މާލޭގައި މީހަކަށް ތޫނު އެއްޗަކުން ހަމަލާދީ، ޒަހަމްކޮށްލައިފި އެވެ.
މި މާރާމާރީ ހިނގާފައިވަނީ މައްޗަންގޯޅީގެ ގެއެއްގެ ތެރޭގައި، މެންދުރުކުރި 11:00 ހާއިރު އެވެ.
ފުލުހުންގެ މީޑިއާ އޮފިޝަލް ވިދާޅުވި ގޮތުގައި، ތޫނު އެއްޗަކުން ހަމަލާދިނުމުގެ ސަބަބުން އަނިޔާވެފައިވަނީ 19 އަހަރުގެ ދިވެހި ފިރިހެނަކަށެވެ. އޭނާއަށް މިހާރު އައިޖީއެމްއެޗްގައި ދަނީ ފަރުވާދެމުންނެވެ.
އަނިޔާވެ ފަރުވާ ހޯދަމުންދާ މީހާއަށް ލިބުނު ޒަހަމްތަކުގެ ތަފްސީލާއި އޭނާގެ ހާލާ ގުޅޭ ގޮތުން އަދި މައުލޫމާތު ސާފެއް ނުވެ އެވެ.
ފުލުހުން ގެންދަނީ މިކަން ހިނގަން މެދުވެރި ސަބަބު ހޯދައި، މައްސަލަ ތަހުގީގު ކުރަމުންނެވެ. މިހާތަނަށް މި މައްސަލައާ ގުޅިގެން މީހަކު ހައްޔަރުކޮށްފައެއް ނުވެ އެވެ.
