ކުލީގެ މުއްދަތު ހަމަވެގެން މާރުކޭޓުން 400 އަށް ވުރެ ގޮޅި ދޫކުރަން ހުޅުވާލައިފި

މާލޭ ލޯކަލް މާރުކޭޓު: ލޯކަލް މާރުކޭޓާއި ދަތުރުވެރިންގެ މާރުކޭޓުން ގޮޅިތައް ދޫކުރަނީ ދެ އަހަރުގެ މުއްދަތަށް -- ފޮޓޯ: ހުސެއިން ވަހީދު/އަދަދު

މާލޭ ލޯކަލް މާރުކޭޓު: ލޯކަލް މާރުކޭޓާއި ދަތުރުވެރިންގެ މާރުކޭޓުން ގޮޅިތައް ދޫކުރަނީ ދެ އަހަރުގެ މުއްދަތަށް -- ފޮޓޯ: ހުސެއިން ވަހީދު/އަދަދު

ލޯކަލް މާރުކޭޓާއި ދަތުރުވެރިންގެ މާރުކޭޓުން ކުއްޔަށް ދޫކޮށްފައިވާ ގޮޅިތަކުގެ ކުލީގެ މުއްދަތު ހަމަވެފައިވާ 449 ގޮޅި އަލުން ކުއްޔަށް ދޫކުރަން މާލެ ސިޓީ ކައުންސިލުން އިއުލާންކޮށްފި އެވެ.

މާލެ ސިޓީ ކައުންސިލުން މި ގޮޅިތައް ދޫކުރަނީ ދެ އަހަރު ދުވަހުގެ މުއްދަތަށް، އަކަފޫޓަކަށް 31.25ރ. ރޭޓުގަ އެވެ. އަދި ގޮޅިތައް ދޫކުރުމުގައި އިސްކަން ދެނީ މިހާރު ވެސް މި ގޮޅިތައް ހިންގާ ފަރާތްތަކަށާއި ގިނަ ދުވަސްތަކެއް ވަންދެން ގޮޅި ހިންގާފައިވާ މީހުންނަށެވެ.

އެގޮތުން ދެ މާރުކޭޓުން ގޮޅި ދޫކުރަން ސިޓީ ކައުންސިލުން ކުރި އިއުލާނުގައި ބުނީ، މިހާރު ގޮޅި ހިންގާ މީހުންގެ ތެރެއިން ވެސް އެންމެ ބޮޑު އިސްކަމެއް ދެނީ އަމިއްލައަށް ގޮޅީގައި ތިބެގެން ގޮޅި ހިންގަމުންދާ ފަރާތްތަަކަށް ކަމަށެވެ. އަދި ބިދޭސީން ނުގެންގުޅެ ގޮޅި ހިންގާ މީހުންނަށް އިތުރަށް މާކްސް ލިބެ އެވެ.

މީހަކަށް ލެވޭނީ ފޯމެއް، ގުރުން ފުރުސަތު ލިބެނީ 50 ޕޮއިންޓު ލިބިގެން

ދަތުރުވެރިންގެ މާރުކޭޓާއި ލޯކަލް މާރުކޭޓުން ދޫކުރާ ގޮޅިތަކުން ވިއްކޭ ބާވަތްތައް ކައުންސިލުން ވަނީ ކަނޑައަޅާފަ އެވެ. މާރުކޭޓުތަކާއި ގުޅިގެން ކައުންސިލުން އެކުލަވާލާފައިވާ އުސޫލުގައި ބުނީ، ގޮޅިތަކުގައި ވިއްކޭނީ ކައުންސިލުން ކަނޑައަޅާ ތަކެތި އެކަނި ކަމަށެވެ.

އޭގެ ތެރޭގައި ހިމެނެނީ ތަރުކާރީ އާއި މޭވާ ވިއްކުމަށް ހާއްސަ ގޮޅިތަކާއި، ވަޅޯމަސް ވިއްކުމަށް ހާއްސަ ގޮޅިތަކާއި، ލުއިކާނާ އާއި ލުއިބުއިންތަކަށް ހާއްސަ ގޮޅިތަކުގެ އިތުރުން އިމްޕޯޓް މުދާ ނުވަތަ ގަޑި ކަމަރު ވިއްކަން ހާއްސަ ގޮޅިތަކެވެ.

ސިޓީ ކައުންސިލުން ވަނީ މި އުސޫލުގެ ތެރެއިން ދަތުރުވެރިންގެ މާރުކޭޓު ތަރުކާރީ އާއި މޭވާ ވިއްކުމަށް ހާއްސަކޮށްފަ އެވެ. މާނައަކީ ދަތުރުވެރިންގެ މާރުކޭޓުގައި އިމްޕޯޓް މުދާ ހިމެނޭ ގޮތަށް އެހެން އެއްވެސް ބާވަތެއްގެ މުދާ ވިއްކުމަކީ މަނާ ކަމެކެވެ. ނަމަވެސް އިމްޕޯޓް މުދަލުގެ ތެރެއިން އިމްޕޯޓް ކޮށްފައިވާ މޭވާ އާއި ތަރުކާރީ އިސްތިސްނާ ވެ އެވެ.

މާރުކޭޓު ގޮޅިތައް ބެހިފައިވާ ގޮތް

  • ދަތުރުވެރިންގެ މާރުކޭޓު: ތަރުކާރީ އާއި މޭވާ ވިއްކަން ހާއްސަ 163 ގޮޅި
  • ލޯކަލް މާރުކޭޓު: ތަރުކާރީ އާއި މޭވާ ވިއްކަން ހާއްސަ 100 ގޮޅި
  • ލޯކަލް މާރުކޭޓު: ވަޅޯމަސް ވިއްކަން ހާއްސަ 32 ގޮޅި
  • ލޯކަލް މާރުކޭޓު: ލުއިކާނާ އަދި ލުއި ބުއިންތަކަށް ހާއްސަ 35 ގޮޅި
  • ލޯކަލް މާރުކޭޓު: އިމްޕޯޓް މުދަލާއި ގަޑި ކަމަރު ވިއްކަން ހާއްސަ 19 ގޮޅި

ގޮޅިތަކަށް އެދި ފޯމް ހުށަހަޅާއިރު، އެ މީހަކު ގޮޅި ކުއްޔަށް ނަގައިގެން ކުރަން ބޭނުންވާ ވިޔަފާރިއެއް ހިޔާރުކުރަން ޖެހެ އެވެ. އަދި ކޮންމެ މީހެއްގެ ނަން މަތީގައި ހުށަހެޅޭނީ އެންމެ ފޯމެކެވެ.

ސިޓީ ކައުންސިލުން ބުނީ އެކަކުގެ ނަން މަތީގައި އެއް ފޯމަށް ވުރެ ގިނަ ފޯމް ހުށަހަޅައިފި ނަމަ، ހުރިހާ ފޯމެއް ބާތިލުވާނެ ކަމަށެވެ. އަދި ކުރާ ވިޔަފާރި ހިޔާރުނުކޮށް ފޯމް ހުށަހަޅާ މީހުންގެ ފޯމާއި ކައުންސިލަށް އެއްވެސް ފައިސާއެއް ދޭން އޮތް މީހުންގެ ފޯމް ވެސް ބާތިލުވާނެ ކަމަށް ބުންޏެވެ.

މި ގޮޅިތަކަށް އެދި ފޯމް ހުށަހެޅުމުގެ ސުންގަޑިއަކީ އަންނަ އޮގަސްޓް މަހުގެ ދެވަނަ ދުވަހެވެ.

ކޮމެންޓް

ފަހުގެ ޚަބަރު

ދިރާގު ރޯޑް ރޭސްގެ ބިބް އެކްސްޕޯ ބުދަ ދުވަހާ ހަމައަށް

ދިރާގު މޯލްޑިވްސް ރޯޑް ރޭސް 2026 ގެ ބިބް އެކްސްޕޯ ބީޖީ ޓާފް ދަނޑުގައި ކުރިއަށްދާއިރު، ބިބް އާއި ރޭސް ކިޓް ދޫކުރުމުގެ މުއްދަތު މި މަހުގެ 18 ވާ ބުދަ ދުވަހުގެ ނިޔަލަށް ވަނީ އިތުރުކޮށްފައެވެ. ފަސް ހާހަށްވުރެ ގިނަ ދުވުންތެރިން ބައިވެރިވާ މި ދުވުން އޮންނާނީ ކުރިއަށް އޮތް ހުކުރު ދުވަހު ހުޅުމާލޭ ސެންޓްރަލް ޕާކުގައެވެ.

ގޫގަލް ޕިކްސެލް އަށް އުރީދޫ 5ޖީ

ގޫގުލް ޕިކްސެލް ފޯނުތަކަށް ރާއްޖޭގައި 5ޖީގެ ޚިދުމަތް ފޯރުކޮށްދޭ ފުރަތަމަ ނެޓްވޯކަކަށް އުރީދޫ މޯލްޑިވްސް ވެއްޖެއެވެ. ނޮވެންބަރު މަހުގެ ސޮފްޓްވެއާ އަޕްޑޭޓާއެކު ޕިކްސެލްގެ އެކި މޮޑެލްތަކަށް 5ޖީ އާއި ވީއޯއެލްޓީއީގެ ޚިދުމަތް މިހާރު ލިބޭނެއެވެ.

ޓޫރިޒަމް ފަހަތަށް، މާލީ ދާއިރާ އާއި އިމާރާތް ކުރުން ކުރިއަށް

މާލީ ދާއިރާ އާއި އިމާރާތްކުރުމުގެ ދާއިރާއަށް އައި ބޮޑު ކުރިއެރުމާއެކު، ރާއްޖޭގެ އިގުތިސޯދު ވަނީ ހަތަރެއް ޕަސެންޓަށް ކުރިއަރާފަ. ޓޫރިޒަމްގެ އިތުރުން މަސްވެރިކަމުގެ ދާއިރާވެސް ވަނީ މި މުއްދަތުގައި ވަރަށް ބޮޑަށް ދަށަށް ގޮސްފަ.

ޑީއެމްއާރްއާރްގައި ޕްލާސްޓިކް ބޭނުން ނުކުރުމަށް ދިރާގު އިލްތިމާސް

މި މަހުގެ 20 ގައި ބާއްވާ "ދިރާގު މޯލްޑިވްސް ރޯޑް ރޭސް" ގައި އެއްފަހަރު ބޭނުންކޮށްފައި އުކާލާ ޕްލާސްޓިކް ބޭނުން ނުކުރުމަށް ދިރާގުން އިލްތިމާސްކޮށްފިއެވެ. ތިމާވެށި ހިމާޔަތްކުރުމުގެ މަގުސަދުގައި ކުރިއަށްގެންދާ މި ހަރަކާތުގައި ފެން ފޯރުކޮށްދޭނީ ކަރުދާސް ތަށީގައި ކަމަށާއި، ދުވުންތެރިން އަމިއްލަ ފުޅި ގެންގުޅުމަށް އެ ކުންފުނިން ބާރުއަޅައެވެ. މި އިސްނެގުމުގެ ސަބަބުން ކޮންމެ އަހަރަކު ގާތްގަނޑަކަށް 18،000 ޕްލާސްޓިކް ފުޅި މަދުކުރެވޭނެ ކަމަށް ދިރާގުން ލަފާކުރެއެވެ.

ކުޑަ ސަރަހައްދަކުން އުދުއްސާލެވޭ އާދަޔާ ހިލާފު ބޯޓެއް

އެމެރިކާގެ އިލެކްޓްރާ ކުންފުނިން ދަނީ ރަންވޭއެއް ނެތް ކުޑަ ސަރަހައްދުތަކުން އުދުއްސާލެވޭ ފަދަ ހައިބްރިޑް-އިލެކްޓްރިކް މަތިންދާބޯޓެއް އުފައްދަމުންނެވެ. މި ބޯޓުގެ ސަބަބުން ކައިރި މަންޒިލްތަކަށް ކުރާ ދަތުރުތަކުގެ ޚަރަދު ކުޑަވެ، އެއާޕޯޓުތަކަށް ބަރޯސާނުވެ ސީދާ އެއް ތަނުން އަނެއް ތަނަށް އަވަހަށް ދަތުރުކުރުމުގެ ފުރުސަތު ލިބިގެންދާނެއެވެ.

އިސްލާމިކް ބޭންކިންގެ ކްރެޑިޓް ކާޑު ޕޯޓްފޯލިއޯ ތައާރަފުކޮށްފި

މޯލްޑިވްސް އިސްލާމިކް ބޭންކް (އެމްއައިބީ) އިން ޝަރީއާގެ ހަމަތަކަށް ފެތޭ ގޮތަށް ފަރުދުންނާއި ވިޔަފާރިތަކަށް ހާއްސަ ހަތަރު ކެޓަގަރީއެއްގެ އައު ކްރެޑިޓް ކާޑު ޕޯޓްފޯލިއޯއެއް ވަނީ ތައާރަފުކޮށްފައި. މި ކާޑުތަކަށް 12,000ރ. އާއި 300,000ރ. އާ ދެމެދުގެ ކްރެޑިޓް ލިމިޓެއް ކަނޑައަޅާފައި.

ސިނެޓެކްސްގެ ވެބްސައިޓް އަލުން ފަރުމާކޮށްފި

ދިވެހި ތިން ޒުވާނުން އުފެއްދި "ސިނެޓެކްސް" ކުންފުނިން ބައިނަލްއަގުވާމީ ބާޒާރަށް އަމާޒުކޮށް އެ ކުންފުނީގެ ވެބްސައިޓް އަލުން ފަރުމާކޮށްފިއެވެ. މި ކުންފުނީގެ މައިގަނޑު މަގުސަދަކީ ދިވެހިބަހާ އެއްގޮތަށް ޑިޖިޓަލް ވަސީލަތްތައް މަދު ބަސްތަކަށް އޭއައި މޮޑެލްތަކާއި ސައިބަރ ސެކިއުރިޓީ ހައްލުތައް ފޯރުކޮށްދިނުމެވެ. އެގޮތުން 'ތާނަ އޭއައި' މެދުވެރިކޮށް ލިބޭ ހިދުމަތްތައް ފުޅާކޮށް، ކުރިއަށް އޮތް "ސްލަޝް 2026" ކޮންފަރެންސްގައި ދުނިޔޭގެ ފެންވަރުގައި މި ޓެކްނޮލޮޖީ ތައާރަފުކުރުމަށް އެ ކުންފުނިން ދަނީ ތައްޔާރުވަމުންނެވެ.

Newsletter

Get the latest news delivered straight to your inbox