ހަނިމާދޫ އެއާޕޯޓުގެ މިލްކުވެރިކަން ނުގެއްލޭނެ, ބޭރުގެ ސިފައިން ވެސް ނުތިބޭނެ: ރައީސް

އެއާޕޯޓުގެ މައްސަލައިގައި ހަނިމާދޫގެ ރައްޔިތުންގެ ކަންބޮޑުވުންތަކަށް ރައީސް ޖަވާބު ދެއްވަނީ. -- ފޮޓޯ/ ރައީސް އޮފީސް

އެއާޕޯޓުގެ މައްސަލައިގައި ހަނިމާދޫގެ ރައްޔިތުންގެ ކަންބޮޑުވުންތަކަށް ރައީސް ޖަވާބު ދެއްވަނީ. -- ފޮޓޯ/ ރައީސް އޮފީސް

ހދ. ހަނިމާދޫ އެއާޕޯޓުގައި ބޭރު ސިފައިން ނުތިބޭނެ ކަމަށާއި އެތަނުގެ މިލްކުވެރިކަން ވެސް އޮންނާނީ ދިވެހި ސަރުކާރަށް ކަމުގެ ޔަގީންކަން ދެއްވައި އިންޑިއާ ސިފައިންނަށް އެތަން ދޭން އުޅޭ ކަމުގެ ކަންބޮޑުވުންތައް ރައީސް އިބްރާހިމް މުހައްމަދު ސޯލިހް މިއަދު ހައްލުކޮށްދެއްވައިފި އެވެ.

ހަނިމާދޫ އެއާޕޯޓު ތަރައްގީގެ މަޝްރޫއަށް ބޮޑު ބިމަކަށް ޕްލޭނިން މިނިސްޓްރީން އެދުނު ހިސާބުން ތުހުމަތަކަށް ވީ އެހާ ބޮޑު ބިމެއް ނެގުމުގެ ބޭނުމަކީ އިންޑިއާ ސިފައިން ބޭތިއްބުމަށް ޖާގަ ހޯދުމެވެ. އަދި ރާއްޖެ އާއި އިންޑިއާއާ ދެމެދު ސޮއިކޮށްފައިވާ ލައިން އޮފް ކްރެޑިޓްގެ ދަށުން އެއާޕޯޓު ތަރައްގީކުރާތީ އެތަނުގެ މިލްކުވެރިކަން ވެސް އޮންނާނީ އިންޑިއާ އަށް ކަމުގެ އަޑުތަކާ އެކު ރައްޔިތުންގެ މެދުގައި އޮތީ ނުތަނަވަސްކަން ބޮޑުވެފަ އެވެ.

ސަރުކާރުން އެދުނު ވަރުގެ ބޮޑު ބިމެއް ދޭން ރައްޔިތުންނާއި ކައުންސިލުން ދެކޮޅު ހަދަމުން ދިޔައީ އެ ކަންބޮޑުވުންތަކާ ގުޅިގެންނެވެ.

ހދ. އަތޮޅުގެ ތިން ރަށަކަށް ކުރެއްވި ދަތުރުފުޅުގެ ފަހު މަންޒިލެއްގެ ގޮތުގައި ހަނިމާދު އަށް މިއަދު ވަޑައިގެން ރައްޔިތުންގެ ތެރެއިން ބަޔަކާ ބައްދަލުކުރައްވައި އެމަނިކުފާނު ވަނީ އެއާޕޯޓް ތަރައްގީއާ ގުޅޭ ގޮތުން ހުރި ޝަކުވާތައް އައްސަވައިފަ އެވެ. އެ ކަންބޮޑުވުންތަކާ މަޝްވަރާ ކުރައްވައި ރައްޔިތުން އެދުނު ވަރުގެ ބިމަކާ އެކު އެއާޕޯޓުގެ ތަރައްގީގެ މަޝްރޫއު ކުރިއަށް ގެންދަން އެ ބައްދަލުވުމުގައި އެއްބަސްވެވަޑައިގަތެވެ.

ރައީސް ވިދާޅުވީ ހަނިމާދޫ އެއާޕޯޓް އަޅަން ލޯނު ނަގަނީ ދިވެހި ސަރުކާރުން ކަމަށެވެ. އެތަން ހިންގުމާއި މިލްކުވެރިކަން ވެސް އޮންނާނީ ސަރުކާރަށް ކަމަށް ވިދާޅުވި އެވެ.

އިންޑިއާގެ ނުފޫޒު ރާއްޖެއަށް ގަދަކުރަމުން އައިސް, ބޭރު ސިފައިން އެތަނުގައި ތިބޭނެ ކަމުގެ ތުހުމަތު ވެސް ރައީސް ދޮގުކުރެއްވި އެވެ.

ރައީސް ވިދާޅުވި ގޮތުގައި ރާއްޖޭގެ މިނިވަންކަމަށް ބުރޫއަރާނެ ފަދަ އެއްވެސް ކަމެއް މި ސަރުކާރަކުން ނުކުރާނެ އެވެ. އަދި ކުރިއަށް އަންނަ ސަރުކާރަކުން ވެސް އެފަދަ ކަމެއް ކުރާނެ ކަމަށް ގަބޫލުނުކުރައްވާ ކަމަށް ވިދާޅުވި އެވެ.

ހަނިމާދޫ ރައްޔިތުންގެ ކަންބޮޑުވުން އޮތީ އެމްއެންޑީއެފަށް ހާއްސަކުރާ ސަރަހައްދާއި އެއާޕޯޓުގެ ރަންވޭ ބޮޑުކުރަން ބޭނުންވި ބިމާ މެދުގަ އެވެ. އެމްއެންޑީއެފަށް ހާއްސަކުރާ ބިމަކީ އެމްއެންޑީއެފްގެ މުޅި ނޮދާން ކޮމާންޑު އެކީގައި ހަނިމާދުއަށް ބަދަލުކުރުމަށްޓަކައި ބޭނުންވާ ބިމެއްކަމަށާއި އެއީ މުޅި އުތުރުގެ ކަނޑުގެ ސަރަހައްދު ބެލެހެއްޓުމަށް ފަސޭހަކުރުމުގެ ގޮތުން ކަމަށް ވެސް ރައީސް ވިދާޅުވި އެވެ.

މިދިޔަ މާޗް މަހު ޕްލޭނިން މިނިސްޓްރީން އެ ރަށު ކައުންސިލަށް ފޮނުވި ސިޓީއެއްގައި އެދިފައިވަނީ އެއާޕޯޓަށް އިތުރު ކުރާ ބިމުގައި ސިފައިންގެ ނޯދާން އޭރިޔާ ހެޑްކުއާޓާސް ވެސް އަޅަން ހަމަޖައްސާފައިވާތީ އެރަށުން 853،937 އަކަފޫޓުގެ ބިމެއް ހަމަޖައްސައި ދިނުމަށެވެ. އެއާއެކު ގިނަ ރައްޔިތުން ކަންބޮޑުވުން ފާޅުކޮށް ސަރުކާރަށް ޕެޓިޝަންތައް ހުށަހެޅި އެވެ.

އެހާ ބޮޑު ބިމެއް އެއާޕޯޓް ތަރައްގީކުރަން ދޫކޮށްލާކަށް ރައްޔިތުންނާއި ކައުންސިލުން ބޭނުމެއް ނުވެ އެވެ. މި މައްސަލައިގައި, ކައުންސިލާއި ޕްލޭނިން މިނިސްޓްރީއާ ދެމެދު މަޝްވަރާތަކެއް ކުރެވުނު ނަމަވެސް އޮތީ އެކަށީގެންވާ ހައްލަކާ ހަމައަށް ނާދެވި އޮތުމަށް ފަހު ރައްޔިތުން ބޭނުންވާ ގޮތަށް އެ މައްސަލަ އަށް މިއަދު އޮތީ ހައްލެއް ލިބިފަ އެވެ. އެއީ, ޕްލޭނިން އިން އެދުނު ވަރަށް ވުރެން ދެބައިކުޅަ އެއްބައި ކުޑަ ބިމެއް އެއާޕޯޓުގެ ތަރައްގީއަށް ހަމަޖެއްސުމަށެވެ.

ކޮމެންޓް

ފަހުގެ ޚަބަރު

ބޮޑެތި ހުރިހާ މަޝްރޫއެއް ވަނީ މަޑުޖެހިފައި: މުއިއްޒު

ދަރަނި ދެއްކުމަށާއި ޒަރޫރީ ޚިދުމަތްތަކަށް އިސްކަންދިނުމުގެ ސަބަބުން، އުމްރާނީ ތަރައްގީގެ ބޮޑެތި މަޝްރޫއުތައް މަޑުޖެހިފައިވާ ކަމަށް ރައީސް މުއިއްޒު އެއްބަސްވެވަޑައިގެންނެވި. މިކަން މިގޮތަށް ދިމާވީ ދުނިޔޭގެ ބާޒާރުގައި ތެލުގެ އަގު އުފުލުމާއި ފަތުރުވެރިން އަންނަ މިންވަރު މަދުވުމުން ފިސްކަލް މެނޭޖްމަންޓަށް ބަދަލު ގެނައުމުން ކަމަށް އެމަނިކުފާނު ވިދާޅުވި.

މިރޭގެ ޖަލްސާއަށް އެއްލައްކަ މެންބަރުން ހަމަނުކުރެވުނު

ޕީއެންސީގެ މެންބަރުންގެ އަދަދު އެއްލައްކައަށް އިތުރުކުރުމަށް ހިފި އަމާޒަށް މިރޭގެ ޖަލްސާއާ ހަމައަށް ވާސިލުނުވެވުމުން، އެ އަމާޒު ހާސިލުކުރުމުގެ ވަގުތު މިރޭ މެންދަމު 12 އާ ހަމައަށް ވަނީ އިތުރުކޮށްފައި. އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި އެ ޕާޓީއަށް އެއްލައްކަ ހަމަވާން އަދި 1,992 މެންބަރުން އިތުރަށް ބޭނުންވޭ.

ހުޅުމާލޭގައި އަޅާ ކޯޓު ކޮމްޕްލެކްސްގެ ބިންގާ އަޅައިފި

އެމްޓީސީސީއާ ހަވާލުކޮށްގެން ކުރިއަށްގެންދާ މި މަޝްރޫއަކީ ޝަރުއީ ދާއިރާގެ ހިންގުން އެއް ފުރާޅެއްގެ ދަށަށް ގެނެސް، ކޯޓުތަކަށް ދިމާވެފައިވާ ޖާގައިގެ ދަތިކަން ހައްލުކުރުމަށް ފެށި 699.8 މިލިއަން ރުފިޔާގެ މަޝްރޫއެއް. މި އިމާރާތުގައި ހައިކޯޓާއި ސުޕީރިއާ ކޯޓުތަކުގެ އިތުރުން ޑީޖޭއޭގެ އޮފީސް ވެސް ހިންގުމަށް ވަނީ ހަމަޖެހިފަ.

ޕީއެންސީއަށް 100،000 މެންބަރުން މުވައްޒަފުންނަށް މަޖުބޫރުކުރަނީ

ޕީއެންސީގެ މެންބަރުންގެ އަދަދު އެއްލައްކައަށް ހަމަކުރުމަށްޓަކައި، ސަރުކާރު ކުންފުނިތަކުގެ މުވައްޒަފުންނަށް މަޖުބޫރުކޮށް ވަޒީފާގެ ބިރުދައްކަމުންދާކަމުގެ ޝަކުވާތައް ވަނީ ބޮޑުވެފައެވެ. މި އަމާޒަށް ވާސިލުވުމަށް އެހެން ޕާޓީތަކުގެ މެންބަރުން ޕީއެންސީއަށް ބަދަލުވުމަށް އަންގަމުންދާއިރު، މެންބަރުން އިތުރުކުރުމަށް ފައިސާ ބަހާކަމުގެ ތުހުމަތުތައްވެސް ވަނީ ފެންމަތިވެފައެވެ.

މުވައްޒަފުންނަށް ސިޔާސީ މަޖުބޫރުކުރުން ކުށަކަށް ހަދާ ބިލެއް

ސަރުކާރު ކުންފުނިތަކުގެ މުވައްޒަފުންނަށް ސިޔާސީ މަޖުބޫރުކުރުން ޖިނާއީ ކުށަކަށް ހަދަން ވަޒީފާއާބެހޭ ގާނޫނަށް އިސްލާހު ހުށަހަޅައިފި. މީކާއީލް ނަސީމް ހުށަހެޅުއްވި މި ބިލުގެ މަގްސަދަކީ މުވައްޒަފުންގެ ސިޔާސީ މިނިވަންކަން ހިމާޔަތްކޮށް، ވަކި ޕާޓީއަކަށް ވަނުމަށް ނުވަތަ ހަރަކާތްތަކުގައި ބައިވެރިވުމަށް ނުފޫޒު ފޯރުވުން ހުއްޓުވުން.

ސިޓިޒެންސް ޕޯޓަލް ދެވަނަ ފަހަރަށް އިފްތިތާހުކޮށްފި

ރައީސް މުއިއްޒަށް ރައްޔިތުންގެ ޝަކުވާތަކާއި ޚިޔާލުތައް ސީދާ ހުށަހެޅޭ ގޮތަށް "ސިޓިޒެންސް ވޮއިސް" ޕޯޓަލް ދެވަނަ ފަހަރަށް ވަނީ އިފްތިތާހުކޮށްފައި އީ-ފާސް މެދުވެރިކޮށް ވަދެވޭ މި ޕޯޓަލްގެ ހިދުމަތް މިވަގުތު ވެބްސައިޓުން ލިބުނު ނަމަވެސް، ކުރިއަށް އޮތްތަނުގައި މޯބައިލް އެޕްލިކޭޝަނެއް ތައާރަފުކުރުމަށް ވަނީ ނިންމާފައި.

"މިހާރު ފެށެން މި އުޅެނީ ރާއްޖޭގެ މިނިވަންކަން ނިމުމުގެ ފެށުން"

ރަސްމާލެ މަޝްރޫއުގެ ދަށުން ބޭރުގެ ފަރާތްތަކާއި ޒަޔަނިސްޓުން ރާއްޖޭގައި ވަޒަންވެރިކުރުވަން ފަށައިފިނަމަ، ގައުމުގެ މިނިވަންކަން ގެއްލިދާނެ ކަމަށާއި، މި މަޝްރޫއުގެ މާލީ ތަފްސީލުތައް ކަމާބެހޭ އިދާރާތަކަށް ނޭނގޭއިރު، މިއީ މަދު ބައެއްގެ މެދުގައި ސިއްރުވެފައިވާ ކަމެއްކަމަށް ގާނޫނީ ވަކީލު އަލީ ހުސައިން ވިދާޅުވެއްޖެ.

Newsletter

Get the latest news delivered straight to your inbox