އިސްކަންދޭނީ އެންމެ އަސަރުކުރި ވިޔަފާރިތަކަށް: ފައްޔާޒް

Jun 23, 2021, 9:27 AM
އިކޮނޮމިކް މިނިސްޓަރު ފައްޔާޒް އިސްމާއިލް ކެބިނެޓުގެ ބައްދަލުވުމެއްގައި. -- ފޮޓޯ/ ރައީސް އޮފީސް

އިކޮނޮމިކް މިނިސްޓަރު ފައްޔާޒް އިސްމާއިލް ކެބިނެޓުގެ ބައްދަލުވުމެއްގައި. -- ފޮޓޯ/ ރައީސް އޮފީސް

ކޮވިޑާ ގުޅިގެން ލިބުނު ގެއްލުންތަކުން އަރައިގަތުމަށް ސަރުކާރުގެ ނޭޝަނަލް ރެޒިލިއަންސް އެންޑް ރިކަވަރީ ޕްލޭންގެ ތެރެއިން ކުދި އަދި މެދުފަންތީގެ ވިޔަފާރިތަކަށް އެހީވުމުގެ ސްކީމުގައި ލޯން ދޫކުރަން އިސްކަންދޭނީ އެންމެ އަސަރުކޮށްފައިވާ ވިޔަފާރިތަކަށް ކަމަށް އިކޮނޮމިކް މިނިސްޓަރު ފައްޔާޒް އިސްމާއިލް މިއަދު ވިދާޅުވެއްޖެ އެވެ.

ކޮވިޑުގައި މި ފަހުން ވިޔަފާރިތަކަށް ލިބުނު ގެއްލުންތަކަށް ސަރުކާރުން އެހީވާން ނިންމިކަން ރައީސް އިބްރާހިމް މުހައްމަދު ސޯލިހް އިއުލާންކުރައްވާފައި ވަނިކޮށް މިއަދު ވަނީ ދެ ލޯން ސްކީމެއް ތައާރަފްކޮށްފަ އެވެ. އެއީ، ކޮވިޑް-19 އިކޮނޮމިކް ސްޓިމިއުލަސް ލޯނާއި ސަސްޓެއިނެބަލްސް ސްޓިމިއުލަސް ލޯނެވެ.

ކޮވިޑާ ގުޅިގެން ރާއްޖޭގެ އިގްތިސާދު ބަންދުވުމާ ގުޅިގެން ކުރިން ވެސް ރިލީފް ލޯންތަކެއް ތައާރަފްކުރި ކަން ފައްޔާޒް ފާހަގަކުރެއްވި އެވެ. މި ފަހުން އަނެއްކާވެސް ބަލީގެ ހާލަތު ގޯސްވެ، އިގްތިސާދީ ހާލަތު ބަދަލުވެ ކުދި އަދި މެދުފަންތީގެ ވިޔަފާރިތަކަށް ބޮޑެތި ލޮޅުންތަކެއް އަރާފައިވާ ކަން ފާހަގަކުރެއްވި އެވެ.

މިކަމަށް އެހީތެރިކަން ފޯރުކޮށްދޭން އަންނަ މަހުގެ ފުރަތަމަ ހަފުތާއިން ފެށިގެން ހުޅުވާލަނީ، އޭނާ ވިދާޅުވި ގޮތުގައި، އެސްއެމްއީތަކަށް އަނެއްކާވެސް ކޮޅަށްޖަހައި ކުރިއަރުވާށެވެ.

މިނިސްޓަރު ވިދާޅުވީ މިފަހަރު އެސްއެމްއީ ބޭންކް ނުވަތަ އެސްޑީއެފްސީން ހުޅުވާލުމުގައި ގެންގުޅޭނެ ހާއްސަ އުސޫލްތަކެއް އެބަހުރި ކަމަށެވެ.

"އެންމެ އިސްކަމެއް އަޅުގަނޑުމެން ދޭނަން ކޮވިޑުގެ މި ބަލިމަޑުކަމުގެ ތެރެއިން އެންމެ ބޮޑު އަސަރެއްކުރި ދާއިރާތަކާއި އަދި ރަށްތަކަށް،" މިނިސްޓަރު ވިދާޅުވި އެވެ.

މާލެ ސަރަހައްދަށް އިސްކަން ދެއްވާނެ ކަން ފާހަގަކުރައްވައި ވިދާޅުވީ ބައްޔާ ހެދި ލޮކްޑައުނަކަށް ގޮސްގެން އެންމެ ބޮޑަށް އަސަރުކުރި ރަށްތައް ވެސް ލިސްޓުގައި ހިމެނޭނެ ކަމަށެވެ. އޭގެއިތުރުން ވިޔަފާރިތައް ބަންދުކުރިއިރު ވެސް އެންމެ ބޮޑަށް އަސަރުކުރި ވިޔަފާރިތަކަށް ހާއްސަ އަހައްމިއްޔަތުކަމެއް ދެއްވާނެ ކަަމަށް ވިދާޅުވި އެވެ.

އޭގެތެރޭގައި ސެލޫނާއި ޖިމްތައް ފަދަ ތަންތަނާއި ކެފޭ، ރެސްޓޯރަންޓްތައް ހިމެނެ އެވެ.

"ރިލީފް ލޯނަކަށް ވުރެން ބޮޑަށް މި ބައްޓަންކޮށްފައި ވަނީ އެސްޑީއެފްސީގެ ފަރާތުން ހިންގާ ބިޒްނަސް ކްލިނިކްތަކެއްގެ ތެރެއިން ކޮންސަލްޓަންޓުންތަކެއްގެ އެހީތެރިކަމާ އެކު މިއަށް އެދޭ ފަރާތްތަކުން މަޝްވަރާ ކުރެވިގެން އެ ވިޔަފާރި ބައްޓަން ކުރެވޭނެ ގޮތަކާއި އެއަށް ބޭނުންވާނެ ފައިސާ އާއި އަދި އެެހެނިހެން ފަންނީ އެހީތެރިކަން ދީގެން އެ ވިޔަފާރިތައް ކުރިއަށް ގެންދަން،" ފައްޔާޒް ވިދާޅުވި އެވެ.

އޭނާ ވިދާޅުވި ގޮތުގައި އެސްއެމްއީ ބޭންކުގެ މި އަހަރަށް ހުރި ފައިސާއިން ވެސް ބޮޑު ހޭދައެއް ކުރާނީ މިހާރު ހިންގަމުން އަންނަ ވިޔާފާރިތައް ކޮޅަށްޖަހައި ދިރުވުމަށެވެ.

ކޮމެންޓް

ފަހުގެ ޚަބަރު

ވަޒީފާގެ ބިރުދައްކައިގެން އެއްލައްކަ މެންބަރުން ހަމަކޮށްފި

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އަރާފައިވާއިރު، މިއީ ވަޒީފާގެ ބިރުދައްކައިގެންނާއި ރިޝްވަތު ދީގެން ހޯދި އަދަދެއް ކަމަށް ވަނީ ތުހުމަތުކުރެވިފައި. އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި މިދިޔަ އަހަރާ އަޅާބަލާއިރު އެ ޕާޓީގެ މެންބަރުންގެ އަދަދު ވަނީ 26،000 އަށްވުރެ އިތުރުވެފައި.

ހިދުމަތުގެ އެންމެ މަތީ ޝަރަފު މުހައްމަދު ރަޝީދާއި އައްބާސަށް

ދައުލަތަށް ހިދުމަތް ކުރުމުގެ އެންމެ މަތީ ޝަރަފު، މުހައްމަދު ރަޝީދު އިބްރާހީމާއި އައްބާސް އިބްރާހީމަށް ވަނީ އަރުވާފައި. މުހައްމަދު ރަޝީދަށް މި ޝަރަފު އެރުވީ ދީނީ ރޮނގުން ކުރެއްވި ހިދުމަތްތަކަށް ކަމަށްވާއިރު، އައްބާސް އިބްރާހީމަށް މި ޝަރަފު އެރުވީ ދިވެހިބަހާއި އަދަބިއްޔާތުގެ ދާއިރާއިން.

އާންމުންގެ ތަނަވަސްކަން ހުއްޓުވަނީ ރާއްޖެ ނިކަމެތިކުރުން: ނަޝީދު

ރަސްމާލެ މަޝްރޫއު އީގަލް ހިލްސް ކުންފުންޏާ ހަވާލުކުރުމާ ދެކޮޅަށް އެމްޑީޕީން ކުރާ މަސައްކަތަކީ އާންމު ރައްޔިތުންނަށް ލިބެން އޮތް ތަނަވަސްކަން ހުއްޓުވައި ރާއްޖެ ނިކަމެތިކުރުމަށް ޖަހާ މަޅިއެއް ކަމަށް ނަޝީދު ވިދާޅުވި.

ޖޭޕީ، އަދާލަތު، އެމްޑީއޭ އަދި އެމްއެންޕީން މެންބަރުން ވަކިވަނީ

އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި ޖޭޕީ، އެމްޑީއޭ، އަދާލަތު އަދި އެމްއެންޕީން ގިނަ އަދަދެއްގެ މެންބަރުން ވަނީ ވަކިވެފައި. މީގެ ބަދަލުގައި ސަރުކާރު ހިންގާ ޕީއެންސީއާއި އިދިކޮޅު އެމްޑީޕީގެ މެންބަރުންގެ އަދަދު ބޮޑުތަނުން އިތުރުވި. އެންމެ ގިނަ މެންބަރުން ވަކިވީ ޖޭޕީން ކަމަށްވާއިރު، އެންމެ ގިނަ މެންބަރުން އަލަށް ގުޅުނީ ޕީއެންސީއާ

އިސްތިއުނާފު ލަސްވާ މައްސަލައިގައި ޖޭއެސްސީ ހާޒިރުކުރަނީ

ޖަލު ހުކުމް ތަންފީޒުކޮށް ނިމޭއިރުވެސް އިސްތިއުނާފު މަރުހަލާ ނުނިމޭ މައްސަލައަށް ގާނޫނީ ހައްލެއް ހޯދުމަށް ޖޭއެސްސީ މަޖިލީހުގެ ޖުޑިޝަރީ ކޮމިޓީއަށް ހާޒިރުކުރުމަށް ވަނީ ފާސްކޮށްފަ. އިސްތިއުނާފު މައްސަލަތައް ނިންމަންޖެހޭ ވަކި މުއްދަތެއް ގާނޫނުގައި ނެތުމުގެ ސަބަބުން ކުށްވެރިންގެ އަސާސީ ހައްގުތައް ގެއްލެމުންދާކަން މެންބަރުން ފާހަގަކުރެއްވި.

"ބިން ދީ ދީނާއި މިނިވަންކަން ގެއްލުވާ ވެރިޔަކު އަދި މި ނޫނީ ނާދޭ"

ބޭރު މީހުންނަށް ބިން މިލްކުކުރެވޭ ގޮތަށް ސަރުކާރުން ނިންމާފައިވާ ނިންމުމަކީ ރާއްޖޭގެ ދީނީ ވަހުދަތާއި މިނިވަންކަމަށް އޮތް ބޮޑު ނުރައްކަލެއް ކަމަށާއި މި ނިންމުމުގެ ސަބަބުން ރާއްޖޭގެ ބިންތަކުގެ މިލްކުވެރިކަން އެހެން ދީންތަކުގެ މީހުންނަށް ލިބިދާނެ ކަމުގެ ބިރު އޮތްކަން ފާހަގަކުރައްވައި، ގައުމު ދިފާއުކުރުމަށް ނުކުތުމަށް ޖަމީލު ގޮވާލައްވައިފިއެވެ.

ސުޕްރީމް ކޯޓުގެ ފަނޑިޔާރުންނަށް އޮނަރަބަލް ކިޔަން އަންގައިފި

ސުޕްރީމް ކޯޓުގެ ފަނޑިޔާރުންނާ މުހާތަބުކުރާއިރު "އޮނަރަބަލް" ކިޔުމަށް ޖޭއެސްސީން ރަސްމީކޮށް އަންގައި ސާކިއުލާއެއް ވަނީ ނެރެފައި. މި ބަދަލާއެކު ފަނޑިޔާރުންގެ ނަމުގެ ކުރިއަށް "އަލްއުސްތާޒް" ބޭނުންކުރުން ހުއްޓާލަން ޖެހޭއިރު، މިއީ މީގެ ކުރިން އަމަލުކުރަމުން އައި އުސޫލަށް ގެނައި ރަސްމީ ބަދަލެއް.

Newsletter

Get the latest news delivered straight to your inbox