ރާއްޖޭގައި މަގުބޫލު ކޮފީ ބްރޭންޑެއް ކަމަށްވާ ޔޭޔޭ އިން، ނަސީބުވެރި 5 ފަރާތަކަށް އުމްރާ ދަތުރެއް ލިބޭ ގޮތަށް "ޔޭޔޭ ސްކޭން އެންޑް ވިން" ގެ ނަމުގައި ހާއްސަ ޕްރޮމޯޝަނެއް ފަށައިފި އެވެ.
މި އޮކްޓޯބަރު މަހުގެ 1 ވަނަ ދުވަހުން ފެށިގެން ނޮވެމްބަރު މަހުގެ 30 ވަނަ ދުވަހުގެ ނިޔަލަށް ކުރިއަށްދާ މި ޕްރޮމޯޝަނުގައި ކޮންމެ ދުވަހަކު އަދި ކޮންމެ ހަފްތާއަކުވެސް ނަސީބުވެރިން ހޮވުމަށް ވަނީ ހަމަޖެހިފަ އެވެ.
މި ޕްރޮމޯޝަނުގެ ދަށުން ދިނުމަށް ކަނޑައަޅާފައިވާ އިނާމުތަކަކީ:
- ގްރޭންޑް ޕްރައިޒް: ނަސީބުވެރި 5 ފަރާތަކަށް 5 އުމްރާ ދަތުރު.
- ހަފްތާގެ އިނާމް: ކޮންމެ ހަފްތާއަކު ހޮވާލެވޭ ނަސީބުވެރި 5 ފަރާތަކަށް އަގުހުރި އިނާމުތަކެއް.
- ދުވަހުގެ އިނާމް: ކޮންމެ ދުވަހަކު ހޮވާލެވޭ ނަސީބުވެރި 3 ފަރާތަކަށް ފައިސާގެ އިނާމް.
މި ޕްރޮމޯޝަނުގައި ބައިވެރިވުމަކީ ވަރަށް ފަސޭހަ ކަމެކެވެ. ޕްރޮމޯޝަންގެ މުއްދަތުގައި ވިއްކާ ޔޭޔޭ ޕްރޮމޯ ޕެކެޓްގައިވާ ސްޓިކާ ކަހާލުމަށްފަހު، އޭގައިވާ ކިއުއާރް ކޯޑް ސްކޭން ކޮށްލައިގެން ހުށަހެޅުމުން ގުރުއަތުގައި ބައިވެރިވެވޭނެ އެވެ.
މިއީ ޔޭޔޭ ބޭނުންކުރާ ކަސްޓަމަރުންނަށް އުމްރާގެ މަތިވެރި އަޅުކަން އަދާކުރުމަށާއި، ފައިސާގެ އިތުރުން އަގުހުރި ގިނަ އިނާމުތަކެއް ހޯދުމަށް ލިބިގެންދާނެ ރަނުގެ ފުރުސަތެކެވެ.
