ރިއަލް އެސްޓޭޓް ޓޫރިޒަމް ހިންގާ ސަރަހައްދުތައް ދެނެގަތުމުގެ މަސައްކަތް ފަށައިފި

ލ. ބަރެސްދޫގައި ހިންގަން އުޅުނު އިންޓެގްރޭޓަޑް ޓޫރިޒަމް މޮޑެލްގެ ތްރީޑީ ރެންޑާއެއް: މިއީ ރައީސް ޔާމީންގެ ސަރުކާރުގައި ހިންގަން އުޅުނު އެކަމަކު މިހާރު ހުއްޓިފައި އޮތް ޕްރޮޖެކްޓެއް -- ފޮޓޯ: އެމްއައިޓީޑީސީ

ލ. ބަރެސްދޫގައި ހިންގަން އުޅުނު އިންޓެގްރޭޓަޑް ޓޫރިޒަމް މޮޑެލްގެ ތްރީޑީ ރެންޑާއެއް: މިއީ ރައީސް ޔާމީންގެ ސަރުކާރުގައި ހިންގަން އުޅުނު އެކަމަކު މިހާރު ހުއްޓިފައި އޮތް ޕްރޮޖެކްޓެއް -- ފޮޓޯ: އެމްއައިޓީޑީސީ

ރާއްޖޭގައި ރިއަލް އެސްޓޭޓް ޓޫރިޒަމް ފެށުމަށް ބޭނުންވާ މައިގަނޑު ގަވާއިދުތައް ނިންމައި، މި ޕްރޮޖެކްޓުތައް ހިންގާނެ ސަރަހައްދުތަކެއް ދެނެގަތުމުގެ މަސައްކަތް ރައީސް އޮފީހާއި ސަރުކާރުގެ ކަމާގުޅޭ ވުޒާރާތަކުން ފަށައިފި އެވެ.

ރިއަލް އެސްޓޭޓް ޓޫރިޒަމް ރާއްޖެއަށް ތައާރަފުކުރުމުގެ މަސައްކަތް ސަރުކާރުން ފެށީ ރާއްޖޭގައި ދިރިއުޅެން ބޭނުންވާ ބިދޭސީންނަށް އަމާޒުކޮށް އިންޓަގްރޭޓަޑް ޓޫރިޒަމް މޮޑެލް އަދި ޕްރައިވެޓް އައިލެންޑް މޮޑެލްގެ ތެރެއިން ސެކަންޑް ހޯމް ޕްރޮގްރާމެއް ހިންގުމަށެވެ.

މިއީ ރާއްޖޭގެ ޓޫރިޒަމް ޕްރޮޑަކްޓް ސިންދަފާތުކުރުމަށް ސަރުކާރުން ގެންގުޅޭ ސިޔާސަތުގެ ތެރެއިން ކުރަން ނިންމާފައިވާ މަސައްކަތެކެވެ.

Advertisement

ޓޫރިޒަމް މިނިސްޓްރީގެ ސީނިއާ ޕޮލިސީ ޑިރެކްޓަރު މުހައްމަދު ހުއްސާން "އަދަދު" އަށް ވިދާޅުވީ، ޓޫރިޒަމް ރިއަލް އެސްޓޭޓް ފަށަން ބޭނުންވާ މައިގަނޑު ގަވާއިދުތަކުގެ މަސައްކަތް ނިމިއްޖެ ކަމަށެވެ. އެއީ ޕްރައިވެޓް އައިލެންޑްތައް ތަރައްގީކޮށް ކުއްޔަށްދިނުމާ ބެހޭ ގަވާއިދާއި އިންޓެގްރޭޓަޑް ޓޫރިސްޓް ރިސޯޓް ތަރައްގީކޮށް ހިންގުމާ ބެހޭ ގަވާއިދެވެ.

މިހާރު ނުނިމި އޮތީ ސްޓްރާޓާ އުސޫލުން ވިލާ ވިއްކުމާ ގުޅޭ ގަވާއިދު އެކަންޏެވެ. ހުއްސާން ވިދާޅުވި ގޮތުގައި ކުރިޔަށް އޮތް ދެތިން ހަފުތާގެ ތެރޭގައި ޓޫރިޒަމް މިނިސްޓްރީން މި ގަވާއިދު ޑްރާފްޓްކޮށް ނިންމުމަށްފަހު މި ގަވާއިދު ގެޒެޓްކުރާނެ އެވެ.

"ސްޓްރާޓާ އުސޫލުން ވިލާ ވިއްކުމާ ބެހޭ ގަވާއިދުގެ މިނިސްޓްރީގެ ޑްރާފްޓިން ޕްރޮސެސް ގާތްގަނޑަކަށް ނިމުމެއްގެ މިއުޅެނީ. ކުރިޔަށް އޮތް ދެ ތިން ހަފުތާގެ ތެރޭގައި ގެޒެޓްގަ ޕަބްލިޝްކުރޭވޭ ވަރު ވާނެ" ހުއްސާން ވިދާޅުވި އެވެ.

މިހާތަނަށް ސަރުކާރުން ރިއަލް އެސްޓޭޓް ޓޫރިޒަމާ ގުޅިގެން އާންމުކޮށްފައިވާ ގަވާއިދުތައް ބުނާ ގޮތުން ރިއަލް އެސްޓޭޓް ޓޫރިޒަމް ތަރައްގީކުރަން ސަރަހައްދުތައް ދެވޭނީ ދައުލަތުގެ ސައްތައިންސައްތަ ހިއްސާ އޮންނަ ކުންފުނިތަކަށެވެ.

ސަރުކާރުން އެކުލަވާލާފައިވާ ގަވާއިދުތައް ބުނާ ގޮތުން އިންޓެގްރޭޓަޑް ޓޫރިޒަމް މޮޑެލްގެ ތެރެއިން މީހުން ދިރިއުޅޭ ރަށްރަށުގެ ސަރަހައްދުތައް ވެސް ޓޫރިޒަމްގެ ބޭނުންތަކަށް ހާއްސަ ކުރެވެ އެވެ.

ރިއަލް އެސްޓޭޓް ޓޫރިޒަމަކީ ދައުލަތަށް އާމްދަނީ ހޯދަން މި އަހަރު އަލަށް ފަށާ ކަންކަމުގެ ތެރޭގައި ހިމެނޭ ކަމެކެވެ. ދައުލަތުގެ ބަޖެޓުގައި އަންދާޒާކޮށްފައިވާ ގޮތުގައި މި އަހަރު ރިއަލް އެސްޓޭޓް ޓޫރިޒަމުން 150 މިލިއަން ރުފިޔާ ލިބޭނެ އެވެ.

ކޮމެންޓް

ފަހުގެ ޚަބަރު

ސިމްޑީގެ ވިޔަފާރި ހާދާލަށް ފުޅާކުރަނީ

ސިމްޑީ ގްރޫޕްގެ ވިޔަފާރި ހދ. އަތޮޅުގައި ފުޅާކުރުމަށްޓަކައި ކުޅުދުއްފުށީގެ "މިތުރު" ކުންފުންޏާއެކު ސަބް-ޑިސްޓްރިބިއުޝަން އެއްބަސްވުމެއްގައި މިއަދު ވަނީ ސޮއިކޮށްފައެވެ. މި ޕާޓްނަޝިޕްގެ ސަބަބުން ސިމްޑީން އެތެރެކުރާ ބައިނަލްއަގުވާމީ މަގުބޫލު ބްރޭންޑްތަކުގެ މުދާ އެ އަތޮޅުގެ ރީޓެއިލް ފިހާރަތަކަށާއި އާންމުންނަށް ފަސޭހަކަމާއެކު ލިބޭނެ އިންތިޒާމު ހަމަޖެހިގެންދާނެއެވެ.

ވިލާ ކޮލެޖާއި މާރޕް ގުޅިގެން މެންޓަރޝިޕް ޕްރޮގްރާމެއް

ވިލާ ކޮލެޖާއި މާރޕް ގުޅިގެން ވަޒީފާ އަދާކުރާ ފަރާތްތަކަށް ޚާއްޞަ މެންޓަރޝިޕް ޕްރޮގްރާމެއް ފަށާފައިވަނީ ދިވެހި ލީޑަރުން ބިނާކޮށް ސީނިއަރ މެނޭޖްމަންޓް މަޤާމުތަކަށް މީހުން ތައްޔާރުކުރުމަށެވެ. މި ޕްރޮގްރާމުގެ ދަށުން ތަޖުރިބާކާރުންގެ އެހީތެރިކަމާއެކު ގްރެޖުއޭޓުންނަށް ޢަމަލީ ހުނަރުތައް ދަސްކޮށްދީ، މަތީ ތަޢުލީމާއި އިންޑަސްޓްރީއާ ދެމެދު އޮތް ގުޅުން ވަރުގަދަކުރުމަށް ވަނީ އަމާޒު ހިފާފައެވެ.

ޓްރީ ޓޮޕް ހިތާނީ ކޭމްޕުގެ ރަޖިސްޓްރޭޝަން ހުޅުވާލައިފި

ޓްރީ ޓޮޕް ހޮސްޕިޓަލުގެ މިއަހަރުގެ ފުރަތަމަ ހިތާނީ ކޭމްޕުގައި ބައިވެރިވުމަށް ރަޖިސްޓަރީވުމުގެ ފުރުސަތު ޑިސެމްބަރު 17 ގެ ނިޔަލަށް ވަނީ ހުޅުވާލާފައެވެ. ތަޖުރިބާކާރު ޑޮކްޓަރުންގެ ޓީމަކުން ކުރިއަށްގެންދާ މި ކޭމްޕުގެ ހިތާނުކުރުމުގެ އޮޕަރޭޝަންތައް ކުރިއަށްދާނީ ޑިސެމްބަރު 12 އިން ޖެނުއަރީ 11 ގެ ނިޔަލަށެވެ. މި ޕެކޭޖުގެ ދަށުން ކޮންސަލްޓޭޝަނާއި، ލެބޯޓަރީ ޓެސްޓުތަކުގެ އިތުރުން އޮޕަރޭޝަނަށްފަހު ބޭނުންވާ ފަރުވާގެ ހިދުމަތްތައް ލިބިގެންދާނެއެވެ.

ޓޯޓަލް ފިޒިއޯއިން އެލައިޑްގެ ހިދުމަތް ގަބޫލުކުރަން ފަށައިފި

ފިޒިއޮތެރަޕީގެ ޚިދުމަތްދޭ "ޓޯޓަލް ފިޒިއޯ" ކްލިނިކުން ބަލިމީހުންނަށް ލުއިފަސޭހަކޮށްދިނުމުގެ ގޮތުން އެލައިޑް އިންޝުއަރެންސް ގަބޫލުކުރަން ފަށައިފިއެވެ. ޒަމާނީ ވަސީލަތްތަކާއެކު ފަރުވާދޭ މި ކްލިނިކުން މިހާރުވެސް ޕޮލިސް، އެމްއެންޑީއެފް އަދި ސޮލަރެލް އިންޝުއަރެންސްގެ ޚިދުމަތް ލިބޭއިރު، އިތުރު އިންޝުއަރެންސްތައް މެދުވެރިކޮށް ޚިދުމަތް ލިބޭނެ އިންތިޒާމު ހަމަޖެއްސުމަށް ދަނީ މަސައްކަތް ކުރަމުންނެވެ.

ލަކްސް ގްލޯގެ ދެވަނަ ފިހާރަ މަޖީދީމަގުގައި ހުޅުވައިފި

މަޝްހޫރު ކޮސްމެޓިކްސް ބްރޭންޑް "ލަކްސް ގްލޯ" ގެ ދެވަނަ ފިހާރަ މާލޭގެ މަޖީދީމަގުގައި ހުޅުވައިފިއެވެ. މި ފިހާރައިން ބައިނަލްއަގުވާމީ ބްރޭންޑްތަކުގެ ސްކިންކެއާ އަދި މޭކަޕް ސާމާނު ޓެސްޓުކޮށްލުމާއި، ފަންނީ ލަފާ ހޯދައިގެން ވަގުތުން ގަނެވޭނެ އިންތިޒާމު ވަނީ ހަމަޖެހިފައެވެ. ފިހާރަތަކުގެ އިތުރުން އެ ބްރޭންޑުގެ ވެބްސައިޓް މެދުވެރިކޮށް އޮންލައިންކޮށް އޯޑަރުކުރުމުގެ ފުރުސަތުވެސް ކަސްޓަމަރުންނަށް ވަނީ ހުޅުވާލެވިފައެވެ.

ކްލީވިއާ ރެސިޑެންސް: ޒަމާނީ ބޯހިޔާވަހިކަން އާ މަޝްރޫއެއް

ޕޭން ރިއަލް އެސްޓޭޓުން އަލަށް ތައާރަފްކުރި "ކްލީވިއާ ރެސިޑެންސް" މަޝްރޫއަކީ މެދުފަންތީގެ އާމްދަނީ ލިބޭ ފަރާތްތަކަށް އަމާޒުކޮށްގެން ހިންގާ އަތްފޯރާ އަގުތަކެއްގެ ބޯހިޔާވަހިކަމުގެ މަޝްރޫއެކެވެ. މި މަޝްރޫއުގެ ދަށުން ޒަމާނީ ފެންވަރުގެ އެއް ކޮޓަރި އަދި ދެ ކޮޓަރީގެ އެޕާޓްމަންޓްތައް ލިބޭއިރު، ފައިސާ ދެއްކުމުގައި ލުއި ގޮތްތަކެއް ވަނީ ހަމަޖައްސާފައެވެ.

ދިރާގު ރޯޑް ރޭސްގެ ބިބް އެކްސްޕޯ ބުދަ ދުވަހާ ހަމައަށް

ދިރާގު މޯލްޑިވްސް ރޯޑް ރޭސް 2026 ގެ ބިބް އެކްސްޕޯ ބީޖީ ޓާފް ދަނޑުގައި ކުރިއަށްދާއިރު، ބިބް އާއި ރޭސް ކިޓް ދޫކުރުމުގެ މުއްދަތު މި މަހުގެ 18 ވާ ބުދަ ދުވަހުގެ ނިޔަލަށް ވަނީ އިތުރުކޮށްފައެވެ. ފަސް ހާހަށްވުރެ ގިނަ ދުވުންތެރިން ބައިވެރިވާ މި ދުވުން އޮންނާނީ ކުރިއަށް އޮތް ހުކުރު ދުވަހު ހުޅުމާލޭ ސެންޓްރަލް ޕާކުގައެވެ.

Newsletter

Get the latest news delivered straight to your inbox