މިހާރު ކުރިއަށްދާ ޔޫގާންޑާ އިންޓަނޭޝަނަލް ޗެލެންޖް 2025 ގެ ފިރިހެން ޑަބަލްސް ކުއާޓާ ފައިނަލުން ޒަޔާން ޒަކީ އާއި ނިބާލް އަހުމަދު ޖާހަ ހޯދިއިރު، އަންހެން ޑަބަލްސްގެ ކުއާޓާ އިން އައިމިނަތު ނަބީހާ (ނަބީ) އާއި ފާތިމަތު ނަބާހާ (ނަބާ) ޖާގަ ހޯދައިފި އެވެ.

ނަބާ އާއި ނަބީގެ ޕެއާ ގަދަ 16 ބުރުގައި ވާދަކުރީ، އިންޑިއާގެ ޕްރަނީކާ ހޯލްކަރު އާއި މަނީޝާގެ ޕެއާއާ އެވެ. އެ މެޗުން ނަބާ އާއި ނަބީގެ ޕެއާ މޮޅުވީ، 21-17، 21-19 އިންނެވެ. ކުއާޓާ ފައިނަލުގައި ނަބީ އާއި ނަބާގެ ޕެއާ ވާދަކުރަނީ، ސްވިޒަލެންޑްގެ ލޫސީ އަމިގޭ އާއި ކެރޮލީން ރަކްލޯޒްއާ އެވެ.

ފިރިހެން ޑަބަލްސްގައި، ޒަޔާން އާއި ނިބާލްގެ ޕެއާ ވަނީ ގަދަ 16 ބުރުގައި، ސައުދީ އަރަބިއްޔާގެ ގަހުތާން އަލަބީދީ އާއި ޔަޒާން ސައިގްގެ ޕެއާ އަތުން 21-16، 21-16 އިން މޮޅުވެފަ އެވެ. ކުއާޓާ ފައިނަލުގައި ޒަޔާން އާއި ނިބާލްގެ ޕެއާ ބައްދަލުކުރާނީ، އިންޑިއާގެ ޑިންކޫ ސިންގް އާއި އަމާން މުހައްމަދުގެ ޕެއާއާ އެވެ.

ފިރިހެން ސިންގަލްސްގެ ކޮލިފިކޭޝަން ބައިގައި، ހަސަން ޒަޔާންގެ ފުރަތަމަ މެޗު ވޯކްއޯވާ ވިއިރު، ދެ ވަނަ މެޗުން އޭނާ ވަނީ ތިން ސެޓު ކުޅެގެން، ޒެމްބިއާގެ ޗޮންގޯ އެޒްރާ އަތުން ބަލިވެފަ އެވެ. ސެޓުތައް ދިޔައީ، 23-25، 21-06 އަދި 21-10 އިންނެވެ. ފިރިހެން ސިންގަލްސް ކޮލިފިކޭޝަންގައި، ޒަޔާން ޒަކީ ވަނީ ޔޫގާންޑާގެ ގުނަ ކުޝަލް އަތުން ތިން ސެޓު ކުޅެގެން، 14-21، 21-14 އަދި 21-11 އިން ބަލިވެފަ އެވެ. އަދި، ނިބާލް ވަނީ ފުރަތަމަ މެޗުން ޑެނިސް މުކާސާ އަތުން 21-14، 21-10 އިން މޮޅުވެފަ އެވެ. އެކަމަކު، ދެން ކުޅުނު މެޗުން، ޔޫއޭއީގެ ދޭވް ވިޝްނޫ އަތުން 21-18، 21-18 އިން ބަލިވެފަ އެވެ.

އަންހެން ސިންގަލްސްގައި ނަބީ އަތުން ތުރުކީގެ ނެސްލިހާން އަރީން މޮޅުވީ، 21-10، 21-13 އިންނެވެ. އަދި ، ގަދަ 16 ބުރުގައި، އިންޑިއާގެ އިރާ ޝަރްމާ މޮޅުވީ، 21-13، 21-09 އިންނެވެ. ނަބާ ވަނީ ފުރަތަމަ މެޗުން، ޔޫގާންޑާގެ ވެރޯން ސަދާތު އަތުން 12-21، 03-21 އިންނެވެ.