ޓޫރިޒަމް އަޑިއެޅިޔަސް އެއް މިލިއަން ހުރަސްކުރާނެ ކަމަށް އަންދާޒާކޮށްފި

ރާއްޖެއަށް ޒިޔާރަތްކުރި ފަތުރުވެރިންތަކެއް މާލޭގައި: މިވަގުތު ޓޫރިސްޓުން އަންނަ މިންވަރު ދަށްވި ނަމަވެސް، އަހަރު ނިމުމުގެ ކުރިން ޓޫރިޒަމް ރަނގަޅުވާނެކަމަށް ވަނީ ލަފާކޮށްފަ. -ފޮޓޯ: ހުސެއިން ވަހީދު/ އަދަދު

ރާއްޖެއަށް ޒިޔާރަތްކުރި ފަތުރުވެރިންތަކެއް މާލޭގައި: މިވަގުތު ޓޫރިސްޓުން އަންނަ މިންވަރު ދަށްވި ނަމަވެސް، އަހަރު ނިމުމުގެ ކުރިން ޓޫރިޒަމް ރަނގަޅުވާނެކަމަށް ވަނީ ލަފާކޮށްފަ. -ފޮޓޯ: ހުސެއިން ވަހީދު/ އަދަދު

ކޮވިޑް-19 ފެތުރުން ކޮންޓްރޯލުން ނެއްޓިގެން އަނެއްކާ ވެސް ހަރުކަށި ކުރަން ޖެހިފައިވާ ފިޔަވަޅުތަކުގެ ސަބަބުން ޓޫރިޒަމް އަޑިއަޅާފައިވީ ނަމަވެސް، މިއަހަރު އަންނާނެކަމަށް އަންދާޒާކުރި އެއް މިލިއަނަށް ވުރެ ގިނަ ފަތުރުވެރިން އަހަރުގެ ނިޔަލަށް ރާއްޖެއަށް ޒިޔާރަތް ކުރާނެ ކަމަށް ފިނޭންސް މިނިސްޓަރު އިބްރާހިމް އަމީރު މިއަދު ލަފާކުރައްވައިފި އެވެ.

މިއަދު ހަވީރު ފިނޭންސް މިނިސްޓްރީގެ ފަރާތުން ބޭއްވި ނޫސްވެރިންގެ ބައްދަލުވުމުގައި ވަނީ ރާއްޖޭގެ އިގުތިސޯދީ އަދި މާލީ ހާލަތާ ގުޅޭގޮތުން ތަފްސީލީ މައުލޫމާތުތަކެއް ހިއްސާކޮށްފަ އެވެ.

އެ މައުލޫމާތުތަކާ ހަވާލާ ދެއްވައި އަމީރު ވިދާޅުވީ ކޮވިޑާ ގުޅިގެން ރާއްޖޭގެ ބޯޑަރުތައް އަލުން ބަންދުކުރުމަށްފަހު މިދިޔަ އަހަރުގެ ޖުލައި މަހު އަލުން ހުޅުވާލި ފަހުން ފަތުރުވެރިކަން ރަނގަޅުވާން ފަށާފައިވަނީ ވެކްސިންގެ ހަބަރާއެކު މިދިޔަ ނޮވެމްބަރު މަހުން ފެށިގެން ޓޫރިޒަމް ވަރަށް ބޮޑަށް ރަނގަޅުވި ކަމަށެވެ.

Advertisement

އެގޮތުން، މިދިޔަ ޑިސެންބަރުން ފެށިގެން ފަތުރުވެރިން ޒިޔާރަތްކުރާ އަދަދު މައްޗަށް ގޮސް މިދިޔަ އަހަރު ނިމުނީ ކަނޑައެޅި ޓާގެޓަށްވުރެ ގިނައިން ފަތުރުވެރިން ޒިޔާރަތް ކޮށްގެން ކަމަށެވެ.

އަދި މިއަހަރުގެ ފުރަތަމަ ހަތަރު މަހު ވެސް ޓޫރިސްޓުން އައި މިންވަރު އިތުރުވިއިރު، ކަރަންޓީނުވުން ފަދަ ފިޔަވަޅުތަކުގެ ސަބަބުން ރާއްޖޭގައި އެވަރެޖުކޮށް ހޭދަކުރާ ދުވަހުގެ އަދަދު ވެސް އިތުރުވެގެން ދިޔަކަން މިނިސްޓަރު ފާހަގަކުރެއްވި އެވެ.

އެގޮތުން، 2019 ވަނަ އަހަރު އެވަރެޖު ބެޑްނައިޓްސް ނޫނީ ހޭދަ ކުރާ ދުވަހުގެ އަދަދު 6.3 އިން މިއަހަރު 8.5 އަށް އެރި ކަމަށެވެ.

"އެކަމަކު ރާއްޖޭގެ ކޮވިޑް-19ގެ މިހާރުގެ ހާލަތާއެކު، ފަތުރުވެރިކަމަށް އޭގެ އަސަރުވަނީ ކުރަން ފަށާފައި،" އަމީރު ވިދާޅުވި އެވެ.

މިނިސްޓަރު ވިދާޅުވި ފަދައިން ރާއްޖެއަށް އެންމެ ގިނައިން ޓޫރިސްޓުން އަންނަމުން ދިޔަ އަވައްޓެރި އިންޑިއާާއާއެކު ދެކުނު އޭޝިއާގެ ގައުމުތަކުގައި ކޮވިޑުގެ ހާލަތު އިންތިހާއަށް ގޯސްވެ އެ ގައުމުތަކުން ފަތުރުވެރިން އައުން މަނާކުރުމާއެކު ދުވާލަކު އަންނަ ޓޫރިސްޓުންގެ އަދަދު ވެސް ދަނީ ދުވަހެއް ދުވަހަކުން ދަށްވަމުންނެވެ.

އެގޮތުން މިއަހަރު ފެށުނު ފަހުން އެވެރެޖުކޮށް 70،000 އަށް މަތީގައި ހުރި އަދަދު މި މަހުގެ ތެރޭގައި ވަނީ 48،000 އަށް ވެއްޓިފަ އެވެ.

ފފފ
ފފފ

މިއަދު ބޭއްވި ނޫސްވެރިންގެ ބައްދަލުވުމުގައި ފިނޭންސް މިނިސްޓަރު އަމީރު މައުލޫމާތު ދެއްވަނީ. -ފޮޓޯ: އެޗްއީއޯސީ

މި މަހުގެ 21 ވަނަ ދުވަހު އެންމެ ފަހުން އާއްމުކުރި ތަފާސް ހިސާބުތަކަށް ބަލާއިރު، އެ ދުވަހާ ހަމައަށް ރާއްޖެއަށް ޒިޔާރަތްކޮށްފައިވަނީ 437,995 ފަތުރުވެރިންނެވެ.

މިނިސްޓަރު ވިދާޅުވި ގޮތުގައި މިއަހަރު ފުރަތަމަ އަންނާނެ ކަމަށް އަންދާޒާކުރީ 600،000 ފަތުރުވެރިން ކަމަށާއި، ނަމަވެސް އެ އަދަދުތައް މުރާޖައާ ކުރަމުން އައިސް އެ އަދަދު މި އަހަރު އެއް މިލިއަނަށް އަރާނެ ކަމަށް ލަފާކުރި ކަމަށެވެ.

މިވަގުތު ޓޫރިސްޓުން އަންނަ މިންވަރު ދަށްވެފައި އޮތް ނަމަވެސް މިއަހަރު ނިމޭއިރު އެއް މިލިއަނާއި 1.5 މިލިއަނާ ދެމެދުގެ އަދަދަކަށް ފަތުރުވެރިން ޒިޔާރަތްކުރާނެ ކަމަށް ލަފާކުރެވޭކަމަށް މިނިސްޓަރު ވިދާޅުވި އެވެ.

"ކޮވިޑުގެ ކުރިން ރާއްޖޭގެ ޓޫރިޒަމް އޮތް މިންވަރަށް ރުޖޫއަވާން ފަށާނެ ކަމަށް މިހާރު ލަފާކުރަނީ އަންނަ އަހަރުގެ ކުރީކޮޅުގައި" އަމީރު ވިދާޅުވި އެވެ.

މިނިސްޓަރު ވިދާޅުވީ މިއަހަރުގެ ބަޖެޓް ތައްޔާރުކުރި އިރު ފަތުރުވެރިން ޒިޔާރަތްކުރާނެ ކަމަށް އޭރު ލަފާކުރެވުނު އަދަދަށް ބިނާކޮށް ޖީޑީޕީ އިތުރުވާނެކަމަށް ބެލެވުނީ 13.5 ޕަސަންޓުން ކަމަށެވެ.

ނަމަވެސް، ޓޫރިޒަމަށް މިއަހަރު ލިބެމުންދާ ކުރިއެރުމުގެ ސަބަބުން އިގްތިސާދީ ދުވެލި 13.5 ޕަސަންޓާއި 34.1 ޕަސަންޓާ ދެމެދުގައި ކުރިއަރާނެ ކަމަށް ލަފާކުރެވޭ ކަމަށެވެ.

"މިހާރު އެންމެ ބޮޑަށް ލަފާކުރެވެނީ އިގުތިސާދީ ކުރިއަރާނީ ގާތްގަނޑަކަށް 22.7 ޕަސަންޓުގައި ކަމަށް،" އޭނާ ވިދާާޅުވި އެވެ.

ކޮވިޑުގެ ސަބަބުން ރާއްޖޭގެ އިގުތިސޯދަށް ކުރިމަތިވެފައިވާ ހީނަރުކަމުން ކުރިއަށް އޮތް ދެ އަހަރުގެ ތެރޭގައި އެއްކޮށް އަރައިގަނަވޭނެކަމަށް ބެލެވޭކަމަށް ވެސް މިނިސްޓަރު ވިދާޅުވި އެެވެ.

ކޮމެންޓް

ފަހުގެ ޚަބަރު

ސިމްޑީގެ ވިޔަފާރި ހާދާލަށް ފުޅާކުރަނީ

ސިމްޑީ ގްރޫޕްގެ ވިޔަފާރި ހދ. އަތޮޅުގައި ފުޅާކުރުމަށްޓަކައި ކުޅުދުއްފުށީގެ "މިތުރު" ކުންފުންޏާއެކު ސަބް-ޑިސްޓްރިބިއުޝަން އެއްބަސްވުމެއްގައި މިއަދު ވަނީ ސޮއިކޮށްފައެވެ. މި ޕާޓްނަޝިޕްގެ ސަބަބުން ސިމްޑީން އެތެރެކުރާ ބައިނަލްއަގުވާމީ މަގުބޫލު ބްރޭންޑްތަކުގެ މުދާ އެ އަތޮޅުގެ ރީޓެއިލް ފިހާރަތަކަށާއި އާންމުންނަށް ފަސޭހަކަމާއެކު ލިބޭނެ އިންތިޒާމު ހަމަޖެހިގެންދާނެއެވެ.

ވިލާ ކޮލެޖާއި މާރޕް ގުޅިގެން މެންޓަރޝިޕް ޕްރޮގްރާމެއް

ވިލާ ކޮލެޖާއި މާރޕް ގުޅިގެން ވަޒީފާ އަދާކުރާ ފަރާތްތަކަށް ޚާއްޞަ މެންޓަރޝިޕް ޕްރޮގްރާމެއް ފަށާފައިވަނީ ދިވެހި ލީޑަރުން ބިނާކޮށް ސީނިއަރ މެނޭޖްމަންޓް މަޤާމުތަކަށް މީހުން ތައްޔާރުކުރުމަށެވެ. މި ޕްރޮގްރާމުގެ ދަށުން ތަޖުރިބާކާރުންގެ އެހީތެރިކަމާއެކު ގްރެޖުއޭޓުންނަށް ޢަމަލީ ހުނަރުތައް ދަސްކޮށްދީ، މަތީ ތަޢުލީމާއި އިންޑަސްޓްރީއާ ދެމެދު އޮތް ގުޅުން ވަރުގަދަކުރުމަށް ވަނީ އަމާޒު ހިފާފައެވެ.

ޓްރީ ޓޮޕް ހިތާނީ ކޭމްޕުގެ ރަޖިސްޓްރޭޝަން ހުޅުވާލައިފި

ޓްރީ ޓޮޕް ހޮސްޕިޓަލުގެ މިއަހަރުގެ ފުރަތަމަ ހިތާނީ ކޭމްޕުގައި ބައިވެރިވުމަށް ރަޖިސްޓަރީވުމުގެ ފުރުސަތު ޑިސެމްބަރު 17 ގެ ނިޔަލަށް ވަނީ ހުޅުވާލާފައެވެ. ތަޖުރިބާކާރު ޑޮކްޓަރުންގެ ޓީމަކުން ކުރިއަށްގެންދާ މި ކޭމްޕުގެ ހިތާނުކުރުމުގެ އޮޕަރޭޝަންތައް ކުރިއަށްދާނީ ޑިސެމްބަރު 12 އިން ޖެނުއަރީ 11 ގެ ނިޔަލަށެވެ. މި ޕެކޭޖުގެ ދަށުން ކޮންސަލްޓޭޝަނާއި، ލެބޯޓަރީ ޓެސްޓުތަކުގެ އިތުރުން އޮޕަރޭޝަނަށްފަހު ބޭނުންވާ ފަރުވާގެ ހިދުމަތްތައް ލިބިގެންދާނެއެވެ.

ޓޯޓަލް ފިޒިއޯއިން އެލައިޑްގެ ހިދުމަތް ގަބޫލުކުރަން ފަށައިފި

ފިޒިއޮތެރަޕީގެ ޚިދުމަތްދޭ "ޓޯޓަލް ފިޒިއޯ" ކްލިނިކުން ބަލިމީހުންނަށް ލުއިފަސޭހަކޮށްދިނުމުގެ ގޮތުން އެލައިޑް އިންޝުއަރެންސް ގަބޫލުކުރަން ފަށައިފިއެވެ. ޒަމާނީ ވަސީލަތްތަކާއެކު ފަރުވާދޭ މި ކްލިނިކުން މިހާރުވެސް ޕޮލިސް، އެމްއެންޑީއެފް އަދި ސޮލަރެލް އިންޝުއަރެންސްގެ ޚިދުމަތް ލިބޭއިރު، އިތުރު އިންޝުއަރެންސްތައް މެދުވެރިކޮށް ޚިދުމަތް ލިބޭނެ އިންތިޒާމު ހަމަޖެއްސުމަށް ދަނީ މަސައްކަތް ކުރަމުންނެވެ.

ލަކްސް ގްލޯގެ ދެވަނަ ފިހާރަ މަޖީދީމަގުގައި ހުޅުވައިފި

މަޝްހޫރު ކޮސްމެޓިކްސް ބްރޭންޑް "ލަކްސް ގްލޯ" ގެ ދެވަނަ ފިހާރަ މާލޭގެ މަޖީދީމަގުގައި ހުޅުވައިފިއެވެ. މި ފިހާރައިން ބައިނަލްއަގުވާމީ ބްރޭންޑްތަކުގެ ސްކިންކެއާ އަދި މޭކަޕް ސާމާނު ޓެސްޓުކޮށްލުމާއި، ފަންނީ ލަފާ ހޯދައިގެން ވަގުތުން ގަނެވޭނެ އިންތިޒާމު ވަނީ ހަމަޖެހިފައެވެ. ފިހާރަތަކުގެ އިތުރުން އެ ބްރޭންޑުގެ ވެބްސައިޓް މެދުވެރިކޮށް އޮންލައިންކޮށް އޯޑަރުކުރުމުގެ ފުރުސަތުވެސް ކަސްޓަމަރުންނަށް ވަނީ ހުޅުވާލެވިފައެވެ.

ކްލީވިއާ ރެސިޑެންސް: ޒަމާނީ ބޯހިޔާވަހިކަން އާ މަޝްރޫއެއް

ޕޭން ރިއަލް އެސްޓޭޓުން އަލަށް ތައާރަފްކުރި "ކްލީވިއާ ރެސިޑެންސް" މަޝްރޫއަކީ މެދުފަންތީގެ އާމްދަނީ ލިބޭ ފަރާތްތަކަށް އަމާޒުކޮށްގެން ހިންގާ އަތްފޯރާ އަގުތަކެއްގެ ބޯހިޔާވަހިކަމުގެ މަޝްރޫއެކެވެ. މި މަޝްރޫއުގެ ދަށުން ޒަމާނީ ފެންވަރުގެ އެއް ކޮޓަރި އަދި ދެ ކޮޓަރީގެ އެޕާޓްމަންޓްތައް ލިބޭއިރު، ފައިސާ ދެއްކުމުގައި ލުއި ގޮތްތަކެއް ވަނީ ހަމަޖައްސާފައެވެ.

ދިރާގު ރޯޑް ރޭސްގެ ބިބް އެކްސްޕޯ ބުދަ ދުވަހާ ހަމައަށް

ދިރާގު މޯލްޑިވްސް ރޯޑް ރޭސް 2026 ގެ ބިބް އެކްސްޕޯ ބީޖީ ޓާފް ދަނޑުގައި ކުރިއަށްދާއިރު، ބިބް އާއި ރޭސް ކިޓް ދޫކުރުމުގެ މުއްދަތު މި މަހުގެ 18 ވާ ބުދަ ދުވަހުގެ ނިޔަލަށް ވަނީ އިތުރުކޮށްފައެވެ. ފަސް ހާހަށްވުރެ ގިނަ ދުވުންތެރިން ބައިވެރިވާ މި ދުވުން އޮންނާނީ ކުރިއަށް އޮތް ހުކުރު ދުވަހު ހުޅުމާލޭ ސެންޓްރަލް ޕާކުގައެވެ.

Newsletter

Get the latest news delivered straight to your inbox