ތުރުކީއަށް ޒިޔާރަތްކުރަން ބޭނުންވާ ދިވެހިންނަށް ޓާކިޝް އެއާލައިނުގައި ހެޔޮއަގުގައި ޓިކެޓް ލިބޭ "ޑިސްކަވާ ޓާކީ" އޮފާ ކުރިޔަށް އެބަދެ އެވެ.
ޑިސްކަވާ ޓާކީގެ އޮފާގެ ތެރެއިން ޓާކިޝް އެއާލައިނުގައި ތުރުކީގެ އިސްތަންބޫލަށް ދެކޮޅު ޓިކެޓް އެންމެ 572 ޑޮލަރަށް ލިބެ އެވެ. އޮގަސްޓް 10 ވަނަ ދުވަހާ ހަމައަށް ލިބޭ މި އޮފާގެ ދަށުން ޓިކެޓް ގަންނަން ޖެހޭނީ ޓާކިޝް އެއާލައިންސްގެ ރާއްޖޭގެ ޖެނެރަލް ސޭލްސް އެޖެންޓް އެކްސްޕިޑައިޓް މޯލްޑިވްސް އިންނެވެ.
މި ޕްރޮމޯޝަނާ ގުޅޭގޮ ތުން ޓާކިޝް އެއާލައިންސްގެ ސޭލްސް އެންޑް މާކެޓިން މެނޭޖަރު މުހައްމަދު ހައްސާން ވިދާޅުވީ މިއީ މި އަހަރުގެ ސްކޫލް ޗުއްޓީ އާއި ބޮޑު އީދު ޗުއްޓީ ދުވަސްވަރަށް ހިންގާ ޕްރޮމޯޝަނެއް ކަމަށެވެ.
ޑިސްކަވާ ޓާކީ ޕެކޭޖުން ނަގާ ޓިކެޓުގެ އަގު ކުޑަކުދިންނާއި ބޮޑެތި މީހުންނަށް އެއްހަމަ އެވެ. މި ޕްރޮމޯޝަންގެ ތެރެއިން ނަގާ ޓިކެޓުތަކުގެ މުއްދަތަކީ ހަ މަސް ދުވަހެވެ.
ޓާކިޝް އެއާލައިނުން ތައާރަފުކުރި ޑިސްކަވާ ޓާކީ އޮފާ --
ވެކްސިން ޑޯޒް ހަމަކޮށްފައިވާ ދިވެހިން ޕީސީއާރް ޓެސްޓް ބޭނުމެއް ނުވޭ
ތުރުކީއަށް ދާ ދިވެހިންނަށް ތިން މަސް ދުވަހަށް އޮން އެރައިވަލް ވިސާ ލިބެ އެވެ. އަދި ދެކޮޅު ޓިކެޓާއި ބުކިން ހައްދައިގެން ދަތުރުކުރާ ނަމަ އިމިގްރޭޝަނުން މާ ބޮޑެތި ދަތިތަކާ ކުރިމަތިނުވެ ތުރުކީއަށް އެތެރެވެވޭނެ އެވެ.
ކޮވިޑް 19 ގެ ބަލިމަޑުކަމާ ގުޅިގެން ތުރުކީ ސަރުކާރުން އެކުލަވާލާފައިވާ އުސޫލަކީ، އެ ގައުމަށް ދަތުރުކުރާއިރު ނެގެޓިވް ޕީސީއާރު ޓެސްޓެއް ހުށައަޅާ އެއްވެސް މީހަކު ކަރަންޓީނުވާކަށް ނުޖެހެ އެވެ. އަދި ވެކްސިންގެ ދެ ޑޯޒް ފުރިހަމަކޮށްފައިވާ ދިވެހިން ޕީސީއާރް ޓެސްޓެއް ހުށައަޅާކަށް ނުޖެހެ އެވެ. ބޭނުންވަނީ ވެކްސިން ޑޯޒްތައް ފުރިހަމަކޮށްފައިވާ ކަން އެނގޭނެ ރަސްމީ ލިޔުމެކެވެ. ދިވެއްސެއް ނަމަ އެޗްޕީއޭއިން ދޫކުރާ ވެކްސިން ކާޑު ފުދޭނެ އެވެ.
ތާރީހީ ބިނާތަކާއި ތަފާތު ކެއިންބުއިމާއި އާދަކާދަތަކުން މުއްސަނދި ތުރުކީއަށް ގޮސްލަން ބޭނުންވާ މީހުންނަށް ރަނުގެ ފުރުސަތެކެވެ.
