޭނެ އެވެ.

ދިވެހިރާއްޖޭގެ ގައުމީ ދާރުލްއާސާރަށްފަހު އެންމެ ފުޅާ ދާއިރާއެއްގައި ރާއްޖެއާ ގުޅޭ އާސާރީ ތަރިކަ ފެންނަން ހުންނާނެ ވަރުގަދަ ދާރުލްއާސާރަކާއެކު ހުޅުވާ ކޯރާ ކޯރާ މޯލްޑިވްސް ރިސޯޓުގެ މެޕެއް. ފޮޓޯ: މޯލްޑިވްސް މެގަޒިން
ދިވެހިރާއްޖޭގެ ގައުމީ ދާރުލްއާސާރަށްފަހު އެންމެ ފުޅާ ދާއިރާއެއްގައި ރާއްޖެއާ ގުޅޭ އާސާރީ ތަރިކަ ފެންނަން ހުންނާނެ ވަރުގަދަ ދާރުލްއާސާރަކާއެކު ހުޅުވާ ކޯރާ ކޯރާ މޯލްޑިވްސް ރިސޯޓުގެ މެޕެއް. ފޮޓޯ: މޯލްޑިވްސް މެގަޒިން

ދިވެހިރާއްޖޭގެ ގައުމީ ދާރުލްއާސާރަށްފަހު އެންމެ ފުޅާ ދާއިރާއެއްގައި ރާއްޖެއާ ގުޅޭ އާސާރީ ތަރިކަ ފެންނަން ހުންނާނެ ވަރުގަދަ ދާރުލްއާސާރަކާއެކު ހުޅުވާ ކޯރާ ކޯރާ މޯލްޑިވްސް ރިސޯޓުގެ މެޕެއް. ފޮޓޯ: މޯލްޑިވްސް މެގަޒިން

ރ. އަތޮޅުގެ ހުޅަނގު މެދަށްވާ ގޮތަށް އޮންނަ މާމިގިއްޔަކީ ކަނޑުމަގުން އިފުރު އެއާޕޯޓާއި 20 މިނެޓުގެ ދުރުމިނުގައި އޮންނަ ރަށެކެވެ. އެ ރިސޯޓަކީ ފަސް ތަރީގެ ރިސޯޓެކެވެ.

މާމިގިއްޔަކީ ކުރިންވެސް ރިސޯޓެއް ހިންގި ރަށެވެ. ކުރިން ލޯމާ މާމިގިލި މޯލްޑިވްސް ގެ ނަމުގައި އެ ރަށުގައި ރިސޯޓެެއް ހިންގިއިރު، އެ ރިސޯޓަށް ކުރިމަތިވި ދަރަނީގެ މައްސަލަތަކަކާ ހެދި އެ ރިސޯޓްގެ ސަބްލީސް ވަނީ 2017 ވަނަ އަހަރު ވިއްކާލާފަ އެވެ.

އޭރު އެ ރަށް ހިންގީ މޯލްޑިވްސް ރިސޯޓް ޑެވެލޮޕްމެންޓް ނަމަކަށް ކިޔާ ކުންފުންޏަކާ ސިންގަޕޫރުގެ ވިޔަފާރިވެރިއެއްކަމުގައިވާ ގޯ ޗިންގް ހުއާޓް އާ ގުޅިގެންނެވެ. އެހެންނަމަވެސް 77 މިލިއަނެއްހާ ރުފިޔާގެ ދަރަންޏެއްގައި އޮތް އެ ރިސޯޓަށް ލިބެމުންދިޔަ ގެއްލުން ފޫނުބެއްދުމުގެ ސަބަބުން އޭރު ވަނީ ވިއްކާލާފަ އެވެ.

މިހާރު އެ ރިސޯޓު ހިންގަމުންދަނީ ޓްރިނިޓަސް ހޯލްޑިންގްސް މޯލްޑިވްސް ނަމަކަށްކިޔާ ކުންފުންޏަކުންނެވެ.

ކޮމެންޓް

ފަހުގެ ޚަބަރު

ސިމްޑީގެ ވިޔަފާރި ހާދާލަށް ފުޅާކުރަނީ

ސިމްޑީ ގްރޫޕްގެ ވިޔަފާރި ހދ. އަތޮޅުގައި ފުޅާކުރުމަށްޓަކައި ކުޅުދުއްފުށީގެ "މިތުރު" ކުންފުންޏާއެކު ސަބް-ޑިސްޓްރިބިއުޝަން އެއްބަސްވުމެއްގައި މިއަދު ވަނީ ސޮއިކޮށްފައެވެ. މި ޕާޓްނަޝިޕްގެ ސަބަބުން ސިމްޑީން އެތެރެކުރާ ބައިނަލްއަގުވާމީ މަގުބޫލު ބްރޭންޑްތަކުގެ މުދާ އެ އަތޮޅުގެ ރީޓެއިލް ފިހާރަތަކަށާއި އާންމުންނަށް ފަސޭހަކަމާއެކު ލިބޭނެ އިންތިޒާމު ހަމަޖެހިގެންދާނެއެވެ.

ވިލާ ކޮލެޖާއި މާރޕް ގުޅިގެން މެންޓަރޝިޕް ޕްރޮގްރާމެއް

ވިލާ ކޮލެޖާއި މާރޕް ގުޅިގެން ވަޒީފާ އަދާކުރާ ފަރާތްތަކަށް ޚާއްޞަ މެންޓަރޝިޕް ޕްރޮގްރާމެއް ފަށާފައިވަނީ ދިވެހި ލީޑަރުން ބިނާކޮށް ސީނިއަރ މެނޭޖްމަންޓް މަޤާމުތަކަށް މީހުން ތައްޔާރުކުރުމަށެވެ. މި ޕްރޮގްރާމުގެ ދަށުން ތަޖުރިބާކާރުންގެ އެހީތެރިކަމާއެކު ގްރެޖުއޭޓުންނަށް ޢަމަލީ ހުނަރުތައް ދަސްކޮށްދީ، މަތީ ތަޢުލީމާއި އިންޑަސްޓްރީއާ ދެމެދު އޮތް ގުޅުން ވަރުގަދަކުރުމަށް ވަނީ އަމާޒު ހިފާފައެވެ.

ޓްރީ ޓޮޕް ހިތާނީ ކޭމްޕުގެ ރަޖިސްޓްރޭޝަން ހުޅުވާލައިފި

ޓްރީ ޓޮޕް ހޮސްޕިޓަލުގެ މިއަހަރުގެ ފުރަތަމަ ހިތާނީ ކޭމްޕުގައި ބައިވެރިވުމަށް ރަޖިސްޓަރީވުމުގެ ފުރުސަތު ޑިސެމްބަރު 17 ގެ ނިޔަލަށް ވަނީ ހުޅުވާލާފައެވެ. ތަޖުރިބާކާރު ޑޮކްޓަރުންގެ ޓީމަކުން ކުރިއަށްގެންދާ މި ކޭމްޕުގެ ހިތާނުކުރުމުގެ އޮޕަރޭޝަންތައް ކުރިއަށްދާނީ ޑިސެމްބަރު 12 އިން ޖެނުއަރީ 11 ގެ ނިޔަލަށެވެ. މި ޕެކޭޖުގެ ދަށުން ކޮންސަލްޓޭޝަނާއި، ލެބޯޓަރީ ޓެސްޓުތަކުގެ އިތުރުން އޮޕަރޭޝަނަށްފަހު ބޭނުންވާ ފަރުވާގެ ހިދުމަތްތައް ލިބިގެންދާނެއެވެ.

ޓޯޓަލް ފިޒިއޯއިން އެލައިޑްގެ ހިދުމަތް ގަބޫލުކުރަން ފަށައިފި

ފިޒިއޮތެރަޕީގެ ޚިދުމަތްދޭ "ޓޯޓަލް ފިޒިއޯ" ކްލިނިކުން ބަލިމީހުންނަށް ލުއިފަސޭހަކޮށްދިނުމުގެ ގޮތުން އެލައިޑް އިންޝުއަރެންސް ގަބޫލުކުރަން ފަށައިފިއެވެ. ޒަމާނީ ވަސީލަތްތަކާއެކު ފަރުވާދޭ މި ކްލިނިކުން މިހާރުވެސް ޕޮލިސް، އެމްއެންޑީއެފް އަދި ސޮލަރެލް އިންޝުއަރެންސްގެ ޚިދުމަތް ލިބޭއިރު، އިތުރު އިންޝުއަރެންސްތައް މެދުވެރިކޮށް ޚިދުމަތް ލިބޭނެ އިންތިޒާމު ހަމަޖެއްސުމަށް ދަނީ މަސައްކަތް ކުރަމުންނެވެ.

ލަކްސް ގްލޯގެ ދެވަނަ ފިހާރަ މަޖީދީމަގުގައި ހުޅުވައިފި

މަޝްހޫރު ކޮސްމެޓިކްސް ބްރޭންޑް "ލަކްސް ގްލޯ" ގެ ދެވަނަ ފިހާރަ މާލޭގެ މަޖީދީމަގުގައި ހުޅުވައިފިއެވެ. މި ފިހާރައިން ބައިނަލްއަގުވާމީ ބްރޭންޑްތަކުގެ ސްކިންކެއާ އަދި މޭކަޕް ސާމާނު ޓެސްޓުކޮށްލުމާއި، ފަންނީ ލަފާ ހޯދައިގެން ވަގުތުން ގަނެވޭނެ އިންތިޒާމު ވަނީ ހަމަޖެހިފައެވެ. ފިހާރަތަކުގެ އިތުރުން އެ ބްރޭންޑުގެ ވެބްސައިޓް މެދުވެރިކޮށް އޮންލައިންކޮށް އޯޑަރުކުރުމުގެ ފުރުސަތުވެސް ކަސްޓަމަރުންނަށް ވަނީ ހުޅުވާލެވިފައެވެ.

ކްލީވިއާ ރެސިޑެންސް: ޒަމާނީ ބޯހިޔާވަހިކަން އާ މަޝްރޫއެއް

ޕޭން ރިއަލް އެސްޓޭޓުން އަލަށް ތައާރަފްކުރި "ކްލީވިއާ ރެސިޑެންސް" މަޝްރޫއަކީ މެދުފަންތީގެ އާމްދަނީ ލިބޭ ފަރާތްތަކަށް އަމާޒުކޮށްގެން ހިންގާ އަތްފޯރާ އަގުތަކެއްގެ ބޯހިޔާވަހިކަމުގެ މަޝްރޫއެކެވެ. މި މަޝްރޫއުގެ ދަށުން ޒަމާނީ ފެންވަރުގެ އެއް ކޮޓަރި އަދި ދެ ކޮޓަރީގެ އެޕާޓްމަންޓްތައް ލިބޭއިރު، ފައިސާ ދެއްކުމުގައި ލުއި ގޮތްތަކެއް ވަނީ ހަމަޖައްސާފައެވެ.

ދިރާގު ރޯޑް ރޭސްގެ ބިބް އެކްސްޕޯ ބުދަ ދުވަހާ ހަމައަށް

ދިރާގު މޯލްޑިވްސް ރޯޑް ރޭސް 2026 ގެ ބިބް އެކްސްޕޯ ބީޖީ ޓާފް ދަނޑުގައި ކުރިއަށްދާއިރު، ބިބް އާއި ރޭސް ކިޓް ދޫކުރުމުގެ މުއްދަތު މި މަހުގެ 18 ވާ ބުދަ ދުވަހުގެ ނިޔަލަށް ވަނީ އިތުރުކޮށްފައެވެ. ފަސް ހާހަށްވުރެ ގިނަ ދުވުންތެރިން ބައިވެރިވާ މި ދުވުން އޮންނާނީ ކުރިއަށް އޮތް ހުކުރު ދުވަހު ހުޅުމާލޭ ސެންޓްރަލް ޕާކުގައެވެ.

Newsletter

Get the latest news delivered straight to your inbox