ޒަކަރިއްޔާ މަންސޫރުގެ ވާހަކަތަކަށް އާއްމުންގެ ފާޑުކިޔުން

May 8, 2021, 11:08 AM
ރޭގެ ނޫސްވެރިންގެ ބައްދަލުވުމުގައި ޒަކަރިއްޔާ މަންސޫރު ވާހަކަދައްކަވަނީ. --ފޮޓޯ: ހުސެއިން ވަހީދު/ އަދަދު

ރޭގެ ނޫސްވެރިންގެ ބައްދަލުވުމުގައި ޒަކަރިއްޔާ މަންސޫރު ވާހަކަދައްކަވަނީ. --ފޮޓޯ: ހުސެއިން ވަހީދު/ އަދަދު

ރައީސް މުހައްމަދު ނަޝީދަށް އަމާޒުކޮށް ބުރާސްފަތި ދުވަހުގެރޭ މާލޭގައި ދިން ޓެރަރިސްޓް ހަމަލާއާ ގުޅޭގޮތުން ރޭ މޯލްޑިވްސް ނެޝަނަލް ޑިފެންސް ފޯސް (އެމްއެންޑީއެފް)އިން ބޭއްވި ނޫސްވެރިންގެ ބައްދަލުވުމުގައި ބްރިގޭޑިއާ ޖެނެރަލް ޒަކަރިއްޔާ މަންސޫރު ދެއްކެވި ބައެއް ވާހަކަތަކާއި ފާޅުކުރެއްވި ބައެއް ހިޔާލުތަކަށް އާއްމުންގެ ފާޑުކިޔުން އަމާޒުވެއްޖެ އެވެ.

ނެޝަނަލް ކައުންޓަ ޓެރަރިޒަމް ސެންޓަރުގެ ޑިރެކްޓަރުކަން ވެސް ކުރައްވާ މަންސޫރު ވަނީ، މިކަމުގައި މުއައްސަސާތައް ކުށްވެރިކޮށް ނޫސްވެރިން ސުވާލުކުރާ މައްސަލައަށް އިޝާރާތްކުރައްވައި އެކަމުން ފައިދާއެއް ނެތް ކަމަށް ވިދާޅުވެފަ އެވެ. އަދި މި ހަމަލާގެ އެއްވެސް މައުލޫމާތެއް އާއްމުންގެ މީހަކަށް ލިބިފައިނުވާތީ ހައިރާންވެ ހުންނެވި ފަދަ މޭރުމަކުން އެކަން ފާހަގަކުރެއްވި އެވެ.

މި ހަމަލާއާ ގުޅިގެން ޕޮލިސް ކޮމިޝަނަރު މުހައްމަދު ހަމީދު އާއި ޑިފެންސް މިނިސްޓަރު މާރިޔާ އަހުމަދު ދީދީ އަށް ނޫސްވެރިން އަމާޒުކުރި އެއް ސުވާލަކީ، މިކަމުގެ އެއްވެސް އިންޓެލިޖެންސް މައުލޫމާތު ލިބިފައިނުވާތީ އެއީ ފެއިލްވުމެއްތޯ ގަބޫލުކުރޭތޯ އެވެ. ހަމީދު ވިދާޅުވީ އެކަމާ އެއްޗެއް ސީދާ ވިދާޅުވެވޭނީ ތަހުގީގަކަށް ފަހު ކަމަށެވެ. އެ ސުވާލަށް ރޭގެ ނޫސްވެރިންގެ ބައްދަލުވުމުގައި މާރިޔާ ސީދާ ޖަވާބެއް ނުދެއްވަ އެވެ. އެމްއެންޑީއެފްގެ ޗީފް އޮފް ޑިފެންސް ފޯސް ބްރިގޭޑިއާ އަބްދުﷲ ޝަމާލް ވެސް ވިދާޅުވީ، ހަމީދު ވިދާޅުވި ގޮތަށް މިކަމުގައި އެއްވެސް ސީދާ ބުނެވޭނީ ތަހުގީގަކަށް ފަހު ކަމަށެވެ.

Advertisement

އެ ސުވާލަށް ފަހު، މަންސޫރަށް ވާހަަކަދައްކަވަން ފުރުސަތު ލިބިވަޑައިގަތުމުން އޭނާ ވިދާޅުވީ މިކަން ހިނގާ ދިޔައީ ކިހިނެއްތޯ ބަލައި ތަހުގީގު މަރުހަލާތައް ހިނގަމުންދާއިރުގައި، އަދި މީގެ ޒިންމާ ނަގަން ޖެހެނީ ކޮން ފަރާތްތަކެއްތޯ ބަލަމުން ދާއިރު އެންމެން އެކިތަގަނޑަށް ވާން އެބަޖެހޭ ކަމަށެެވެ.

"ކޮން މީހެއް ކޮން ހިސާބަކުން ފެއިލްވެގެންތޯ، މިއީ ކޮން މިނިސްޓްރީއެއްގެ ފެއިލިއާއެއްތޯ މިފަދަ ސުވާލުކުތަކުގެ ބަދަލުގައި އަޅުގަނޑުމެން އެބަޖެހޭ ނޫސްވެރިން ވެސް ވަރަށް ބޮޑަށް މިމަމާ ބެހޭގޮތުން ހޭލުންތެރިކަން އުފައްދައިދޭން،" މަންސޫރު ވިދާޅުވި އެވެ.

މަންސޫރު ވިދާޅުވީ އެކަކު އަނެކަކު ކުށްވެރިކުރުމުގެ ކުޅިވަރަކަށް ދިއުމަކުން ވާނެ ފައިދާއެއް ނެތް ކަމަށާއި ސިފައިން ނުވަތަ ފުލުހުން އިންޓެލިޖެންސްއަށް އެއްވެސް ކަހަލަ އިޝާރާތެއް އެނގޭ ނަމަ އެފަދަ ކަމަކަށް އެއްވެސް މީހަކު ހުށަހެޅޭ ގޮތަށް ފުރުސަތު ނުދޭނެ ކަމަށެވެ.

"އަޅުގަނޑު ހިތަށް އަރާ، ހަމަ މިފަދަ ޑިވައިސެއް ހަދާ އައިއީޑީއެއް ހަދާ ތަނެއްގައި ބައިންދާ މި ހުރިހާ ކަމެއް ކުރިއިރު ހަމަ އަޅުގަނޑުމެން ތެރެއިން ހަމަ އެއްވެސް އާއްމު ރައްޔިޔަަށް ނޫނީ އެއްވެސް ބޭފުޅަކަށް އެއްވެސް ހިލަމެއް ހުވަމެއް ވެސް ހަމަ ނުވޭބާވާއޭ؟ ހަމަ މިނިސްޓަރު ވެސް ވިދާޅުވިގޮތަށް ހަމަ ކިރިޔާ ވެސް ޝައްކެއްވާ ގޮތަށް މީހެއްގެ ހަރަކާތެއް ހުއްޓަސް އެ ވާހަކަ އަންގަވައިދެއްވާށޭ،" މަންސޫރު ވިދާޅުވި އެވެ.

ޓްވިޓާގައި ހިޔާލުފާޅުކުރި އުސެއިދު ހަސަން ކިޔާ މީހަކު ބުނި ގޮތުގައި ކޮންމެ ކަމެއްގައި ވެސް މުއައްސަސާތަކުން ކަނޑާލަނީ ރައްޔިތުންގެ ބޮލަށް ކަމަށެވެ.

"ކޮވިޑް ވެސް ރައްޔިތުންގެ ފަރުދީ ޒިންމާ. އެއްޗެއް ގޮއްވާލިޔަސް ރައްޔިތުންގެ ފަރުދީ ޒިންމާ. މުއައްސަސާތައް އުވާލަންވީނުން؟ މުސާރަދީފައި ކަންކަން މަތިކޮށްފައިިތިބޭ މީހުންގެ ޒިންމާއެއް މިގައުމުގައި ނެތް،" އޭނާ ޓްވީޓްކޮށްފައިވެ އެވެ.

އައިޝާ އީމާން ކިޔާ މީހަކު ޓްވީޓްކުރި ގޮތުގައި ފަރުދީ ޒިންމާ އާއި އެކު ރައްޔިތުން ވަރުބަލިވެއްޖެ ކަމަށާއި ނުލިބުނީ އަމާންކަމާއި މަސަލަސްކަމާއި ސުލްހަވެރިކަން ކަމަށާއި އެކަމަކު ހައްގަކާއި ނުލައި އޮހޮރުވާލައި މަޖީދީ މަގު މެދުގައި ގޮއްވާލަނީ ބޮން ކަމަށެވެ.

"ކުޅަދުންވަންތަކަން! ރައްޔިތުންނަކީ މަހަށް ފަރަށްގޮސް ލޯބޯ ފިއްސާ އަނެއްކަމެއް ކޮށްގެން ބަނޑުފުރާނަ މުއްތިކުރާ ބައެއް ވީމަ ނޫންތަ މުއައްސަސާތައް ހަދައިގެން ހިންގަނީ؟" މަރިޔަމް ވަހީދާ ކިޔާ މީހަކު ފޭސްބުކުގައި ހިތްހަމަނެޖުން ފާޅުކުރި އެވެ.

މޯލްޑިވްސް ޖާނަލިސްޓް އެސޯސިއޭޝަނުގެ އެކްސްކޯ މެމްބަރު އަދި ނޫސްވެރިޔާ މުހައްމަދު ޖުނޭދު ޓްވީޓްކުރި ގޮތުގައި އޭނާ ދެކޭ ގޮތުގައި އުނދަގޫ ސުވާލުތައް ކޮށް ނޫސްވެރިން ކުރަމުން އަންނަނީ ރަނގަޅު މަސައްކަތެއް ކަމަށެވެ.

"ވަރަށް ސާފު، މި ހަމަލާ ނުހުއްޓުވުމުގައި އެބައޮތް ދައުލަތުގެ އިންޓެލިޖެންސް/ ސަލާމަތީ ސިސްޓަމްގެ ވަރަށް ބޮޑު ފެއިލްވުމެއް،" ޖުނޭދު ޓްވީޓްކޮށްފައިވެ އެވެ. "(ނޫސްވެރިންނޭ) ސުވާލުތައް އަހަމުންދޭ."

"އަޖާއިބު، މި ޒާތު ކަންކަން ހިލަން ހޯދުން އެއީ ސެކިއުރިޓީ ފޯސް އަށް ރައްޔިތުން މަތިކޮށްފައި އޮތް މަސްއޫލިއްޔަތެއް!" ސަލްމާ ފިކްރީ ޓްވީޓްކުރި އެވެ.

ހުރިހާ މުއައްސަސާވެސް ރަގަޅު. ދައުލަތުގެ ހުރިހާ ވެރިންވެސް ރަގަޅު. ހުރިހާ ކަމެއް ހިނގީވެސް ރަގަޅަށް. ހަމަ އެކަނި މައްސަލައަކީ ރައްޔިތުން ފަރުދީ ޒިންމާ ނުނެގުން." އަބްދުމަތީން ޓްވީޓްކޮށްފައިވެ އެވެ.

ކޮމެންޓް

ފަހުގެ ޚަބަރު

ރަސްމާލޭގެ ބަދަލު ދޭނީ މެންބަރުންނާއި ވެރިންގެ މުދަލުން: ފައްޔާޒު

ފައްޔާޒު ވަނީ މި މަޝްރޫއަށް މަގުފަހިކުރަން ހުށަހަޅާފައިވާ ބިލަކީ ގާނޫނުއަސާސީއާ ހިލާފަށް، ބޭރުގެ ފަރާތްތަކަށް ރާއްޖޭގެ ބިންތައް ދާއިމީކޮށް މިލްކުވާ ގޮތަށް އޮތް ބިލެއް ކަމަށް ވިދާޅުވެފަ. އަދި މިނިވަން ކޯޓެއް އޮތް ނަމަ ވުޖޫދުކުރަން އުޅޭ ގާނޫނާއީ ބިލު ވެސް ބާތިލުކުރާނެ ކަމަށް އޭނާ ވިދާޅުވި.

ކްރެކް ނުކުރެވިގެން ޖުމާންގެ ފޯނު ރާއްޖެއިން ބޭރަށް ފޮނުވަނީ

ޓެރަރިޒަމްގެ ތުހުމަތުގައި ހައްޔަރުކުރި އަލީ ޖުމާންގެ ފޯނު ހުޅުވަން އޭނާ އިންކާރުކުރުމުން، އެ ފޯނު ތަހުލީލުކުރުމަށް ރާއްޖެއިން ބޭރަށް ފޮނުވުމުގެ މަސައްކަތް ފުލުހުން ދަނީ ކުރަމުން. ސޯޝަލް މީޑިއާގައި ހުޅުޖެހުމަށާއި މުދަލަށް ގެއްލުންދޭން ހިތްވަރުދިން ކަމުގެ ތުހުމަތު އޮތް ޖުމާން، ބަންދުގައި ބެހެއްޓުމަށް ކޯޓުން ވަނީ އިތުރު 15 ދުވަސް ދީފަ.

މިއީ މިހާރު ހަމަ ކާޓޫނަކަށް ވެއްޖެ: ނަޝީދު

ނަޝީދު ވަނީ މި މައްސަލައިގައި ސަރުކާރަށް ފާޑުވިދާޅުވަމުން ވެރިކަމަށް ވަޑައިގަތީ ރައީސް ޔާމީންގެ ނަންފުޅު ބޭނުންކުރައްވައިގެން ކަމަށާއި، ނަމަވެސް މިހާރު ޔާމީނާއި ތަޖުރިބާކާރު ބޭފުޅުން އެއްކައިރިކޮށްފައިވާ ކަމަށް ވެސް ތުހުމަތުކުރައްވާފަ.

ނުރައްކާވާ މިންވަރަށް އުތުރާއި މެދުރާއްޖެއަށް ދުންފުހުގެ އަސަރު

ސިއްހަތަށް ނުރައްކާވާ މިންވަރަށް މާލެއާއި ކުޅުދުއްފުއްޓަށް ދުންފުނީގެ އަސަރުކޮށް، ވައި ނުސާފުވެފައިވާތީ ރައްކާތެރިކަމުގެ ފިޔަވަޅުތައް އެޅުމަށް އެޗްޕީއޭއިން ވަނީ އިލްތިމާސްކޮށްފައި. މެޓް އޮފީހުން ލަފާކުރާ ގޮތުގައި ކުރިއަށް އޮތް ދުވަސްތަކުގައިވެސް ރާއްޖޭގެ އެކި ސަރަހައްދުތަކަށް ދުންފުނީގެ އަސަރު ފޯރާނެ.

އީގަލް ހިލްސްއާއެކު ސޮއިކުރި ކޮމާޝަލް ޓާމްސް އެގްރީމެންޓެއް ނެތް

މި މައުލޫމާތު ހޯދަން "އަދަދު" ނޫހުން އެދުމުން މިނިސްޓްރީން ޖަވާބު ދިނީ އެއީ އެ މިނިސްޓްރީން ބަލަހައްޓާ މައުލޫމާތު ނޫން ކަމަށާއި، މަޝްރޫއުގެ މައިގަނޑު އެއްބަސްވުމުގައި އަދި ސޮއިނުކުރާ ކަމަށް ބުނެ އެވެ.

ނޮވެމްބަރު 26، ގައި އެމްޑީޕީން މަގުމައްޗަށް ނުކުންނަނީ

ރަސްމާލެ މަޝްރޫޢުގެ ބޮޑު ބައެއް ބޭރު ކުންފުންޏަކަށް ދޫކޮށްލުމާ ގުޅޭގޮތުން ރައްޔިތުންގެ ފެންނަ ނުފެންނަ ވޯޓެއް ނެގުމަށް ގޮވާލައި، މި މަހުގެ 26 ގައި މަގުމައްޗަށް ނުކުމެ އިހުތިޖާޖުކުރަން އެމްޑީޕީން ވަނީ ނިންމާފައި. އެ ޕާޓީން ބުނާގޮތުގައި މި މަޝްރޫޢަކީ ރައްޔިތުންނަށް ސާފުނުވާ ގިނަ ކަންތައްތަކެއް ހުރި މަޝްރޫއެއް.

މުއިއްޒު އަންނަ މަހު ބަންގްލަދޭޝްއަށް ވަޑައިގަންނަވަނީ

ރައީސް މުޙައްމަދު މުޢިއްޒު އަންނަ ޑިސެމްބަރު މަހުގެ 13 ވަނަ ދުވަހު ބަންގްލަދޭޝްއަށް ފުރަމާނަ ދަތުރުފުޅެއް ކުރެއްވުމަށް ވަނީ ހަމަޖެހިފައެވެ. ތިން ދުވަހުގެ މި ދަތުރުފުޅުގައި ދެ ގައުމުގެ ގުޅުން ބަދަހިކުރުމަށާއި، ރާއްޖޭގައި އުޅޭ ބަންގްލަދޭޝް މަސައްކަތްތެރިންގެ ހައްގުތަކާ ގުޅޭގޮތުން މަޝްވަރާކުރުމަށް ވަނީ ރޭވިފައެވެ.

Newsletter

Get the latest news delivered straight to your inbox