މުއިއްޒުގެ ޝުކުރު އިންޑިއާއަށް، ޑޯނިއާގައި ބަލި މީހުން އުފުލަން ފަށައިފި

ރާއްޖޭގައި އޮންނަ އިންޑިއާގެ ޑޯނިއާ އުޅަނދު: އެ އުޅަނދު ބޭނުންކޮށްގެން އަނެއްކާވެސް ބަލިމީހުން އުފުލަން ފަށައިފި --- ފޮޓޯ: އެމްއެންޑީއެފް

ރާއްޖޭގައި އޮންނަ އިންޑިއާގެ ޑޯނިއާ އުޅަނދު: އެ އުޅަނދު ބޭނުންކޮށްގެން އަނެއްކާވެސް ބަލިމީހުން އުފުލަން ފަށައިފި --- ފޮޓޯ: އެމްއެންޑީއެފް

ރާއްޖޭގައި އޮންނަ އިންޑިއާގެ ޑޯނިއާ މަތިންދާ ބޯޓުން ބަލި މީހުން އުފުލުން ހުއްޓާލާފައި އޮތުމަށް ފަހު، މިރޭ އެ ބޯޓު ބޭނުންކުރަން ފަށާފައިވާ ކަމަށް ރައީސް ޑރ. މުހައްމަދު މުއިއްޒު ވިދާޅުވެއްޖެ އެވެ.

އިންޑިއާ އަސްކަރިއްޔާ ރާއްޖޭން ފޮނުވާލާނެ ކަމުގެ ވައުދު ރައީސް މުއިއްޒު ފުރިހަމައަށް ފުއްދެވުމުގެ ބަދަލުގައި، ނިންމެވީ ޑޯނިއާ މަތިންދާ ބޯޓާއި ހެލިކޮޕްޓަރުތައް ދުއްވަން އަސްކަރީ ޔުނިފޯމުގައި ތިބި އިންޑިއާ ސިފައިންގެ ބަދަލުގައި، އިންޑިއާ އަސްކަރިއްޔާގެ ކޮންޓްރޯލް އޮންނަ ހިންދުސްތާން އޭރޮނެޓިކްސް ކުންފުނީގެ މުވައްޒަފުން ގެނައުމަށެވެ. އެއީ މަދަނީން ކަމަށް ރައީސް މުއިއްޒާއި ދިވެހި ސަރުކާރުން ބުނާއިރު، އިންޑިއާއިން ބުނަނީ އެއީ ގާބިލް ޓެކްނިކަލް މީހުން ކަމަށެވެ.

މަތިންދާ ބޯޓާއި ހެލިކޮޕްޓަރުތައް ދުއްވަން ތިބި އަސްކަރީ ޔުނިފޯމު އެޅި މީހުން ބަދަލުކުރިޔަސް، ބަލި މީހުން އުފުލުމަށާއި ސާވިއަލަންސްއަށް އެ އުޅަނދުތައް ބޭނުން ކުރުން އޮތީ ހުއްޓާލައިފަ އެވެ.

ނަމަވެސް އަލުން އެ އުޅަނދުތަކުގައި ބަލި މީހުން އުފުލަން ފެށިކަމަށް ރައީސް މުއިއްޒު އިއުލާނު ކުރެއްވީ، މިރޭ މާލޭގެ ޒުވާނުންގެ މަރުކަޒުގައި ބޭއްވި ރާއްޖޭގެ ފަހުރުވެރި 59 ވަނަ މިނިވަންދުވަހުގެ ރަސްމީ ޖަލްސާގަ އެވެ.

އެ މަނިކުފާނު ވިދާޅުވީ ބަލި މީހަކު ގޮވައިގެން ޑޯނިއާ މަތިންދާ ބޯޓު މިރޭ މާލެ އާއީ ހދ. ހަނިމާދޫއިން ކަމަށެވެ. އެކަމަށްޓަކައި އިންޑިއާ ސަރުކާރަށް މުއިއްޒު ޝުކުރު ވެސް އަދާކުރެއްވި އެވެ.

ޑޯނިއާ މަތިންދާ ބޯޓާއެކު ހަނިމާދޫގައި އިންޑިއާގެ މީހުން ތިބޭއިރު، ހެލިކޮޕްޓަރު ދުއްވަން ލ. ކައްދޫ އާއި ސ. ގަމުގައި ވެސް އިންޑިއާ މީހުން ތިބެ އެވެ. އެ ރަށްތަކުގައި އިންޑިއާގެ 76 މީހުން އެބަ ތިއްބެވެ.

ޑޯނިއާއިން ބަލިމީހުން އުފުލަން އަލުން ފަށާފައިވާއިރު، ކައްދޫ އަދި އައްޑޫގައި އޮންނަ އިންޑިއާ އަސްކަރިއްޔާގެ ހެލިކޮޕްޓަރުތައް ގަވާއިދުން އުދުއްސަމުން ގެންދެ އެވެ. އެކަމާ ގުޅިގެން ސަރުކާރުން ބަހެއް ނުބުނެ އެވެ.

ޑޯނިއާ މަތިންދާ ބޯޓު އަލުން ބޭނުންކުރަން ފެށިއިރު، މީގެ ކުރިން ދިމާވި ސިއްހީ ކުއްލި ހާލަތްތަކުގައި ހެލިކޮޕްޓަރާއި ޑީނިއާ މަތިންދާ ބޯޓު ބޭނުން ނުކުރާތީވެ، އާންމުންގެ ފާޑުކިޔުން ވެސް ސަރުކާރަށް ރައްދުކުރި އެވެ.

އިތުރަށް ކިޔާލަން

ކޮމެންޓް

ފަހުގެ ޚަބަރު

ބޮޑެތި ހުރިހާ މަޝްރޫއެއް ވަނީ މަޑުޖެހިފައި: މުއިއްޒު

ދަރަނި ދެއްކުމަށާއި ޒަރޫރީ ޚިދުމަތްތަކަށް އިސްކަންދިނުމުގެ ސަބަބުން، އުމްރާނީ ތަރައްގީގެ ބޮޑެތި މަޝްރޫއުތައް މަޑުޖެހިފައިވާ ކަމަށް ރައީސް މުއިއްޒު އެއްބަސްވެވަޑައިގެންނެވި. މިކަން މިގޮތަށް ދިމާވީ ދުނިޔޭގެ ބާޒާރުގައި ތެލުގެ އަގު އުފުލުމާއި ފަތުރުވެރިން އަންނަ މިންވަރު މަދުވުމުން ފިސްކަލް މެނޭޖްމަންޓަށް ބަދަލު ގެނައުމުން ކަމަށް އެމަނިކުފާނު ވިދާޅުވި.

މިރޭގެ ޖަލްސާއަށް އެއްލައްކަ މެންބަރުން ހަމަނުކުރެވުނު

ޕީއެންސީގެ މެންބަރުންގެ އަދަދު އެއްލައްކައަށް އިތުރުކުރުމަށް ހިފި އަމާޒަށް މިރޭގެ ޖަލްސާއާ ހަމައަށް ވާސިލުނުވެވުމުން، އެ އަމާޒު ހާސިލުކުރުމުގެ ވަގުތު މިރޭ މެންދަމު 12 އާ ހަމައަށް ވަނީ އިތުރުކޮށްފައި. އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި އެ ޕާޓީއަށް އެއްލައްކަ ހަމަވާން އަދި 1,992 މެންބަރުން އިތުރަށް ބޭނުންވޭ.

ހުޅުމާލޭގައި އަޅާ ކޯޓު ކޮމްޕްލެކްސްގެ ބިންގާ އަޅައިފި

އެމްޓީސީސީއާ ހަވާލުކޮށްގެން ކުރިއަށްގެންދާ މި މަޝްރޫއަކީ ޝަރުއީ ދާއިރާގެ ހިންގުން އެއް ފުރާޅެއްގެ ދަށަށް ގެނެސް، ކޯޓުތަކަށް ދިމާވެފައިވާ ޖާގައިގެ ދަތިކަން ހައްލުކުރުމަށް ފެށި 699.8 މިލިއަން ރުފިޔާގެ މަޝްރޫއެއް. މި އިމާރާތުގައި ހައިކޯޓާއި ސުޕީރިއާ ކޯޓުތަކުގެ އިތުރުން ޑީޖޭއޭގެ އޮފީސް ވެސް ހިންގުމަށް ވަނީ ހަމަޖެހިފަ.

ޕީއެންސީއަށް 100،000 މެންބަރުން މުވައްޒަފުންނަށް މަޖުބޫރުކުރަނީ

ޕީއެންސީގެ މެންބަރުންގެ އަދަދު އެއްލައްކައަށް ހަމަކުރުމަށްޓަކައި، ސަރުކާރު ކުންފުނިތަކުގެ މުވައްޒަފުންނަށް މަޖުބޫރުކޮށް ވަޒީފާގެ ބިރުދައްކަމުންދާކަމުގެ ޝަކުވާތައް ވަނީ ބޮޑުވެފައެވެ. މި އަމާޒަށް ވާސިލުވުމަށް އެހެން ޕާޓީތަކުގެ މެންބަރުން ޕީއެންސީއަށް ބަދަލުވުމަށް އަންގަމުންދާއިރު، މެންބަރުން އިތުރުކުރުމަށް ފައިސާ ބަހާކަމުގެ ތުހުމަތުތައްވެސް ވަނީ ފެންމަތިވެފައެވެ.

މުވައްޒަފުންނަށް ސިޔާސީ މަޖުބޫރުކުރުން ކުށަކަށް ހަދާ ބިލެއް

ސަރުކާރު ކުންފުނިތަކުގެ މުވައްޒަފުންނަށް ސިޔާސީ މަޖުބޫރުކުރުން ޖިނާއީ ކުށަކަށް ހަދަން ވަޒީފާއާބެހޭ ގާނޫނަށް އިސްލާހު ހުށަހަޅައިފި. މީކާއީލް ނަސީމް ހުށަހެޅުއްވި މި ބިލުގެ މަގްސަދަކީ މުވައްޒަފުންގެ ސިޔާސީ މިނިވަންކަން ހިމާޔަތްކޮށް، ވަކި ޕާޓީއަކަށް ވަނުމަށް ނުވަތަ ހަރަކާތްތަކުގައި ބައިވެރިވުމަށް ނުފޫޒު ފޯރުވުން ހުއްޓުވުން.

ސިޓިޒެންސް ޕޯޓަލް ދެވަނަ ފަހަރަށް އިފްތިތާހުކޮށްފި

ރައީސް މުއިއްޒަށް ރައްޔިތުންގެ ޝަކުވާތަކާއި ޚިޔާލުތައް ސީދާ ހުށަހެޅޭ ގޮތަށް "ސިޓިޒެންސް ވޮއިސް" ޕޯޓަލް ދެވަނަ ފަހަރަށް ވަނީ އިފްތިތާހުކޮށްފައި އީ-ފާސް މެދުވެރިކޮށް ވަދެވޭ މި ޕޯޓަލްގެ ހިދުމަތް މިވަގުތު ވެބްސައިޓުން ލިބުނު ނަމަވެސް، ކުރިއަށް އޮތްތަނުގައި މޯބައިލް އެޕްލިކޭޝަނެއް ތައާރަފުކުރުމަށް ވަނީ ނިންމާފައި.

"މިހާރު ފެށެން މި އުޅެނީ ރާއްޖޭގެ މިނިވަންކަން ނިމުމުގެ ފެށުން"

ރަސްމާލެ މަޝްރޫއުގެ ދަށުން ބޭރުގެ ފަރާތްތަކާއި ޒަޔަނިސްޓުން ރާއްޖޭގައި ވަޒަންވެރިކުރުވަން ފަށައިފިނަމަ، ގައުމުގެ މިނިވަންކަން ގެއްލިދާނެ ކަމަށާއި، މި މަޝްރޫއުގެ މާލީ ތަފްސީލުތައް ކަމާބެހޭ އިދާރާތަކަށް ނޭނގޭއިރު، މިއީ މަދު ބައެއްގެ މެދުގައި ސިއްރުވެފައިވާ ކަމެއްކަމަށް ގާނޫނީ ވަކީލު އަލީ ހުސައިން ވިދާޅުވެއްޖެ.

Newsletter

Get the latest news delivered straight to your inbox