"ލޫޓުވާލައިފި" ނަމުގައި އިދިކޮޅު އެމްޑީޕީން މާދަމާ ރޭ ބާއްވާ މުޒާހަރާއާ ގުޅިގެން ފުލުހުންނާއި ސިފައިންގެ އިސްވެރިންގެ ކުއްލި ބައްދަލުވުމެއް ސިފައިންގެ މައި މަރުކަޒު، ބަންޑާރަ ކޮށީގައި މިއަދު ބާއްވައިފި އެވެ.
އަދަދު އަށް އެނގިފައިވާ ގޮތުގައި އެ ބައްދަލުވުމުގައި ހޯމް މިނިސްޓަރު، އަލީ އިހުސާން އާއި ޑިފެންސް މިނިސްޓަރު، ޣައްސާން މައުމޫންގެ އިތުރުން ފުލުހުންނާއި ސިފައިންގެ އިސްވެރިން ބައިވެރިވެވަޑައިގަތެވެ.
އެ ބައްދަލުކުރެއްވުމުގައި މާދަމާ މުޒާހަރާގެ ސަލާމަތީ ކަންކަން ކަށަވަރު ކުރުމާ ގުޅޭ ގޮތުން މަޝްވަރާކޮށްފައިވާ ކަމަށް މި ނޫހަށް މައުލޫމާތު ލިބެ އެވެ.
މުޒާހަރާގައި ބައިވެރިވުމަށް ރާއްޖޭގެ އެކި ރަށްރަށުން މީހުން މާލެ އަންނަން ވަނީ ފަށައިފަ އެވެ. އެމްޑީޕީން ބުނާގޮތުގައި ރަށްރަށުން ގިނަ އަދަދެއްގެ މީހުން މުޒާހަރާއާ ގުޅުމަށް މާލެ އައުމަށް ވަނީ ހަމަޖެހިފަ އެވެ.
އެމްޑީޕީން އެދެނީ އެ މުޒާހަރާއަކީ ވަކި ޕާޓީއެއްގެ މުޒާހަރާއެއް ގޮތަށް ނުބަލައި ސަރުކާރު ޖަވާބުދާރީ ކުރުވުމުގެ ގޮތުން ކުރާ މަސައްކަތުގައި ވީހާވެސް ގިނަ ބަޔަކު ގުޅުމަށް ދައުވަތު ދީފަ އެވެ.
މާދަމާގެ މުޒާހަރާގައި ވީހާވެސް ގިނަ ބަޔަކު ބައިވެރިވުމަށް ކުރީގެ ރައީސް މުހައްމަދު ނަޝީދާއި ކުރީގެ ރައީސް އިބްރާހިމް މުހައްމަދު ސޯލިހު ވެސް ވަނީ ގޮވާލައްވާފަ އެވެ.
އެމްޑީޕީގެ މުޒާހަރާ މާދަމާ ރޭ ފަށާނީ 8:30 ގައި އާޓިފިޝަލް ބީޗުގަ އެވެ.
