ކުދި ވިޔަފާރިތަކަށް އެސްޑީއެފްސީން މިލިއަން ރުފިޔާއާ ހަމަޔަށް ލޯނު ދޫކުރަނީ

މަޖީދީމަގުގެ ފިހާރަތަކެއް: ކުދިއަދި މެދުފަންތީގެ ވިޔަފާރިފުޅާކުރަން ސަރުކާރުން މިއަދު ވަނީ މިލިއަންރުފިޔާއާ ހަމައަށް ލޯން ސްކީމެއް ތައާރަފްކޮށްފައި.

މަޖީދީމަގުގެ ފިހާރަތަކެއް: ކުދިއަދި މެދުފަންތީގެ ވިޔަފާރިފުޅާކުރަން ސަރުކާރުން މިއަދު ވަނީ މިލިއަންރުފިޔާއާ ހަމައަށް ލޯން ސްކީމެއް ތައާރަފްކޮށްފައި.

ކޮވިޑު ބަލިމަޑުކަމުގެ ސަބަބުން އިގުތިސޯދަށް އައިސްފައިވާ ހީނަރުކަމުން ވިޔަފާރިތައް އަރައިގަތުމަށް އެސްއެމްއީ ޑިވެލޮޕްމަންޓް ފައިނޭންސް ކޯޕަރޭޝަން (އެސްޑީއެފްސީ) މެދުވެރިކޮށް ކުދި ވިޔަފާރިތަކަށް މިލިއަން ރުފިޔާއާ ހަމައަށް ލޯނު ލިބޭ ސްކީމެއް މިއަދު ތައާރަފުކޮށްފި އެވެ.

ކޮވިޑް-19 ސަސްޓެއިނެބަލް ސްޓިމިއުލަސް ލޯނަކީ ސަރުކާރުގެ ނޭޝަނަލް ރެޒިލިއަންސް އެންޑް ރިކަވަރީ ޕްލޭންގެ މަސައްކަތުގެ ތެރެއިން، ސަރުކާރުން ތައާރަފުކުރި ދެ ލޯނުގެ ތެރެއިން އެއް ލޯނެވެ. އަނެއް ލޯނަކީ ބީއެމްއެލް މެދުވެރިކޮށް ދޫކުރާ ކޮވިޑް-19 އިކޮނޮމިކް ސްޓިމިއުލަސް ލޯނެވެ.

ކޮވިޑް-19 ސަސްޓެއިނަބަލް ސްޓިމިއުލަސް ލޯނާ ގުޅޭ މައުލޫމާތު: އިންފޯގްރެފިކްސް: އަބްދުﷲ ޝަފީއު (އަބޯ)

މި ލޯން ލިބޭ ވިޔަފާރިތަކުގެ ތެރޭގައި ހިމެނެނީ ކާބޯތަކެތީގެ ހިދުމަތްދޭ ކެފޭ/ރެސްޓޯރަންޓްތަކާއި، ޖިމްތަކާއި، ސެލޫންތަކާއި ގެސްޓްހައުސް ވިޔަފާރިތަކަށެވެ.

ކޮވިޑް-19 ސަސްޓެއިނެބަލް ސްޓިމިއުލަސް ލޯނު: ހާއްސައީ އެންމެ ކުދި ވިޔަފާރިތަކަށް

އެސްޑީއެފްސީގެ ސަސްޓެއިނެބަލް ލޯނަކީ މިހާރު ހިނގަމުންދާ އެންމެ ކުދި ވިޔަފާރިތަކަށް ހާއްސަ ލޯނެކެވެ.

މި ލޯނުތައް ދޫކުރަނީ ތިން ޕެކޭޖެއްގެ ދަށުންނެވެ. އެއީ ހިނގަމުންދާ ޕްރޮޖެކްޓްތައް ނިންމުމަށާއި، ވިޔަފާރި ހިންގަން ބޭނުންވާ ފައިސާ (ރަނިން ކެޕިޓަލް) އަދި ދެމެހެއްޓެނިވި ގޮތެއްގައި ވިޔަފާރި ފުޅާކުރުމަށް ލޯނު ދޫކުރާ ޕެކޭޖްތަކެކެވެ. ވިޔަފާރި ފުޅާކުރުމަށް ދޫކުރާ ލޯނު ޕެކޭޖްގެ ތެރެއިން ވިޔަފާރިތަކަށް ފަންނީ ލަފާ ދިނުން ހިމެނެ އެވެ.

މި ލޯން ސްކީމްގެ ތެރެއިން ގިނަވެގެން ވިޔަފާރިއަކަށް ދޫކުރެވެނީ އެއް މިލިއަން ރުފިޔާ އެވެ. އިންޓްރެސްޓް ރޭޓަކީ ހަ ޕަސެންޓެވެ. ރަހުނަކާ ނުލާ ދޫކުރާ މި ލޯނުތައް އަނބުރާ ދައްކަން ފަސް އަހަރާއި އަށް އަހަރު ދުވަހުގެ މުއްދަތެއް ލިބެ އެވެ. އަދި ވިޔަފާރި ފުޅާކުރަން ހާއްސަ ލޯން ޕެކޭޖް ފިޔަވާ އެހެން ލޯނަކަށް އެދޭނަމަ އިކުއިޓީ ބަހައްޓާކަށް ނުޖެހެ އެވެ.

ލޯނަށް ހުށައަޅާ ވިޔަފާރިތަކުގެ ހުންނަންޖެހޭ ޝަަރުތުތައް:

  1. 2018 އިން ފެށިގެން 2020 އަށް ތިން އަހަރު ފައިދާ ވެފައިވާ ވިޔަފާރިއަށް ވުން
  2. މިދިޔަ އަހަރު ތެރޭގައި އެއްވެސް ލޯނެއް ޑީފޯލްޓް ވެފައި ނުވުން
  3. މިހާރު ލޯނެއް ނަގާފައިވާނަމަ، އާ ފެސިލިޓީގެ ތެރެއަށް ތާވަލުކުރެވޭ
  4. ވޭތުވެ ދިޔަ އަހަރު މެދުނުކެނޑި ވިޔަފާރި ކުރުން

މި ލޯނުތަކަށް އެދެން ހުޅުވާލަނީ އަންނަ ޖުލައި މަހުން ފެށިގެންނެެވެ.

އިސްކަން ދެނީ ލޮކްޑައުންގެ އަސަރު އެންމެ ބޮޑަށް ކުރި ވިޔަފާރިތަކަށް

މި ލޯން ސްކީމްތަކާ ގުޅިގެން އިކޮނޮމިކް މިނިސްޓަރު ފައްޔާޒް އިސްމާއިލް ވިދާޅުވީ އެންމެ އިސްކަންދޭނީ ލޮކްޑައުން އަސަރު އެންމެ ބޮޑަށް ކުރި ވިޔަފާރިތަކަށް ކަމަށެވެ. އަދި މިފަހަރުގެ ލޯނު ޕެކޭޖްތައް ބައްޓަން ކުރީ އެސްޑީއެފްސީގެ ބިޒްނަސް ކްލިނިކް ހިދުމަތް ވިޔަފާރިތަކަށް ފަންނީ ލަފާ ލިބޭ ގޮތަށް ކަމަށް ވިދާޅުވި އެވެ.

މި ހިދުމަތުގެ ތެރެއިން ދެވޭ ބިޒްނަސް ކޮންސަލްޓަންސީ މަޝްވަރާތަކަށް ފަހު ދެމެހެއްޓެނިވި ގޮތެއްގައި ކުރިޔަށް ނުގެންދެވޭ ވިޔަފާރިތަކަށް އެހެން ވިޔަފާރިއަކަށް ބަދަލުކުރަށް މަޝްވަރާކުރެވޭނެ ކަމަށް ވެސް ފައްޔާޒް ވިދާޅުވި އެވެ.

މިފަހަރުގެ ލޯން ސްކީމްގައި އެންމެ ބޮޑަށް އިސްކަން ދެނީ ލޮކްޑައުންގައި އެންމެ ބޮޑަށް އަސަރުކުރި ވިޔަފާރިތަކަށް ކަަމުން މާލެ ސަރަހައްދުގެ ވިޔަފާރިތަކާއި ގިނަ ދުވަހު ލޮކްޑައުންގައި ހުރި އެހެން ރަށްތަކުގެ ވިޔަފާރިތަކަށް އިސްކަން ދެވޭނެ އެވެ. އަދި ބަންދުކުރަން މަޖުބޫރުވި ޖިމްތަކާއި ސެލޫންތައް ފަދަ ގާތުން ހިދުމަތްދާ ވިޔަފާރިތަކާއި ކެފޭ ރެސްޓޯރަންޓްތަކަށް ހާއްސަ އަހައްމިއްޔަތެއް ދޭނެ އެވެ.

ކޮމެންޓް

ފަހުގެ ޚަބަރު

ލަކްސް ގްލޯގެ ދެވަނަ ފިހާރަ މަޖީދީމަގުގައި ހުޅުވައިފި

މަޝްހޫރު ކޮސްމެޓިކްސް ބްރޭންޑް "ލަކްސް ގްލޯ" ގެ ދެވަނަ ފިހާރަ މާލޭގެ މަޖީދީމަގުގައި ހުޅުވައިފިއެވެ. މި ފިހާރައިން ބައިނަލްއަގުވާމީ ބްރޭންޑްތަކުގެ ސްކިންކެއާ އަދި މޭކަޕް ސާމާނު ޓެސްޓުކޮށްލުމާއި، ފަންނީ ލަފާ ހޯދައިގެން ވަގުތުން ގަނެވޭނެ އިންތިޒާމު ވަނީ ހަމަޖެހިފައެވެ. ފިހާރަތަކުގެ އިތުރުން އެ ބްރޭންޑުގެ ވެބްސައިޓް މެދުވެރިކޮށް އޮންލައިންކޮށް އޯޑަރުކުރުމުގެ ފުރުސަތުވެސް ކަސްޓަމަރުންނަށް ވަނީ ހުޅުވާލެވިފައެވެ.

ކްލީވިއާ ރެސިޑެންސް: ޒަމާނީ ބޯހިޔާވަހިކަން އާ މަޝްރޫއެއް

ޕޭން ރިއަލް އެސްޓޭޓުން އަލަށް ތައާރަފްކުރި "ކްލީވިއާ ރެސިޑެންސް" މަޝްރޫއަކީ މެދުފަންތީގެ އާމްދަނީ ލިބޭ ފަރާތްތަކަށް އަމާޒުކޮށްގެން ހިންގާ އަތްފޯރާ އަގުތަކެއްގެ ބޯހިޔާވަހިކަމުގެ މަޝްރޫއެކެވެ. މި މަޝްރޫއުގެ ދަށުން ޒަމާނީ ފެންވަރުގެ އެއް ކޮޓަރި އަދި ދެ ކޮޓަރީގެ އެޕާޓްމަންޓްތައް ލިބޭއިރު، ފައިސާ ދެއްކުމުގައި ލުއި ގޮތްތަކެއް ވަނީ ހަމަޖައްސާފައެވެ.

ދިރާގު ރޯޑް ރޭސްގެ ބިބް އެކްސްޕޯ ބުދަ ދުވަހާ ހަމައަށް

ދިރާގު މޯލްޑިވްސް ރޯޑް ރޭސް 2026 ގެ ބިބް އެކްސްޕޯ ބީޖީ ޓާފް ދަނޑުގައި ކުރިއަށްދާއިރު، ބިބް އާއި ރޭސް ކިޓް ދޫކުރުމުގެ މުއްދަތު މި މަހުގެ 18 ވާ ބުދަ ދުވަހުގެ ނިޔަލަށް ވަނީ އިތުރުކޮށްފައެވެ. ފަސް ހާހަށްވުރެ ގިނަ ދުވުންތެރިން ބައިވެރިވާ މި ދުވުން އޮންނާނީ ކުރިއަށް އޮތް ހުކުރު ދުވަހު ހުޅުމާލޭ ސެންޓްރަލް ޕާކުގައެވެ.

ގޫގަލް ޕިކްސެލް އަށް އުރީދޫ 5ޖީ

ގޫގުލް ޕިކްސެލް ފޯނުތަކަށް ރާއްޖޭގައި 5ޖީގެ ޚިދުމަތް ފޯރުކޮށްދޭ ފުރަތަމަ ނެޓްވޯކަކަށް އުރީދޫ މޯލްޑިވްސް ވެއްޖެއެވެ. ނޮވެންބަރު މަހުގެ ސޮފްޓްވެއާ އަޕްޑޭޓާއެކު ޕިކްސެލްގެ އެކި މޮޑެލްތަކަށް 5ޖީ އާއި ވީއޯއެލްޓީއީގެ ޚިދުމަތް މިހާރު ލިބޭނެއެވެ.

ޓޫރިޒަމް ފަހަތަށް، މާލީ ދާއިރާ އާއި އިމާރާތް ކުރުން ކުރިއަށް

މާލީ ދާއިރާ އާއި އިމާރާތްކުރުމުގެ ދާއިރާއަށް އައި ބޮޑު ކުރިއެރުމާއެކު، ރާއްޖޭގެ އިގުތިސޯދު ވަނީ ހަތަރެއް ޕަސެންޓަށް ކުރިއަރާފަ. ޓޫރިޒަމްގެ އިތުރުން މަސްވެރިކަމުގެ ދާއިރާވެސް ވަނީ މި މުއްދަތުގައި ވަރަށް ބޮޑަށް ދަށަށް ގޮސްފަ.

ޑީއެމްއާރްއާރްގައި ޕްލާސްޓިކް ބޭނުން ނުކުރުމަށް ދިރާގު އިލްތިމާސް

މި މަހުގެ 20 ގައި ބާއްވާ "ދިރާގު މޯލްޑިވްސް ރޯޑް ރޭސް" ގައި އެއްފަހަރު ބޭނުންކޮށްފައި އުކާލާ ޕްލާސްޓިކް ބޭނުން ނުކުރުމަށް ދިރާގުން އިލްތިމާސްކޮށްފިއެވެ. ތިމާވެށި ހިމާޔަތްކުރުމުގެ މަގުސަދުގައި ކުރިއަށްގެންދާ މި ހަރަކާތުގައި ފެން ފޯރުކޮށްދޭނީ ކަރުދާސް ތަށީގައި ކަމަށާއި، ދުވުންތެރިން އަމިއްލަ ފުޅި ގެންގުޅުމަށް އެ ކުންފުނިން ބާރުއަޅައެވެ. މި އިސްނެގުމުގެ ސަބަބުން ކޮންމެ އަހަރަކު ގާތްގަނޑަކަށް 18،000 ޕްލާސްޓިކް ފުޅި މަދުކުރެވޭނެ ކަމަށް ދިރާގުން ލަފާކުރެއެވެ.

ކުޑަ ސަރަހައްދަކުން އުދުއްސާލެވޭ އާދަޔާ ހިލާފު ބޯޓެއް

އެމެރިކާގެ އިލެކްޓްރާ ކުންފުނިން ދަނީ ރަންވޭއެއް ނެތް ކުޑަ ސަރަހައްދުތަކުން އުދުއްސާލެވޭ ފަދަ ހައިބްރިޑް-އިލެކްޓްރިކް މަތިންދާބޯޓެއް އުފައްދަމުންނެވެ. މި ބޯޓުގެ ސަބަބުން ކައިރި މަންޒިލްތަކަށް ކުރާ ދަތުރުތަކުގެ ޚަރަދު ކުޑަވެ، އެއާޕޯޓުތަކަށް ބަރޯސާނުވެ ސީދާ އެއް ތަނުން އަނެއް ތަނަށް އަވަހަށް ދަތުރުކުރުމުގެ ފުރުސަތު ލިބިގެންދާނެއެވެ.

Newsletter

Get the latest news delivered straight to your inbox