ހޯރަފުށީ އެއާޕޯޓަށް ގެއްލުންވެ ދަތުރުތައް މެދުކަނޑާލައިފި

ހޯރަފުށީ އެއާޕޯޓް ޓާމިނަލްގެ ދޮރުތައް ވެއްޓުމުން ހަރުކުރަނީ: އެ އެއާޕޯޓަށް ދަތުރުތައް ވަނީ މެދުކަނޑާލައިފައި-- ފޮޓޯ: ހޯރަ ޑެއިލީ

ހޯރަފުށީ އެއާޕޯޓް ޓާމިނަލްގެ ދޮރުތައް ވެއްޓުމުން ހަރުކުރަނީ: އެ އެއާޕޯޓަށް ދަތުރުތައް ވަނީ މެދުކަނޑާލައިފައި-- ފޮޓޯ: ހޯރަ ޑެއިލީ

މިހާރު ކުރަމުންދާ ވިއްސާރައިގައި އުދަ އެރުމުގެ ސަބަބުން ހއ. ހޯރަފުށީ އެއާޕޯޓަށް ގެއްލުންވެ, ދަތުރުތައް މެދުކަނޑާލައިފި އެވެ.

މިދިޔަ އަންގާރަ ދުވަހުގެ ރެއިން ފެށިގެން ހޯރަފުއްޓަށް ދަނީ އުދަރަމުންދާއިރު، މިއަދު ވެސް ވަރަށް ބޮޑަށް އުދަ އެރި އެވެ. އުދަރަމުން އަރަމުން ދަނީ އެ ރަށުގެ ހުޅަނގު ފަރާތުންނެވެ.

އިއްޔެ އައި ކޮޅިގަނޑެއްގައި ހޯރަފުށީ އެއާޕޯޓްގެ ޓާމިނަލްގެ ދޮރާށި ވެސް ވަނީ ފުނޑުފުނޑު ވެފަ އެވެ. އެލްމިނިއަމް ގިއުގަނޑެއްގައި ބިއްލޫރި ބޭނުންކޮށްގެން ހަދާފައިވާ އެ ދޮރާށީގެ ގިނަ ދޮރުތައް ވަނީ ވެއްޓިފަ އެވެ.

Advertisement

އެ ރަށު ކައުންސިލްގެ ރައީސް މުހައްމަދު ވަހީދު، "އަދަދު"އަށް ވިދާޅުވީ ހިއްކައިގެން ހަދާފައިވާ އެ އެއާޕޯޓަށް އުދަ އަރަމުން ދަނީ ހިލަތޮށި ނުޖަހާ އޮތް ހުޅަނގު ފަރާތުން ކަމަށެވެ. އުދައެރުމުގެ ސަބަބުން ރަންވޭ އާއި ހައިވޭގައި ވެސް ވަރަށް ބޮޑަށް ފެން ބޮޑުވެފައިވާ ކަމަށް އޭނާ ވިދާޅުވި އެވެ.

އިއްޔެ ތަޅައިގެންދިޔަ ޓާމިނަލް ދޮރާށީގެ ބަދަލުގައި ވަގުތީ ގޮތުން ދޮރާއްޓެއް ހަރުކޮށްފައިވާ ކަމަށް ވެސް އޭނާ ވިދާޅުވި އެވެ.

މޯލްޑިވިއަންއިން ބުނީ މިދިޔަ ނޮވެމްބަރު މަހު ހުޅުވާފައިވާ އެ އެއާޕޯޓަށް މޫސުން ރަނގަޅުވުމާއެކު ދަތުރުތައް ފަށާނެ ކަމަށެވެ. މިހާރު ހޯރަފުށީ އެއާޕޯޓަށް ބާއްވަމުން ދަނީ ދުވާލަކު ފްލައިޓެކެވެ.

އުދައިގެ އިތުރުން ވައިގަދަވުމުގެ ސަބަބުން ހޯރަފުށީގެ ބައެއް ގެތަކަށް ވެސް އެކިވަރުގެ ގެއްލުންތައް ލިބިފައިވާ ކަމަށް ވަހީދު ވިދާޅުވި އެވެ. އޭނާ ވިދާޅުވީ އެކަންކަން ހައްލު ކުރަން ސިފައިންނާއި ފުލުހުންގެ އިތުރުން ސަރުކާރުގެ މުވައްޒަފުންނާއި ރައްޔިތުން ގުޅިގެން މަސައްކަތް ކުރަމުން އަންނަ ކަމަށެވެ.

ހޯރަފުށީގެ އިތުރުން އުތުރުގެ ގިނަ ރަށްތަކަކަށް އަންނަނީ ގެއްލުންތައް ލިބެމުންނެވެ. އެގޮތުން ގިނަ ރަށްތަކަކަށް އުދައިގެ އަސަރު ވަނީ ކޮށްފަ އެވެ. އަދި ވައިގަދަވުމުގެ ސަބަބުން ގަސްތައް ވެއްޓުމާއި ގޭގޭ ފުރާޅުތަކަށް ދަނީ ގެއްލުން ވަމުންނެވެ.

ކޮމެންޓް

ފަހުގެ ޚަބަރު

ރަސްމާލޭގެ ބަދަލު ދޭނީ މެންބަރުންނާއި ވެރިންގެ މުދަލުން: ފައްޔާޒު

ފައްޔާޒު ވަނީ މި މަޝްރޫއަށް މަގުފަހިކުރަން ހުށަހަޅާފައިވާ ބިލަކީ ގާނޫނުއަސާސީއާ ހިލާފަށް، ބޭރުގެ ފަރާތްތަކަށް ރާއްޖޭގެ ބިންތައް ދާއިމީކޮށް މިލްކުވާ ގޮތަށް އޮތް ބިލެއް ކަމަށް ވިދާޅުވެފަ. އަދި މިނިވަން ކޯޓެއް އޮތް ނަމަ ވުޖޫދުކުރަން އުޅޭ ގާނޫނާއީ ބިލު ވެސް ބާތިލުކުރާނެ ކަމަށް އޭނާ ވިދާޅުވި.

ކްރެކް ނުކުރެވިގެން ޖުމާންގެ ފޯނު ރާއްޖެއިން ބޭރަށް ފޮނުވަނީ

ޓެރަރިޒަމްގެ ތުހުމަތުގައި ހައްޔަރުކުރި އަލީ ޖުމާންގެ ފޯނު ހުޅުވަން އޭނާ އިންކާރުކުރުމުން، އެ ފޯނު ތަހުލީލުކުރުމަށް ރާއްޖެއިން ބޭރަށް ފޮނުވުމުގެ މަސައްކަތް ފުލުހުން ދަނީ ކުރަމުން. ސޯޝަލް މީޑިއާގައި ހުޅުޖެހުމަށާއި މުދަލަށް ގެއްލުންދޭން ހިތްވަރުދިން ކަމުގެ ތުހުމަތު އޮތް ޖުމާން، ބަންދުގައި ބެހެއްޓުމަށް ކޯޓުން ވަނީ އިތުރު 15 ދުވަސް ދީފަ.

މިއީ މިހާރު ހަމަ ކާޓޫނަކަށް ވެއްޖެ: ނަޝީދު

ނަޝީދު ވަނީ މި މައްސަލައިގައި ސަރުކާރަށް ފާޑުވިދާޅުވަމުން ވެރިކަމަށް ވަޑައިގަތީ ރައީސް ޔާމީންގެ ނަންފުޅު ބޭނުންކުރައްވައިގެން ކަމަށާއި، ނަމަވެސް މިހާރު ޔާމީނާއި ތަޖުރިބާކާރު ބޭފުޅުން އެއްކައިރިކޮށްފައިވާ ކަމަށް ވެސް ތުހުމަތުކުރައްވާފަ.

ނުރައްކާވާ މިންވަރަށް އުތުރާއި މެދުރާއްޖެއަށް ދުންފުހުގެ އަސަރު

ސިއްހަތަށް ނުރައްކާވާ މިންވަރަށް މާލެއާއި ކުޅުދުއްފުއްޓަށް ދުންފުނީގެ އަސަރުކޮށް، ވައި ނުސާފުވެފައިވާތީ ރައްކާތެރިކަމުގެ ފިޔަވަޅުތައް އެޅުމަށް އެޗްޕީއޭއިން ވަނީ އިލްތިމާސްކޮށްފައި. މެޓް އޮފީހުން ލަފާކުރާ ގޮތުގައި ކުރިއަށް އޮތް ދުވަސްތަކުގައިވެސް ރާއްޖޭގެ އެކި ސަރަހައްދުތަކަށް ދުންފުނީގެ އަސަރު ފޯރާނެ.

އީގަލް ހިލްސްއާއެކު ސޮއިކުރި ކޮމާޝަލް ޓާމްސް އެގްރީމެންޓެއް ނެތް

މި މައުލޫމާތު ހޯދަން "އަދަދު" ނޫހުން އެދުމުން މިނިސްޓްރީން ޖަވާބު ދިނީ އެއީ އެ މިނިސްޓްރީން ބަލަހައްޓާ މައުލޫމާތު ނޫން ކަމަށާއި، މަޝްރޫއުގެ މައިގަނޑު އެއްބަސްވުމުގައި އަދި ސޮއިނުކުރާ ކަމަށް ބުނެ އެވެ.

ނޮވެމްބަރު 26، ގައި އެމްޑީޕީން މަގުމައްޗަށް ނުކުންނަނީ

ރަސްމާލެ މަޝްރޫޢުގެ ބޮޑު ބައެއް ބޭރު ކުންފުންޏަކަށް ދޫކޮށްލުމާ ގުޅޭގޮތުން ރައްޔިތުންގެ ފެންނަ ނުފެންނަ ވޯޓެއް ނެގުމަށް ގޮވާލައި، މި މަހުގެ 26 ގައި މަގުމައްޗަށް ނުކުމެ އިހުތިޖާޖުކުރަން އެމްޑީޕީން ވަނީ ނިންމާފައި. އެ ޕާޓީން ބުނާގޮތުގައި މި މަޝްރޫޢަކީ ރައްޔިތުންނަށް ސާފުނުވާ ގިނަ ކަންތައްތަކެއް ހުރި މަޝްރޫއެއް.

މުއިއްޒު އަންނަ މަހު ބަންގްލަދޭޝްއަށް ވަޑައިގަންނަވަނީ

ރައީސް މުޙައްމަދު މުޢިއްޒު އަންނަ ޑިސެމްބަރު މަހުގެ 13 ވަނަ ދުވަހު ބަންގްލަދޭޝްއަށް ފުރަމާނަ ދަތުރުފުޅެއް ކުރެއްވުމަށް ވަނީ ހަމަޖެހިފައެވެ. ތިން ދުވަހުގެ މި ދަތުރުފުޅުގައި ދެ ގައުމުގެ ގުޅުން ބަދަހިކުރުމަށާއި، ރާއްޖޭގައި އުޅޭ ބަންގްލަދޭޝް މަސައްކަތްތެރިންގެ ހައްގުތަކާ ގުޅޭގޮތުން މަޝްވަރާކުރުމަށް ވަނީ ރޭވިފައެވެ.

Newsletter

Get the latest news delivered straight to your inbox