އިންޑިއާ ޓީޓީ ތަރިންގެ ކޭމްޕެއް ރާއްޖެ އަށް

ރާއްޖޭގެ ޓީޓީ އެސޯސިއޭޝަންގެ ރައީސް އަލީ ރަޝީދު (ކ) އާއި އިންޑިއާ ޓީޓީ ފެޑެރޭޝަންގެ ރައީސް ޑުޝްޔަންޓް.-- ފޮޓޯ: ޔޫތު މިނިސްޓްރީ

ރާއްޖޭގެ ޓީޓީ އެސޯސިއޭޝަންގެ ރައީސް އަލީ ރަޝީދު (ކ) އާއި އިންޑިއާ ޓީޓީ ފެޑެރޭޝަންގެ ރައީސް ޑުޝްޔަންޓް.-- ފޮޓޯ: ޔޫތު މިނިސްޓްރީ

ޓޭބަލް ޓެނިސް ކުރިއަރުވަން އިންޑިއާ އިން ރާއްޖެ އަށް ކޮށްދޭ ކަންތައްތަކުގެ ތެރެއިން އިންޑިއާގެ އެންމެ މޮޅެތި ކުޅުންތެރިން މުސްތަގުބަލުގައި ރާއްޖޭގައި ޓްރެއިނިން ކޭމްޕް ފުރިހަމަކުރުމުގެ ވިސްނުން އެބަހުރި ކަމަށް އިންޑިއާގެ ޓޭބަލް ޓެނިސް ފެޑެރޭޝަންގެ ރައީސް ޑުޝްޔަންޓް ޗޯޓާލާ ވިދާޅުވެއްޖެ އެވެ.

ޔޫތު މިނިސްޓަރު އަހުމަދު މަހުލޫފްގެ ދައުވަތަކަށް ރާއްޖެ ވަޑައިގަތުމަށް ފަހު އެނބުރި ގައުމަށް ދިއުމުގެ ކުރިން އިއްޔެ ވެލާނާ އިންޓަނޭޝަނަލް އެއާޕޯޓުގެ ވީއައިޕީ ލައުންޖުގައި ހުންނަަވައި "އަދަދު" އަށް ދެއްވި އިންޓަވިއުއެއްގައި ޑުޝްޔަންޓް ވިދާޅުވީ ޓީޓީން އިންޑިއާ އާއި ރާއްޖޭގެ ގުޅުން ވަރުގަދަވެގެން ދިއުމަކީ ހަގީގަތުގައި މި ދެ ގައުމުގެ ގުޅުން އެހެނިހެން ގޮތްގޮތުން އިތުރަށް ބަދަހިވެގެންދާނެ ކަމެއް ކަމަށެެވެ.

"ދާދި ފަހުން އިންޑިއާ އިން ރާއްޖޭގެ ކުޅިވަރު އިންފްރާސްޓްރަކްޗާ ބިނާކުރަން ދޭ ލޯން އެހީގެ ތެރެއިން އަހަރެމެންނަށް ޓޭބަލް ޓެނިސްގެ ތަރައްގީ އަށް ވެސް ކުރެވިދާނެ ކަންތައްތަކެއް އެބަހުރި. ހަގީގަތުގައި ޓޭބަލް ޓެނިސް އިން މި ދެ ގައުމުގެ ގުޅުން ބަދަހިވުމަކީ މި ކުޅިވަރުން ވެސް އިތުރު ފުރުސަތުތަކެއް މި ދެ ގައުމަށް ފަހިވެގެންދާނެ ކަމެއް،" ޑުޝްޔަންޓް ވިދާޅުވި އެވެ.

Advertisement

ޔޫތު މިނިސްޓަރު މަހުލޫފާއި ކޮމަންވެލްތު އަދި ޓޭބަލް ޓެނިސް އެސޯސިއޭޝަން އޮފް މޯލްޑިވްސް (ޓީޓީއޭއެމް)އާ އެކު ޔޫތު މިނިސްޓްރީގައި ބޭއްވުނު ބައްދަލުވުމުގައި ގިނަ ކަންތައްތަކެއް މަޝްވަރާކުރެވުނު ކަމަށް ޑުޝްޔަންޓް ވިދާޅުވި އެވެ.

އިންޑިއާގެ ހަރްޔާނާ ސްޓޭޓްގެ ޑެޕިއުޓީ ޗީފް މިނިސްޓަރުގެ މަގާމު ވެސް ފުރުއްވަމުން އަންނަ ޑުޝްޔަންޓް ވިދާޅުވީ ރާއްޖޭގެ ޓީޓީ ކުރިއެރުވުމުގެ ކަންތައްތައް ވީ އެންމެ ރަނގަޅަށް ކުރިއަށްގެންދިއުމުގެ ގޮތުން އިންޑިއާއާ އެކު ވަކި އެއްބަސްވުމެއްގައި ވަރަށް އަވަހަށް ސޮއިކުރަން އުއްމީދުކުރާ ކަމަށެވެ.

"ވާހަކަ ދެކެވުނީ ޕްރޮގްރާމެއް ކުރިއަށްގެންދަން. އުއްމީދަކީ ވަރަށް އަވަހަށް އެމްއޯޔޫއެއްގައި ސޮއިކުރެވޭނެ ކަމަށް. އެންމެ ބޮޑު ޓާގެޓަކީ 2028 ވަނަ އަހަރުގެ އޮލިމްޕިކްސްއާ ހަމައަށް ދާންވާއިރަށް ރާއްޖޭގައި އެތައް ސަތޭކަ ޓޭބަލް ޓެނިސް ކުޅުންތެރިންތަކެއް އުފެއްދުން،" ޑުޝްޔަންޓް ވިދާޅުވި އެވެ.

"އަހަރެން މިނިސްޓަރު ގާތުގައި ބުނިން. ރާއްޖޭގެ ޓީމެއް އެކޮޅަށް ފޮނުވައިގެން ދެން މީގެ އެހެން ކަންތައްތަކެއް ފައިނަލްކުރަން. މުސްތަގުބަލުގައި އަހަރެމެންގެ އެންމެ މޮޅު 20 ކުޅުންތެރިން ރާއްޖޭގައި ޓްރެއިނިން ކޭމްޕެއް ކުރިއަށް ގެންދިއުމުގެ ވިސްނުން ވެސް އެބަހުރި،"

ޑުޝްޔަންޓް ވިދާޅުވީ ދާދި ފަހުން ދުނިޔޭގެ ޖޫނިއާ ރޭންކިންގެ އަށް ވަނައިގައި ހިމެނުނު ރާއްޖޭގެ ފާތިމަތު ދީމާ އަލީ ފަދަ ކުޅުންތެރިންނަށް އިތުރު ފުރުސަތުތަކެއް ހޯދައިދިނުން މުހިއްމު ކަމަށާއި އިންޑިއާ އާއި ރާއްޖޭގެ މެދުގައި ކުރިއަށްގެންދާ ޓްރެއިނިން ޕްރޮގްރާމް މެދުވެރިކޮށް އެ ފުރުސަތުތައް ލިބިގެންދާނެ ކަމުގެ އުއްމީދު އެބައޮތް ކަމަށެވެ.

"އަހަރެމެންނަށް ރޭވިގެންދާނެ ޕްރޮގްރާމެއް އަހަރެމެންގެ އެންމެ ރަނގަޅު ހަތަރު ފިިރިހެން އަދި އަންހެން ކުޅުންތެރިން ރަނގަޅު ކޯޗުންނާ އެކު މަހެއްހާ ދުވަހަށް ރާއްޖޭގައި ޓްރެއިނިން ކޭމްޕެއް ފުރިހަމަކޮށްފައި. ރާއްޖޭގެ ކުޅުންތެރިންގެ ޓްރެއިނިން އަށް އިންޑިއާގެ ކޯޗުންނާއި ކުޅުންތެރިންގެ އެހީ ވެސް ވަރަށް ބޮޑަށް ލިބޭނެ މި ޕްރޮގްރާމްގެ ތެރެއިން،" ކޮމަންވެލްތު ޓޭބަލް ޓެނިސް ފެެޑެރޭޝަނުގައި ވެސް އިސް ރޯލެއް ފުރުއްވަމުން އަންނަ ޑުޝްޔަންޓް ވިދާޅުވި އެވެ.

ނުވަދިހަ ފަސް އަހަރުވީ އިންޑިއާގެ ޓީޓީ ފެޑެރޭޝަނުގެ ތާރީހުގައި އެ ފެޑެރޭޝަނުގެ ރައީސްކަމަށް އައި އެންމެ ޒުވާން ރައީސަކީ ޑުޝްޔަންޓް އެވެ. އޭނާ ވިދާޅުވީ ޓީޓީ ކުރިއަރުވަން ރާއްޖެއާ އެކު އިންޑިއާ އިން މި ގާއިމްކުރާ ގުޅުމުގެ ފައިދާ ހުރިހާ ގޮތަކުން ބެލިޔަސް މުހިއްމު ކަމަށެވެ.

ކޮމެންޓް

ފަހުގެ ޚަބަރު

ސިޓީ އާއި އާސެނަލަށް މޮޅެއް ނުލިބުނު، ޗެލްސީ ބަލިވެއްޖެ

އިނގިރޭސި ޕްރިމިއާ ލީގުގައި ރޭ ކުޅުނު މެޗުތަކުން މެންޗެސްޓާ ސިޓީ އާއި އާސެނަލް އެއްވަރުވިއިރު، ޗެލްސީ ވަނީ ލީޑްސް ޔުނައިޓެޑް އަތުން 4-1 އިން ބަލިވެފައި. ސިޓީ އާއި ފުލަމް ބައްދަލުކުރި މެޗު 1-1 އިން އެއްވަރުވިއިރު، އާސެނަލް އާއި ނިއުކާސަލް ބައްދަލުކުރި މެޗު ނިމުނީ 2-2 އިން އެއްވަރުވެގެން.

އޮޑިން ކޮންމެ މެޗެއްގައި ވެސް ޓީމު ވަރުގަދަކޮށްގެން ނަތީޖާ ނެރެން

ދިވެހި ޕްރިމިއާ ލީގުގައި އޮޑި ސްޕޯޓްސް ކްލަބުން ކޮންމެ މެޗަކަށް ވެސް ނުކުންނަނީ ޓީމު ވަރުގަދަކޮށް ރަނގަޅު ނަތީޖާއެއް ނެރުމުގެ އަމާޒުގައި ކަމަށް އެ ޓީމުގެ ކޯޗު ލޫޗޯ ބުނެފި. ލީގުގެ ބްރޭކުގެ ތެރޭގައި ޓީމުގެ ފިޓްނަސް އާއި ކުޅުން ރަނގަޅުކުރަން ގިނަ މަސައްކަތްތަކެއް ކޮށްފައިވާއިރު، މާދަމާ ޓީސީއާ ދެކޮޅަށް ނުކުންނާނީ މެޗުގެ ކޮންޓްރޯލް ހޯދައިގެން މޮޅުވާން

ނިއު ރޭޑިއަންޓް ބަލިކުރުން މުޅި ވިކްޓަރީ އަށް އިތުބާރަކަށްވާނެ

ދިވެހި ޕްރިމިއާ ލީގުގައި ނިއު ރޭޑިއަންޓާ ދެކޮޅަށް ކުޅޭ މެޗުން މޮޅުވުމަކީ ވިކްޓަރީގެ އިތުބާރު ބޮޑުވެ، ސަޕޯޓަރުންގެ ޝައުގުވެރިކަން އިތުރުވާނެ ކަމެއް ކަމަށް އެ ޓީމުގެ ކޯޗު މޯހަން ބުނެފި ލީގުގައި މިހާތަނަށް ބަލިނުވެ އޮތް މި ދެ ޓީމުގެ ކުރިމަތިލުމަށް ވިކްޓަރީ އޮތީ ވަރަށް ރަނގަޅަށް ތައްޔާރުވެފައި ކަމަށްވެސް އޭނާ ފާހަގަކުރި

މުޑްރިކް އާއި ޔޫކްރެއިން އެފްއޭގެ ކޯޅުމެއް

މަނާބޭހުގެ މައްސަލައެއްގައި 21 މަސް ދުވަހުގެ ސަސްޕެންޝަނެއް ފުރިހަމަކުރުމަށްފަހު، ޔޫކްރެއިންގެ މިހައިލޯ މުޑްރިކް އެ ގައުމުގެ ފުޓްބޯޅަ އެސޯސިއޭޝަނުން އިހުމާލުވި ކަމަށް ބުނެ ކުރި ތުހުމަތުތަކާ ގުޅިގެން މައްސަލަ ހޫނުވެއްޖެއެވެ. މުޑްރިކްގެ މި ވާހަކަތަކަށް ރައްދު ދެއްވަމުން ޔޫކްރެއިން އެފްއޭގެ ރައީސް އަންޑްރީ ޝެވްޗެންކޯ ވިދާޅުވީ މުޑްރިކް ހަދަނީ ދޮގު ކަމަށާއި، މިއީ އެސޯސިއޭޝަނުގެ އަގުވައްޓާލަން ކުރާ ކަމެއް ކަމަށެވެ.

ޓޮމް ބްރެޑީ ޗެލްސީގެ ހިއްސާއެއް ގަންނަނީ

އެމެރިކަން ފުޓްބޯޅަ ލެޖެންޑް ޓޮމް ބްރެޑީ، ކްލިއަލޭކް ކެޕިޓަލް މެދުވެރިކޮށް އިނގިރޭސި ކްލަބް ޗެލްސީގެ މައިނޯރިޓީ ހިއްސާއެއް ގަތުމަށް ދަނީ މަސައްކަތް ކުރަމުންނެވެ. މި އިންވެސްޓްމަންޓާއެކު އޭނާއަށް ވޯޓުލުމުގެ ހައްގު ނުލިބުނު ނަމަވެސް، ކުރިއަށް އޮތް ތަނުގައި ކްލަބުގެ ބޯޑުން ފުރުސަތު ލިބުމުގެ ފުރުސަތު އެބައޮތެވެ. ބްރެޑީ މި ފިޔަވަޅު އަޅަނީ ބާމިންހަމް ސިޓީގައި އޮތް އޭނާގެ ހިއްސާ ދޫކޮށްލުމަށްފަހުއެވެ.

ބަޔާން އެއްވަރުވި މެޗުގައި ކޭން އަށް ސީރިއަސް އަނިޔާއެއް

ޖަރުމަނު ލީގުގައި ކޮލޯންއާ ދެކޮޅަށް ކުޅުނު މެޗުގައި ބަޔާން މިއުނިކްގެ ފޯވާޑް ހެރީ ކޭންގެ ކުޑަހުޅަށް ލިބުނު ސީރިއަސް އަނިޔާއަކާ ގުޅިގެން، ތިން މަސް ދުވަހަށް އޭނާ ކުޅުމާ ދުރުގައި ހުންނަން ޖެހިއްޖެ. ބަޔާން މި މެޗުން 1-1 އިން އެއްވަރުވިއިރު، މި ނަތީޖާއާއެކު ލީގުގެ އެއްވަނަ މަގާމު ގެއްލުމުގެ ބިރު އެ ޓީމަށް ވަނީ ކުރިމަތިވެފައި

ސްޕެއިން ކައިރިން ބަދަލުހިފަން ޒިދާން ބޭނުމެއް ނޫން

ނޭޝަންސް ލީގުގެ ކުއާޓާ ފައިނަލުގައި ސްޕެއިނާ ދެކޮޅަށް ނުކުންނައިރު، ފްރާންސްގެ އަމާޒަކީ ވޯލްޑް ކަޕްގެ ބަލިވުމުގެ ބަދަލުހިފުމުގެ ބަދަލުގައި މުބާރާތުގެ ތަށި ހޯދުން ކަމަށް ކޯޗު ޒިދާން ބުނެފި. ޒިދާން ފާހަގަކުރި ގޮތުގައި މިއީ އާ މުބާރާތެއް ކަމަށާއި، އަންނަ މާޗް މަހު އޮންނަ މި މެޗުތަކަށް ޓީމު އޮތީ ވަރުގަދަ އަމާޒެއްގައި

Newsletter

Get the latest news delivered straight to your inbox