ރައީސް ވިދާޅުވީ ރާއްޖެއިން އައިއެމްއެފްގެ ޕްރޮގްރާމަކަށް ނުދާނެ ކަމަށް

ރައީސް ޑރ. މުހައްމަދު މުއިއްޒު މިފަހުން އދ. ގެ އާންމު މަޖިލީހުގެ ޖަލްސާގައި ބައިވެރިވާން ކުރެއްވި ދަތުރުގެ ތެރެއިން: ރާއްޖެ ސޮވަރިން ޑިފޯލްޓަކަށް ނުދާނެ ކަމުގެ ޔަގީންކަން އަރުވަމުން ރައީސް ވިދާޅުވީ "ހޯމް-ގްރޯން" އެޖެންޑާއެއް އެބައޮތް ކަމަށް -- ފޮޓޯ: ރައީސް އޮފީސް

ރައީސް ޑރ. މުހައްމަދު މުއިއްޒު މިފަހުން އދ. ގެ އާންމު މަޖިލީހުގެ ޖަލްސާގައި ބައިވެރިވާން ކުރެއްވި ދަތުރުގެ ތެރެއިން: ރާއްޖެ ސޮވަރިން ޑިފޯލްޓަކަށް ނުދާނެ ކަމުގެ ޔަގީންކަން އަރުވަމުން ރައީސް ވިދާޅުވީ "ހޯމް-ގްރޯން" އެޖެންޑާއެއް އެބައޮތް ކަމަށް -- ފޮޓޯ: ރައީސް އޮފީސް

ބޭރު ފައިސާގެ ދަތިކަމާ ގުޅިގެން ދަރަނި ދެއްކިދާނެ ކަމާމެދު ބޭރުގެ އިދާރާތަކުގެ ކަންބޮޑުވުން ހުރި ނަމަވެސް، އިންޓަނޭޝަނަލް މަނިޓަރީ ފަންޑު (އައިއެމްއެފް) ގެ ޕްރޮގްރާމަކަށް ނުދާނެ ކަމަށް ރައީސް ޑރ. މުހައްމަދު މުއިއްޒު ވިދާޅުވެއްޖެ އެވެ.

އިނގިރޭސިވިލާތުގެ "ބީބީސީ" އަށް ދެއްވި އިންޓަވިއުއެއްގައި ރައީސް މިހެން ވިދާޅުވީ, މޫޑީސްއިން ރާއްޖޭގެ ދައުލަތުގެ ކްރެޑިޓު ރޭޓިން "ސީއޭއޭ-2" ދަށްކުރުމާ ގުޅިގެން ކުރި ސުވާލަކަށް ޖަވާބު ދެއްވަމުންނެވެ. މިއީ ދަރަނި ނުދެއްކުމުގެ ހިރާސް ބޮޑުކަމަށް ބަލައި، މޫޑީސްއިން ދީފައިވާ ރޭޓިންއެކެވެ.

ރައީސްގެ ޖަވާބުގައި، ރާއްޖެއިން ސޮވަރިން ޑީފޯލްޓަކަށް ނުދާނެ ކަމުގެ ޔަގީންކަން ދެމުން ވިދާޅުވީ ދަރަނީގެ ކަންކަން މެނޭޖުކުރަން "ހޯމް-ގްރޯން އެޖެންޑާ" އެއް އެބަ އޮތް ކަމަށެވެ. އެމަނިކުފާނު އެ އިޝާރާތްކުރެއްވީ ސަރުކާރުގެ ހަރަދުތައް ކުޑަކުރަން ފަށައިގެން އުޅޭ ކަމަށް ބުނާ ޕްރޮގްރާމަށެވެ.

ސަރުކާރުގެ ހަރަދު ކުޑަކުރުމުގެ އެޖެންޑާގައި ހިމެނޭ ކަންކަމުގެ ތެރޭގައި ސަބްސިޑީ ނިޒާމާއި އާސަންދަ ރިފޯމުކުރުމާއި ސަރުކާރު ކުންފުނިތައް ރިފޯމުކުރުމުގެ އިތުރުން ސިޔާސީ މަގާމުތައް މަދުކޮށް، އިސްރާފު ހަރަދުތައް ކުޑަކުރުން ހިމެނެ އެވެ. އޭގެ އިތުރުން އާމްދަނީ އިތުރުކުރަން އިގުތިސޯދީ ހަރަކާތްތައް، ހާއްސަކޮށް ބޭރު ފައިސާ ލިބޭ ސިނާއަތްތައް، ފެށުމާއި ފުޅާކުރުން ހިމެނެ އެވެ.

ހަރަދު ކުޑަކުރުމާއި އާމްދަނީ އިތުރުކުރުމުގެ މަސައްކަތްތުން ދަރަނި ދެއްކުމުގެ ހިރާސް ކުޑަކުރެވޭނެ ކަމަށް ރައީސް ވިދާޅުވި ނަމަވެސް، މިހާތަނަށް މި ސިޔާސަތުތަކުގެ ތެރެއިން ގިނަ ކަންކަން ނުކުރެވެ އެވެ.

އެގޮތުން ސަބްސިޑީ އާއި އާސަންދަ ރިފޯމު ކުރަން ދިން ތާރީހުތަކަށް އެކަން ނުކުރެ އެވެ. ނަމަވެސް ސަރުކާރު ކުންފުނިތައް ރިފޯމުކުރުމުގެ މަސައްކަތް ކުރިއަށް އެބަދެ އެވެ. އަދި އިގުތިސޯދީ ހަރަކާތްތައް އިތުރުކުރަން ކުރެވޭ މަސައްކަތުގެ ދަށުން ބަންކަރިން ހިދުމަތް ފަށައިފި އެވެ.

އޭގެ އިތުރުން ސަރުކާރުން ވަނީ ބޭރު ފައިސާ އާމްދަނީ އިތުރުކުރުމުގެ ގޮތުން ބައެއް ޓެކްސްތައް މުރާޖާކުރަން ނިންމާފައިވާ ކަން ވެސް އިއުލާންކޮށްފަ އެވެ. އޭގެ ތެރޭގައި އެއާޕޯޓުން ފުރާ ފަސިންޖަރުން އަތުން ނަގާ ޑިޕާޗާ ޓެކްސް އިތުރުކުރުން ހިމެނެ އެވެ. މިފަހުން ސަރުކާރުން ވަނީ ޑޮލަރުން އާމްދަނީ ލިބޭ މީހުން ޑޮލަރުން ޓެކްސް ދައްކާ ގޮތަށް ވެސް ގަވާއިދުތައް ބަދަލުކޮށްފަ އެވެ.

ބޭރު ފައިސާއާ ގުޅޭ ކަންކަމަށް ދެން ގެނައި ބަދަލަކީ، ރިސޯޓުތަކުން ލިބޭ އާމްދަނީ އެއްކޮށް ރާއްޖޭގެ ބޭންކުތަކަށް ޖަމާކުރަން މަޖުބޫރުކުރުމާއި ރާއްޖެ އަންނަ ކޮންމެ ޓޫރިސްޓަކަށް ވަކި ވަރެއް ބޭންކުތަކުން މާރުކުރަން މަޖުބޫރުކުރުމެވެ.

ކޮމެންޓް

ފަހުގެ ޚަބަރު

ބޮޑެތި ހުރިހާ މަޝްރޫއެއް ވަނީ މަޑުޖެހިފައި: މުއިއްޒު

ދަރަނި ދެއްކުމަށާއި ޒަރޫރީ ޚިދުމަތްތަކަށް އިސްކަންދިނުމުގެ ސަބަބުން، އުމްރާނީ ތަރައްގީގެ ބޮޑެތި މަޝްރޫއުތައް މަޑުޖެހިފައިވާ ކަމަށް ރައީސް މުއިއްޒު އެއްބަސްވެވަޑައިގެންނެވި. މިކަން މިގޮތަށް ދިމާވީ ދުނިޔޭގެ ބާޒާރުގައި ތެލުގެ އަގު އުފުލުމާއި ފަތުރުވެރިން އަންނަ މިންވަރު މަދުވުމުން ފިސްކަލް މެނޭޖްމަންޓަށް ބަދަލު ގެނައުމުން ކަމަށް އެމަނިކުފާނު ވިދާޅުވި.

މިރޭގެ ޖަލްސާއަށް އެއްލައްކަ މެންބަރުން ހަމަނުކުރެވުނު

ޕީއެންސީގެ މެންބަރުންގެ އަދަދު އެއްލައްކައަށް އިތުރުކުރުމަށް ހިފި އަމާޒަށް މިރޭގެ ޖަލްސާއާ ހަމައަށް ވާސިލުނުވެވުމުން، އެ އަމާޒު ހާސިލުކުރުމުގެ ވަގުތު މިރޭ މެންދަމު 12 އާ ހަމައަށް ވަނީ އިތުރުކޮށްފައި. އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި އެ ޕާޓީއަށް އެއްލައްކަ ހަމަވާން އަދި 1,992 މެންބަރުން އިތުރަށް ބޭނުންވޭ.

ހުޅުމާލޭގައި އަޅާ ކޯޓު ކޮމްޕްލެކްސްގެ ބިންގާ އަޅައިފި

އެމްޓީސީސީއާ ހަވާލުކޮށްގެން ކުރިއަށްގެންދާ މި މަޝްރޫއަކީ ޝަރުއީ ދާއިރާގެ ހިންގުން އެއް ފުރާޅެއްގެ ދަށަށް ގެނެސް، ކޯޓުތަކަށް ދިމާވެފައިވާ ޖާގައިގެ ދަތިކަން ހައްލުކުރުމަށް ފެށި 699.8 މިލިއަން ރުފިޔާގެ މަޝްރޫއެއް. މި އިމާރާތުގައި ހައިކޯޓާއި ސުޕީރިއާ ކޯޓުތަކުގެ އިތުރުން ޑީޖޭއޭގެ އޮފީސް ވެސް ހިންގުމަށް ވަނީ ހަމަޖެހިފަ.

ޕީއެންސީއަށް 100،000 މެންބަރުން މުވައްޒަފުންނަށް މަޖުބޫރުކުރަނީ

ޕީއެންސީގެ މެންބަރުންގެ އަދަދު އެއްލައްކައަށް ހަމަކުރުމަށްޓަކައި، ސަރުކާރު ކުންފުނިތަކުގެ މުވައްޒަފުންނަށް މަޖުބޫރުކޮށް ވަޒީފާގެ ބިރުދައްކަމުންދާކަމުގެ ޝަކުވާތައް ވަނީ ބޮޑުވެފައެވެ. މި އަމާޒަށް ވާސިލުވުމަށް އެހެން ޕާޓީތަކުގެ މެންބަރުން ޕީއެންސީއަށް ބަދަލުވުމަށް އަންގަމުންދާއިރު، މެންބަރުން އިތުރުކުރުމަށް ފައިސާ ބަހާކަމުގެ ތުހުމަތުތައްވެސް ވަނީ ފެންމަތިވެފައެވެ.

މުވައްޒަފުންނަށް ސިޔާސީ މަޖުބޫރުކުރުން ކުށަކަށް ހަދާ ބިލެއް

ސަރުކާރު ކުންފުނިތަކުގެ މުވައްޒަފުންނަށް ސިޔާސީ މަޖުބޫރުކުރުން ޖިނާއީ ކުށަކަށް ހަދަން ވަޒީފާއާބެހޭ ގާނޫނަށް އިސްލާހު ހުށަހަޅައިފި. މީކާއީލް ނަސީމް ހުށަހެޅުއްވި މި ބިލުގެ މަގްސަދަކީ މުވައްޒަފުންގެ ސިޔާސީ މިނިވަންކަން ހިމާޔަތްކޮށް، ވަކި ޕާޓީއަކަށް ވަނުމަށް ނުވަތަ ހަރަކާތްތަކުގައި ބައިވެރިވުމަށް ނުފޫޒު ފޯރުވުން ހުއްޓުވުން.

ސިޓިޒެންސް ޕޯޓަލް ދެވަނަ ފަހަރަށް އިފްތިތާހުކޮށްފި

ރައީސް މުއިއްޒަށް ރައްޔިތުންގެ ޝަކުވާތަކާއި ޚިޔާލުތައް ސީދާ ހުށަހެޅޭ ގޮތަށް "ސިޓިޒެންސް ވޮއިސް" ޕޯޓަލް ދެވަނަ ފަހަރަށް ވަނީ އިފްތިތާހުކޮށްފައި އީ-ފާސް މެދުވެރިކޮށް ވަދެވޭ މި ޕޯޓަލްގެ ހިދުމަތް މިވަގުތު ވެބްސައިޓުން ލިބުނު ނަމަވެސް، ކުރިއަށް އޮތްތަނުގައި މޯބައިލް އެޕްލިކޭޝަނެއް ތައާރަފުކުރުމަށް ވަނީ ނިންމާފައި.

"މިހާރު ފެށެން މި އުޅެނީ ރާއްޖޭގެ މިނިވަންކަން ނިމުމުގެ ފެށުން"

ރަސްމާލެ މަޝްރޫއުގެ ދަށުން ބޭރުގެ ފަރާތްތަކާއި ޒަޔަނިސްޓުން ރާއްޖޭގައި ވަޒަންވެރިކުރުވަން ފަށައިފިނަމަ، ގައުމުގެ މިނިވަންކަން ގެއްލިދާނެ ކަމަށާއި، މި މަޝްރޫއުގެ މާލީ ތަފްސީލުތައް ކަމާބެހޭ އިދާރާތަކަށް ނޭނގޭއިރު، މިއީ މަދު ބައެއްގެ މެދުގައި ސިއްރުވެފައިވާ ކަމެއްކަމަށް ގާނޫނީ ވަކީލު އަލީ ހުސައިން ވިދާޅުވެއްޖެ.

Newsletter

Get the latest news delivered straight to your inbox