އެސްއެމްއީތަކަށް ދޫކުރާ ލޯނުގެ ޝަރުތު ލުއިކޮށްދޭން ބޭންކްތަކުގައި އެދެނީ

ބީއެމްއެލްގެ އޭޓީއެމްއެއް ކައިރީ މީހަކު: މިހާރު ހުރި ޝަރުތުތަކުގެ ސަބަބުން ބައެއް ވިޔަފާރިތަކަށް ލޯނު ނުލިބޭ މައްސަލައިގެ ޝަކުވާ ބޮޑު -- ފޮޓޯ: ހުސެއިން ވަހީދު/އަދަދު

ބީއެމްއެލްގެ އޭޓީއެމްއެއް ކައިރީ މީހަކު: މިހާރު ހުރި ޝަރުތުތަކުގެ ސަބަބުން ބައެއް ވިޔަފާރިތަކަށް ލޯނު ނުލިބޭ މައްސަލައިގެ ޝަކުވާ ބޮޑު -- ފޮޓޯ: ހުސެއިން ވަހީދު/އަދަދު

ކުދި އަދި މެދު ފަންތީގެ ވިޔަފާރިތަކަށް ދޫކުރާ ލޯނުތަކުގެ ޝަރުތުތައް ލުއިކުރަން ބޭންކުތަކުގައި އެދެން ރައްޔިތުންގެ މަޖިލިހުގެ ތަޅުމަށް ހުށައަޅަން އެސްއޯއީ ކޮމިޓީން ނިންމައިފި އެވެ.

އެސްއެމްއީތަކާ ގުޅިގެން އެސްއޯއީ ކޮމިޓީން ބަލަމުންދާ މައްސަލައިގެ ރިޕޯޓުގައި މިގޮތަށް ހުށައެޅީ މިހާރުގެ އިގުތިސޯދީ ހާލަތަށް ރިއާޔަތް ކުރުމަށް ފަހު ވިޔަފާރިތަކަށް ބޭނުންވާ މާލީ އެހީ ލިބޭނެ މަގު ފަހި ކުރުމުގެ ގޮތުންނެވެ. އަދި، ލޯނު ދޫކުރާ އިރު ދެމެހެއްޓެނިވި ގޮތެއްގައި ކުރިއަށް ގެންދެވޭނެ ވިޔަފާރިތަކެއް ކަނޑައެޅުމަށް ފަހު އެ ވިޔަފާރިތަކަށް ލޯނު ދޫކުރުމުގެ ބޭނުމުގަ އެވެ.

ލޯނު ދޫކުރުމަށް ވީހާ ވެސް ލުއި މިންގަނޑުތަކެއް ކަނޑައެޅުމަށް އެދެން ނިންމާފައި ވަނީ ބޭންކް އޮފް މޯލްޑިވްސް އަދި މޯލްޑިވްސް އިސްލާމިކް ބޭންކުގަ އެވެ. މި ދެ ބޭންކުގެ ކޮންޓްރޯލިން ޝެއާހޯލްޑަރަކީ ދިވެހި ދައުލަތެވެ.

ބޭންކުތަކުން ލުއި ދޭއިރު، ކޮވިޑް-19 ބަލިމަޑުކަމުގެ ހާލަތުގެ ސަބަބުން އަސަރުކުރި ކުދި އަދި މެދުފަންތީގެ ވިޔަފާރިތަކަށް ލޯނު ލިބޭނެ ފަދަ ގޮތަކަށް ޝަރުތުތައް ލުއި ކުރަން ހުށައަޅަން ވެސް އެސްއޯއީ ކޮމިޓީން ނިންމި އެވެ.

އޭގެ ތެރޭގައި ބަލިމަޑުކަމުގެ ހާލަތުގެ ކުރިން ރަނގަޅަށް ހިނގަމުން ދިޔަ ވިޔަފާރިތަކަށް ލޯނު ލިބޭނެ ގޮތްތަކެއް ހޯދައި ދިނުން ހިމެނެ އެވެ. ކޮމިޓީގެ ރިޕޯޓުގައި ފާހަގަ ކޮށްފައިވާ ގޮތުގައި، މިހާރު ބޭންކުން ކަނޑައަޅާފައުވާ ޝަރުތުތަކުގެ ސަބަބުން ވިޔަފާރިތަކަށް ލޯނުތައް ލިބުމުގައި ދަތިތަކެއް ކުރިމަތި ވާނެ ކަމަށް ގިނަ މެމްބަރުން ފާހަގަ ކުރި އެވެ.

ލޯނު ޝަރުތުތައް ލުއިކުރުމުގެ އިތުރަށް، އެސްއެމްއީތަކަށް އެހީތެރިވުމުގެ ގޮތުން އެސްޑީއެފްސީ މެދުވެރިކޮށް ލޯނު ނަގާފައިވާ މީހުންނަށް ރީ-ފައިނޭންސް ކުރުމުގެ ފުރުސަތު ދިނުމަށާއި، އިންކިއުބޭޓާ ފެސިލިޓީ އަދި ކޯ-ވޯކް ސްޕޭސް ގާއިމު ކުރުމަށާއި، އެސްއެމްއީތަކަށް އެހީތެރިވުމުގެ ސިޔާސަތުތައް އެސްއޯއީތަކުން ތަންފީޒު ކުރާ މިންވަރު ދެނެގަންނަން ހުށައެޅުމަށް ވެސް ކޮމިޓީން ވަނީ ނިންމައިފަ އެވެ.

ކޮމެންޓް

ފަހުގެ ޚަބަރު

ލަކްސް ގްލޯގެ ދެވަނަ ފިހާރަ މަޖީދީމަގުގައި ހުޅުވައިފި

މަޝްހޫރު ކޮސްމެޓިކްސް ބްރޭންޑް "ލަކްސް ގްލޯ" ގެ ދެވަނަ ފިހާރަ މާލޭގެ މަޖީދީމަގުގައި ހުޅުވައިފިއެވެ. މި ފިހާރައިން ބައިނަލްއަގުވާމީ ބްރޭންޑްތަކުގެ ސްކިންކެއާ އަދި މޭކަޕް ސާމާނު ޓެސްޓުކޮށްލުމާއި، ފަންނީ ލަފާ ހޯދައިގެން ވަގުތުން ގަނެވޭނެ އިންތިޒާމު ވަނީ ހަމަޖެހިފައެވެ. ފިހާރަތަކުގެ އިތުރުން އެ ބްރޭންޑުގެ ވެބްސައިޓް މެދުވެރިކޮށް އޮންލައިންކޮށް އޯޑަރުކުރުމުގެ ފުރުސަތުވެސް ކަސްޓަމަރުންނަށް ވަނީ ހުޅުވާލެވިފައެވެ.

ކްލީވިއާ ރެސިޑެންސް: ޒަމާނީ ބޯހިޔާވަހިކަން އާ މަޝްރޫއެއް

ޕޭން ރިއަލް އެސްޓޭޓުން އަލަށް ތައާރަފްކުރި "ކްލީވިއާ ރެސިޑެންސް" މަޝްރޫއަކީ މެދުފަންތީގެ އާމްދަނީ ލިބޭ ފަރާތްތަކަށް އަމާޒުކޮށްގެން ހިންގާ އަތްފޯރާ އަގުތަކެއްގެ ބޯހިޔާވަހިކަމުގެ މަޝްރޫއެކެވެ. މި މަޝްރޫއުގެ ދަށުން ޒަމާނީ ފެންވަރުގެ އެއް ކޮޓަރި އަދި ދެ ކޮޓަރީގެ އެޕާޓްމަންޓްތައް ލިބޭއިރު، ފައިސާ ދެއްކުމުގައި ލުއި ގޮތްތަކެއް ވަނީ ހަމަޖައްސާފައެވެ.

ދިރާގު ރޯޑް ރޭސްގެ ބިބް އެކްސްޕޯ ބުދަ ދުވަހާ ހަމައަށް

ދިރާގު މޯލްޑިވްސް ރޯޑް ރޭސް 2026 ގެ ބިބް އެކްސްޕޯ ބީޖީ ޓާފް ދަނޑުގައި ކުރިއަށްދާއިރު، ބިބް އާއި ރޭސް ކިޓް ދޫކުރުމުގެ މުއްދަތު މި މަހުގެ 18 ވާ ބުދަ ދުވަހުގެ ނިޔަލަށް ވަނީ އިތުރުކޮށްފައެވެ. ފަސް ހާހަށްވުރެ ގިނަ ދުވުންތެރިން ބައިވެރިވާ މި ދުވުން އޮންނާނީ ކުރިއަށް އޮތް ހުކުރު ދުވަހު ހުޅުމާލޭ ސެންޓްރަލް ޕާކުގައެވެ.

ގޫގަލް ޕިކްސެލް އަށް އުރީދޫ 5ޖީ

ގޫގުލް ޕިކްސެލް ފޯނުތަކަށް ރާއްޖޭގައި 5ޖީގެ ޚިދުމަތް ފޯރުކޮށްދޭ ފުރަތަމަ ނެޓްވޯކަކަށް އުރީދޫ މޯލްޑިވްސް ވެއްޖެއެވެ. ނޮވެންބަރު މަހުގެ ސޮފްޓްވެއާ އަޕްޑޭޓާއެކު ޕިކްސެލްގެ އެކި މޮޑެލްތަކަށް 5ޖީ އާއި ވީއޯއެލްޓީއީގެ ޚިދުމަތް މިހާރު ލިބޭނެއެވެ.

ޓޫރިޒަމް ފަހަތަށް، މާލީ ދާއިރާ އާއި އިމާރާތް ކުރުން ކުރިއަށް

މާލީ ދާއިރާ އާއި އިމާރާތްކުރުމުގެ ދާއިރާއަށް އައި ބޮޑު ކުރިއެރުމާއެކު، ރާއްޖޭގެ އިގުތިސޯދު ވަނީ ހަތަރެއް ޕަސެންޓަށް ކުރިއަރާފަ. ޓޫރިޒަމްގެ އިތުރުން މަސްވެރިކަމުގެ ދާއިރާވެސް ވަނީ މި މުއްދަތުގައި ވަރަށް ބޮޑަށް ދަށަށް ގޮސްފަ.

ޑީއެމްއާރްއާރްގައި ޕްލާސްޓިކް ބޭނުން ނުކުރުމަށް ދިރާގު އިލްތިމާސް

މި މަހުގެ 20 ގައި ބާއްވާ "ދިރާގު މޯލްޑިވްސް ރޯޑް ރޭސް" ގައި އެއްފަހަރު ބޭނުންކޮށްފައި އުކާލާ ޕްލާސްޓިކް ބޭނުން ނުކުރުމަށް ދިރާގުން އިލްތިމާސްކޮށްފިއެވެ. ތިމާވެށި ހިމާޔަތްކުރުމުގެ މަގުސަދުގައި ކުރިއަށްގެންދާ މި ހަރަކާތުގައި ފެން ފޯރުކޮށްދޭނީ ކަރުދާސް ތަށީގައި ކަމަށާއި، ދުވުންތެރިން އަމިއްލަ ފުޅި ގެންގުޅުމަށް އެ ކުންފުނިން ބާރުއަޅައެވެ. މި އިސްނެގުމުގެ ސަބަބުން ކޮންމެ އަހަރަކު ގާތްގަނޑަކަށް 18،000 ޕްލާސްޓިކް ފުޅި މަދުކުރެވޭނެ ކަމަށް ދިރާގުން ލަފާކުރެއެވެ.

ކުޑަ ސަރަހައްދަކުން އުދުއްސާލެވޭ އާދަޔާ ހިލާފު ބޯޓެއް

އެމެރިކާގެ އިލެކްޓްރާ ކުންފުނިން ދަނީ ރަންވޭއެއް ނެތް ކުޑަ ސަރަހައްދުތަކުން އުދުއްސާލެވޭ ފަދަ ހައިބްރިޑް-އިލެކްޓްރިކް މަތިންދާބޯޓެއް އުފައްދަމުންނެވެ. މި ބޯޓުގެ ސަބަބުން ކައިރި މަންޒިލްތަކަށް ކުރާ ދަތުރުތަކުގެ ޚަރަދު ކުޑަވެ، އެއާޕޯޓުތަކަށް ބަރޯސާނުވެ ސީދާ އެއް ތަނުން އަނެއް ތަނަށް އަވަހަށް ދަތުރުކުރުމުގެ ފުރުސަތު ލިބިގެންދާނެއެވެ.

Newsletter

Get the latest news delivered straight to your inbox