ޓޯކިޔޯ މެޑިކަލް ގްރޫޕަކުން އޮލިމްޕިކްސް ކެންސަލްކުރަން އެދިއްޖެ

May 19, 2021, 9:51 AM
އޮލިމްޕިކްސް ކެންސަލްކުރަން ގޮވާލާއި ޖަޕާނުގެ މީހަކު ބޯޑެއް ހިފައިގެން.--

އޮލިމްޕިކްސް ކެންސަލްކުރަން ގޮވާލާއި ޖަޕާނުގެ މީހަކު ބޯޑެއް ހިފައިގެން.--

ޓޯކިޔޯ (މެއި 19) - ޑޮކްޓަރުންނާއި ސިއްހީ ތަޖުރިބާކާރުން ހިމެނޭގޮތަށް 6000 އަށް ވުރެ ގިނަ މީހުން ތަމްސީލުކުރާ މެޑިކަލް ގްރޫޕަކުން މި އަހަރުގެ ޓޯކިޔޯ އޮލިމްޕިކް ކެންސަލްކުރަން ޖަޕާނުގެ ސަރުކާރު ކިބައިން އެދިއްޖެ އެވެ.

މި މަހު 14 ވަނަ ދުވަހު މެޑިކަލް ގްރޫޕުން ޖަޕާނުގެ ބޮޑުވަޒީރު ޔޮޝިހީޑޭ ސޫގާ އަށް ފޮނުވި ހުޅުވާލެވިފައިވާ ސިޓީގައި ބުނެފައިވަނީ އަންނަ ޖުލައި މަހު އޮލިމްޕިކްސް ހޯސްޓްކުރަން ހަމަޖެހިފައިވާ ސިޓީ ކަމަށްވާ ޓޯކިޔޯގެ މި ވަގުތުގެ ހާލަތަކީ ކޮވިޑް-19ގެ ސަބަބުން ހޮސްޕިޓަލްތަކަށް ނުކަތާ ފަދަ ވަގުތެއް ކަމަށެވެ. އަމުދުން މި ފަދަ ބޮޑު ބަލިމަޑުކަމެއްގެ ނުރައްކާތެރި ހާލަތަކުން އަރައިގުނަވިގެން އުޅޭއިރު ގޭމްސް އަކަށް ގިނަ ބަޔަކު ގެނެސްގެން ހާލަތު ގޯސްވެދާނެ ފަދަ ރިސްކެއް ނެގެން ނެތް ކަމަށް ޑޮކްޓަރުން ބުނެ އެވެ.

"އަހަރެމެން ވަރަށް ބޮޑަށް ބާރު އަޅަން ކަމާބެހޭ ފަރާތްތަކަށް އިންޓަނޭޝަނަލް އޮލިމްޕިކް ކޮމިޓީ (އައިއޯސީ)އާ މަޝްވަރާ ކުރުުމަށް ފަހު މި ފަހަރުގެ އޮލިމްޕިކްސް ކެންސަލްކުރަން،" މެޑިކަލް ގްރޫޕުން ފޮނުވި ސިޓީގައިވެ އެވެ.

ޖަޕާނުގެ ސަރުކާރުން މިދިޔަ ހުކުރު ދުވަހު ވަނީ ސިއްހީ ކުއްލި ނުރައްކަލުގެ ހާލަތު މި މަހުގެ ނިޔަލަށް ދައްމާލައިފަ އެވެ. ކޮންމެ ދުވަހަކު ކޮވިޑަށް ޕޮޒިޓިވްވާ ޖަޕާނުގެ މީހުންގެ އަދަދު އަންނަނީ ވަރަށް ބޮޑަށް އިތުރުވަމުންނެވެ. އެ ގައުމުގެ މީޑިއާތަކުން ބުނީ މި ގޮތަށް ކަންތައް ދިމާވި އެންމެ ބޮޑު ސަބަބަކީ ވެކްސިން ދިނުމުގައި ސަރުކާރުން ގެންގުޅުނު ސިޔާސަތު ހަރުދަނާނުވުމުން ކަމަށެވެ.

ގިނަ އަދަދެއްގެ ބަޔަކު ކަންބޮޑުވުން ފާޅުކުރަމުންދިޔަ ނަމަވެސް ޖަޕާނުގެ ބޮޑުވަޒީރު ސޫގާގެ އެދިލެއްވުމާ އެކު ޖަޕާނުގެ އޮލިމްޕިކް ކޮމިޓީން މަސައްކަތް ކުރަމުން އަންނަނީ ސަލާމަތީ ކަންތައްތައް ވަރަށް ވަރުގަދަ ކުރުމަށް ފަހު ޝެޑިއުލްގައިވާ ގޮތަށް އޮލިމްޕިކްސް ކުރިއަށްގެންދިއުމަށެވެ.

އޮލިމްޕިކްސް ބާއްވަން ތާވަލުކޮށްފައިވަނީ ޖުލައި 25 އިން އޮގަސްޓް ހަ ވަނަ ދުވަހުގެ ނިޔަލަށެވެ.

އެންމެ ފަހުން ޖަޕާނުގެ މީހުންގެ މެދުގައި ނެގުނު އޮންލައިން ޕޯލެއްގެ ނަތީޖާތައް ދައްކާގޮތުގައި އާންމުންގެ ތެރެއިން 40 ޕަސެންޓް މީހުން ބޭނުންވަނީ އޮލިމްޕިކްސް ކެންސަލްކުރާށެވެ. އަދި އޮލިމްޕިކްސް ކެންސަލްކުރަން އޮންލައިން ޕެޓިޝަނެއްގައި ބައިވެރިވި މީހުންގެ އަދަދު ވަނީ 350،000 އަށް އަރައިފަ އެވެ.

މި އަހަރު ބާއްވަން މަސައްކަތް ކުރަމުން އަންނަ އޮލިމްޕިކްސް އަކީ ހަގީގަތުގައި މިދިޔަ އަހަރަށް ޝެޑިއުލްކުރެވިފައި އޮތް ގޭމްސް އެކެވެ. އެކަމަކު މިދިޔަ އަހަރު ކޮވިޑްގެ ހާލަތު މުޅި ދުނިޔޭގައި ވެސް އިންތިހާ އަށް އިތުރުވެފައިވާތީ ޖެހުނީ އިތުރު ގޮތެއް ނެތިގެން މި އަހަރަށް ފަސްކުރާށެވެ. އަނެއްކާ މި ފަހަރު ގޭމްސް ނުބާއްވައި ކެންސަލްކޮށްފިނަމަ މާލީ ގޮތުން ބޮޑެތި ގެއްލުންތަކެއް ވާނެ ކަމަށް ޓޯކިޔޯ އޮލިމްޕިކްސްގެ އޮގަނައިޒިން ކޮމިޓީން ވަނީ ބުނެފަ އެވެ.

ކޮމެންޓް

ފަހުގެ ޚަބަރު

ބްރޭކްތައް އަންނަ ގޮތުން "ލީގުގެ ފީލްއެއް ނީނދޭ": އާތީ

ދިވެހި ޕްރިމިއާ ލީގު މެދުކަނޑާލަން ޖެހުމުން ކުޅުންތެރިންގެ ފިޓްނަސް އާއި ޕާފޯމަންސަށް އަސަރުކޮށް، ލީގުގެ އަސްލު ފޯރި ނުލިބޭ ކަމަށް ޓީސީގެ ކޯޗު އާތީ ބުނެފި. އާތީ ފާހަގަކުރި ގޮތުގައި ގިނަ ދުވަސްތަކެއްގެ ބްރޭކްތަކުގެ ސަބަބުން ޓީމުތަކުގެ ކޮންޓިނިއުޓީ ގެއްލި، މެޗުތަކަށް ތައްޔާރުވުމުގައި ބޮޑެތި ގޮންޖެހުންތަކެއް ކުރިމަތިވޭ

ފީފާގެ އިންތިހާބުގައި އަރަބިންގެ ތާއީދު އިންފަންޓީނޯ އަށް

އަންނަ އަހަރު ބާއްވާ ފީފާގެ އިންތިހާބުގައި މިހާރުގެ ރައީސް ޖިއާނީ އިންފަންޓީނޯއަށް ތާއީދުކުރުމަށް 22 ގައުމު ހިމެނޭ އަރަބް ފުޓްބޯޅަ ޔޫނިއަން (ޔޫއޭއެފްއޭ) އިން ނިންމައިފިއެވެ. އިންފަންޓީނޯއާ އެކު ޖުމްލަ ތިން ކެންޑިޑޭޓުން ވާދަކުރާ މި އިންތިހާބުގައި، އޭޝިއާ އާއި އެފްރިކާގެ ގައުމުތަކުގެ ބޮޑު ތާއީދަކާއެކު އޭނާއަށް މަގާމު ދިފާއުކުރުމުގެ ފުރުސަތު ބޮޑުކަމަށް ބެލެވެއެވެ. ފީފާގެ އާ ރައީސަކު ހޮވުމަށް ވޯޓުލުން އޮންނާނީ އަންނަ އަހަރުގެ މާޗް މަހު މޮރޮކޯގައި ބާއްވާ ފީފާ ކޮންގްރެސްގައެވެ.

އިންޑިއާގެ ލެޖެންޑުން ފުޓްބޯޅަ ރައީސްގެ ޝަކުވާ ސަރުކާރަށް

އިންޑިއާގެ ފުޓްބޯޅަ ފެޑެރޭޝަންގެ ރައީސް ކަލްޔާން ޗޯބޭގެ އިތުބާރު ނެތްކަމުގެ މައްސަލަ، ބައިޗުން ބުޓިއާ ހިމެނޭހެން އެ ގައުމުގެ 14 ލެޖެންޑުން ސްޕޯޓްސް މިނިސްޓަރަށް ހުށަހަޅައިފި. މި ސިޓީގައި ފާހަގަކޮށްފައިވަނީ ފެޑެރޭޝަންގެ މާލީ ހާލަތު ގޯސްވެ ބަނގުރޫޓުވަމުންދާ ކަމަށް

ސުޒޭނާއި މޯހަންގެ ދުލުން: ބަދުނަސީބާއި ހައްލެއްގެ ވާހަކަ!

ސަރަހައްދުގެ އެހެން ގައުމުތަކުން ބޭރުގައި އުޅޭ އެ ގައުމުތަކުގެ ދަރިފަސްކޮޅުގެ ކުޅުންތެރިންނަށް ރަށްވެހިކަން ދީގެން ގައުމީ ޓީމުތައް ވަރުގަދަކުރަމުންދާއިރު، ރާއްޖެއަށް އެ ފުރުސަތު ކުޑަކަމަށް ކުރީގެ ކޯޗުން ފާހަގަކުރެއެވެ. މިކަމުގެ ސަބަބުން ރާއްޖޭގެ ފުޓްބޯޅައަށް ކުރިމަތިވެފައިވާ ގޮންޖެހުންތަކަށް ހައްލެއް ހޯދުމަށް އެކަށީގެންވާ ނިޒާމެއް ނެތްކަމުގެ ކަންބޮޑުވުން ވަނީ ފާޅުކޮށްފައެވެ.

ވޭގާގެ ނަމެއް ނެތް، ފީފާ އިންތިހާބުގައި ތިން ކެންޑިޑޭޓުން!

އަންނަ އަހަރު ބާއްވާ ފީފާގެ އިންތިހާބުގައި ވާދަކުރާ ތިން ކެންޑިޑޭޓުންގެ ނަން އިއުލާނުކުރިއިރު، ކުރީގެ ކުޅުންތެރިޔާ ރަމޮން ވޭގާގެ ނަން ޝަރުތު ހަމަނުވުމުގެ ސަބަބުން ވަނީ ބާކީވެފައި. މި އިންތިހާބުގައި ވާދަކުރައްވަނީ މިހާރުގެ ރައީސް އިންފަންޓީނޯގެ އިތުރުން ފްރާންސްގެ ފިލިޕޭ ޑިއާލޯ އަދި ޖަޕާނުގެ ކޯޒޯ ޓަޝީމާ

އަނިޔާއިން ރަނގަޅުވެ އިލާން އެނބުރި އަންނަން ތައްޔާރު

ކަކުލަށް ލިބުނު އަނިޔާއަކާ ގުޅިގެން ދެ މަހެއްހާ ދުވަހު ކުޅުމާ ދުރުގައި ހުރުމަށްފަހު، މާޒިޔާގެ ފޯވާޑް މުހައްމަދު އިލާން އިމްރާން އަލުން ކުޅުމަށް އެނބުރި އަންނަން ތައްޔާރުވެއްޖެ. މި އަނިޔާގެ ސަބަބުން އިލާނަށް ސާފް ޗެމްޕިއަންޝިޕާއި ލީގުގެ މުހިންމު މެޗުތަކެއް ގެއްލުނު ނަމަވެސް، އޭނާ މިހާރު ވަނީ ފަރިތަކުރުންތަކުގައި ބައިވެރިވާން ފަށާފައި

ފީފާ އިން ނޭޕާލްގެ ސަސްޕެންޝަން އުވާލަނީ؟

ފީފާގެ އެންގުންތަކަށް ބޯނުލެނބުމުގެ ސަބަބުން ނޭޕާލް ފުޓްބޯޅަ ފެޑެރޭޝަނަށް ދީފައިވާ ސަސްޕެންޝަން، ކުރިއަށް އޮތް މަހެއްހާ ދުވަސް ތެރޭގައި އުވާލާނެ ކަމަށް ނޭޕާލުން ވަނީ ބުނެފައި. މި ސަސްޕެންޝަން އުވާލުމަށް ނޭޕާލް ސަރުކާރުގެ މަންދޫބުން ފީފާ އާއި އޭއެފްސީއާ އެކު މަޝްވަރާކޮށްފައި

Newsletter

Get the latest news delivered straight to your inbox