ތެލުގެ ވިޔަފާރި ރަނގަޅުވެ ފުރަތަމަ ކުއާޓާގައި އެސްޓީއޯއަށް 109 މިލިއަން ރުފިޔާ ފައިދާ

އެސްޓީއޯ ފިހާރައެއް: ފުރަތަމަ ކުއާޓަރުގައި އެސްޓީއޯގެ އާމްދަނީއަށް 2.1 ބިލިއަން ރުފިޔާ ލިބުނު -- ފޮޓޯ: އެސްޓީއޯ

އެސްޓީއޯ ފިހާރައެއް: ފުރަތަމަ ކުއާޓަރުގައި އެސްޓީއޯގެ އާމްދަނީއަށް 2.1 ބިލިއަން ރުފިޔާ ލިބުނު -- ފޮޓޯ: އެސްޓީއޯ

އެސްޓީއޯއަށް މި އަހަރުގެ ފުރަތަމަ ކުއާޓާގައި ލިިބުނު 2.1 ބިލިއަން ރުފިޔާގެ އާމްދަނީން 109 މިލިއަން ރުފިޔާ ފައިދާ ވެއްޖެ އެވެ.

އެސްޓީއޯގެ ފުރަތަމަ ކުއާޓާގެ އާމްދަނީ ރިޕޯޓް ދައްކާ ގޮތުގައި އެ ކުންފުންޏަށް ފުރަތަމަ ކުއާޓާގައި ލިބުނު އާމްދަނީގެ ތެރެއިން ތެލުގެ ވިޔަފާރިން ލިބުނީ 1.4 ބިލިއަން ރުފިޔާ އެވެ. އެހެނިހެން ގޮތްގޮތުން ލިބުނު އާމްދަނީއަކީ 706 މިލިއަން ރުފިޔާ އެވެ.

މި ކުއާޓާގައި އެސްޓީއޯއަށް ހުރިހާ ދާއިރާއަކުން އާމްދަނީ ރަނގަޅު ނަމަވެސް މިދިޔަ އަހަރުގެ މި ކުއާޓާއާ އަޅާ ބަލާ ނަމަ އާމްދަނީ އާއި ފައިދާ ދަށެވެ. އެކަމަކު ކޮވިޑް-19 ބަލިމަޑުކަމުގެ ހާލަތާ ގުޅިގެން އިގުތިސޯދަށް އައިސްގެން އުޅޭ ހީނަރުކަމުގެ ތެރޭގައި އެ ކުންފުނިން އެންމެ ރަނގަޅަށް ޕާފޯމް ކުރީ މި ކުއާޓާގަ އެވެ.

އެސްޓީއޯގެ ރިޒާވް މިހާރު ހުރީ 2.5 ބިލިއަން ރުފިޔާގަ އެވެ. މިއީ އޭގެ ކުރީ ކުއާޓަރަށް ވުރެ 92 މިލިއަން ރުފިޔާ އިތުރު އަދަދެކެވެ. އަދި ކުންފުނީގެ ނެޓް ވޯތު 2.6 ބިލިއަން ރުފިޔާއަށް އިތުރުވި އެވެ. މި މުއްދަތުގެ ތެރޭގައި ކުންފުނީގެ ދަރަނި އަނބުރާ ދެއްކުމަށް 26 މިލިއަން ރުފިޔާ ހަރަދު ކުރި އެވެ.

އެސްޓީއޯގެ ފައިނޭންޝަލް ޕާފޯމަންސް ރަނގަޅު ވުމުގެ ސަބަބުން ކުންފުނީގެ ހިއްސާއަކަށް ލިބުނު އާމްދަނީ ވަނީ 96ރ. އަށް އިތުރުވެފަ އެވެ. އެންމެ ފަހުން އެ ކުންފުނީގެ ހިއްސާއެއް ވިއްކީ 700ރ. އަށެވެ. އަދި މާކެޓް ކެޕިޓަލައިޒޭޝަން ހުރީ 788 މިލިއަން ރުފިޔާގަ އެވެ.

ކޮމެންޓް

ފަހުގެ ޚަބަރު

ދިރާގު ރޯޑް ރޭސްގެ ބިބް އެކްސްޕޯ ބުދަ ދުވަހާ ހަމައަށް

ދިރާގު މޯލްޑިވްސް ރޯޑް ރޭސް 2026 ގެ ބިބް އެކްސްޕޯ ބީޖީ ޓާފް ދަނޑުގައި ކުރިއަށްދާއިރު، ބިބް އާއި ރޭސް ކިޓް ދޫކުރުމުގެ މުއްދަތު މި މަހުގެ 18 ވާ ބުދަ ދުވަހުގެ ނިޔަލަށް ވަނީ އިތުރުކޮށްފައެވެ. ފަސް ހާހަށްވުރެ ގިނަ ދުވުންތެރިން ބައިވެރިވާ މި ދުވުން އޮންނާނީ ކުރިއަށް އޮތް ހުކުރު ދުވަހު ހުޅުމާލޭ ސެންޓްރަލް ޕާކުގައެވެ.

ގޫގަލް ޕިކްސެލް އަށް އުރީދޫ 5ޖީ

ގޫގުލް ޕިކްސެލް ފޯނުތަކަށް ރާއްޖޭގައި 5ޖީގެ ޚިދުމަތް ފޯރުކޮށްދޭ ފުރަތަމަ ނެޓްވޯކަކަށް އުރީދޫ މޯލްޑިވްސް ވެއްޖެއެވެ. ނޮވެންބަރު މަހުގެ ސޮފްޓްވެއާ އަޕްޑޭޓާއެކު ޕިކްސެލްގެ އެކި މޮޑެލްތަކަށް 5ޖީ އާއި ވީއޯއެލްޓީއީގެ ޚިދުމަތް މިހާރު ލިބޭނެއެވެ.

ޓޫރިޒަމް ފަހަތަށް، މާލީ ދާއިރާ އާއި އިމާރާތް ކުރުން ކުރިއަށް

މާލީ ދާއިރާ އާއި އިމާރާތްކުރުމުގެ ދާއިރާއަށް އައި ބޮޑު ކުރިއެރުމާއެކު، ރާއްޖޭގެ އިގުތިސޯދު ވަނީ ހަތަރެއް ޕަސެންޓަށް ކުރިއަރާފަ. ޓޫރިޒަމްގެ އިތުރުން މަސްވެރިކަމުގެ ދާއިރާވެސް ވަނީ މި މުއްދަތުގައި ވަރަށް ބޮޑަށް ދަށަށް ގޮސްފަ.

ޑީއެމްއާރްއާރްގައި ޕްލާސްޓިކް ބޭނުން ނުކުރުމަށް ދިރާގު އިލްތިމާސް

މި މަހުގެ 20 ގައި ބާއްވާ "ދިރާގު މޯލްޑިވްސް ރޯޑް ރޭސް" ގައި އެއްފަހަރު ބޭނުންކޮށްފައި އުކާލާ ޕްލާސްޓިކް ބޭނުން ނުކުރުމަށް ދިރާގުން އިލްތިމާސްކޮށްފިއެވެ. ތިމާވެށި ހިމާޔަތްކުރުމުގެ މަގުސަދުގައި ކުރިއަށްގެންދާ މި ހަރަކާތުގައި ފެން ފޯރުކޮށްދޭނީ ކަރުދާސް ތަށީގައި ކަމަށާއި، ދުވުންތެރިން އަމިއްލަ ފުޅި ގެންގުޅުމަށް އެ ކުންފުނިން ބާރުއަޅައެވެ. މި އިސްނެގުމުގެ ސަބަބުން ކޮންމެ އަހަރަކު ގާތްގަނޑަކަށް 18،000 ޕްލާސްޓިކް ފުޅި މަދުކުރެވޭނެ ކަމަށް ދިރާގުން ލަފާކުރެއެވެ.

ކުޑަ ސަރަހައްދަކުން އުދުއްސާލެވޭ އާދަޔާ ހިލާފު ބޯޓެއް

އެމެރިކާގެ އިލެކްޓްރާ ކުންފުނިން ދަނީ ރަންވޭއެއް ނެތް ކުޑަ ސަރަހައްދުތަކުން އުދުއްސާލެވޭ ފަދަ ހައިބްރިޑް-އިލެކްޓްރިކް މަތިންދާބޯޓެއް އުފައްދަމުންނެވެ. މި ބޯޓުގެ ސަބަބުން ކައިރި މަންޒިލްތަކަށް ކުރާ ދަތުރުތަކުގެ ޚަރަދު ކުޑަވެ، އެއާޕޯޓުތަކަށް ބަރޯސާނުވެ ސީދާ އެއް ތަނުން އަނެއް ތަނަށް އަވަހަށް ދަތުރުކުރުމުގެ ފުރުސަތު ލިބިގެންދާނެއެވެ.

އިސްލާމިކް ބޭންކިންގެ ކްރެޑިޓް ކާޑު ޕޯޓްފޯލިއޯ ތައާރަފުކޮށްފި

މޯލްޑިވްސް އިސްލާމިކް ބޭންކް (އެމްއައިބީ) އިން ޝަރީއާގެ ހަމަތަކަށް ފެތޭ ގޮތަށް ފަރުދުންނާއި ވިޔަފާރިތަކަށް ހާއްސަ ހަތަރު ކެޓަގަރީއެއްގެ އައު ކްރެޑިޓް ކާޑު ޕޯޓްފޯލިއޯއެއް ވަނީ ތައާރަފުކޮށްފައި. މި ކާޑުތަކަށް 12,000ރ. އާއި 300,000ރ. އާ ދެމެދުގެ ކްރެޑިޓް ލިމިޓެއް ކަނޑައަޅާފައި.

ސިނެޓެކްސްގެ ވެބްސައިޓް އަލުން ފަރުމާކޮށްފި

ދިވެހި ތިން ޒުވާނުން އުފެއްދި "ސިނެޓެކްސް" ކުންފުނިން ބައިނަލްއަގުވާމީ ބާޒާރަށް އަމާޒުކޮށް އެ ކުންފުނީގެ ވެބްސައިޓް އަލުން ފަރުމާކޮށްފިއެވެ. މި ކުންފުނީގެ މައިގަނޑު މަގުސަދަކީ ދިވެހިބަހާ އެއްގޮތަށް ޑިޖިޓަލް ވަސީލަތްތައް މަދު ބަސްތަކަށް އޭއައި މޮޑެލްތަކާއި ސައިބަރ ސެކިއުރިޓީ ހައްލުތައް ފޯރުކޮށްދިނުމެވެ. އެގޮތުން 'ތާނަ އޭއައި' މެދުވެރިކޮށް ލިބޭ ހިދުމަތްތައް ފުޅާކޮށް، ކުރިއަށް އޮތް "ސްލަޝް 2026" ކޮންފަރެންސްގައި ދުނިޔޭގެ ފެންވަރުގައި މި ޓެކްނޮލޮޖީ ތައާރަފުކުރުމަށް އެ ކުންފުނިން ދަނީ ތައްޔާރުވަމުންނެވެ.

Newsletter

Get the latest news delivered straight to your inbox