ދިވެހިންގެ ތެރޭގައި ބޮޑު މަގުބޫލުކަމެއް ހޯދަމުން އަންނަ ލެވިސްތާ ކޮފީގެ މި އަހަރުގެ ޕްރޮމޯޝަނުގެ އެއްވަަނައަށް ލިބޭ އެއް ލައްކަ ރުފިޔާގެ ފައިސާގެ އިނާމާއި ދެވަނައަށް ލިބޭ ސައިކަލުގެ އިނާމު އެއް ފަރާތަކަށް ލިބިއްޖެ އެވެ.
ލޮޓަސް ފިހާރައިން އެތެރެކުރާ ލެވިސްތާ ކޮފީ ޕްރޮމޯޝަން 2021 ކުރިޔަށް ދިޔައީ ޖެނުއަރީން ފެށިގެން އޭޕްރިލް މަހުގެ ނިޔަލަށެވެ. ޕްރޮމޯޝަންގައި ބައިވެރިވާން ކަސްޓަމަރުންނަށް ޖެހުނީ ލެވިސްތާ ކޮފީ ދަޅެއްގެ މައްޗާ އެކު ކަރުދާސްކޮޅެއްގައި އެ މީހެއްގެ ނަމާއި، އައިޑީ ނަމްބަރު އަދި ފޯނު ނަމްބަރު ޖަހާފައި ހުށައަޅާށެވެ.
ލެވިސްތާ ޕްރޮމޯޝަންގެ ނަސީބުވެރިން
- އެއްވަނައަށް ލިބޭ އެއް ލައްކަ ރުފިޔާ - ނަސްރުﷲ އަހުމަދު
- ދެވަނައަށް ލިބޭ ސުޒުކީ ޖީއެން125އެޗް ސައިކަލު - ނަސްރުﷲ އަހުމަދު
- ތިންވަނައަށް ލިބޭ ރަށު ޕިކަޕް - ޔުމްނާ އަބޫބަކުރު
މީގެ އިތުރުން ޕްރޮމޯޝަނުގައި ބައިވެރިވި މީހުންގެ ތެރެއިން ބައިސްކަލް ލިބޭ ނަސީބުވެރިން ވެސް ވަނީ ހޮވާފަ އެވެ.
ލެވިސްތާ ކޮފީ ޕްރޮމޯޝަންގެ ނަސީބުވެރިން ހޮވަނީ: ތޭރަ އިނާމެއް ޕްރޮމޯޝަންގެ ތެރެއިން ކަސްޓަމަރުންނަށް ހަދިޔާ ކުރެވުނު -- ފޮޓޯ: ހުސެއިން ޝަޔާހް/އަދަދު
އިންޑިއާގައި އުފައްދާ ލެވިސްތާ ކޮފީގެ ތަފާތު ޕްރޮމޯޝަންތައް ލޮޓަސްއިން އަންނަނީ ހިންގަމުންނެވެ. އަދި ކުރީ އަހަރެކޭ އެއް ފަދައިން މި އަހަރުގެ ޕްރޮމޯޝަން ވަރަށް ކާމިޔާބު ކަމަށް އެ ފިހާރައިން މައުލޫމާތު ދެ އެވެ.
ކުރިޔަށް އޮތް ތަނުގައި ވެސް ކަސްޓަަމަރުން ޝައުގުވެރިވާ އަދި ހިތްހަމަޖެހޭ ވަރުގެ އިނާމުތަކެއް ލިބޭ ޕްރޮމޯޝަންތަކަށް އިންތިޒާރުކުރަން ބުންޏެވެ.
