މޮޓޯއެކްސް "ރޯދަ ރައިޑް" ނިމެނީ، އާ ސައިކަލެއް ހޯދަން ރަނގަޅު ފުރުސަތެއް!

Mar 26, 2026, 12:14 PM
މޮޓޯއެކްސް "ރޯދަ ރައިޑް" ނިމެނީ، އާ ސައިކަލެއް ހޯދަން ރަނގަޅު ފުރުސަތެއް!

މޮޓޯއެކްސް އިން ކުރިއަށްގެންދާ "ރޯދަ ރައިޑް" ޕްރޮމޯޝަންގެ ފަހު ދުވަސްކޮޅާ ގާތްވަމުން އަންނައިރު، ކަސްޓަމަރުންގެ ފަރާތުން ބޮޑު ތަރުހީބެއް މި ޕްރޮމޯޝަނަށް ލިބެމުން އެބަދެއެވެ. މި މަހުގެ ނިޔަލަށް ކުރިއަށްދާ މި ޕްރޮމޯޝަނަކީ ހެޔޮ އަގުގައި، އިތުބާރު ހުރި ބްރޭންޑްތަކުގެ ސައިކަލު ބައްލަވައިގަތުމަށް ލިބޭ ރަނގަޅު ފުރުސަތެކެވެ.

މި ޕްރޮމޯޝަންގެ ދަށުން މޮޓޯއެކްސް ޝޯރޫމުން ލިބެން ހުރި ހުރިހާ މޮޑެލްއަކުން ވެސް ވަނީ ބޮޑެތި ޑިސްކައުންޓްތަކެއް ދީފައެވެ. ޚާއްސަކޮށް، ސީއެފްމޮޓީ 150 އެސްސީ މޮޑެލްއަށް ޝައުގުވެރިވާ ފަރާތްތަކަށް، އެ ސައިކަލުގެ ފެންވަރު ވަޒަންކޮށްލުމަށްޓަކައި ހިލޭ ދުއްވާލުމުގެ ފުރުސަތު ލިބޭނެ އެވެ.

މިއީ ސައިކަލު ގަތުމުގެ ކުރިން އޭގެ ދުވެއްޔާއި ފެންވަރު ވަޒަންކޮށްލަން ރަނގަޅު ފުރުސަތެކެވެ.

Advertisement

މި ޕްރޮމޯޝަންގައި އެންމެ ބޮޑަށް ފާހަގަކޮށްލެވޭ މޮޑެލްތަކުގެ ތެރޭގައި ހިމެނެނީ،

  • ސީއެފްމޮޓޯ 150 އެސްސީ
  • ކީވޭ ވިއެސްޓާ 175
  • ސީއެފްމޮޓޯ 300 އެސްއާރު:

ސީއެފްމޮޓޯ 300 އެސްއާރުއަކީ ސްޕޯޓްސް ބައިކްތަކަށް ލޯބިކުރާ، ބާރު ސްޕީޑަށް ބޭނުންވާ ފަރާތްތަކަށް ޚާއްސަ މޮޑެލެކެވެ.

މިއީ އަލަށް ސައިކަލު ގަންނަ ފަރާތްތަކަށާއި، މިހާރު ދުއްވާ ސައިކަލު އައު މޮޑެލްއަކަށް ބަދަލުކޮށްލަން ބޭނުންވާ ފަރާތްތަކަށް އެންމެ އެކަށީގެންވާ ވަގުތެވެ.

މޮޓޯއެކްސްއިން ބަލަނީ ހަމައެކަނި ސައިކަލު ވިއްކުމަކަށް ނޫނެވެ. ކޮންމެ ސައިކަލަކަށް ބޭނުންވާނެއަސްލު ސްޕެއާ ޕާޓްސް ލިބެން ހުރުމުގެ އިތުރުން، އެންމެ ޒަމާނީ ވަސީލަތްތަކާއެކު ގާއިމްކޮށްފައިވާ ސާވިސް ސެންޓަރުން ވިއްކާ ހުރިހާ ސައިކަލަކަށް ފުރިހަމަ ހިދުމަތް ލިބޭނެކަމުގެ ޔަގީންކަން އެ ފަރާތުން ދެއެވެ.

މި ޕްރޮމޯޝަން ނިމެން ދެން އޮތީ މަދު ދުވަސްކޮޅެކެވެ. ޕްރޮމޯޝަން ނިމޭ ތާރީހަކީ މާޗު 31، 2026 އެވެ. އެހެންކަމުން، ވަގުތު ފާއިތުވުމުގެ ކުރިން ހުޅުމާލެ ފޭސް 1 ގެ ވިލާ ފިއުލް ޝެޑް ކައިރީގައި ހުންނަ މޮޓޯއެކްސް ޝޯރޫމަށް ޒިޔާރަތްކޮސް، މޮޑެލްތައް އަޅާކިޔާލުމަށްފަހު ފައިނަލް ނިންމުން ނިންމާށެވެ.

ކޮމެންޓް

ފަހުގެ ޚަބަރު

ސިމްޑީގެ ވިޔަފާރި ހާދާލަށް ފުޅާކުރަނީ

ސިމްޑީ ގްރޫޕްގެ ވިޔަފާރި ހދ. އަތޮޅުގައި ފުޅާކުރުމަށްޓަކައި ކުޅުދުއްފުށީގެ "މިތުރު" ކުންފުންޏާއެކު ސަބް-ޑިސްޓްރިބިއުޝަން އެއްބަސްވުމެއްގައި މިއަދު ވަނީ ސޮއިކޮށްފައެވެ. މި ޕާޓްނަޝިޕްގެ ސަބަބުން ސިމްޑީން އެތެރެކުރާ ބައިނަލްއަގުވާމީ މަގުބޫލު ބްރޭންޑްތަކުގެ މުދާ އެ އަތޮޅުގެ ރީޓެއިލް ފިހާރަތަކަށާއި އާންމުންނަށް ފަސޭހަކަމާއެކު ލިބޭނެ އިންތިޒާމު ހަމަޖެހިގެންދާނެއެވެ.

ވިލާ ކޮލެޖާއި މާރޕް ގުޅިގެން މެންޓަރޝިޕް ޕްރޮގްރާމެއް

ވިލާ ކޮލެޖާއި މާރޕް ގުޅިގެން ވަޒީފާ އަދާކުރާ ފަރާތްތަކަށް ޚާއްޞަ މެންޓަރޝިޕް ޕްރޮގްރާމެއް ފަށާފައިވަނީ ދިވެހި ލީޑަރުން ބިނާކޮށް ސީނިއަރ މެނޭޖްމަންޓް މަޤާމުތަކަށް މީހުން ތައްޔާރުކުރުމަށެވެ. މި ޕްރޮގްރާމުގެ ދަށުން ތަޖުރިބާކާރުންގެ އެހީތެރިކަމާއެކު ގްރެޖުއޭޓުންނަށް ޢަމަލީ ހުނަރުތައް ދަސްކޮށްދީ، މަތީ ތަޢުލީމާއި އިންޑަސްޓްރީއާ ދެމެދު އޮތް ގުޅުން ވަރުގަދަކުރުމަށް ވަނީ އަމާޒު ހިފާފައެވެ.

ޓްރީ ޓޮޕް ހިތާނީ ކޭމްޕުގެ ރަޖިސްޓްރޭޝަން ހުޅުވާލައިފި

ޓްރީ ޓޮޕް ހޮސްޕިޓަލުގެ މިއަހަރުގެ ފުރަތަމަ ހިތާނީ ކޭމްޕުގައި ބައިވެރިވުމަށް ރަޖިސްޓަރީވުމުގެ ފުރުސަތު ޑިސެމްބަރު 17 ގެ ނިޔަލަށް ވަނީ ހުޅުވާލާފައެވެ. ތަޖުރިބާކާރު ޑޮކްޓަރުންގެ ޓީމަކުން ކުރިއަށްގެންދާ މި ކޭމްޕުގެ ހިތާނުކުރުމުގެ އޮޕަރޭޝަންތައް ކުރިއަށްދާނީ ޑިސެމްބަރު 12 އިން ޖެނުއަރީ 11 ގެ ނިޔަލަށެވެ. މި ޕެކޭޖުގެ ދަށުން ކޮންސަލްޓޭޝަނާއި، ލެބޯޓަރީ ޓެސްޓުތަކުގެ އިތުރުން އޮޕަރޭޝަނަށްފަހު ބޭނުންވާ ފަރުވާގެ ހިދުމަތްތައް ލިބިގެންދާނެއެވެ.

ޓޯޓަލް ފިޒިއޯއިން އެލައިޑްގެ ހިދުމަތް ގަބޫލުކުރަން ފަށައިފި

ފިޒިއޮތެރަޕީގެ ޚިދުމަތްދޭ "ޓޯޓަލް ފިޒިއޯ" ކްލިނިކުން ބަލިމީހުންނަށް ލުއިފަސޭހަކޮށްދިނުމުގެ ގޮތުން އެލައިޑް އިންޝުއަރެންސް ގަބޫލުކުރަން ފަށައިފިއެވެ. ޒަމާނީ ވަސީލަތްތަކާއެކު ފަރުވާދޭ މި ކްލިނިކުން މިހާރުވެސް ޕޮލިސް، އެމްއެންޑީއެފް އަދި ސޮލަރެލް އިންޝުއަރެންސްގެ ޚިދުމަތް ލިބޭއިރު، އިތުރު އިންޝުއަރެންސްތައް މެދުވެރިކޮށް ޚިދުމަތް ލިބޭނެ އިންތިޒާމު ހަމަޖެއްސުމަށް ދަނީ މަސައްކަތް ކުރަމުންނެވެ.

ލަކްސް ގްލޯގެ ދެވަނަ ފިހާރަ މަޖީދީމަގުގައި ހުޅުވައިފި

މަޝްހޫރު ކޮސްމެޓިކްސް ބްރޭންޑް "ލަކްސް ގްލޯ" ގެ ދެވަނަ ފިހާރަ މާލޭގެ މަޖީދީމަގުގައި ހުޅުވައިފިއެވެ. މި ފިހާރައިން ބައިނަލްއަގުވާމީ ބްރޭންޑްތަކުގެ ސްކިންކެއާ އަދި މޭކަޕް ސާމާނު ޓެސްޓުކޮށްލުމާއި، ފަންނީ ލަފާ ހޯދައިގެން ވަގުތުން ގަނެވޭނެ އިންތިޒާމު ވަނީ ހަމަޖެހިފައެވެ. ފިހާރަތަކުގެ އިތުރުން އެ ބްރޭންޑުގެ ވެބްސައިޓް މެދުވެރިކޮށް އޮންލައިންކޮށް އޯޑަރުކުރުމުގެ ފުރުސަތުވެސް ކަސްޓަމަރުންނަށް ވަނީ ހުޅުވާލެވިފައެވެ.

ކްލީވިއާ ރެސިޑެންސް: ޒަމާނީ ބޯހިޔާވަހިކަން އާ މަޝްރޫއެއް

ޕޭން ރިއަލް އެސްޓޭޓުން އަލަށް ތައާރަފްކުރި "ކްލީވިއާ ރެސިޑެންސް" މަޝްރޫއަކީ މެދުފަންތީގެ އާމްދަނީ ލިބޭ ފަރާތްތަކަށް އަމާޒުކޮށްގެން ހިންގާ އަތްފޯރާ އަގުތަކެއްގެ ބޯހިޔާވަހިކަމުގެ މަޝްރޫއެކެވެ. މި މަޝްރޫއުގެ ދަށުން ޒަމާނީ ފެންވަރުގެ އެއް ކޮޓަރި އަދި ދެ ކޮޓަރީގެ އެޕާޓްމަންޓްތައް ލިބޭއިރު، ފައިސާ ދެއްކުމުގައި ލުއި ގޮތްތަކެއް ވަނީ ހަމަޖައްސާފައެވެ.

ދިރާގު ރޯޑް ރޭސްގެ ބިބް އެކްސްޕޯ ބުދަ ދުވަހާ ހަމައަށް

ދިރާގު މޯލްޑިވްސް ރޯޑް ރޭސް 2026 ގެ ބިބް އެކްސްޕޯ ބީޖީ ޓާފް ދަނޑުގައި ކުރިއަށްދާއިރު، ބިބް އާއި ރޭސް ކިޓް ދޫކުރުމުގެ މުއްދަތު މި މަހުގެ 18 ވާ ބުދަ ދުވަހުގެ ނިޔަލަށް ވަނީ އިތުރުކޮށްފައެވެ. ފަސް ހާހަށްވުރެ ގިނަ ދުވުންތެރިން ބައިވެރިވާ މި ދުވުން އޮންނާނީ ކުރިއަށް އޮތް ހުކުރު ދުވަހު ހުޅުމާލޭ ސެންޓްރަލް ޕާކުގައެވެ.

Newsletter

Get the latest news delivered straight to your inbox