ފޭކު ބުކިންތައް ބޮޑު އަގުގައި ވިއްކަނީ، ލޭބަ ކުއާޓާތަކުގައި ވެސް ޓޫރިސްޓުން!

ޓޫރިސްޓުންތަކެއް ވެލާނާ އިންޓަނޭޝަނަލް އެއާޕޯޓްގައި: ޓޫރިސްޓުގެ ޑިމާންޑް ވަނީ ބޮޑުވެފައި. --ފޮޓޯ: ހުސައިން ޝަޔާހް/ އަދަދު

ޓޫރިސްޓުންތަކެއް ވެލާނާ އިންޓަނޭޝަނަލް އެއާޕޯޓްގައި: ޓޫރިސްޓުގެ ޑިމާންޑް ވަނީ ބޮޑުވެފައި. --ފޮޓޯ: ހުސައިން ޝަޔާހް/ އަދަދު

އެ ހޮޓަލުގެ މެނޭޖަރުގެ ކަންބޮޑުވުމަކީ އޮޅުވާލައިގެން ރާއްޖެއަށް ޓޫރިސްޓުން އެތެރެކޮށް ބަޔަކު ނާޖާއިޒު ފައިދާ ނެގުމެވެ. މި ވާހަކަ "އަދަދު"ގެ ނޫސްވެރިންނާ ހިއްސާކުރަން އެތަނުގެ ރެސްޓޯރަންޓުގައި އިންނަވަނިކޮށް އޭނާ ނުދަންނަ ނަމްބަރަކުން އައީ ފޯން ކޯލެކެވެ.

އެކޮޅުގެ ވާހަކަތަކަށް ޖަވާބުދީފައި ފޯނު ބޭއްވީ "ފައިސާއަކީ އަހަރެންނަށް ހުރިހާ އެއްޗެއް ނޫން ކަމަށް" ވިދާޅުވެ އެެވެ.

އަހަރެމެންނާ ދިމާލަށް ބަލާލާފައި އޭނާ ވިދާޅުވީ "މިހާރު ވެސް އެ ގުޅީ ފޭކު ބުކިންއެއް ހަދައިދޭން އެދި" ކަމަށެވެ. އެ ހޮޓަލުގެ ނަމުގައި ފޭކު ބުކިންއެއް ދީފި ނަމަ ބޮޑު އަދަދުން ފައިސާ ދޭން ވެސް ހުށަހެޅި ކަމަށް އޭނާ ވިދާޅުވި އެވެ.

އެއީ, ކޮވިޑަށް ފަހު ރާއްޖޭގެ ޓޫރިޒަމް ރަނގަޅުވެފައިވާ އިރު, ޓްރާންސިޓް ޕޮއިންޓެއްގެ ގޮތުގައި ރާއްޖެ ހަދައި އަންނަން ބޭނުންވާ މީހުން ގެނައުމުގެ ޖަރީމާ ހިންގާ އެއް ގޮތެވެ.

ހޮޓާތަކުގެ ނަމުގައި ފޭކު ބުކިންދީގެން ގެނައުމެވެ. މިކަމުގައި ދިވެހިންނާއި ބިދޭސީންގެ ދައުރު އޮތް ކަން އެނގުނީ މި މައްސަލައިގައި "އަދަދު"އާ ވާހަކަ ދެއްކެވި މާލޭގެ ގެސްޓް ހައުސްތައް ހިންގާ މީހުން ދެއްވި މައުލޫމާތުތަކުންނެވެ.

މިގޮތަށް އަންނަ މީހުން ގިނަވެ, މާލެ އާއި ރަށްރަށުގައި ވެސް ހޮޓާތަކާއި ގެސްޓް ހައުސްތައް މިއޮތީ ފުރިބާރުވެފަ އެވެ. ރާއްޖެ އެތެރެވާން ބޭނުންވާ ގިނަ ބަޔަކު ތިބުމުން އޭގެ ނާޖާއިޒު ފައިދާ އެއްބަޔަކު ނަގަނީ އެވެ.

ރާއްޖެ އެތެރެވުމުގެ ކުރިން ޓޫރިސްޓުން ތިބޭނެ ތަނެއް އިމިގްރޭޝަން ޕޯޓަލް މެދުވެރިކޮށް ހުށަހަޅަން ޖެހެ އެވެ. އެހެން ހުށަހަޅާއިރު މަދު ރޫމް ހުންނަ ގެސްޓް ހައުސްތަކުގެ ނަމުގައި ދުވާލެއްގެ މައްޗަށް އެތައް ބައިވަރު މީހުން ރާއްޖެ އެތެރެވާތީ އެފަދަ ތަންތަނަށް ގުޅައި ޗެކް ކުރަން އިމިގްރޭޝަނުން މިވަނީ ފަށައިފަ އެވެ. އެގޮތަށް ޗެކް ކުރާއިރު އެނގެނީ ހޮޓާތަކާއި ގެސްޓް ހައުސްތަކުގެ ނަމުގައި ފޭކް ބުކިން ހަދައިގެން އެތައް ބަޔަކު އެތެރެވާ ކަމެވެ.

ބައެއް ފަހަރަށް އަނބުރާ ފޮނުވާލަނީ އެވެ.

"މީހުން އެތެރެ ކުރަނީ ކޮންމެވެސް މޮޅު ހޮޓަލެއްގެ ނަމުގައި. އެއާޕޯޓުން އަހަރެމެންނަށް ގުޅާ އަހަނީ ތި ހޮޓަލުގެ ނަމުގައި މިވެނި ވަރަކަށް މީހުން އެބަތިއްބޭ. ދެން އެއީ އަޅުގަނޑުމެންގެ މީހުން ނޫން ކަމަށް ބުނީމައި ފޮނުވާލަނީ. މިކަން ވަރަށް ބޮޑު،" ހޮޓަލުގެ މެނޭޖަރު ބުންޏެވެ.

ވަގު ބުކިން ހައްދައިގެން ޓޫރިސްޓުން ގެނެސް މަގުމަތި ކުރާ މައްސަލަ ވެސް ބޮޑެވެ. އެކަމުގައި އިސްކޮށް ބިދޭސީން ހަރަކާތްތެރިވެ އެވެ. އެގޮތުން، އޮޅުވާލައިގެން ޓްރެފިކް ކުރި 180 އަށް ވުރެ ގިނަ ބިދޭސީން ރާއްޖެ އެތެރެވުމުގެ ހުއްދަ ނުދީ ހޯމަ އަނބުރާ ފޮނުވާލާފައިވާއިރު، އޭގެ ކުރިން ރޭ ރާއްޖެ އައި ބަޔަކަށް ފަސް ތަރީގެ ހޮޓަލެއް ކަމަށް ބުނެ ބުކިން ހައްދާފައި އޮތީ ފަޅު ގެއެއްގެ ނަމުގަ އެވެ.

މާލޭގެ ހޮޓާތަކާއި އެޕާޓްމަންޓުތައް ހިންގާ އެހެން ކުންފުންޏެއްގެ ވެރިއަކު ނަން ނުޖަހަން ޝަރުތުކޮށް ވިދާޅުވި ގޮތުގައި މަހު ކުލީގެ ގޮތުގައި ޑޮލަރުން ފައިސާ ދީގެން ދިގު މުއްދަތަށް ތަންތަން ނަގަން ވެސް ބިދޭސީން އަންނަނީ ގުޅަމުންނެވެ. ނަމަވެސް އެހެން ގުޅާ ބިދޭސީން އެ މީހުން ނިސްބަތްވާ ކުންފުނިތައް ފަދަ މައުލޫމާތު ހިއްސާ ކުރަން ދެކޮޅު ހަދާ ކަމަށް އޭނާ ބުންޏެވެ.

"އަޅުގަނޑު ބުނެފިން އެކަހަލަ ކަމުނުދާ ކަންކަމުގެ ތެރެއަށް ވަންނާކަށް ބޭނުމެއް ނޫނޭ. އެކަމަކު ޑޮލަރުން ފައިސާ ދޭން ބުނީމަ އެންމެން އެހެން ދޫކޮށެއް ނުލާނެ ދެއްތޯ،" ފުޅާ ދާއިރާގައި ހޮޓަލާއި ގެސްޓްހައުސް ހިންގާ އޯނަރު ވިދާޅުވި އެވެ.

ހުރިހާ ތަނެއް ފުލް, ކޮޓަރިއެއް ނުލިބޭ

ރާއްޖެއަކީ މިހާރު މެދުއިރުމައްޗާއި ޔޫރަޕަށް ދަތުރު ކުރާ އިންޑިއާ މީހުން ޓްރާންސިޓް ވުމާއި ކަރަންޓީން ވުމަށް މަގުބޫލު މަންޒިލެކެވެ. ހުޅުމާލޭ ގޮނޑުދޮށް ވެސް ފުރިފައި އެވަނީ އިންޑިއާގެ ޓޫރިސްޓުންނާ އެކު އެވެ.

މާލޭގައި ކަރަންޓީންވާން ފުރަތަމަ ޕެކޭޖް ވިއްކަމުން ދިޔައީ ބޮލަކަށް 450 ރުފިޔާގެ ރޭޓުން ރޫމަކަށް ދެ މީހުންނަށެވެ. މިހާރު ޑިމާންޑް ބޮޑުވެ ކަރަންޓީން ޕެކޭޖެއްގެ އަގު 1،400 ޑޮލަރު (21,588ރ.) އަށް ވުރެން މިވަނީ މަތިވެފަ އެވެ. އަދި ކުރިން ދެ މީހުން ބައިތިއްބަމުން ދިޔަ ރޫމެއްގައި މިހާރު ހަތަރު މީހުން ބައިތިއްބަ އެވެ.

އިންޑިއާއިން ގިނަ ގައުމުތަކަށް ޑައިރެކްޓް ފްލައިޓް އަދި ނުބާއްވާތީ އެ ގައުމުން ގިނަ ބަޔަކު ދަނީ ޓްރާންސިޓް ޕޮއިންޓެއްގެ ގޮތުގައި ރާއްޖެ ބޭނުން ކުރަމުންނެވެ. ކުރިން 150 ޑޮލަރާއި 200 ޑޮލަރާ ދެމެދުގެ އަގަކަށް ވިއްކަމުން ދިޔަ ރޫމްތައް މިހާރު ވަނީ 350 ޑޮލަރަށް ވުރެ މަތިވެފަ އެވެ.

"ހަމަ ކޮންމެ އަގެއް ޖެހިޔަސް ބަން ލައިފައި ވިކޭ. އަހަރެމެން ސުޕާ އާއި ކަރޯކޭ ރޫމް ހުސްކޮށްފައި އެތަނަށް ވެސް ބެޑް ލައިގެން މި ހިންގަނީ މިހާރު. 101 ޕަސެންޓް އޮކިއުޕެންސީގައި މިހާރު މިއޮތީ މިތަން ވެސް،" މާލޭގެ މަޝްހޫރު ހޮޓަލެއްގެ އޯނަރު ބުންޏެވެ.

ހޮޓާތަކާއި ގެސްޓް ހައުސްތައް ފުލްވެ ޖާގަ ނުލިބޭތީ ބިދޭސީ މަސައްކަތު މީހުން ތިބޭ ލޭބާ ކުއާޓާތަކުގައި ވެސް ޓޫރިސްޓުން ބައިތިއްބަން ފަށާފައިވާ ކަމަށް ގެސްޓްހައުސް ހިންގާ މީހުން ބުނެ އެވެ.

"މިއީ ރާއްޖޭގެ ޓޫރިޒަމަށް ވެސް ކިހާ ބޮޑު ހުތުރެއްތޯ؟ ބިދޭސީ ކޮށިކޮއްޓަށް ޓޫރިސްޓުން އެލަނީ. މިގެންނަނީ ކޮންމެވެސް ބޮޑު ހޮޓަލެއްގެ ނަމުގައި،" ކުރިން ވާހަކަ ދެއްކި ހޮޓަލް މެނޭޖަރު ބުންޏެވެ.

ބޭސްފަރުވާއަށް އަތޮޅު ތެރެއިން މާލެ އައިސް ތިބި މީހުންނަށް ވެސް ދުވަހުގެ ކުއްޔަށް ދޭ ކޮޓަރިއެއް ވެސް ހޯދަން ދައްޗެވެ. ކުއްޔަށް ދޫކުރާ ތަންތަން ފުރާލާފައި ވަނީ ޓްރާންސިޓަށް އައިސް ތިބި ޓޫރިސްޓުންނެވެ.

"ދިވެހިން އެބަގުޅާ 350 ޑޮލަރަށް (5,397ރ.) އަށް ރޫމް ހިފައިގެން ތިބެން. ކޮޓަރިއެއް ނުލިބިގެން،"

ޓޫރިސްޓުން ތިބޭނެ ތަނެއް ނެތިގެން ޑިމާންޑް ބޮޑުވެފައިވާއިރު މީހުން ދިރިއުޅޭ ގެތަކުގައި ޓޫރިސްޓުން ބަހައްޓާ މައްސަލަ ވެސް މިފަހުން ވަނީ ފެންމަތިވެފަ އެވެ. އެއާއެކު ހެލްތް ޕްރޮޓަކްޝަން އެޖެންސީ (އެޗްޕީއޭ) އިން އިއްޔެ ވަނީ އިންސްޕެކްޝަންތަކެއް ވެސް ފަށައިފަ އެވެ.

ކޮމެންޓް

ފަހުގެ ޚަބަރު

ދިރާގު ރޯޑް ރޭސް 5،500އަށްވުރެ ގިނަ ދުވުންތެރިންނާއެކު ބާއްވައިފި

ދިރާގު މޯލްޑިވްސް ރޯޑް ރޭހުގެ 17 ވަނަ އެޑިޝަން 5،500 އަށްވުރެ ގިނަ ދުވުންތެރިންނާއެކު ހުޅުމާލެ ސެންޓްރަލް ޕާކުގައި ވަނީ ބާއްވާފައެވެ. މި ދުވުމުގެ ލައިވް އަޕްޑޭޓްތަކާއި، ނަތީޖާ އަދި ދުވުންތެރިންގެ ރޭންކިންގ ބަލައިލުމުގެ ފުރުސަތު ދިރާގުން ވަނީ ޚާއްޞަ މޮބައިލް އެޕްލިކޭޝަނެއް މެދުވެރިކޮށް ފަހިކޮށްދީފައެވެ.

ޕީއެންސީގެ މެންބަރުންގެ އަދަދު ލައްކައަކަށްވުރެ ދަށަށް

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އެރިތާ 24 ގަޑިއިރު ނުވަނީސް، އަލުން އެ އަދަދު ލައްކައަކަށް ވުރެ ދަށަށް ގޮސްފިއެވެ. އިދިކޮޅު ފަރާތްތަކުން ތުހުމަތުކުރާ ގޮތުގައި މި އަދަދު ހަމަކުރުމަށްޓަކައި ވަޒީފާގެ ބިރުދެއްކުމާއި ރިޝްވަތުގެ ގޮތުގައި ފައިސާ ބޭނުންކޮށްފައިވެއެވެ. އީސީގެ ތަފާސްހިސާބުތަކުން ދައްކާގޮތުގައި އެ ޕާޓީގެ މެންބަރުންގެ އަދަދު މިހާރު ވަނީ 99,930 އަށް ތިރިވެފައެވެ.

ރަސްމާލޭގެ ޑީލުގައި ސޮއިނުކުރަން އެދި އަލައްބާރަށް ސިޓީއެއް

ރަސްމާލެ މަޝްރޫއުގެ މިހާރުގެ ޝަރުތުތަކާއި ގާނޫނުއަސާސީއާ ފުށުއެރުންތަކެއް ހުރި ކަމަށާއި، އެކަމުގައި އެކަށީގެންވާ ގޮތެއްގައި ރައްޔިތުންގެ ހިޔާލު ހޯދާފައި ނުވާތީ، ދެން އަންނަ ސަރުކާރަކުން ވެސް މި މަޝްރޫއުގެ އެއްބަސްވުން އަލުން މުރާޖައާކުރުމަށް ނުވަތަ އެއްކޮށް ބާތިލުކުރުމުގެ ފުރުސަތު އޮތް ކަމަށް އެ ސިޓީގައި ބުނެފައިވޭ.

"ރަސްމާލެ މައްސަލައިގައި މުއިއްޒު ވަނީ އަނގަވަތަށް ވެއްޓިފައި"

ރަސްމާލެ މަޝްރޫއަކީ ރާއްޖޭގެ ސިޔާދަތަށް އުނިކަންލިބޭ، ބޭރުގެ ފަރާތްތަކަށް ބިން ދިނުމަށް ހިންގާ ހީލަތްތެރި ރޭވުމެއް ކަމަށް ވިދާޅުވެ ކުރީގެ ރައީސް ޔާމީން ސަރުކާރަށް ވަރަށް ބޮޑަށް ފާޑުވިދާޅުވެއްޖެއެވެ. މި މަޝްރޫއުގެ ސަބަބުން ރައީސް މުއިއްޒު ރައްޔިތުންގެ ކުރިމަތީގައި ބޭޒާރުވެފައިވާ ކަމަށާއި، މި ސަރުކާރަށް ދެވަނަ ދައުރެއް ރައްޔިތުން ނުދޭނެ ކަމަށް ޔާމީން ވިދާޅުވިއެވެ.

ރަސްމާލެ ދޫކޮށްލުމާ ދެކޮޅުވެރިކަމެއް ނެތްކަމުގެ އިޝާރާތެއް

ރަސްމާލެއިން ބައެއް ބޭރުގެ ކުންފުންޏަކަށް ދޫކޮށްލުމާ ދެކޮޅު ހަދަނީ މަދު ބަޔަކު ކަމަށާއި، ދިވެހިން އަބަދުވެސް އިސްކުރަނީ ގައުމީ ތަރައްގީކަން މުއިއްޒު ފާހަގަކުރެއްވި. މީގެކުރިންވެސް ރާއްޖެއަށް އައި ބޮޑެތި ބަދަލުތަކާ ބައެއް މީހުން ދެކޮޅު ހެދި ނަމަވެސް، ގިނަ ރައްޔިތުން ތާއީދުކުރީ ގައުމީ ކުރިއެރުމަށްކަން އެމަނިކުފާނު ބަޔާންކޮށްދެއްވި.

ހުލާސާކޮށް އިއްޔެ: ސިޔާސީ ޕާޓީތަކުގެ ދަފްތަރަށް އައި ބޮޑު ބަދަލު

ޕީއެންސީގެ މެންބަރުންގެ އަދަދު އެއްލައްކައަށް އެރުމާއެކު، ޖުމްހޫރީ ޕާޓީ އާއި އަދާލަތު ޕާޓީ ފަދަ ދުވަސްވީ ޕާޓީތަކުން ގިނަ އަދަދެއްގެ މެންބަރުންނާއި އިސް ބޭފުޅުން ވަނީ ވަކިވެފައެވެ. މީގެ އިތުރުން، ރަސްމީ ޖަލްސާތަކުގެ ޕްރޮޓޮކޯލަށް ބަދަލުތަކެއް ގެނެސްފައިވާއިރު، ރަސްމާލެ މަޝްރޫއާ ގުޅޭގޮތުން އިލްމުވެރިންނާއި ސިޔާސީ ފަރާތްތަކުގެ މެދުގައި ވަނީ ޚިޔާލުތަފާތުވުންތަކެއް އުފެދިފައެވެ.

ވަޒީފާގެ ބިރުދައްކައިގެން އެއްލައްކަ މެންބަރުން ހަމަކޮށްފި

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އަރާފައިވާއިރު، މިއީ ވަޒީފާގެ ބިރުދައްކައިގެންނާއި ރިޝްވަތު ދީގެން ހޯދި އަދަދެއް ކަމަށް ވަނީ ތުހުމަތުކުރެވިފައި. އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި މިދިޔަ އަހަރާ އަޅާބަލާއިރު އެ ޕާޓީގެ މެންބަރުންގެ އަދަދު ވަނީ 26،000 އަށްވުރެ އިތުރުވެފައި.

Newsletter

Get the latest news delivered straight to your inbox