މަރުތަކުގެ މައްސަލައިގައި އެމްޕީއެލުން ޒިންމާތަކުން ބަރީއަނުވާނެ ކަމުގެ ޔަގީކަން ޝާހިދު ދެއްވައިފި

ނޫސްވެރިންގެ ބައްދަލުވުމުގައި ޝާހިދު ވާހަކަ ދައްކަވަނީ: ވިދާޅުވީ މާލޭ ވިޔަފާރި ބަނދަރު ކުޑަވުމުގެ ސަބަބުން އިތުރު ސަލާމަތީ ފިޔަވަޅު އަޅަންޖެހޭ ކަމަށް -- ފޮޓޯ / ހުސެއިން ވަހީދު

ނޫސްވެރިންގެ ބައްދަލުވުމުގައި ޝާހިދު ވާހަކަ ދައްކަވަނީ: ވިދާޅުވީ މާލޭ ވިޔަފާރި ބަނދަރު ކުޑަވުމުގެ ސަބަބުން އިތުރު ސަލާމަތީ ފިޔަވަޅު އަޅަންޖެހޭ ކަމަށް -- ފޮޓޯ / ހުސެއިން ވަހީދު

މިއަހަރު ކުރީކޮޅު މާލޭ ވިޔަފާރި ބަނދަރުގައި ހިނގި ދެ އެކްސިޑެންޓެއްގައި ދެ މީހަކު މަރުވި މައްސަލައިގައި މޯލްޑިވްސް ޕޯޓްސް ލިމިޓެޑުން އެ ކުންފުނީގެ ޒިންމާތަކުން ބަރީއަނުވާނެ ކަމަށް ސީއީއޯ ޝާހިދު އަލީ އިއްޔެ ވިދާޅުވެއްޖެ އެވެ.

އެމްޕީއެލުން ބޭއްވި ނޫސްވެރިންގެ ބައްދަލުވުމެއްގައި ޝާހިދު ވިދާޅުވީ ޖެނުއަރީ އަދި ފެބްރުއަރީ މަހު ދެ ދިވެހިން މަރުވި އެކްސިޑެންޓުތައް "ހިނގައިދިޔަ ހުރިހާ އެސްޕެކްޓެއް ބަލައިފަ ކޮބައިތޯ، ކޮންބައެއްތޯ އޭގައި ރެސްޕޮންސިބަލް ވަނީ" ބަލަންޖެހޭ ކަމަށެވެ.

"އަޅުގަނޑުމެންގެ ޒިންމާއެއް ނެތޭ ކިޔާފަ ތި ސުވާލުން ބަރީއަވާކަށް ވެސް ބޭނުމެއް ނޫން،" މި ނޫހުން ކުރި ސުވާލަކަށް ޖަވާބު ދެއްވަމުން ޝާހިދު ވިދާޅުވި އެވެ. "އަޅުގަނޑުމެން އަބަދުވެސް މަސައްކަތް ކުރަނީ، އެމްޕީއެލްގެ މަސައްކަތް އަޅުގަނޑުމެންނަށް ކުރެވޭ އެންމެ ޒިންމާދާރުކޮށް ކުރަން."

ޖެނުއަރީ މަހު ބިއްލޫރި ބަރުކޮށްފައި އޮތް ޕެލެޓެއް ދަށުވެ ލިބުނު ހާނިއްކައިގަ ނ. ލަންދޫ، އަބްދުﷲ އާސިމް، މަރުވި މައްސަލަ އާއި ވިދިގެން އައި ފެބްރުއަރީ މަހު ކެރޭނަކުން ޖަހައި މައްޗަށް ނަގާފައި އޮތް ބިޔަ ކާޕެޓް ރޯލެއް ދަށުވެ ހދ. ނޮޅިވަރަމް، އިމްރާން އަލީ، 28، މަރުވި މައްސަލައިގައި އެމްޕީއެލްގެ މައްސަލަތަކެއް ހުރި ކަމަށް ރައްޔިތުންގެ މަޖިލީހުގެ ސްޓޭޓް އޯންޑް އެންޓަޕްރައިސާސް ކޮމެޓީ އިން ވަނީ ނިންމައިފަ އެވެ.

އެ އެކްސިޑެންޓުތަކުގައި ކަން ހިނގާފައިވާ ގޮތް ބެލުމަށްފަހު އެސްއޯއީ ކޮމެޓީން ނެރެފައިވާ ރިޕޯޓުގައި ބުނެފައި ވަނީ އެކްސިޑެންޓުތައް ހިނގިއިރު ބަނދަރުގެ ސަލާމަތީ އުސޫލުތަކަށް އަމަލުކޮށްފައިނުވާ ކަމަށް، އެމްޕީއެލުން އެ މައްސަލަތައް ތަހުގީގުކޮށް އެކުލަވާލި ދެ ރިޕޯޓެއްގެ ޑްރާފްޓުން އެނގޭ ކަމަށެވެ.

އެގޮތުން ބަނދަރުގެ ސްޓޭންޑާޑް އޮޕަރޭޓިން ޕްރޮސީޖާތަކާއި ރިސްކް މެނޭޖްމަންޓް ވާކްޝީޓްތަކެއް އެމްޕީއެލުން ހަދާފައި ހުރި ނަމަވެސް އެކްސިޑެންޓު ހިނގިއިރު އެ ތަކެއްޗަށް އަމަލު ކުރަމުން ނުދާ ކަމަށް އެމްޕީއެލްގެ އެކްސިޑެންޓް އިންވެސްޓިގޭޝަން ކޮމެޓީއަށް ހޯދިފައިވާ ކަމަށް މަޖިލީހުގެ ރިޕޯޓުގައިވެ އެވެ.

ބަނދަރުގައި މަސައްކަތް ފެށުމުގެ ކުރިން ސޭފްޓީ ޗެކް ކުރުމާއި ތަޖުރިބާކާރުން ލައްވައި ބަރު މުދާ އުފުލުމަށާއި އަމިއްލަ ސަލާމަތަށް ހެލްމެޓާއި ބޫޓު ފަދަ ތަކެއްޗަށް އެރުމަށާއި މަސައްކަތުގެ މާހައުލު ސުޕަވައިޒް ކުރަމުން ގެންދިއުމަށް އެމްޕީއެލްގެ އުސޫލުތަކުގައި ލިޔެފައި ހުރި ނަމަވެސް އެކްސިޑެންޓުތައް ހިނގިއިރު އެކަންކަމަށް ވެސް އަމަލު ކުރަމުން ނުދާ ކަމަށް ކުންފުނީގެ އެތެރޭގެ ތަހުގީގުތަކުން އެނގުނު ކަމަށް މަޖިލީހުން ބުނެފައިވެ އެވެ.

އެކަމަކު ނޫސްވެރިންގެ ބައްދަލުވުމުގައި ބަނދަރު ހިންގާ ކުންފުނީގެ ސީއީއޯ ޝާހިދު ވިދާޅުވީ މަޖިލިސް ރިޕޯޓުގައި އެހެން ލިޔެފައި އޮތުން "އަޅުގަނޑަށް ހީވަނީ ތިއީ މިސްޓޭކެއްހެން" ކަމަށެވެ.

"އަޅުގަނޑަށް ހީވަނީ ޓްރާންސްޕޯޓް އޮތޯރިޓީން ނުވަތަ މަޖިލީހުން ލިޔުއްވާފައިވަ ރިޕޯޓުގައި އެބައޮތްހެން އިޝޫއެއް،" އޭނާ ދެކިވަޑައިގަންނަވާ ގޮތް ޝާހިދު ވިދާޅުވި އެވެ.

މާލޭ ވިޔަފާރި ބަނދަރުގެ ސަލާމަތީ ކަންކަމުގެ ވާހަކަ އިތުރަށް ދައްކަވަމުން ޝާހިދު ވިދާޅުވީ އެންމެ ބޮޑު މައްސަލައަކީ " ވަރަށް ކުޑަ ކޮންފައިންޑް ސްޕޭސްއެއްގައި ވަރަށް ގިނަ މަސައްކަތްތަކެއް" ކުރަންޖެހުން ކަމަށެވެ.

"މިކަހަލަ މާހައުލެއްގައި އަޅުގަނޑުމެން އެހެން ތަންތަނުގައި އަޅާ ފިޔަވަޅުތަކަށްވުރެ އިތުރު ފިޔަވަޅުތަކެއް އަޅައިގެން ނޫން ގޮތަކަށް ސޭފްޓީ ކަންތައް ނުބެލެހެއްޓޭނެ،" އޭނާ ވިދާޅުވި އެވެ.

މާލޭ ވިޔަފާރި ބަނދަރުގައި ތަކުރާރުކޮށް އަބަދުވެސް ނުރައްކާތެރި އެކްސިޑެންޓުތައް ހިނގަމުންދެ އެވެ. އަދި މިފަދަ އެތައް ހާދިސާއެއްގައި ގިނަ ބައެއް މިހާރު ވަނީ މަރުވެފަ އެވެ. އެގޮތުން 2014 ވަނަ އަހަރު ބޯޓަކުން ކޮންޓެއިނަރު ބާލަނިކޮށް ބޯޓުގެ ކެރޭނު ހަލާކުވެ ފަލްކާގައި ހުރި އެމްޕީއެލްގެ ދެ މުވައްޒަފަކު ވަނީ މަރުވެފަ އެވެ.

ކޮމެންޓް

ފަހުގެ ޚަބަރު

ލޯ ޑިގްރީ އިމްތިހާނަށް މާލެ އަންނާކަށް ނުޖެހޭނެ: ބާ ކައުންސިލް

ލޯ ޑިގްރީގެ އިމްތިހާނުތައް ހެދުމަށް މާލެއަށް ނުވަތަ ވަކި ހާއްސަ ރަށަކަށް ހާޒިރުވުން ލާޒިމު ނޫން ކަމަށާއި، ދަރިވަރުން ދިރިއުޅޭ ރަށެއްގެ ސްކޫލް ނުވަތަ ކައުންސިލް މެދުވެރިކޮށް އިމްތިހާނު ހެދޭނެ މަގު ބާ ކައުންސިލުން ފަހިކޮށްދީފިއެވެ. އަންނަ އަހަރުން ފެށިގެން އަމަލުކުރާ މި އުސޫލުގެ ދަށުން އިމްތިހާނު ހަދާ ގޮތަށް ބަދަލު އައި ނަމަވެސް، ކޯހުގެ މަންހަޖާއި ކިޔަވައިދޭ މުއްދަތަށް އެއްވެސް ބަދަލެއް ނާންނާނެއެވެ.

ތަރައްގީގެ އެއްވެސް ކަމެއް ކުރުމަށް ލާރިއެއް ނެތް: ޝާކިރު

އަންނަ އަހަރުގެ ބަޖެޓުގައި ރިކަރަންޓް ހަރަދަށް ކެނޑުމަށްފަހު ތަރައްގީގެ މަޝްރޫއުތަކަށް ފައިސާ ނެތް ކަމަށް ވިދާޅުވެ މެންބަރު އަހުމަދު ޝާކިރު ކަންބޮޑުވުން ފާޅުކުރައްވައިފިއެވެ. އޭނާ ވިދާޅުވީ ދައުލަތުގެ އާމްދަނީގެ ބޮޑުބައެއް ހަރަދުވަނީ ރިކަރަންޓް ކަންކަމަށް ކަމަށާއި، މަޝްރޫއުތައް ހިންގަން ޖެހެނީ އިތުރަށް ދަރަނި ނަގައިގެން ކަމަށެވެ. މީގެ އިތުރުން ސަރުކާރު ކުންފުނިތަކުން ބޮޑެތި ގެއްލުންވަމުންދާ ދިއުމަށްވެސް އޭނާ ވަނީ ފާޑުވިދާޅުވެފައެވެ.

"ސިޓިޒަންސް ކޮމްޕްލެއިންޓްސް" ލައުންޖުތަކެއް ގާއިމުކޮށްފި

ރައްޔިތުންގެ ޝަކުވާތަކާއި ކަންބޮޑުވުންތައް ސަރުކާރަށް ހުށަހެޅުމަށްޓަކައި މާލެ އާއި ހުޅުމާލޭގައި "ސިޓިޒަންސް ކޮމްޕްލެއިންޓްސް" ބިއުރޯގެ ދެ ލައުންޖެއް މިއަދު ވަނީ ހުޅުވައިފައެވެ. ސަރުކާރު ބަންދު ނޫން ކޮންމެ ދުވަހަކު ޚިދުމަތް ދޭ މި އޮފީސްތަކަކީ ރައީސުލްޖުމްހޫރިއްޔާގެ އޮފީހުގެ ދަށުން ހިންގާ، ރައްޔިތުންގެ މައްސަލަތަކަށް ހައްލު ހޯދައިދިނުމަށް ގާއިމުކުރި ތަންތަނެވެ.

ރިއަލް އެސްޓޭޓު ބިލު މަޖިލީހަށް ބަލައިގަނެފި

މި ބިލު ބަލައިގަންނަން ވޯޓު ދިނީ 42 މެންބަރުން. ބިލާ ދެކޮޅަށް ވޯޓު ދެއްވީ އެމްޑީޕީގެ 13 މެންބަރުން. މި ބިލު ދިރާސާކުރާނީ ގައުމީ ތަރައްގީ އާއި ތަރިކައިގެ ކޮމިޓީން. މިއީ ގާނޫނުއަސާސީގެ ހިމާޔަތްތައް ނައްތާލައި، ތާއަބަދަށް ނުވަތަ ހުސްނުވާ ގޮތަށް ބޭރު މީހުންނަށް ބިން މިލްކުކުރެވޭނެ ގޮތް ހެދުމަށް އިންތިޒާމުތަކެއް ހިމަނާފައިވާ ބިލެއް

ބޮޑެތި ޖޫރިމަނާތަކެއް ހިމަނާފައިވާ އަބުރުގެ ބިލު ކޮމިޓީއަށް

ސޯޝަލް މީޑިއާގައި މީހެއްގެ އަބުރާ ބެހޭ ފަދަ ޕޯސްޓެއް ހިއްސާކޮށްފިނަމަ 5 ލައްކަ ރުފިޔާއާ ހަމައަށް ޖޫރިމަނާ ކުރެވޭ ގޮތަށް ހުށަހެޅި އަބުރުގެ ބިލު މަޖިލީހަށް ބަލައިގަނެ ކޮމިޓީއަށް ފޮނުވައިފިއެވެ. މި ބިލުގައި ބަހާއި، ފޮޓޯއާއި، އިޝާރާތް އަދި ފިލްމު ފަދަ ވަސީލަތްތައް މެދުވެރިކޮށް އަބުރާ ބެހުމުގެ ދައުވާ ކުރެވޭނެ ގޮތްތައް ބަޔާންކޮށްފައިވެއެވެ.

މަރުގެ އަދަބު ތަންފީޒު ކުރާ ބިލު ބަލައިގެންފި

ދަންޖައްސައިގެން މަރުގެ އަދަބު ތަންފީޒުކުރާ ގޮތަށް ސަރުކާރުން ހުށަހެޅި ބިލު ރައްޔިތުންގެ މަޖިލީހަށް މިއަދު ބަލައިގެންފިއެވެ. މި ބިލުގައި މަރުގެ އަދަބު ތަންފީޒުކުރާނެ ގޮތާއި، އެކަން ހިންގާނެ ޕެނަލެއް އެކުލަވާލުމުގެ އިތުރުން، ބަލިވެއިނުމާއި ދަރިފުޅަށް ދެ އަހަރު ފުރުން ފަދަ އަދަބު ތަންފީޒުނުކުރެވޭނެ ހާލަތްތައް ބަޔާންކޮށްފައިވެއެވެ.

ތިން ކުންފުންޏެއްގެ މަނީ އެކްސްޗޭންޖު ލައިސަންސް ބާތިލްކޮށްފި

މަނީ ޗޭންޖިން ގަވާއިދާ ތަކުރާރުކޮށް ހިލާފުވި ތިން ކުންފުންޏެއްގެ ލައިސަންސް އެމްއެމްއޭ އިން ބާތިލުކޮށް، އެ ކުންފުނިތައް ބޮޑެތި އަދަދުތަކުން ޖޫރިމަނާކޮށްފިއެވެ. މި ފިޔަވަޅަކީ ބޭރު ފައިސާގެ ބާޒާރު ކޮންޓްރޯލްކޮށް، ގަވާއިދާ ހިލާފު މުއާމަލާތްތައް ހުއްޓުވުމަށް އެމްއެމްއޭ އިން ކުރަމުންދާ މަސައްކަތުގެ ތެރެއިން އެޅި ފިޔަވަޅެކެވެ.

Newsletter

Get the latest news delivered straight to your inbox