ދިވެހި ލީގު ނިންމާލައި އެފްއޭ ކަޕާއި ޕްރެޒިޑެންސް ކަޕް ކެންސަލް!

ލަނޑު ޖެހުމަށް ފަހު މެޗެއްގެ ތެރެއިން މާޒިޔާ ކުޅުންތެރިން އުފާފާޅުކުރަނީ-- ފޮޓޯ: ހުސެއިން ވަހީދު/ އަދަދު

ލަނޑު ޖެހުމަށް ފަހު މެޗެއްގެ ތެރެއިން މާޒިޔާ ކުޅުންތެރިން އުފާފާޅުކުރަނީ-- ފޮޓޯ: ހުސެއިން ވަހީދު/ އަދަދު

ކޮވިޑް-19ގެ ހާލަތު މިހާރު އޮތް ގޮތަށް ބަލާއިރު, ދިރާގު ދިވެހި ޕްރިމިއާ ލީގުގެ ތިން ވަނަ ބުރު ނުކުޅެ ސީޒަން ކުރުކޮށްލުމަށް އެފްއޭއެމްގެ ހިންގާ ކޮމިޓީ (އެކްސްކޯ) އިން ނިންމާފައިވާ އެފްއޭއެމްގެ ރައީސް ބައްސާމް އަދީލް ޖަލީލް މިއަދު ވިދާޅުވެއްޖެ އެވެ.

ބައްސާމް މިހެން ވިދާޅުވީ އޮންލައިންކޮށް މިއަދު ކުރިއަށްދިޔަ އެފްއޭއެމްގެ އަހަރީ އާންމު ޖަލްސާގައި ކްލަބްތަކާ މުހާތަބުކޮށް ވާހަކަ ދައްކަވަމުންނެވެ.

"އަޅުގަނޑުމެން އެކްސްކޯ އިން މިއޮތީ ލީގުގެ ދެ ބުރު ވެސް ކުޅެވިފައިވާތީ މިހާރު މި އޮތް ހިސާބުން ލީގު ނިންމާލަން ނިންމާފައި،" ބައްސާމް ވިދާޅުވި އެވެ.

Advertisement

މިއަދު އެފްއޭއެމުން ވަނީ ލީގު ނިންމާލުމުގެ އިތުރުން މި އަހަރު އެފްއޭ ކަޕާއި ޕްރެޒިޑެންޓްސް ކަޕް ވެސް ނުކުޅެން ނިންމައިފަ އެވެ. މިއާ އެކު މިއީ ރާއްޖޭގެ ފުޓްބޯޅަ ސީޒަން އެފްއޭ ކަޕާއި ޕްރެޒިޑެންޓްސް ކަޕް ނުބާއްވައި ނިންމާލަން ޖެހިޖެހިގެން ނިންމި ތިން ވަނަ އަހަރެވެ. މިދިޔަ ކޮވިޑާ ހެދި އެފްއޭ ކަޕް ނިންމާލީ ސެމީ ފައިނަލަށް ވެސް ޓީމުތައް ހޮވިފައިވަނިކޮށެވެ.

ދެ ވަނަ ބުރުން ލީގު ނިންމާލުމާ އެކު މާޒިޔާ އިން ލީގު ދިފާއުކުރީ އެވެ. އެ ޓީމު އެއް ވަނައިގައި އޮތީ ނުވަ ޕޮއިންޓުގެ ލީޑަކާ އެކު އެވެ. މާޒިޔާ އަށް 14 މެޗުން 34 ޕޮއިންޓް ލިބިފައިވާއިރު، ދެ ވަނައިގައި އޮތް ވެލެންސިއާ އަށް 14 މެޗުން ލިބިފައިވަނީ 25 ޕޮއިންޓެވެ. އެފްއޭއެމުން ވަނީ މިއަދު އެފްއޭ ކަޕާއި ޕްރެޒިޑެންޓްސް ކަޕް ކެންސަލްކޮށްފަ އެވެ. އެހެންވުމުން އޭއެފްސީ ކަޕް ޖާގަ ލިބުނީ މާޒިޔާ އާއި ވެލެންސިއާ އަށެވެ.

ލީގުގެ ތިން ވަނައިގައި އޮތީ 14 މެޗުން 19 ޕޮއިންޓާ އެކު ކްލަބް ގްރީން ސްޓްރީޓްސް އެވެ. ހަތަރެއްގައި އީގަލްސް އޮތީ 14 މެޗުން 17 ޕޮއިންޓާ އެކު އެވެ. ލީގުގެ ފަސް ވަނައިގައި އޮތީ 14 މެޗުން 16 ޕޮއިންޓާ އެކު ދަ ގްރާންޑޭ ސްޕޯޓްސް ކްލަބް އެވެ. ހަ ވަނައިގައި އޮތީ 14 މެޗުން 15 ޕޮއިންޓާ އެކު ސުޕަ ޔުނައިޓެޑް ސްޕޯޓްސް (ސަސް) އެވެ. ހަތް ވަނައިގައި އޮތް ޓީސީ ސްޕޯޓްސް ކްލަބަށް 14 މެޗުން 13 ޕޮއިންޓް ލިބިފައިވާއިރު، ދެ ވަނަ ބުރު ތިން މޮޅާ އެކު ނިންމާލި ޔުނައިޓެޑް ވިކްޓްރީ (ޔޫވީ) އެންމެ ފުލުގައި އޮތީ 14 މެޗުން 12 ޕޮއިންޓް ހޯދައިގެންނެވެ.

ދެން ލީގު ނުފަށާނެ ކަމަށް ބަލައި ހަރަދުކުޑަކުރުމުގެ ގޮތުން ޔުނައިޓެޑް ވިކްޓްރީ (ޔޫވީ) އިން ވަނީ އެ ޓީމުގެ ބިދޭސީ ހަތަރު ކުޅުންތެރިން ފޮނުވާލައިފަ އެވެ.

ބައްސާމް ވިދާޅުވީ މި ފަހަރުގެ ތިން ވަނަ ޑިވިޝަން ފުޓްބޯޅަ މުބާރާތް މިހާރު ވަރަށް ގިނަ މެޗު ކުޅެފައިވާއިރު، ވިސްނުމަކީ ކޮވިޑްގެ ހާލަތު ރަނގަޅުވެ ފުރުސަތު ލިބުނުހާ އަވަހަކަށް ތިން ވަނަ ޑިވިޝަން ފުރިހަަމަ ކުރުމަށް ކަމަށެވެ. އެއީ ދެ ވަަނަ ޑިވިޝަން ކުޅެވެން އޮތީ ތިން ވަނަ ޑިވިޝަނުން ޓީމުތަކެއް ޕްރޮމޯޓްވެގެން ކަމަށްވާތީ އެވެ. އެފްއޭއެމްގެ ވިސްނުމަކީ ދެ ވަނަ ޑިވިޝަން ވެސް ހާލަތު ތަން ދޭނަމަ ކުޅުމެވެ. ނޫންނަމަ އަންނަ ސީޒަނުގެ ތެރެއިން ގޮތްތަކެއް ހޯދުމެވެ.

އެފްއޭއެމުން މިއަދު ވަނީ މި އަހަރަށް 98.2 މިލިއަން ރުފިޔާގެ ބަޖެޓެއް ފާސްކޮށްފަ އެވެ. އެއީ ކޮންގްރެސްގައި ބައިވެރިވި 22 ކްލަބްގެ ތެރެއިން 21 ކްލަބްގެ ތާއީދާ އެކު އެވެ. ބަޖެޓުގައިވާ ގޮތުން އެންމެ ބޮޑު ހޭދައެއް ކުރާނީ ޑިވެލޮޕްމަންޓާއި އެޑިއުކޭޝަނަށެވެ. އެ ދާއިރާ އަށް 45.5 މިލިއަން ރުފިޔާ ހަރަދުކުރަން ވަނީ ނިންމައިފަ އެވެ. ދެން އެންމެ ބޮޑު ހަރަދެއް ކުރާނީ 29.8 މިލިއަން ރުފިޔާ ހޭދަވާ ކޮމްޕެޓިޝަން އާއި އިވެންޓްސް އަށެވެ. އެޑްމިނިސްޓްރޭޝަނަށް 21.4 މިލިއަން ރުފިޔާ ހަރަދުކުރާއިރު، ދަރަނިތައް އަދާކުރަން 1.5 މިލިއަން ރުފިޔާ ހަރަދުކުރަން ވަނީ ނިންމައިފަ އެވެ.

އެފްއޭއެމުން ވަނީ މި އަހަރު އޮންނަ އެއްވެސް އުމުރުފުރާ މުބާރާތެއްގައި ޖޫނިއާ ގައުމީ ޓީމުތައް ބައިވެރި ނުކުރަން ނިންމައިފަ އެވެ. އެއީ އެންމެ ރަނގަޅަށް ޕްރެކްޓިސް ކުރެވޭނެ މާހައުލެއް ނެތި ހަމައެކަނި ޝަރަފަކަށް ގައުމީ ޓީމު މުބާރާތްތަކުގައި ބައިވެރިވެލުމުގެ ވިސްނުމެއް މިހާރު އެފްއޭއެމްގެ މެނޭޖްމަންޓުން ނުގެންގުޅޭ ކަމަށް ބައްސާމް ވިދާޅުވި އެވެ.

މި މަހު ފަށަން އެފްއޭއެމުން ނިންމި ހުޅުމާލޭ ހައި ޕާފޯމަންސް ސެންޓަރާއި ރާއްޖޭގެ އެކި ސަރަހައްދުތަކުގައި ހަދާ 18 އެކެޑަމީގެ މަސައްކަތް މިހާރު އޮތްގޮތުން ފެށޭތޯ ބަލަނީ އަންނަ އޮގަސްޓް މަހުގަ އެވެ.

މިއަދުގެ ކޮންގްރެސްގައި އެފްއޭއެމުން ވަނީ ދިވެހި ސިފައިންގެ ކްލަބް (ޑީއެސްސީ) އަށް ފުރިހަމަ މެމްބާޝިޕް ދޭން ކްލަބްތަކުގެ ވޯޓަކަށް އަހައިފަ އެވެ. ޑީއެސްސީ އަށް އެފްއޭއެމްގެ މެމްބަރުކަން ދޭން ތާއީދުކުރީ 19 ކްލަބަކުންނެވެ. އެކަމާ ދެކޮޅަށް ދެ ކްލަބަކުން ވޯޓު ދިނެވެ.

އެފްއޭއެމްގެ މެމްބަރު ކްލަބްތަކުގެ ތާއީދާ އެކު ސަސްޕެންޑް ކޮށްފައިވާ ރާއްޖޭގެ އެންމެ މަޝްހޫރު ދެ ކްލަބް، ވިކްޓްރީ އާއި ނިއު ރޭޑިއަންޓްގެ ސަސްޕެންޝަން ދަމަހައްޓަން ފެނޭތޯ މިއަދުގެ ކޮންގްރެސްގައި ވަނީ ވޯޓަށް އަހައިފަ އެވެ. ނިއު އާއި ވިކްޓްރީ ސަސްޕެންޑް ކޮށްފައި އޮތީ ކުޅުންތެރިންނަށް ދޭން ޖެހޭ މުސާރަ ދީފައިނުވާތީ އެވެ. އަދިވެސް އެ ދެ ކްލަބުން އެކަން ކޮށްފައިނުވާއިރު، މިއަދުގެ ކޮންގްރެސްގައި ބައިވެރިވި ކްލަބްތަކުން ވަނީ ނިއު އާއި ވިކްޓްރީގެ ސަސްޕެންޝަން ދަަމަހައްޓަން ތާއީދު އޮތް ކަމަށް ކަނޑައަޅައިފަ އެވެ.

ކޮމެންޓް

ފަހުގެ ޚަބަރު

ސިޓީ އާއި އާސެނަލަށް މޮޅެއް ނުލިބުނު، ޗެލްސީ ބަލިވެއްޖެ

އިނގިރޭސި ޕްރިމިއާ ލީގުގައި ރޭ ކުޅުނު މެޗުތަކުން މެންޗެސްޓާ ސިޓީ އާއި އާސެނަލް އެއްވަރުވިއިރު، ޗެލްސީ ވަނީ ލީޑްސް ޔުނައިޓެޑް އަތުން 4-1 އިން ބަލިވެފައި. ސިޓީ އާއި ފުލަމް ބައްދަލުކުރި މެޗު 1-1 އިން އެއްވަރުވިއިރު، އާސެނަލް އާއި ނިއުކާސަލް ބައްދަލުކުރި މެޗު ނިމުނީ 2-2 އިން އެއްވަރުވެގެން.

އޮޑިން ކޮންމެ މެޗެއްގައި ވެސް ޓީމު ވަރުގަދަކޮށްގެން ނަތީޖާ ނެރެން

ދިވެހި ޕްރިމިއާ ލީގުގައި އޮޑި ސްޕޯޓްސް ކްލަބުން ކޮންމެ މެޗަކަށް ވެސް ނުކުންނަނީ ޓީމު ވަރުގަދަކޮށް ރަނގަޅު ނަތީޖާއެއް ނެރުމުގެ އަމާޒުގައި ކަމަށް އެ ޓީމުގެ ކޯޗު ލޫޗޯ ބުނެފި. ލީގުގެ ބްރޭކުގެ ތެރޭގައި ޓީމުގެ ފިޓްނަސް އާއި ކުޅުން ރަނގަޅުކުރަން ގިނަ މަސައްކަތްތަކެއް ކޮށްފައިވާއިރު، މާދަމާ ޓީސީއާ ދެކޮޅަށް ނުކުންނާނީ މެޗުގެ ކޮންޓްރޯލް ހޯދައިގެން މޮޅުވާން

ނިއު ރޭޑިއަންޓް ބަލިކުރުން މުޅި ވިކްޓަރީ އަށް އިތުބާރަކަށްވާނެ

ދިވެހި ޕްރިމިއާ ލީގުގައި ނިއު ރޭޑިއަންޓާ ދެކޮޅަށް ކުޅޭ މެޗުން މޮޅުވުމަކީ ވިކްޓަރީގެ އިތުބާރު ބޮޑުވެ، ސަޕޯޓަރުންގެ ޝައުގުވެރިކަން އިތުރުވާނެ ކަމެއް ކަމަށް އެ ޓީމުގެ ކޯޗު މޯހަން ބުނެފި ލީގުގައި މިހާތަނަށް ބަލިނުވެ އޮތް މި ދެ ޓީމުގެ ކުރިމަތިލުމަށް ވިކްޓަރީ އޮތީ ވަރަށް ރަނގަޅަށް ތައްޔާރުވެފައި ކަމަށްވެސް އޭނާ ފާހަގަކުރި

މުޑްރިކް އާއި ޔޫކްރެއިން އެފްއޭގެ ކޯޅުމެއް

މަނާބޭހުގެ މައްސަލައެއްގައި 21 މަސް ދުވަހުގެ ސަސްޕެންޝަނެއް ފުރިހަމަކުރުމަށްފަހު، ޔޫކްރެއިންގެ މިހައިލޯ މުޑްރިކް އެ ގައުމުގެ ފުޓްބޯޅަ އެސޯސިއޭޝަނުން އިހުމާލުވި ކަމަށް ބުނެ ކުރި ތުހުމަތުތަކާ ގުޅިގެން މައްސަލަ ހޫނުވެއްޖެއެވެ. މުޑްރިކްގެ މި ވާހަކަތަކަށް ރައްދު ދެއްވަމުން ޔޫކްރެއިން އެފްއޭގެ ރައީސް އަންޑްރީ ޝެވްޗެންކޯ ވިދާޅުވީ މުޑްރިކް ހަދަނީ ދޮގު ކަމަށާއި، މިއީ އެސޯސިއޭޝަނުގެ އަގުވައްޓާލަން ކުރާ ކަމެއް ކަމަށެވެ.

ޓޮމް ބްރެޑީ ޗެލްސީގެ ހިއްސާއެއް ގަންނަނީ

އެމެރިކަން ފުޓްބޯޅަ ލެޖެންޑް ޓޮމް ބްރެޑީ، ކްލިއަލޭކް ކެޕިޓަލް މެދުވެރިކޮށް އިނގިރޭސި ކްލަބް ޗެލްސީގެ މައިނޯރިޓީ ހިއްސާއެއް ގަތުމަށް ދަނީ މަސައްކަތް ކުރަމުންނެވެ. މި އިންވެސްޓްމަންޓާއެކު އޭނާއަށް ވޯޓުލުމުގެ ހައްގު ނުލިބުނު ނަމަވެސް، ކުރިއަށް އޮތް ތަނުގައި ކްލަބުގެ ބޯޑުން ފުރުސަތު ލިބުމުގެ ފުރުސަތު އެބައޮތެވެ. ބްރެޑީ މި ފިޔަވަޅު އަޅަނީ ބާމިންހަމް ސިޓީގައި އޮތް އޭނާގެ ހިއްސާ ދޫކޮށްލުމަށްފަހުއެވެ.

ބަޔާން އެއްވަރުވި މެޗުގައި ކޭން އަށް ސީރިއަސް އަނިޔާއެއް

ޖަރުމަނު ލީގުގައި ކޮލޯންއާ ދެކޮޅަށް ކުޅުނު މެޗުގައި ބަޔާން މިއުނިކްގެ ފޯވާޑް ހެރީ ކޭންގެ ކުޑަހުޅަށް ލިބުނު ސީރިއަސް އަނިޔާއަކާ ގުޅިގެން، ތިން މަސް ދުވަހަށް އޭނާ ކުޅުމާ ދުރުގައި ހުންނަން ޖެހިއްޖެ. ބަޔާން މި މެޗުން 1-1 އިން އެއްވަރުވިއިރު، މި ނަތީޖާއާއެކު ލީގުގެ އެއްވަނަ މަގާމު ގެއްލުމުގެ ބިރު އެ ޓީމަށް ވަނީ ކުރިމަތިވެފައި

ސްޕެއިން ކައިރިން ބަދަލުހިފަން ޒިދާން ބޭނުމެއް ނޫން

ނޭޝަންސް ލީގުގެ ކުއާޓާ ފައިނަލުގައި ސްޕެއިނާ ދެކޮޅަށް ނުކުންނައިރު، ފްރާންސްގެ އަމާޒަކީ ވޯލްޑް ކަޕްގެ ބަލިވުމުގެ ބަދަލުހިފުމުގެ ބަދަލުގައި މުބާރާތުގެ ތަށި ހޯދުން ކަމަށް ކޯޗު ޒިދާން ބުނެފި. ޒިދާން ފާހަގަކުރި ގޮތުގައި މިއީ އާ މުބާރާތެއް ކަމަށާއި، އަންނަ މާޗް މަހު އޮންނަ މި މެޗުތަކަށް ޓީމު އޮތީ ވަރުގަދަ އަމާޒެއްގައި

Newsletter

Get the latest news delivered straight to your inbox