އިސްލާމިކް ޓްރޭޑް ފައިނޭންސް ކޯޕަރޭޝަނާ ރާއްޖެ ގުޅިއްޖެ

އިކޮނޮމިކް މިނިސްޓަރު ފައްޔާޒު އިސްމާއިލް އައިއެސްޑީބީގެ ގަވަރުނަރުންގެ ވަށްމޭޒު ޖަލްސާގައި ބައިވެރިވެވަޑައިގަންނަވަނީ: ފައްޔާޒު މި ބައްދަލުވުމުގައި ބައިވެރިވެވަޑައިގަންނަވަނީ އައިއެސްޑީބީއަށް ކަނޑައަޅާފައި ހުންނެވި އެކްޓިން ގަވަރުނަރުގެ ހައިސިއްޔަތުން. -- ފޮޓޯ: ފިނޭންސް މިނިސްޓްރީ

އިކޮނޮމިކް މިނިސްޓަރު ފައްޔާޒު އިސްމާއިލް އައިއެސްޑީބީގެ ގަވަރުނަރުންގެ ވަށްމޭޒު ޖަލްސާގައި ބައިވެރިވެވަޑައިގަންނަވަނީ: ފައްޔާޒު މި ބައްދަލުވުމުގައި ބައިވެރިވެވަޑައިގަންނަވަނީ އައިއެސްޑީބީއަށް ކަނޑައަޅާފައި ހުންނެވި އެކްޓިން ގަވަރުނަރުގެ ހައިސިއްޔަތުން. -- ފޮޓޯ: ފިނޭންސް މިނިސްޓްރީ

އިސްލާމިކް ފައިނޭންސިންގެ ތެރެއިން ވިޔަފާރިތަކަށް ޓްރޭޑް ފައިނޭންސްކޮށްދޭ އިސްލާމިކް ޓްރޭޑް ފައިނޭންސް ކޯޕަރޭޝަން (އައިޓީއެފްސީ)ގެ މެމްބަރަކަށް ރާއްޖެ ވެއްޖެ އެވެ.

އިސްލާމިކް ޑިވެލޮޕްމަންޓު ބޭންކު (އައިއެސްޑީބީ)ގެ ޓްރޭޑް ފައިނޭންސް ގޮފި ކަމުގައިވާ އައިޓީއެފްސީއާ ރާއްޖެ ގުޅުނީ، އުޒުބަކިސްޓާނުގައި މިހާރު ކުރިޔަށްދާ އައިއެސްޑީބީ ގްރޫޕުގެ 46 ވަނަ އަހަރީ ބައްދަލުވުމުގަ އެވެ. މިގޮތުން އިއްޔެ ބޭއްވި ގަވަރުނަރުންގެ ޕްލީނަރީ ސެޝަންގައި އައިޓީއެފްސީ މެމްބަރަކަށް ވާން ރާއްޖޭގެ ހުށަހެޅުން ވަނީ ރަސްމީކޮށް ބަލައިގެންފަ އެވެ.

އައިއެސްޑީބީގެ އަހަރީ ބައްދަލުވުމުގައި އެކްޓިން ގަވަރުނަރުގެ ހައިސިއްޔަތުން ބައިވެރިވެވަޑައިގަންނަވަނީ އިކޮނޮމިކް މިނިސްޓަރު ފައްޔާޒު އިސްމާއިލެވެ.

އިއްޔެ ބޭއްވި ގަވަރުނަރުންގެ ވަށް މޭޒު ބައްދަލުވުމުގައި ފައްޔާޒު ވަނީ، ރާއްޖެ ފަދަ ކުދި ޖަޒީރާ ގައުމުތަކަށް ކްލައިމްޓް އިންވެސްޓުމަންޓުތަކުގެ ޒަރިއްޔާއިން އިޔާދަކުރަނިވި ހަކަތަ އިތުރުކޮށް، ފިސްކަލް ސްޕޭސް އިތުރުކުރަން އެހީތެރިކަން ފޯރުކޮށްދޭން ގޮވާލައްވައިފަ އެވެ.

އަދި ރާއްޖޭގެ ތިމާވެށި ރައްކާތެރިކުރުމަށާއި އިޖުތިމާއި ހޭދައަށް "ބްލޫ" ބޮންޑުތަކާއި "ގްރީން" ބޮންޑުތައް ފޯރުކޮށްދީގެން މިހާރަށް ވުރެ ހެޔޮ އަގެއްގައި ދަރަނި ލިބޭނެ ގޮތް ހަމަޖައްސައިދޭން އެދިވަޑައިގެންނެވި އެވެ.

އައިޓީއެފްސީއަކީ އައިއެސްޑީބީގެ މެމްބަރުންގެ މެދުގައި ވިޔަފާރި އާއި އިގުތިސޯދު ކުރިއަރުވަން މަސައްކަތް ކުރާ ކޯޕަރޭޝަނެކެވެ. މި ކޯޕަރޭޝަނާ ގުޅުމުގެ ސަބަބުން ރާއްޖެއަށް ވިޔަފާރީގެ ދާއިރާއިން އިތުރު ފައިނޭންސިން ހޯދަން މަގުފަހި ވާނެ އެވެ.

މެމްބަރު ގައުމަކަށް ނުވާއިރު ވެސް އައިޓީއެފްސީން ވަނީ ރާއްޖެއަށް އެކި ދާއިރާތަކުން އެހީތެރިކަން ފޯރުކޮށްދީފަ އެވެ. ދާދިފަހުން އެސްޓީއޯއަށް ވެސް އެ ކޯޕަރޭޝަނުން ވަނީ ތެލާއި ކާޑު ގަންނަން ފެސިލިޓީއެއް ހަމަޖައްސައިދީފަ އެވެ.

އަދި 2019 ވަނަ އަހަރު އެސްއެމްއީތަކާއި ދަނޑުވެރިކަމުގެ ދާއިރާއަށް އިންވެސްޓުކުރަން، 1.5 ބިލިއަން ޑޮލަރުގެ ފްރޭމްވާކް އެގްރީމަންޓެއްގައި ވަނީ ސޮއިކޮށްފަ އެވެ.

ކޮމެންޓް

ފަހުގެ ޚަބަރު

ސިމްޑީގެ ވިޔަފާރި ހާދާލަށް ފުޅާކުރަނީ

ސިމްޑީ ގްރޫޕްގެ ވިޔަފާރި ހދ. އަތޮޅުގައި ފުޅާކުރުމަށްޓަކައި ކުޅުދުއްފުށީގެ "މިތުރު" ކުންފުންޏާއެކު ސަބް-ޑިސްޓްރިބިއުޝަން އެއްބަސްވުމެއްގައި މިއަދު ވަނީ ސޮއިކޮށްފައެވެ. މި ޕާޓްނަޝިޕްގެ ސަބަބުން ސިމްޑީން އެތެރެކުރާ ބައިނަލްއަގުވާމީ މަގުބޫލު ބްރޭންޑްތަކުގެ މުދާ އެ އަތޮޅުގެ ރީޓެއިލް ފިހާރަތަކަށާއި އާންމުންނަށް ފަސޭހަކަމާއެކު ލިބޭނެ އިންތިޒާމު ހަމަޖެހިގެންދާނެއެވެ.

ވިލާ ކޮލެޖާއި މާރޕް ގުޅިގެން މެންޓަރޝިޕް ޕްރޮގްރާމެއް

ވިލާ ކޮލެޖާއި މާރޕް ގުޅިގެން ވަޒީފާ އަދާކުރާ ފަރާތްތަކަށް ޚާއްޞަ މެންޓަރޝިޕް ޕްރޮގްރާމެއް ފަށާފައިވަނީ ދިވެހި ލީޑަރުން ބިނާކޮށް ސީނިއަރ މެނޭޖްމަންޓް މަޤާމުތަކަށް މީހުން ތައްޔާރުކުރުމަށެވެ. މި ޕްރޮގްރާމުގެ ދަށުން ތަޖުރިބާކާރުންގެ އެހީތެރިކަމާއެކު ގްރެޖުއޭޓުންނަށް ޢަމަލީ ހުނަރުތައް ދަސްކޮށްދީ، މަތީ ތަޢުލީމާއި އިންޑަސްޓްރީއާ ދެމެދު އޮތް ގުޅުން ވަރުގަދަކުރުމަށް ވަނީ އަމާޒު ހިފާފައެވެ.

ޓްރީ ޓޮޕް ހިތާނީ ކޭމްޕުގެ ރަޖިސްޓްރޭޝަން ހުޅުވާލައިފި

ޓްރީ ޓޮޕް ހޮސްޕިޓަލުގެ މިއަހަރުގެ ފުރަތަމަ ހިތާނީ ކޭމްޕުގައި ބައިވެރިވުމަށް ރަޖިސްޓަރީވުމުގެ ފުރުސަތު ޑިސެމްބަރު 17 ގެ ނިޔަލަށް ވަނީ ހުޅުވާލާފައެވެ. ތަޖުރިބާކާރު ޑޮކްޓަރުންގެ ޓީމަކުން ކުރިއަށްގެންދާ މި ކޭމްޕުގެ ހިތާނުކުރުމުގެ އޮޕަރޭޝަންތައް ކުރިއަށްދާނީ ޑިސެމްބަރު 12 އިން ޖެނުއަރީ 11 ގެ ނިޔަލަށެވެ. މި ޕެކޭޖުގެ ދަށުން ކޮންސަލްޓޭޝަނާއި، ލެބޯޓަރީ ޓެސްޓުތަކުގެ އިތުރުން އޮޕަރޭޝަނަށްފަހު ބޭނުންވާ ފަރުވާގެ ހިދުމަތްތައް ލިބިގެންދާނެއެވެ.

ޓޯޓަލް ފިޒިއޯއިން އެލައިޑްގެ ހިދުމަތް ގަބޫލުކުރަން ފަށައިފި

ފިޒިއޮތެރަޕީގެ ޚިދުމަތްދޭ "ޓޯޓަލް ފިޒިއޯ" ކްލިނިކުން ބަލިމީހުންނަށް ލުއިފަސޭހަކޮށްދިނުމުގެ ގޮތުން އެލައިޑް އިންޝުއަރެންސް ގަބޫލުކުރަން ފަށައިފިއެވެ. ޒަމާނީ ވަސީލަތްތަކާއެކު ފަރުވާދޭ މި ކްލިނިކުން މިހާރުވެސް ޕޮލިސް، އެމްއެންޑީއެފް އަދި ސޮލަރެލް އިންޝުއަރެންސްގެ ޚިދުމަތް ލިބޭއިރު، އިތުރު އިންޝުއަރެންސްތައް މެދުވެރިކޮށް ޚިދުމަތް ލިބޭނެ އިންތިޒާމު ހަމަޖެއްސުމަށް ދަނީ މަސައްކަތް ކުރަމުންނެވެ.

ލަކްސް ގްލޯގެ ދެވަނަ ފިހާރަ މަޖީދީމަގުގައި ހުޅުވައިފި

މަޝްހޫރު ކޮސްމެޓިކްސް ބްރޭންޑް "ލަކްސް ގްލޯ" ގެ ދެވަނަ ފިހާރަ މާލޭގެ މަޖީދީމަގުގައި ހުޅުވައިފިއެވެ. މި ފިހާރައިން ބައިނަލްއަގުވާމީ ބްރޭންޑްތަކުގެ ސްކިންކެއާ އަދި މޭކަޕް ސާމާނު ޓެސްޓުކޮށްލުމާއި، ފަންނީ ލަފާ ހޯދައިގެން ވަގުތުން ގަނެވޭނެ އިންތިޒާމު ވަނީ ހަމަޖެހިފައެވެ. ފިހާރަތަކުގެ އިތުރުން އެ ބްރޭންޑުގެ ވެބްސައިޓް މެދުވެރިކޮށް އޮންލައިންކޮށް އޯޑަރުކުރުމުގެ ފުރުސަތުވެސް ކަސްޓަމަރުންނަށް ވަނީ ހުޅުވާލެވިފައެވެ.

ކްލީވިއާ ރެސިޑެންސް: ޒަމާނީ ބޯހިޔާވަހިކަން އާ މަޝްރޫއެއް

ޕޭން ރިއަލް އެސްޓޭޓުން އަލަށް ތައާރަފްކުރި "ކްލީވިއާ ރެސިޑެންސް" މަޝްރޫއަކީ މެދުފަންތީގެ އާމްދަނީ ލިބޭ ފަރާތްތަކަށް އަމާޒުކޮށްގެން ހިންގާ އަތްފޯރާ އަގުތަކެއްގެ ބޯހިޔާވަހިކަމުގެ މަޝްރޫއެކެވެ. މި މަޝްރޫއުގެ ދަށުން ޒަމާނީ ފެންވަރުގެ އެއް ކޮޓަރި އަދި ދެ ކޮޓަރީގެ އެޕާޓްމަންޓްތައް ލިބޭއިރު، ފައިސާ ދެއްކުމުގައި ލުއި ގޮތްތަކެއް ވަނީ ހަމަޖައްސާފައެވެ.

ދިރާގު ރޯޑް ރޭސްގެ ބިބް އެކްސްޕޯ ބުދަ ދުވަހާ ހަމައަށް

ދިރާގު މޯލްޑިވްސް ރޯޑް ރޭސް 2026 ގެ ބިބް އެކްސްޕޯ ބީޖީ ޓާފް ދަނޑުގައި ކުރިއަށްދާއިރު، ބިބް އާއި ރޭސް ކިޓް ދޫކުރުމުގެ މުއްދަތު މި މަހުގެ 18 ވާ ބުދަ ދުވަހުގެ ނިޔަލަށް ވަނީ އިތުރުކޮށްފައެވެ. ފަސް ހާހަށްވުރެ ގިނަ ދުވުންތެރިން ބައިވެރިވާ މި ދުވުން އޮންނާނީ ކުރިއަށް އޮތް ހުކުރު ދުވަހު ހުޅުމާލޭ ސެންޓްރަލް ޕާކުގައެވެ.

Newsletter

Get the latest news delivered straight to your inbox