ނިމިދިޔަ 2020 ވަނަ އަހަރު މޯލްޑިވްސް އިސްލާމިކް ބޭންކް (އެމްއައިބީ)އަށް ލިބުނު ފައިދާއިން ޑިވެޑެންޑުގެ ގޮތުގައި 27.5 މިލިއަން ރުފިޔާ ބަހަން ހުށައަޅަން އެ ބޭންކުގެ ބޯޑުން އިއްޔެ ފާސްކޮށްފި އެވެ.
މި ހުށައެޅުން ފާސް ވެއްޖެ ނަަމަ އެއްއައިބީގެ ހިއްސާއަކަށް ފައިދާގެ ގޮތުގައި ލިބޭނީ 1.225ރ. އެވެ.
ހުށައެޅުން ފާސްކުރަނީ އެ ބޭންކު ހުރިހާ ހިއްސާދާރުންނަށް ދައުވަތު ދެވިގެން ބާއްވާ އަހަރީ އާންމު ޖަލްސާގަ އެވެ. އަހަރީ އާންމު ޖަލްސާ ބާއްވާނެ ތާރީހެއް ބޭންކުން ފަހުން އިއުލާނު ކުރާނެ އެވެ.
މިދިޔަ އަހަރު ބޭންކުގެ ޕާފޯމަންސަށް ބަލާ އިރު، ކޮންމެ ހިއްސާއަކަށް އާމްދަނީގެ ގޮތުގައި ލިބުނީ 3.34ރ. އެވެ. އަދި ކޮންމެ އޯޑިނަރީ ހިއްސާއަކަށް ނެޓް އެސެޓް ވެލިއުއަކީ 27.34ރ. އެވެ.
އެމްއައިބީއަށް މިދިޔަ އަހަރު ކޮންމެ ހިއްސާއަަކަށް އާމްދަނީގެ ގޮތުގައި 4.51ރ. ލިބުނެވެ.
މިދިޔަ އަހަރު ބޭންކުގެ އާމްދަނީ ދަށަށް ދިޔައީ ކޮވިޑް-19 ބަލިމަޑުކަމުގެ ސަބަބުން ބޭންކިން ސެކްޓާއަށް އައި ހީނަރުކަމާއި ލޯން މޮރަޓޯރިއަމްތަކުގެ ސަބަބުންނެވެ. އާމްދަނީ ދަށަށް ދިޔަ ނަމަވެސް ބޭންކަށް ފައިދާވި އެވެ.
