އެމްއައިބީގެ ކާޑުތައް ބޭނުންކޮށްގެން 250ރ. އިން މަތިން ވިޔަފާރިކުރާ ކޮންމެ ފަހަރަކު ހަރަދުކުރި ފައިސާގެ ދެ ޕަސެންޓް އަނބުރާ ލިބޭ ކޭޝްބޭކް ޕްރޮމޯޝަނެއް ފަށައިފި އެވެ.
ރޯދަ މަހުގެ ނިޔަލަށް ކުރިޔަށްދާ މި ޕްރޮމޯޝަންގެ ބައިވެރިވާ އެމްއައިބީގެ ކަސްޓަމަރުންގެ ތެރެއިން ކޮންމެ ހަފުތާއެއްގައި ގުރުއަތުން ހޮވޭ ނަސީބުވެރިއަކަށް 5000ރ. ލިބެއެވެ. އެއްވަނަ އިނާމުގެ ގޮތުގައި ހުށައަޅާފައި ވަނީ ސައިކަލެކެވެ.
އެމްއައިބީން މައުލޫމާތު ދީފައިވާ ގޮތުގައި މި ޕްރޮމޯޝަނުގައި އެ ބޭންކުން މިފަހުން ތައާރަފުކުރި ވިސާ ޑެބިޓް ކާޑުތައް ގެންގުޅޭ ކަސްޓަމަރުންނާއި ފައިސާ ކާޑު ގެންގުޅޭ ކަސްޓަމަރުންނަށް ވެސް ބައިވެރިވޭނެ އެވެ.
މި ކޭޝްބެކް ޕްރޮމޯޝަން ކުރިއަށް ގެންދަނީ އެމްއައިބީގެ އެވްރީޑޭ ބެނެފިޓްސް ޕްރޮމޯޝަނާ އެކުއެކީގަ އެވެ. އެވްރީޑް ބެނެފިޓްސް ޕްރޮމޯޝަނަކީ އެމްއައިބީގެ ވިސާ ޑެބިޓް ކާޑު ބޭނުންކުރާ ކަސްޓަމަރުންނަށް ހާއްސަ ޑިސްކައުންޓް އޮފާތަކެއް ހިމެނޭ ގޮތަށް އެކި ވިޔަފާރިތަކާ ގުޅިގެން ކުރިއަށް ގެންދާ ޕްރޮމޯޝަނެކެވެ.
ރޯދަ މަހުގެ ނިޔަލަށް އެމްއައިބީ ފައިސާ ކާޑު ބޭނުންކުރާ ކަސްޓަމަރުންނަށް ވެސް އެވްރީޑޭ ބެނެފިޓްސް ޕްރޮމޯޝަނުގައި ބައިވެރިވޭނެ ކަމަށް އެމްއައިބީން މައުލޫމާތު ދިނެެވެ.
