ޒިދާން ވަކިވެއްޖެނަމަ ރެއާލް ކޯޗަކަށް ގެންދަންވީ ރައުލް: މޮރިއެންޓޭސް

May 20, 2021, 5:46 AM
ރެއާލް ބީ ޓީމުގެ މެޗެއްގެ ތެރެއިން ރައުލް.

ރެއާލް ބީ ޓީމުގެ މެޗެއްގެ ތެރެއިން ރައުލް.

މެޑްރިޑް (މެއި 20) - ރެއާލް މެޑްރިޑްގެ ކޯޗުކަމުން މި ސީޒަނަށް ފަހު ޒިނެދިން ޒިދާން ވަކިވެއްޖެނަމަ އެ މަގާމަށް ގެންދަންވީ ރެއާލް ބީ ޓީމާ މި ވަގުތު ހަވާލުވެހުރި ކުރީގެ އެއް ވަަަނަ ފޯވާޑް ރައުލް ގޮންޒާލޭޒް ކަމަށް އޭނާއާ އެކު ކުރިން ކްލަބާއި ގައުމީ ޓީމަށް ކުޅުނު ފޯވާޑް ފެނާންޑޯ މޮރިއެންޓޭސް ބުނެފި އެވެ.

މި ސީޒަނަށް ފަހު ޒިދާން ރެއާލް ދޫކޮށްލާން ނިންމާފައިވާކަން އޭނާ އެ ޓީމުގެ ކުޅުންތެރިން ގާތުގައި ބުނެފައިވާ ކަމަށް ގޯލް.ކޮމް އިން ވަނީ ރިޕޯޓްކޮށްފަ އެވެ. އެކަމަކު ޒިދާން ވަނީ އެ ވާހަކަތައް ދޮގުކޮށްފަ އެވެ.

ސްޕެއިނުގެ މީޑިއާ ރިޕޯޓްތައް ބުނާގޮތުން ޒިދާން އެ ވާހަކަތައް ދޮގުކުރީ މި ވަގުތު ރެއާލުން ސްޕެނިޝް ލީގަށް ވާދަކުރަމުންދާއިރު، އެންމެ ފަހު މެޗުގެ ކުރިން ޓީމުގެ ފޯމު ގެއްލެން ބޭނުންނުވާތީ އެވެ.

ޒިދާން މީގެ ކުރިން ވަނީ 2018 ވަނަ އަހަރު ރެއާލް ދޫކޮށްލައިފަ އެވެ. އެއީ ޖެހިޖެހިގެން ތިން ޗެމްޕިއަންސް ލީގު ކާމިޔާބު ކުރިތާ ދުވަސްކޮޅެއް ފަހުންނެވެ. ރެއާލްގެ ބައެއް ބޯޑު މެމްބަރުންނާ ހަވާލާދީ ސްޕެއިނުގެ ބައެއް ނޫސްތަކުން ރިޕޯޓްކުރާގޮތުގައި ޒިދާން މި ފަހަރު އެ ޓީމު ދޫކޮށްލުމުގެ ފުރުސަތު ބޮޑެވެ.

ރޭޑިއޯ ކޯޕަށް ދިން އިންޓަވިއުއެއްގައި މޮރިއެންޓޭސް ބުނީ މި ވަގުތަށް ބެލިޔަސް ރެއާލަށް ކޯޗުކޮށްދެވޭނެ ކްލަބް ދަންނަ މީހަކަަށް ހުރީ ރެއާލް ބީ ޓީމުގައި ހުރި ރައުލް ކަމަށެވެ.

"އަހަންނަށް ވަރަށް ޔަގީންކަން އެބައޮތް ރައުލް އަށް އެކަން ކުރެވިދާނެ. ޒިދާން ކަހަލަ ކްލަބް ދަންނަ ކޯޗަކާ ޓީމު ހަވާލުކުރަން ބަލާނަމަ އެންމެ ރަނގަޅު ޗޮއިސް އަކީ ރައުލް. ފަހަރެއްގައި ބުނެފާނެ ސޮލާރީ ވެސް ބީ ޓީމުން އައިސް ރެއާލަށް ކޯޗުކަން ނުކޮށްދެވުނޭ. އެކަމަކު ރައުލް މުޅިން ތަފާތު. ރައުލްގެ މަސައްކަތް ވަރަށް ރަނގަޅު،" މޮރިއެންޓޭސް ބުންޏެވެ.

އުމުރުން 43 އަހަރުގެ ރައުލް ރެއާލަށް ކުޅެދިން 741 މެޗުން ވަނީ 324 ގޯލު ޖަހައިފަ އެވެ. އޭނާ އަކީ ކްރިސްޓިއާނޯ ރޮނާލްޑޯ އަށް ފަހު ރެއާލަށް އެންމެ ގިނަ ގޯލު ޖަހައިދިން ކުޅުންތެރިޔާ އެވެ.

ރެއާލްގެ އިތުރުން ޝާލްކާ އާއި އަލް ސާދު އަދި ނިއުޔޯކް ކޮސްމޯސަށް ކުޅުމަށް ފަހު 2015 ވަނަ އަހަރު ފުޓްބޯޅަ އިން ރިޓަޔާކުރި ރައުލް ކޯޗިން މަސައްކަތް ފެށީ 2015 ވަަނަ އަހަރު ރެއާލްގެ 15 އަހަރުން ދަށުގެ ޓީމުންނެވެ. ރައުލް ރެއާލްގެ ބީ ޓީމާ ހަވާލުވީ 2019 ވަނަ އަހަރު އެވެ.

ކޮމެންޓް

ފަހުގެ ޚަބަރު

ބްރޭކްތައް އަންނަ ގޮތުން "ލީގުގެ ފީލްއެއް ނީނދޭ": އާތީ

ދިވެހި ޕްރިމިއާ ލީގު މެދުކަނޑާލަން ޖެހުމުން ކުޅުންތެރިންގެ ފިޓްނަސް އާއި ޕާފޯމަންސަށް އަސަރުކޮށް، ލީގުގެ އަސްލު ފޯރި ނުލިބޭ ކަމަށް ޓީސީގެ ކޯޗު އާތީ ބުނެފި. އާތީ ފާހަގަކުރި ގޮތުގައި ގިނަ ދުވަސްތަކެއްގެ ބްރޭކްތަކުގެ ސަބަބުން ޓީމުތަކުގެ ކޮންޓިނިއުޓީ ގެއްލި، މެޗުތަކަށް ތައްޔާރުވުމުގައި ބޮޑެތި ގޮންޖެހުންތަކެއް ކުރިމަތިވޭ

ފީފާގެ އިންތިހާބުގައި އަރަބިންގެ ތާއީދު އިންފަންޓީނޯ އަށް

އަންނަ އަހަރު ބާއްވާ ފީފާގެ އިންތިހާބުގައި މިހާރުގެ ރައީސް ޖިއާނީ އިންފަންޓީނޯއަށް ތާއީދުކުރުމަށް 22 ގައުމު ހިމެނޭ އަރަބް ފުޓްބޯޅަ ޔޫނިއަން (ޔޫއޭއެފްއޭ) އިން ނިންމައިފިއެވެ. އިންފަންޓީނޯއާ އެކު ޖުމްލަ ތިން ކެންޑިޑޭޓުން ވާދަކުރާ މި އިންތިހާބުގައި، އޭޝިއާ އާއި އެފްރިކާގެ ގައުމުތަކުގެ ބޮޑު ތާއީދަކާއެކު އޭނާއަށް މަގާމު ދިފާއުކުރުމުގެ ފުރުސަތު ބޮޑުކަމަށް ބެލެވެއެވެ. ފީފާގެ އާ ރައީސަކު ހޮވުމަށް ވޯޓުލުން އޮންނާނީ އަންނަ އަހަރުގެ މާޗް މަހު މޮރޮކޯގައި ބާއްވާ ފީފާ ކޮންގްރެސްގައެވެ.

އިންޑިއާގެ ލެޖެންޑުން ފުޓްބޯޅަ ރައީސްގެ ޝަކުވާ ސަރުކާރަށް

އިންޑިއާގެ ފުޓްބޯޅަ ފެޑެރޭޝަންގެ ރައީސް ކަލްޔާން ޗޯބޭގެ އިތުބާރު ނެތްކަމުގެ މައްސަލަ، ބައިޗުން ބުޓިއާ ހިމެނޭހެން އެ ގައުމުގެ 14 ލެޖެންޑުން ސްޕޯޓްސް މިނިސްޓަރަށް ހުށަހަޅައިފި. މި ސިޓީގައި ފާހަގަކޮށްފައިވަނީ ފެޑެރޭޝަންގެ މާލީ ހާލަތު ގޯސްވެ ބަނގުރޫޓުވަމުންދާ ކަމަށް

ސުޒޭނާއި މޯހަންގެ ދުލުން: ބަދުނަސީބާއި ހައްލެއްގެ ވާހަކަ!

ސަރަހައްދުގެ އެހެން ގައުމުތަކުން ބޭރުގައި އުޅޭ އެ ގައުމުތަކުގެ ދަރިފަސްކޮޅުގެ ކުޅުންތެރިންނަށް ރަށްވެހިކަން ދީގެން ގައުމީ ޓީމުތައް ވަރުގަދަކުރަމުންދާއިރު، ރާއްޖެއަށް އެ ފުރުސަތު ކުޑަކަމަށް ކުރީގެ ކޯޗުން ފާހަގަކުރެއެވެ. މިކަމުގެ ސަބަބުން ރާއްޖޭގެ ފުޓްބޯޅައަށް ކުރިމަތިވެފައިވާ ގޮންޖެހުންތަކަށް ހައްލެއް ހޯދުމަށް އެކަށީގެންވާ ނިޒާމެއް ނެތްކަމުގެ ކަންބޮޑުވުން ވަނީ ފާޅުކޮށްފައެވެ.

ވޭގާގެ ނަމެއް ނެތް، ފީފާ އިންތިހާބުގައި ތިން ކެންޑިޑޭޓުން!

އަންނަ އަހަރު ބާއްވާ ފީފާގެ އިންތިހާބުގައި ވާދަކުރާ ތިން ކެންޑިޑޭޓުންގެ ނަން އިއުލާނުކުރިއިރު، ކުރީގެ ކުޅުންތެރިޔާ ރަމޮން ވޭގާގެ ނަން ޝަރުތު ހަމަނުވުމުގެ ސަބަބުން ވަނީ ބާކީވެފައި. މި އިންތިހާބުގައި ވާދަކުރައްވަނީ މިހާރުގެ ރައީސް އިންފަންޓީނޯގެ އިތުރުން ފްރާންސްގެ ފިލިޕޭ ޑިއާލޯ އަދި ޖަޕާނުގެ ކޯޒޯ ޓަޝީމާ

އަނިޔާއިން ރަނގަޅުވެ އިލާން އެނބުރި އަންނަން ތައްޔާރު

ކަކުލަށް ލިބުނު އަނިޔާއަކާ ގުޅިގެން ދެ މަހެއްހާ ދުވަހު ކުޅުމާ ދުރުގައި ހުރުމަށްފަހު، މާޒިޔާގެ ފޯވާޑް މުހައްމަދު އިލާން އިމްރާން އަލުން ކުޅުމަށް އެނބުރި އަންނަން ތައްޔާރުވެއްޖެ. މި އަނިޔާގެ ސަބަބުން އިލާނަށް ސާފް ޗެމްޕިއަންޝިޕާއި ލީގުގެ މުހިންމު މެޗުތަކެއް ގެއްލުނު ނަމަވެސް، އޭނާ މިހާރު ވަނީ ފަރިތަކުރުންތަކުގައި ބައިވެރިވާން ފަށާފައި

ފީފާ އިން ނޭޕާލްގެ ސަސްޕެންޝަން އުވާލަނީ؟

ފީފާގެ އެންގުންތަކަށް ބޯނުލެނބުމުގެ ސަބަބުން ނޭޕާލް ފުޓްބޯޅަ ފެޑެރޭޝަނަށް ދީފައިވާ ސަސްޕެންޝަން، ކުރިއަށް އޮތް މަހެއްހާ ދުވަސް ތެރޭގައި އުވާލާނެ ކަމަށް ނޭޕާލުން ވަނީ ބުނެފައި. މި ސަސްޕެންޝަން އުވާލުމަށް ނޭޕާލް ސަރުކާރުގެ މަންދޫބުން ފީފާ އާއި އޭއެފްސީއާ އެކު މަޝްވަރާކޮށްފައި

Newsletter

Get the latest news delivered straight to your inbox